انار بۇلت \ شينجياڭ گازەتىنىڭ ءتىلشىسى يۇي جياڭيان 11 - ايدىڭ 24 - كۇنى ۇرىمجىدەن حابارلايدى. شينجياڭ ەكونوميكاسى جاعدايى اينالىمىنىڭ ساندى مالىمەتىندە كورسەتىلۋىنشە، 1 - ايدان 10 - ايعا دەيىن، مۇناي - تابيعي گاز ءونىم مولشەرى بىردەي ارتقان. وڭدەلمەگەن مۇناي ءونىم مولشەرى 26 ميلليون 923 مىڭ 200 تونناعا جەتىپ، سايكەس مەزگىلدەگىدەن ％7. 7 ارتقان؛ تابيعي گاز ءونىم مولشەرى 33 ميلليارد 534 ميلليون تەكشەمەترگە جەتىپ، سايكەس مەزگىلدەگىدەن ％5. 5 ارتقان.
”اتاپ وتۋگە تاتيتىنى، بيىل تارىم مۇناي الابىنداعى مۇناي سۇيىقتىعىنىڭ ءونىم مولشەرى تاريحتاعى ەڭ جوعارى ورەگە جەتتى“. جۇڭگو مۇناي تارىم مۇناي الابى سەرىكتەستىگىنىڭ ءوندىرىس اينالىمى ءبولىمى ءوندىرىستى سايكەستىرۋ ءبولىمىنىڭ باستىعى ۋاڭ يۇڭ بىلاي دەپ تانىستىردى: الدىڭعى 10 ايدا مۇناي - تابيعي گاز ءونىم مولشەرى ەكۆيۆالەنتى 27 ميلليون 360 مىڭ توننا بولىپ، بىلتىرعى سول تۇستاعىدان ءبىر ميلليون 140 مىڭ توننا كوبەيىپ، مۇناي - تابيعي تابيعي گاز كۇنىنە ورتا ەسەپپەن 3750 توننا ارتتى. 11 - ايدىڭ 16 - كۇنىنە دەيىن تارىم مۇناي الابىنىڭ بيىلعى مۇناي سۇيىقتىعىنىڭ ءونىم مولشەرى 6 ميلليون 513 مىڭ تونناعا جەتتى. بۇل ساندى مالىمەت 2008 - جىلعى جىلدىق ءونىم مولشەرى 6 ميلليون 450 مىڭ توننالىق تاريحي رەكوردتان اسىپ، تارىمدا مۇناي اشۋ بىرىككەن شايقاسى جۇرگىزىلگەن 33 جىلدان بەرگى ەڭ جوعارى دەڭگەيگە جەتتى.
بيىل، اسىرەسە، وسى رەتكى ىندەت تۋىلعاننان بەرى، باتىس سولتۇستىك مۇناي الابى ىرىقتىلىقپەن ىسكەرلىك كورسەتىپ، ىندەتتەن ساقتانۋ - تىزگىندەۋ مەن ءوندىرىس تيجاراتىن ءبىر تۇتاس جوسپارلاپ ويداعىداي ىستەدى. الدىڭعى 10 ايدا باتىس سولتۇستىك مۇناي الابىنىڭ جالپى وندىرگەن مۇناي - تابيعي گازىنىڭ سىندىرىلىم ەكۆيۆالەنتى سايكەس مەزگىلدەگىدەن 900 مىڭ تونناعا جۋىق ارتقان. مۇنىڭ ىشىندە تابيعي گاز ءونىم مولشەرى سايكەس مەزگىلدەگىدەن ％55 ارتتى، وڭدەلمەگەن مۇناي ءونىم مولشەرى سايكەس مەزگىلدەگىدەن ％3. 2 ارتتى.
تۇتاس جىلداعى مۇناي - تابيعي گاز ءوندىرىسىنىڭ ونىمدىلىگىن ارتتىرۋدىڭ ىرىقتىلىق ۇقىعىن يگەرىپ، كەلەر جىلعى ءونىم مولشەرىنىڭ جوعارى دەڭگەيدە باستالۋىن جۇزەگە اسىرۋ ءۇشىن، شينجياڭ مۇناي الابى قازىر قىسقى ءوندىرىستى ورنىقتىرۋ ەڭبەك باسەكەسىن ورىستەتۋدە. جۇڭگو مۇناي شينجياڭ مۇناي الابى سەرىكتەستىگى پارتكومىنىڭ شۋجيى، اتقارۋشى القاسى ياڭ ليچياڭ بىلاي دەدى: شينجياڭ مۇناي الابى قىس ماۋسىمىندا كۇنىنە 40 مىڭ توننا مۇناي - تابيعي گاز ءوندىرۋ نىساناسىن ورىنداۋعا شىنايى كەپىلدىك ەتىپ، بيىل 14 ميلليون 420 مىڭ توننا مۇناي، 3 ميلليارد 820 ميلليون تەكشەمەتر تابيعي گاز ءوندىرۋ مىندەتىن باتىل ورىندايدى.
مۇناي - تابيعي گاز ونەركاسىپتىڭ ارتۋىنداعى ”ورنىقتىرعىش“. ساناق مالىمەتىندە كورسەتىلۋىنشە، الدىڭعى 10 ايدا شينجياڭنىڭ مۇناي جانە تابيعي گاز اشۋ كاسىبىنىڭ ارتقان قۇنى سايكەس مەزگىلدەگىدەن ％9. 5 ارتىپ، كولەمنەن جوعارى ونەركاسىپتىڭ 1. 1 پايىز ارتۋىن جەبەگەن.
”شينجياڭنىڭ ەكونوميكالىق قۇرىلىمىندا بايلىق، ەنەرگيا جەتەكشى ورىندا تۇرادى. بيىل شينجياڭنىڭ مۇناي جانە تابيعي گاز ءونىم مولشەرى بۇرىنعى جىلدارداعىدان جاقسى بولىپ، شينجياڭ ونەركاسىبىنىڭ ارتۋىندا تاماشا جەبەۋ رولىن اتقاردى“، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى مۇناي، مۇناي حيميا جانە مۇناي الابى رايونى قىزمەت باسقارماسىنىڭ باستىعى رىن يۇڭجىڭ.
