تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، كۋبانىڭ مەملەكەت ءتوراعاسى دياز كانەلمەن كەڭەس وتكىزدى

  11 - ايدىڭ 25 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، كۋبانىڭ مەملەكەت ءتوراعاسى دياز كانەلمەن كەڭەس وتكىزدى. كەڭەستىڭ الدىندا، شي جينپيڭ حالىق سارايىنىڭ سولتۇستىك زالىندا دياز كانەلگە ارناپ قارسى الۋ سالتىن وتكىزدى. سۋرەتتە: شي جينپيڭ مەن حانىمى پىڭ لييۋان دياز كانەل جانە حانىمى كۋيستامەن سۋرەتكە تۇسۋدە.

  □ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

  شينحۋا اگەنتتىگىنىڭ 11 - ايدىڭ 25 - كۇنى بەيجيڭنەن بەرگەن حابارى. 11 - ايدىڭ 25 -كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، كۋبانىڭ مەملەكەت ءتوراعاسى دياز كانەلمەن كەڭەس وتكىزدى.

  شي جينپيڭ مىنالاردى اتاپ كورسەتتى: ءسىز جۇڭگو كوممۋنيستىك پارتياسىنىڭ 20 - قۇرىلتايىنان كەيىن جۇڭگوعا تۇڭعىش لاتىن امەريكاسى جانە كارايب ەلدەرىنەن ساپارلاي كەلگەن مەملەكەت باسشىسىسىز، بۇل جۇڭگو - كۋبا ەكى پارتياسىنىڭ، ەكى ەلدىڭ ەرەكشە دوستىق قارىم - قاتىناسىن تولىق ايگىلەدى. كۋبا جاڭا جۇڭگومەن تۇڭعىش رەت ديپلوماتيالىق قارىم - قاتىناس ورناتقان باتىس جارتى شارداعى مەملەكەت، جۇڭگو - كۋبا قارىم - قاتىناسى سوتسياليستىك ەلدەردىڭ ىنتىماقتاسا سەلبەسۋىنىڭ، وركەندەپ كەلە جاتقان ەلدەردىڭ ءوزارا شىنايى كومەكتەسۋىنىڭ ۇلگىسىنە اينالدى. جۇڭگو جاق كۋبا جاقپەن ساياسي سەنىمدىلىكتى ۇزدىكسىز تەرەڭدەتىپ، ناقتى سەلبەستىكتى كەڭەيتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىر - ءبىرىن باتىل قولداپ، حالىقارالىق جانە وڭىرلىك ىستەردە سايكەسۋدى، سەلبەسۋدى كۇشەيتىپ، ءوز ەلىنىڭ ەرەكشەلىگىنە يە سوتسياليزم قۇرۋ جولىندا قول ۇستاسا العا باسىپ، جاڭا داۋىردەگى جۇڭگو - كۋبا قارىم - قاتىناسىن ۇزدىكسىز تەرەڭدەتۋدى قالايدى.

  شي جينپيڭ جۇڭگو كوممۋنيستىك پارتياسى 20 - قۇرىلتايىنىڭ ماڭىزدى جەتىستىكتەرىن تانىستىرىپ، بىلاي دەپ باسا دارىپتەدى: جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتەدى، ءبىز پارتيانىڭ جاپپاي باسشىلىعىنا تاباندى بولامىز جانە كۇشەيتەمىز، جۇڭگوشا سوتسياليزم جولىنا تاباندى بولامىز، حالىقتى وزەك ەتكەن دامۋ يدەياسىنا تاباندى بولامىز، رەفورما جاساۋدى، ەسىك اشۋدى تەرەڭدەتۋگە تاباندى بولامىز، كۇرەس رۋحىن اسقاقتاتۋعا تاباندى بولامىز، مەملەكەت پەن ۇلتتىڭ دامۋىن ءوز كۇشىمىزدىڭ نەگىزىنە قويىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستايمىز. جۇڭگو - كۋبا ەكى پارتياسى تىعىز بايلانىستى ساقتاپ، ەكى پارتيانىڭ نازاريالىق زەرتتەۋ - تالقى ءماجىلىسى سياقتى مەحانيزمدەردەن ويداعىداي پايدالانىپ، اۋىس - كۇيىستى، ءوزارا ۇلگى الۋدى كۇشەيتىپ، سوتسياليزم نازارياسىندا جاڭالىق اشۋدى جانە امالياتتىق العا باسۋدى قول ۇستاسا ىلگەرىلەتىپ، ماركسيزمنىڭ جەرگىلىكتەنۋىنىڭ، زامانالانۋىنىڭ جاڭا ءورىسىن بىرگە اشىپ، وزدەرىنىڭ مەملەكەت جاعدايىنا ۇيلەسەتىن سوتسياليزمدى ويداعىداي قۇرۋ كەرەك.

