اۆتونوميالى رايوندىق پارتكوم تۇراقتى كوميتەتى ءماجىلىس اشتى
باس شۋجي شي جينپيڭنىڭ 20 ەل توبى باسشىلارىنىڭ 17 - رەتكى باسشىلار ماجىلىسىندە جانە ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىندە سويلەگەن ماڭىزدى ءسوزىنىڭ رۋحى قاتارلىلاردى جەتكىزدى، ۇيرەندى، دايەكتىلەندىردى
ىندەتتەن ساقتانۋ - تىزگىندەۋ، مەملەكەت جەرى كەڭىستىگى جوباسىن جاساۋ سياقتى قىزمەتتەردى اقىلداستى، ورنالاستىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 - ايدىڭ 24 - كۇنى تۇستەن بۇرىن ءماجىلىس اشىپ، باس شۋجي شي جينپيڭنىڭ 20 ەل توبى باسشىلارىنىڭ 17 - رەتكى باسشىلار ماجىلىسىندە، ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىندە سويلەگەن ماڭىزدى ءسوزىنىڭ رۋحىن جانە جۋىقتاعى قۇتتىقتاۋ حاتتارىنىڭ رۋحىن جەتكىزدى، ۇيرەندى، دايەكتىلەندىردى، بۇكىل رايوننىڭ ىندەتتەن ساقتانۋ - تىزگىندەۋ، حاۋىپ - قاتەردەن ساقتانۋ جانە ونى جويۋ، مەملەكەت جەرى كەڭىستىگى جوباسىن جاساۋ سياقتى قىزمەتتەرىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ شىعىس وڭتۇستىك ازياعا ساپارى ەل ءىشى مەن حالىقارا سىندى ەكى كەلەلى جاعدايدى ءبىر تۇتاس جوسپارلاۋداعى كەلەلى ديپلوماتيالىق ارەكەت. باس شۋجي كوپ جاقتى ماجىلىستە ماڭىزدى ءسوز سويلەۋ، ءار ەل باسشىلارىمەن ەكى جاقتى كەڭەس وتكىزۋ سياقتى جاعدايلاردا جۇڭگونىڭ باسقارۋىن ءتۇسىندىرىپ، الەمدىك سۇراۋلارعا جاۋاپ بەرىپ، 20 - قۇرىلتايدىڭ حيكاياسىن، جۇڭگو ۇلگىسىندە وسىزامانداندىرۋ حيكاياسىن، جۇڭگو مەن دۇنيە ءجۇزىنىڭ سەلبەسىپ تەڭ يگىلىككە كەنەلۋ حيكاياسىن جۇيەلى، ىشكەرىلەي، ەگجەي - تەگجەيلى بايانداپ، جۇڭگونىڭ اۋەلگىدەي دۇنيە ءجۇزىنىڭ بەيبىتشىلىگى مەن دامۋىن ىلگەرىلەتىپ، سىرتقا ەسىك اشۋ مەن سەلبەستىكتى تەرەڭدەتۋدەگى كۇشتى سيگنالىن جەتكىزدى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ ديپلوماتيا يدەياسىن ىشكەرىلەي ۇيرەنىپ، شىنايى اتقارىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقارالىق جاعداي جونىندەگى كەلەلى تۇجىرىمىمەن جانە سىرتقى ىستەر قىزمەتى جونىندەگى ستراتەگيالىق ورنالاستىرۋىمەن بىرلىككە كەلتىرىپ، سىرتپەن بايلانىس جاساۋ تاسىلىندە جاڭالىق اشىپ، سىرتپەن سەلبەستىك جاساۋ ارناسىن ىركىلىسسىزدەندىرىپ، جۇڭگوشا ءىرى ەلدىك ديپلوماتياعا قىزمەت ەتۋ بارىسىندا شينجياڭنىڭ ىسكەرلىگىن كورسەتۋىمىز كەرەك. شينجياڭنىڭ وڭىرلىك ورىن، بايلىق جانە ساياسات ابزالدىلىعىن ويداعىداي ساۋلەلەندىرىپ، ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، اشىق ەكونوميكالىق ءتۇزىلىستى بەلسەنە