تۇتاس رايوندا 7 ميلليون 800 مىڭ توننا جەمىس ورمانى ءونىمى جينالدى
مەجەمەن اي سوڭىندا تولىق جينالىپ بولادى
انار بۇلت \ شينجياڭ گازەتىنىڭ ءتىلشىسى ساۋ حۋا 11 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، قىس تۇسكەننەن بەرى، رايونىمىزدىڭ جەر - جەرى جەمىس ورمانى ونىمدەرىن جيناۋدىڭ سوڭعى جۇمىستارىن بار كۇشپەن ويداعىداي يگەرگەن، قازىرگە دەيىن بۇكىل رايوندا 7 ميلليون 800 مىڭ توننا جەمىس ورمانى ءونىمى جيناپ الىنعان.
بيىل چەرشەن اۋدانىندا مولشەرمەن 230 مىڭ مۋ جەرگە شىلان ەگىلگەن، 10 - ايدا جيناۋ مەزگىلىنە وتكەننەن بەرى، اۋىل - قالاشىقتارداعى پارتيا مۇشەلەرى مەن كادرلار اتىز باستارىنا، ەگىنجايلارعا بارىپ، ءبىر نيەتپەن سەلبەسىپ، شارۋالاردىڭ ءونىم جيناۋىنا كومەكتەسكەن. ”سەلبەستىك كووپەراتيۆىمىزدىڭ 830 مۋ جەردەگى سۇرعىلت شىلانى مەجەمەن تاعى ءبىر اپتا ۋاقىتتا تولىق جينالىپ بولادى“. چەرشەن اۋدانى شيڭفا شىلان كاسىپتىك سەلبەستىك كووپەراتيۆىنىڭ جاۋاپتىسى جاڭ شيڭفا بىلاي دەدى: ىندەتتىڭ ءونىم جيناۋعا بەلگىلى ىقپالى بولعانىمەن، اۋدان بەلسەندى تۇردە ادام كۇشىن ۇيىمداستىرىپ، جيناۋ قارقىنىنا شىنايى كەپىلدىك ەتتى. بيىل شىلاننىڭ اتىز باسىنداعى ءار كيلوگرامىنىڭ ساتىپ الۋ باعاسى 10 يۋان اينالاسىندا بولىپ، بىلتىرعىمەن نەگىزىنەن قارايلاس بولدى.
9 - ايدان بەرى رايونىمىزدىڭ جاڭعاق، شىلان، الما سياقتى كوپ تۇتىنىلاتىن جەمىس ونىمدەرى ىركەس - تىركەس جيناۋ مەزگىلىنە ءوتىپ، جەر - جەر جيناۋ قىزمەتىن بەلسەنە ۇيىمداستىرىپ، ساتىپ الۋشى، توڭازىتىپ ساقتاۋشى، قوراپتاۋشى، تاسۋشى سياقتى كاسىپورىندارمەن ۇشتاسىپ، شينجياڭنىڭ ءىشى - سىرتىنداعى ساتىپ الۋشى ساۋداگەرلەرمەن جانە ساتۋشى ساۋداگەرلەرمەن بايلانىس ورناتۋ، كەڭەسۋ، جاسىل ارنا اشۋ سياقتى شارالار ارقىلى جەمىس ونىمدەرىن ساقتاۋدى، تاسۋدى، ساتۋدى بار كۇشپەن ويداعىداي ىستەدى. بايىنعولين موڭعۇل اۆتونوميالى وبلىسى وبلىس، قالا - اۋدان پارتيا، ۇكىمەت جاۋاپتى باسشىلارىن قولباسشى ەتكەن باسشىلىق گرۋپپاسىن قۇرىپ، جەمىس ورمانىن ءوسىرۋشى شارۋا وتباسىلارى سانى، جەمىس بەرگەن جەر اۋماعى، ءتۇسىم مولشەرى، جيناۋشى جۇمىسشىلارعا سۇرانىس مولشەرى سياقتى ينفورماتسيالاردى دالمە - ءدال يگەرىپ، ءارقايسى جەمىس ورمانى ونىمدەرى نەگىزگى ءوندىرىس اۋماقتارى اۋىل - قالاشىقتى بىرلىك ەتە وتىرىپ، ەڭبەككۇشتەردى جەمىس باعىندا ءونىم جيناۋعا ۇيىمداستىرىپ، سايكەستىرىپ، ىندەت كەزىندە جەمىس ورمانى ونىمدەرىن جيناۋدىڭ ورنىقتى ىلگەرىلەۋىنە شىنايى كەپىلدىك ەتتى. قىزىلسۋ قىرعىز اۆتونوميالى وبلىسى اۆتونوميالى رايوننىڭ قاتىستى تالاپتارى بويىنشا، ىندەتتەن ساقتانۋ - تىزگىندەۋ مەن جەمىس ورمانى ونىمدەرىن جيناۋدى ءبىر تۇتاس جوسپارلاپ ويداعىداي ىستەپ، جەرگىلىكتى باعبانداردى اتىزعا بارىپ ءونىم جيناۋعا تارتىپپەن ورنالاستىردى، سونىمەن بىرگە جەرگىلىكتى ورىنداعى كاسىپورىنداردى شينجياڭ سىرتىنداعى ساتىپ الۋشى ساۋداگەرلەرمەن تۇيىلىسۋگە ۇيىمداستىرىپ، تاسىمالدىڭ ىركىلىسسىزدىگىن قامتاماسىزداندىرىپ، جەمىس ونىمدەرىنىڭ دەر كەزىندە شينجياڭنىڭ ءىشى - سىرتىنداعى بازارلارعا جەتكىزىلۋىنە مۇمكىندىك جاسادى.
قازىر رايونىمىزدا جەمىس ورمانى ونىمدەرىن جيناۋ قىزمەتى سوڭعى كەزەڭگە ءوتتى، جاڭعاق، ءجۇزىم، انار، الاقات، شىرعاناق سياقتىلار، نەگىزىنەن، جينالىپ بولدى، شىلان مەن جاي پىساتىن المادان تاعى ءبىرازى قالدى، مەجەمەن 11 - ايدىڭ سوڭىندا تۇگەل جينالىپ بولادى. جەمىس ورمانى ونىمدەرىن ساتۋ جاپپاي قانات جايدىرىلدى، جەر - جەر قىدىرما ساۋداگەرلەردىڭ ساتىپ الۋى، ەلەكتروندىق تۇعىردا ساتۋ، شينجياڭ سىرتىنا تانىستىرۋ سياقتى كوپتەگەن جولدارمەن جەمىس ورمانى ونىمدەرىنىڭ ساتىلۋ ارناسىن ۇزدىكسىز كەڭەيتىپ، باعبانداردىڭ مۇددەسىن قامتاماسىز ەتتى. جالپى جاقتان الىپ قاراعاندا، بيىل بۇكىل رايونداعى جەمىس ورمانى ونىمدەرىنىڭ ءتۇسىم مولشەرى ورنىقتى بولدى، مەجەمەن جىلدىق ءتۇسىمى 8 ميلليون 700 مىڭ توننا بولىپ، بىلتىرعىدان انتەك ارتادى.
