الدىڭعى 10 ايدا شينجياڭنىڭ كولەمنەن جوعارى ونەركاسىبىنىڭ ارتقان قۇنى سايكەس مەزگىلدەگىدەن ％1. 7 ارتتى
ارتۋ قارقىنى بۇكىل ەلدىكىنەن 1. 3 پايىز جوعارى بولدى
انار بۇلت \ شينجياڭ گازەتىنىڭ ءتىلشىسى ما ينيڭ 11 - ايدىڭ 23 - كۇنى ۇرىمجىدەن حابارلايدى. 1 - ايدان 10 - ايعا دەيىن شينجياڭ ونەركاسىبى العان بەتىنەن قايتپايتىن ارىنمەن ەكونوميكانىڭ ورنىقتى ارتۋىن ىلگەرىلەتتى، كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％1. 7 ارتىپ، ارتۋ قارقىنى بۇكىل ەلدىكىنەن 1. 3 پايىز جوعارى بولدى.
بيىل اۆتونوميالى رايون ەنەرگيا ءوندىرۋ سەرپىنىن ۇزدىكسىز كۇشەيتكەندىكتەن، ونەركاسىپ ءوندىرىسى ورنىقتى ارتتى. 1 - ايدان 10 - ايعا دەيىن شينجياڭ كەن اشۋ كاسىبىنىڭ ارتقان قۇنى سايكەس مەزگىلدەگىدەن ％6. 11 ارتتى، جاساۋ كاسىبىنىڭ ارتقان قۇنى ％7. 3 ارتتى، ەلەكتر، جىلۋ، جانار گاز، سۋ ءوندىرۋ جانە قامداۋ كاسىبىنىڭ ارتقان قۇنى ％6. 9 ارتتى. ونەركاسىپ ەكونوميكاسىنىڭ الدىڭعى كورسەتكىشىنە ۋاكىلدىك ەتەتىن شينجياڭ تەمىر جولىنىڭ زات جونەلتۋ مولشەرى، تاس جول زات تاسىمال مولشەرى، ەلەكتر تاراتۋ مولشەرى، بۇكىل قوعامنىڭ ەلەكتردەن پايدالانۋ مولشەرى تۇگەلدەي سايكەس مەزگىلدەگىدەن ارتتى. ءتۇيىندى ونەركاسىپ سالاسىندا كومىر سالاسى ۇزدىكسىز ورنىقتى ارتتى؛ مۇناي، حيميا ونەركاسىپ، ءتۇستى مەتال، ەلەكتر قۋاتى، قۇرىلىس ماتەريالدارى سالاسى ورنىقتى ارتۋدى ساقتادى.
”8 - ايدان باستاپ ىندەتتىڭ ىقپالىنا ۇشىراعاندىقتان، شينجياڭ ونەركاسىپ ەكونوميكاسىنىڭ ارتۋ قارقىنى ءسال قايتا تومەندەگەنىمەن، اۆتونوميالى رايون ەكونوميكانى ورنىقتىرۋ شارالارىن كۇش سالا تياناقتاندىرىپ، قالىپتى ءوندىرىس ءتارتىبىن جەدەل قالپىنا كەلتىرىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قامتاماسىزداندىرىپ، تاعى دا ورنىقتى ارتۋدى ساقتادى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جۇمىس جۇرگىزۋدى قاداعالاۋ، سايكەستىرۋ مەكەمەسىنىڭ باستىعى گو رۇيبين بىلاي دەدى: بيىل جىل باسىنان بەرى اۆتونوميالى رايوندىق پارتكوم مەن ۇكىمەتتىڭ پارمەندى باسشىلىعىندا، شينجياڭنىڭ ونەركاسىپ جانە ينفورماتسيالاندىرۋ جۇيەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، مەملەكەت پەن اۆتونوميالى رايوننىڭ ارتۋدى ورنىقتىرۋ، بازاردى ورنىقتىرۋ، جۇمىستاندىرۋعا كەپىلدىك ەتۋ جونىندەگى جەلىلەس شەشىمدەرىن، ورنالاستىرۋلارىن جانە قىزمەت ورنالاستىرۋلارىن دايەكتىلەندىرىپ، تياناقتاندىرىپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ تالابى بويىنشا ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ناتيجەگە قول جەتكىزدى.
الدىڭعى 10 ايدا شينجياڭنىڭ ونەركاسىپكە قارجى قوسۋى سايكەس مەزگىلدەگىدەن ％2. 28 ارتىپ، بۇكىل ەلدىكىنەن 4. 17 پايىز جوعارى بولىپ، بۇكىل شينجياڭنىڭ تۇراقتى مۇلىككە قارجى قوسۋىنان 7. 23 پايىز جوعارى بولدى. قازىر اۆتونوميالى رايوننىڭ ونەركاسىپ سالاسىنداعى 50 كەلەلى ونەركاسىپ نىسانىنىڭ جۇمىس باستاۋ (قالپىنا كەلتىرۋ) مولشەرى ％100كە جەتىپ، 30 ميلليارد 917 ميلليون يۋان قارجى قوستى. مۇنىڭ ىشىندە 8 نىسان سىناق رەتىندە ءوندىرىس جۇرگىزۋدى نەمەسە ءىشىنارا ءوندىرىستى جۇزەگە اسىردى.