ورناتىپ، جىبەك جولى ەكونوميكالىق بەلدەۋى وزەكتى رايونى مەن ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن ىلگەرىلەتىپ، بۇكىل ەل بويىنشا ءبىر تۇتاس ءىرى بازارمەن بەلسەنە توعىسىپ، توڭىرەكتەگى ەلدەرمەن جان - جاقتى اۋىس - كۇيىس پەن سەلبەستىكتى تەرەڭدەتىپ، ىشكە، سىرتقا ەسىك اشۋدىڭ كەڭدىگى مەن تەرەڭدىگىن ۇزدىكسىز ۇلعايتىپ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋعا اناعۇرلىم ويداعىداي قىزمەت وتەپ جانە توعىسىپ، جوعارى دەڭگەيدە ەسىك اشۋ ارقىلى جوعارى ساپالى دامۋدى ىلگەرىلەتۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ 6 - كەزەكتى جۇڭگو - وڭتۇستىك ازيا كورمەسى، بىرلەسكەن مەملەكەتتەر ۇيىمى \ جۇڭگو كەڭىستىك جاعىندا ىزدەنۋ جانە جاڭالىق اشۋ الەمدىك سەرىكتەستىك قارىم - قاتىناسى زەرتتەۋ - تالقى ءماجىلىسى، وركەندەپ كەلە جاتقان ەلدەر عىلىمدار اكادەمياسى 16 - كەزەكتى ءىلمي جينالىسى جانە 30 - كەزەكتى اكادەميكتەر جينالىسى سياقتىلارعا جولداعان قۇتتىقتاۋ حاتتارىنىڭ رۋحىن مۇقيات ۇيرەنىپ، دايەكتىلەندىرىپ، وڭتۇستىك ازياداعى ەلدەر سياقتى مەملەكەتتەرمەن اۋىس - كۇيىستى، سەلبەستىكتى تەرەڭدەتىپ، سىرتقى ساۋدانى زور كۇشپەن دامىتىپ، عىلىم - تەحنيكا، وقۋ - اعارتۋ ارقىلى شينجياڭدى گۇلدەندىرۋ ستراتەگياسىن، دارىندىلار جاعىندا قۋاتتى رايون قۇرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جىبەك جولى ەكونوميكالىق بەلدەۋى بويىنداعى ەلدەرگە باعىتتالعان عىلىم - تەحنيكادا ءوزارا تيىمدىلىك جاساۋ سياقتى سەلبەستىكتەردى ۇزدىكسىز ىلگەرىلەتىپ، ەسىك اشۋدىڭ، سەلبەستىكتىڭ دەڭگەيىن ۇزدىكسىز جوعارىلاتۋ كەرەك.
ءماجىلىس اۆتونوميالى رايوننىڭ مەملەكەت جەرى كەڭىستىگى جوباسىن جاساۋعا قاتىستى جاعدايلار جونىندەگى مالىمەتتى تىڭدادى. ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ ستراتەگيالىق ورنالاستىرۋى بويىنشا ولشەمگە، تالاپقا تۋرالانىپ، شينجياڭنىڭ ورنى مەن رولىن ايقىنداپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، ”ءۇش كەڭىستىك، ءۇش سىزىقتى“ نەگىز ەتىپ، ەكولوگيانى قورعاۋ، نەگىزگى ەگىنجاي، قالا - قالاشىقتاردى دامىتۋ سياقتى كەڭىستىكتى باسقارۋ - مەڭگەرۋدىڭ شەكاراسىن عىلمي تۇراقتاندىرىپ، ەكولوگيانى قورعاۋدىڭ قىزىل سىزىعىن، قورشاعان ورتا ساپاسىنىڭ تومەنگى شەگىن، بايلىقتان پايدالانۋدىڭ جوعارعى شەگىن قاتاڭ ساقتاپ، نەگىزگى تۇلعالىق فۋنكتسياسى كورنەكتى، باسىمدىقتارى ءبىرىن - ءبىرى تولىقتايتىن، جوعارى ساپالى داميتىن مەملەكەت جەرى كەڭىستىگىن اشۋدىڭ، قورعاۋدىڭ جاڭا ارناسىن قالىپتاستىرىپ، كورىكتى