اناعۇرلىم زور قىزمەت تەبىنىمەن، اناعۇرلىم تەز ارەكەت قارقىنىمەن ىندەت اۋقىمىن باتىل تەجەپ، توسقاۋىل شايقاسىنىڭ جەڭىسىنە قول جەتكىزۋ كەرەك

　　ما شيڭرۇي حوتان ايماعىندا ىندەتتەن ساقتانۋ - تىزگىندەۋ قىزمەتىنە تەكسەرۋ -زەرتتەۋ، تەكسەرۋ جۇرگىزگەندە، جەتەكشىلىك ەتكەندە بىلاي دەپ باسا دارىپتەدى

　　اناعۇرلىم زور قىزمەت تەبىنىمەن، اناعۇرلىم تەز ارەكەت قارقىنىمەن ىندەت اۋقىمىن باتىل تەجەپ، توسقاۋىل شايقاسىنىڭ جەڭىسىنە قول جەتكىزۋ كەرەك

　　جاڭ چۇنلين تەكسەرۋ - زەرتتەۋگە قاتىناستى

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 25 - كۇنى حوتاننان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 11 - ايدىڭ 25 - كۇنى حوتان ايماعىنا كەلىپ، ىندەتتەن ساقتانۋ - تىزگىندەۋ قىزمەتىنە سول جەردە تەكسەرۋ - زەرتتەۋ، تەكسەرۋ جۇرگىزىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شينجياڭ قىزمەت گرۋپپاسىنىڭ باستىعى، مەملەكەتتىك جۇڭي شيپاگەرلىگىن - دارىگەرلىگىن باسقارۋ مەكەمەسى پارتيا باسشىلىق گرۋپپاسىنىڭ شۋجيى يۇي يانحۇڭ جانە قىزمەت گرۋپپاسىنىڭ قاتىستى ماماندارى، نەگىزگى ساتىعا ءتۇسىپ، كوتەرمەگە الىپ بايلانىس جاساعان ولكە دارەجەلى باسشىلار قاتارلىلارمەن بىرگە ىندەت تۋىلعان ءتۇيىندى اۋدان - قالالاردى ىشكەرىلەي ارالاپ، كەزەكتەگى جاعدايدى تۇجىرىمداپ، ورىن تەپكەن ماسەلەلەرگە تالداۋ جاساپ، كەلەسى قادامداعى ءتۇيىندى قىزمەتتەردى ورنالاستىردى. ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن تولىق، دالمە - ءدال، جاپپاي دايەكتىلەندىرىپ، تياناقتاندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، 9 - نۇسقاداعى ساقتانۋ - تىزگىندەۋ جوباسىنا تاباندى بولىپ، 20 تارماقتى ساپالىلاندىرۋ شاراسىن تياناقتاندىرىپ، بايلىقتى، كۇشتەردى ءبىر تۇتاس جوسپارلاپ، تاكتيكالىق ادىستەردى كەمەلدەندىرىپ، ىندەتتىڭ جايىلۋ، ءورشۋ اۋقىمىن جىلدام تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى دەڭگەيدە قورعاۋ كەرەك.

　　اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتىستى قيمىلعا قاتىناستى.

　　ما شيڭرۇي حوتان ايماعىنىڭ قاتىستى اۋدان - قالالارىنداعى جاۋاپتى جولداستار قاتارلىلارمەن ىشكەرىلەي پىكىرلەسىپ، حوتاننىڭ كەزەكتەگى ساقتانۋ - تىزگىندەۋ جاعدايى، ءادىس تاكتيكالارى، قىزمەت تۇيىندەرى سياقتىلارعا بىرگە تالداۋ جاسادى، اقىلداستى ءارى ىلگەرىندى - كەيىندى حوتان قالاسى شورباق اۋىلى ايدىڭكول قىستاعى جانە قاراقاش اۋدانى زاۋا قالاشىعى توعىراق قىستاعى سياقتى جەرلەرگە بارىپ، قىستاق كادرلارى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى قاتارلىلاردان اۋىل - قىستاقتىڭ ىندەتتەن ساقتانۋ، قىستاق تۇرعىندارىن باسقارۋ، قىزمەت وتەۋ سياقتى احۋالداردى ەگجەي - تەگجەيلى سۇراستىرىپ، ولارعا اۋىل - قىستاقتىڭ ءىس جۇزىندىك جاعدايىنا قاراي عىلمي دا ۇيلەسىمدى ساقتانۋ - تىزگىندەۋ تاكتيكاسىن اتقارىپ، ۇيدە اۋاشالاۋ سياقتى شارالاردى وتباسىلارىنا، ادامدارعا دالمە - ءدال تياناقتاندىرىپ، قىستاق تۇرعىندارىنا ۇگىتتەۋدى، ولاردى جەتەكتەۋدى كۇشەيتىپ، بۇقارالىق ساقتانۋدىڭ، بۇقارالىق تىزگىندەۋدىڭ بەرىك قالتقىسىن قۇرۋدى تاپسىردى.