بيىل جىل باسىنان بەرى قۇمىل كومىرىنىڭ ساپالى ءوندىرىس قۋاتى ۇزدىكسىز كۇشەيتىلىپ، سالانىڭ جالپى ارتقان قۇنى سايكەس مەزگىلدەگدەن ％9. 46 ارتىپ، كولەمنەن جوعارى ونەركاسىپكە قوسقان ۇلەس مولشەرى ％80تەن اسىپ، ونەركاسىپ ەكونوميكاسىنىڭ جىلدام ارتۋىن جەتەكتەيتىن شەشۋشى تۇيىنگە اينالدى. ”’قيىنشىلىق بولسا ونەركاسىپ جانە ينفورماتسيالاندىرۋ تاراۋلارىن ىزدەۋ‘ قىزمەتىن ۇدايىلاندىرا ورىستەتۋ ارقىلى كاسىپورىن قىزمەتكەرلەرىنىڭ جۇمىس ورنىنا ورالۋى، زاتتىق ماتەريالداردى تاسىمالداۋ سياقتى جاقتارداعى قيىنشىلىقتاردى، ماسەلەلەردى بەلسەنە سايكەستىرىپ شەشىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن بار كۇشپەن قامتاماسىز ەتتىك“. قۇمىل قالالىق ونەركاسىپ جانە ينفورماتسيالاندىرۋ مەكەمەسىنىڭ باستىعى ليۋ جيڭ بىلاي دەدى: قۇمىلدا قازىر كولەمنەن جوعارى 171 ونەركاسىپ كاسىپورىن بار، بىلتىر جىل سوڭىنداعىدان 18ى كوبەيدى. الدىڭعى 10 ايدا قۇمىل قالاسىنىڭ كولەمنەن جوعارى ونەركاسىبىنىڭ ارتقان قۇنى سايكەس مەزگىلدەگىدەن ％6. 20 ارتىپ، ارتۋ قارقىنى بۇكىل شينجياڭ بويىنشا 2 - ورىندى يەلەدى.
كومىر، مۇناي، ءتۇستى مەتال، حيميا ونەركاسىبى سياقتى قاتىستى ونەركاسىپ ونىمدەرى باعاسىنىڭ جوعارى دەڭگەيدە بولۋىنىڭ ارقاسىندا، 1 - ايدان 9 - ايعا دەيىن بۇكىل رايوننىڭ كولەمنەن جوعارى ونەركاسىپ كاسىپورىندارىنىڭ تاپقان تيجارات كىرىسى ءبىر تريلليون 314 ميلليارد 684 ميلليون يۋان بولىپ، سايكەس مەزگىلدەگىدەن ％2. 24 ارتتى؛ قول جەتكىزگەن پايداسى 207 ميلليارد 801 ميلليون يۋان بولىپ، سايكەس مەزگىلدەگىدەن ％5. 42 ارتىپ، ارتۋ قارقىنى بۇكىل ەلدىكىنەن 8. 44 پايىز جوعارى بولدى.
گو رۇيبين بىلاي دەدى: ونەركاسىپ جانە ينفورماتسيالاندىرۋ مەڭگەرمەسى بۇكىل رايون كولەمىندە تۇيىننەن - تۇيىنگە دەيىن كاسىپورىندارمەن ۇزدىكسىز بايلانىس جاساپ، كومەكتەسۋ - سۇيەمەلدەۋ قيمىلىن ۇزدىكسىز ىشكەرىلەي ورىستەتىپ، كاسىپورىنداردىڭ ءوندىرىستى قالپىنا كەلتىرىپ، ءوندىرىس قۋاتىنا جەتۋ بارىسىندا كەزدەسكەن ادام اعىنىنىڭ، زات اينالىمىنىڭ ىركىلىسسىز بولماۋى، شيكىزاتپەن قامداۋدىڭ قىسىلتاياڭ بولۋى سياقتى قيىنشىلىقتاردى، ماسەلەلەردى سايكەستىرىپ شەشۋىنە شىن مانىندە كومەكتەسىپ، كومىر، مۇناي، مۇناي حيميا، ەلەكتر قۋاتى، حيميا ونەركاسىبى، كەن ونىمدەرى سياقتىلاردىڭ ءوندىرىستى ورنىقتىرۋىنا، ءوندىرىستى ارتتىرۋىنا شىنايى كەپىلدىك ەتىپ، تۇتاس جىلدىق ونەركاسىپ ەكونوميكاسىن ارتتىرۋ نىسانا - مىندەتتەرىن ورىنداۋعا كۇش سالادى.