شينجياڭدى قۇلشىنا قۇرۋعا پارمەندى تىرەك ازىرلەۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، بۇكىل رايوننىڭ ىندەتتەن ساقتانۋ - تىزگىندەۋ كەزەڭى مەن جاعدايىن دۇرىس يگەرىپ، ”ۇشتەن بۇلجىماۋعا“ تاباندى بولىپ، 9 - نۇسقاداعى ساقتانۋ - تىزگىندەۋ جوباسىنا تاباندى بولىپ، 20 تارماقتى ساپالىلاندىرۋ شاراسىن تياناقتاندىرىپ، كەزەڭگە، جاعدايعا، وڭىرگە قاراي دالمە - ءدال شارا قولدانۋ كەرەك. ىندەت جاعدايى جاقسارعان وڭىرلەر ”ءتورتتى تۇگەل ورىنداۋدى“ جاپپاي ىلگەرىلەتىپ، حاۋىپ - قاتەر تۇيىندەرىن جويىپ، قوعامدىق جاقتا نولگە ءتۇسىرۋ سەرپىنىن ارتتىرىپ، نولگە تۇسكەن اۋماقتاردى بەكەمدەپ، كەڭەيتىپ، قالىپتى ءوندىرىس، تۇرمىس ءتارتىبىن بىرتىندەپ ءتارتىپتى تۇردە قالپىنا كەلتىرۋ؛ قاشقار، حوتان سياقتى جەرلەر ءىس جۇزىندىك جاعدايمەن ۇشتاستىرىپ، تاكتيكانى رەتتەپ، ساپالىلاندىرىپ، نازاردى حىسۋان تەكسەرۋ قابىلەتىن جوعارىلاتۋ، اۋاشالاۋ ورىندارىن كەڭەيتۋ، ەپيدەميولوگيالىق تەكسەرۋدىڭ، اۋاشالاۋعا اپارۋدىڭ جىلدامدىعىن تەزدەتۋ سياقتى شەشۋشى بۋىندارعا شوعىرلاندىرا وتىرىپ كۇش سالىپ، شاپشاڭ قاداعالاپ، جىلدام باسقارىپ، تەز اۋاشالاۋعا اپارىپ، تەز جيناپ، ۋاقىتتى ۇتا وتىرىپ ىندەتتىڭ تارالۋىن ءۇزىپ، ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋ كەرەك. ءتۇيىندى وڭىرلەرگە، ءتۇيىندى ورىندارعا، ءتۇيىندى ادامدار شوعىرىنا قاتىستى ساقتانۋ - تىزگىندەۋدى كۇشەيتىپ، جىلجىمالى ادامدارعا، اسىرەسە، جۇك تاسىمالىمەن، زات جەتكىزۋمەن اينالىساتىندارعا قاتىستى ساقتانۋ - تىزگىندەۋدى دالمە - ءدال ويداعىداي ىستەپ، ىندەتتىڭ سىرتقا جايىلۋىنان جانە جاڭا ىندەت وشاقتارىنىڭ پايدا بولۋىنان ساقتانۋ كەرەك. حالىق تۇرمىسىن قامتاماسىز ەتۋ، تومەنگى شەكتەن تۇسىرمەۋ، شۇعىل، قيىن جاعدايلاردان قۇتقارۋ سياقتى قىزمەتتەردى سۇيىسپەنشىلىكپەن ويداعىداي ىستەپ، قوعامدىق پىكىردى قاداعالاۋ، باسقارۋ - تىزگىندەۋ جانە جەتەكتەۋدى كۇشەيتىپ، ىندەتكە ساياتىن زاڭعا، بەلگىلەمەگە قايشى ارەكەتتەردى قاتاڭ تەكسەرۋ كەرەك. جەر - جەر، تاراۋلار جۇيە كوزقاراسىن كۇشەيتىپ، حاۋىپ - قاتەردى الدىن الا بولجاۋ، الدىن الا تۇجىرىمداۋ قابىلەتىن جوعارىلاتىپ، ساياسي، ەكونوميكا، قوعام، ءوندىرىس حاۋىپسىزدىگى، يدەولوگيا، سىرتقى ورتا سياقتى سالالاردا اۋىر حاۋىپ - قاتەر اكەلۋى مۇمكىن كومەسكى كىناراتتاردى وركەن كۇيىندە بايقاپ جانە ءبىر جاقتى ەتىپ، جاراسىمدى، ورنىقتى ورتا قالىپتاستىرىپ، ىندەتكە توسقاۋىل قويۋعا، ەكونوميكانى ورنىقتىرۋعا، دامۋ حاۋىپسىز بولۋعا شىنايى كەپىلدىك ەتۋ كەرەك.
