شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى. 11 - ايدىڭ 24 - كۇنى مەملەكەت ءتوراعاسى شي جينپيڭ كونگونىڭ (كينشاسا) زۇڭتۇڭى چيسيكەديمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ قارىم - قاتىناسىنىڭ قالىپقا تۇسكەندىگىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جارتى عاسىردان بەرى، جۇڭگو مەن كونگونىڭ قارىم - قاتىناسى اقاۋسىز، ورنىقتى دامىپ، ءداستۇرلى دوستىعى ۇزدىكسىز تەرەڭدەدى. سوڭعى جىلداردان بەرى، ەكى ەل سەلبەسىپ تەڭ يگىلىككە كەنەلۋ ستراتەگيالىق سەرىكتەستىك قارىم - قاتىناسىن ورناتىپ، ناقتى سەلبەستىكتە سۇبەلى جەتىستىكتەرگە قول جەتكىزىپ، ەكى ەل حالقىنىڭ قۇت - ىرىسىن پارمەندى ارتتىردى. مەن جۇڭگو مەن كونگونىڭ قارىم - قاتىناسىنىڭ دامۋىنا ايرىقشا ءمان بەرەمىن، چيسيكەدي زۇڭتۇڭمەن بىرگە قۇلشىنىپ، ەكى ەل قارىم - قاتىناسىنىڭ قالىپقا تۇسكەندىگىنىڭ 50 جىلدىعىن وراي ەتىپ، ساياسي ءوزارا سەنىمدىلىكتى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن كۇشەيتىپ، جۇڭگو مەن كونگو قارىم - قاتىناسىنىڭ جاڭا بەت - بەينەسىن بىرگە اشۋدى قالايمىن.
چيسيكەدي ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن تاعى ءبىر مارتە قۇتتىقتادى. ول مىنالاردى ءبىلدىردى: جارتى عاسىردان بەرى كونگو مەن جۇڭگونىڭ قارىم - قاتىناسى باياندى، تاماشا دامۋدى جۇزەگە اسىردى. مەن ەكى ەلدىڭ ءداستۇرلى دوستىعىن ۇزدىكسىز تەرەڭدەتىپ، كونگو مەن جۇڭگونىڭ ستراتەگيالىق سەرىكتەستىك قارىم - قاتىناسىندا جاڭا جەتىستىكتەرگە قول جەتكىزۋدى ىلگەرىلەتىپ، ەكى ەل حالقىنا يگىلىك جەتكىزۋدى قالايمىن.