  شي جينپيڭ مىنالاردى باسا دارىپتەدى: جۇڭگو مەن كۋبا ءبىر - بىرىنە سەنەتىن جاقسى دوس، مۇراتتاس جاقسى جولداس، جاپا - ماشاقاتتى بىرگە وتكەرگەن جاقسى باۋىرلاس. جۇڭگو مەن كۋبانىڭ ءداستۇرلى دوستىعىن اعا بۋىن باسشىلار ءوز قولدارىمەن ورناتقان ءارى دەن قويا جەتىلدىرگەن. ديپلوماتيالىق قارىم - قاتىناس ورناتقان 62 جىلدان بەرى، اۋمالى - توكپەلى حالىقارالىق جاعداي الدىندا، جۇڭگو مەن كۋبا ەكى جاق ءبىر - بىرىنە شىنايى ادال دوستىقتى مىزعىماي تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىكتى بۇلجىماي ورىستەتىپ، رەفورما، دامۋداعى مىزعىماس سەرىكتەر بولدى. جۇڭگو جاق جۇڭگو مەن كۋبا ەكى پارتياسىنىڭ، ەكى ەلدىڭ قارىم - قاتىناسىنا باستان - اياق ستراتەگيالىق دەڭگەيدە مامىلە جاساپ جانە ونى دامىتىپ، جۇڭگو - كۋبا قارىم - قاتىناسىن باستان - اياق ديپلوماتيالىق جالپى جاعدايدىڭ ەرەكشە ورنىنا قويىپ كەلەدى. حالىقارالىق جاعداي قالاي وزگەرسە دە، جۇڭگو جاقتىڭ جۇڭگو مەن كۋبانىڭ ۇزاق ۋاقىتتىق دوستىعىنا تاباندى بولۋ باعىتى وزگەرمەيدى، كۋبانىڭ سوتسياليزم جولىمەن ءجۇرۋىن قولداۋ بەكىمى وزگەرمەيدى، كۋبا جاقپەن بىرگە حالىقارالىق ادىلدىكتى، تۋراشىلدىقتى قورعاۋ، زورەكەرلىككە، وكتەمدىككە قارسى تۇرۋ ەركى وزگەرمەيدى. جاڭا جاعدايدا، ەكى جاق ستراتەگيالىق سەلبەستىكتى نىعايتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ بارىسىندا جۇڭگو - كۋبا تاعدىرلاس ورتاق تۇلعاسىن قول ۇستاسا بىرگە قۇرۋى كەرەك. جۇڭگو جاق كۋبانىڭ مەملەكەتتىڭ يەلىك ۇقىعىن قورعاۋىنا ۇزدىكسىز باتىل قولداۋ كورسەتەدى، سىرتتىڭ كيلىگۋى مەن قۇرساۋلاۋىنا قارسى تۇرادى، كۋبا جاقپەن بىرگە الەمدىك دامۋ باستاماسىن، الەمدىك حاۋىپسىزدىك باستاماسىن تياناقتاندىرۋدى قول ۇستاسا ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىن بىرگە جەبەۋدى قالايدى. قازىر كۋبالىق جولداستار اسا زور سايىسقا جولىعىپ وتىر. سوتسياليزم ىستەرى ەجەلدەن ەرلىكپەن ءورىس اشۋ بارىسىندا العا باسىپ كەلەدى، ءبىز كۋبالىق جولداستاردىڭ بارلىق قيىنشىلىقتى، ءسوز جوق، جەڭەتىندىگىنە كامىل سەنەمىز ءارى بار كۇشپەن قولداۋ كورسەتەمىز جانە كومەكتەسەمىز. جۇڭگو جاق كۋبامەن ءار سالاداعى ناقتى سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىك جوباسىن ويداعىداي تياناقتاندىرىپ، سوتسياليستىك وسىزامانداندىرۋ قۇرىلىسىن قول ۇستاسا ىلگەرىلەتۋدى قالايدى.

  شي جينپيڭ مىنالاردى اتاپ كورسەتتى: جۇڭگو مەن لاتىن امەريكاسىنىڭ سەلبەستىگى، ماندىك جاقتان العاندا، وڭتۇستىك پەن وڭتۇستىكتىڭ سەلبەستىگى، ءوزارا قۇرمەت ەتۋدى العى شارت، ءوزارا پايدا جەتكىزىپ، تەڭ يگىلىككە كەنەلۋدى پرينسيپ، اشىق، سيىسىمدى بولۋدى ەرەكشەلىك، بىرگە دامۋدى نىسانا ەتەدى، دۇنيە ءجۇزىنىڭ ۇلكەن اۋقىمى مەن تاريح اعىمىنا سايكەسەدى، وڭىردەگى ەلدەردىڭ ورتاق مۇددەسىنە ۇيلەسەدى. قازىر لاتىن امەريكاسى مەن كارايب ءوڭىرىنىڭ ساياسي جاعدايى جاڭا كەزەكتى تەرەڭ رەتتەۋدى باستان كەشىرۋدە. جۇڭگو جاق جۇڭگو - لاتىن امەريكاسى قارىم - قاتىناسىنىڭ دامۋىنا ايرىقشا ءمان بەرەدى، كۋبانى قامتىعان لاتىن امەريكاسى جانە كارايب ەلدەرىمەن بىرگە ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىشكەرىلەي ىلگەرىلەتىپ، تەڭ تۇرعىدا ءوزارا پايدا جەتكىزەتىن، بىرگە داميتىن جۇڭگو - لاتىن امەريكا جان - جاقتى سەلبەستىك سەرىكتەستىك قارىم - قاتىناسىنىڭ جاڭا داۋىردە اناعۇرلىم جاقسى دامۋىن ىلگەرىلەتۋدى، جۇڭگو مەن لاتىن امەريكا حالقىن اناعۇرلىم تاماشا باقىتقا كەنەلتۋدى قالايدى.

  دياز كانەل ءتوراعا شي جينپيڭنىڭ جۇڭگو كوممۋنيستىك پارتياسىنىڭ 20 - قۇرىلتايى ءساتتى اشىلعاننان كەيىن، لاتىن امەريكاسىنداعى مەملەكەت باسشىسى رەتىندە، ءوزىن تۇڭعىش جۇڭگوعا ساپارلاي كەلۋگە ۇسىنىس ەتكەنىنە شىن جۇرەكتەن العىس ايتتى، كۋبا پارتياسى مەن مەملەكەتى اتىنان، جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلعاندىعىن تاعى ءبىر مارتە قىزۋ قۇتتىقتادى، ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن قىزۋ قۇتتىقتادى، جۇڭگونىڭ ءتوراعا شي جينپيڭنىڭ باسشىلىعىندا، جۇڭگوشا سوتسياليزم ىستەرىن ىلگەرىلەتۋدە تاريحي تابىستارعا قول جەتكىزگەندىگىن قىزۋ قۇتتىقتادى. دۇنيە جۇزىندەگى العاباسار كۇشتەردىڭ بۇدان تەرەڭ شابىت الاتىندىعىن ءبىلدىردى. دياز كانەل مىنالاردى ءبىلدىردى: مەن ءوزىم جانە كۋبا پارتياسىنىڭ جوعارى جىكتەگىلەرى ءسىزدىڭ جۇڭگو كوممۋنيستىك پارتياسىنىڭ 20 - قۇرىلتايىندا جاساعان بايانداماڭىزدى مۇقيات ۇيرەندىك. ەرەكشە كۇردەلى، قاتاڭ ساياسي، ەكونوميكا اۋقىمى الدىندا كۋبا جۇڭگونى ۇلگى ەتىپ، سايىستارعا جاسامپازدىقپەن تۋرا قاراپ، سوتسياليزمدى گۇلدەندىرۋ نىساناسىن جۇزەگە اسىرادى.

  دياز كانەل مىنالاردى باسا دارىپتەدى: جۇڭگومەن قارىم - قاتىناستى دامىتۋ كۋبانىڭ ديپلوماتيالىق ساياساتىندا بارىنەن ماڭىزدى ورىندا تۇرادى. كۋبا جاق ءبىر جۇڭگو پرينسيبىنە باتىل بويسۇناتىندىعىن، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى، الەمدىك دامۋ باستاماسىن جانە الەمدىك حاۋىپسىزدىك باستاماسىن قولدايتىندىعىن قايتالاي دارىپتەيدى ءارى لاتىن امەريكاسى - جۇڭگو تالقى مىنبەرى، ”77 ەل توبى + جۇڭگو“ سياقتى وڭىرلىك جانە حالىقارالىق كوپ جاقتى مەحانيزمدە جۇڭگو جاقپەن سايكەسۋدى، سەلبەسۋدى اناعۇرلىم كۇشەيتىپ، لاتىن امەريكاسى مەن جۇڭگونىڭ قارىم - قاتىناسىن ىلگەرىلەتۋگە، وركەندەپ كەلە جاتقان ەلدەردىڭ ورتاق مۇددەسىن قورعاۋعا ۇزدىكسىز ۇلەس قوسۋدى قالايدى.

  كەڭەستەن كەيىن، ەكى ەلدىڭ مەملەكەت باسشىلارى ەكى ەلدىڭ پارتيالار ارا اۋىس - كۇيىسى، سىرتقى ىستەر مينيسترلىگى اراسىنداعى كەڭەس مەحانيزمى، ”ءبىر بەلدەۋ، ءبىر جولدى“ بىرگە قۇرۋ، ناقتى سەلبەستىك سياقتى ەكى جاقتى حۇجاتتارعا قول قويىلۋىنا بىرگە كۋا بولدى.

  ەكى جاق «جۇڭحۋا حالىق رەسپۋبليكاسى مەن كۋبا رەسپۋبليكاسىنىڭ جاڭا داۋىردەگى جۇڭگو - كۋبا قارىم - قاتىناسىن تەرەڭدەتۋ جونىندەگى بىرلەسكەن مالىمدەمەسىن» جاريالادى.

  كەڭەستەن ىلگەرى، شي جينپيڭ حالىق سارايىنىڭ سولتۇستىك زالىندا دياز كانەلگە ارناپ قارسى الۋ سالتىن وتكىزدى، تيان - انمىن الاڭىندا 21 رەت قۇرمەت ساليۋتى اتىلدى، ەكى ەلدىڭ مەملەكەت باسشىلارى قۇرمەت قاراۋىلىن كوزدەن كەشىرۋ مىنبەسىنە شىعىپ، جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى.

  كەڭەس اياقتاعاننان كەيىن، شي جينپيڭ مەن حانىمى پىڭ لييۋان دياز كانەل جانە حانىمى كۋيستاعا قارسى الۋ قوناعاسىن بەردى.

  ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.