　　حوتان ايماقتىق ۇيعۇر شيپاگەرلىگى شيپاحاناسىندا ما شيڭرۇي حىسۋان تەكسەرۋ قابىلەتى، ساپاسى مەن ونىمدىلىگى سياقتى قاتىستى احۋالداردى ۇعىستى، سىناما الۋ، ساقتاۋ جانە تاسۋ، ناتيجەسىن مالىمدەۋ سياقتى تارتىپتەردى ۇزدىكسىز ساپالىلاندىرىپ جانە جۇيەلىلەندىرىپ، قالىڭ قاۋىمدى قامتۋ اۋماعىن دالمە - ءدال كەڭەيتىپ، تەكسەرۋ ونىمدىلىگىن جوعارىلاتىپ، ”ۇتىمدى ولشەمنىڭ“ رولىن ناقتاپ ساۋلەلەندىرۋدى باسا دارىپتەدى؛ حوتان اۋدانى سياقتى جەرلەردەگى شوعىرلى مەديتسينالىق باقىلاۋ تۇيىندەرىنە كەلگەندە ما شيڭرۇي اۋاشالاۋ ورىندارىن جۇيەلى ورنالاستىرۋ، عىلمي باسقارۋ سياقتى قىزمەتتەردى كورىپ، اۋاشالاۋ بولمەلەرىنىڭ پايدالانىلۋ ونىمدىلىگىن ۇزدىكسىز جوعارىلاتىپ، ايقاسپالى جۇعىمدالۋدان ساقتانۋ شارالارىن قاتاڭ، جۇيەلى تياناقتاندىرىپ، ادامداردىڭ دەنساۋلىعىن قاداعالاۋ، مەيىرلى قىزمەت وتەۋ جانە قورشاعان ورتانى زارارسىزداندىرۋ، ميكروب جويۋ سياقتى قىزمەتتەردى بار زەيىنمەن ويداعىداي ىستەۋدى تالاپ ەتتى.

　　ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: ءار دارەجەلى باسشى كادرلار حوتان ايماعىنداعى ىندەت جاعدايىنىڭ قاتاڭدىعىن، كۇردەلىلىگىن سەرگەكتىكپەن تانىپ، ”ۇشتەن بۇلجىماۋعا“ تيتتەي دە اۋىتقىماي تاباندى بولىپ، نەگىزگى ساتىعا ءتۇسىپ، كوتەرمەگە الىپ بايلانىس جاساعان ولكە دارەجەلى باسشىلاردىڭ جەتەكشىلىك ەتۋى مەن ءارقايسى جاقتاعى قولداۋشى كۇشتەردىڭ كومەكتەسۋىندە ءار ءتۇرلى ساقتانۋ - تىزگىندەۋ شارالارىن جاپپاي، قاتاڭ، مىقتى، ناقتى، جىلدام تياناقتاندىرىپ، ىندەتتەن ساقتانۋ - تىزگىندەۋ سىندى قاتاڭ شايقاستىڭ جەڭىسىنە باتىل قول جەتكىزۋ كەرەك. جەرگىلىكتى جاعدايعا قاراي تۇرلەر بويىنشا دالمە - ءدال شارا قولدانىپ، اۋدان - قالالاردىڭ ىندەت جاعدايى مەن دامۋ كەزەڭىن دالمە - ءدال يگەرىپ، قالا، اۋىل - قىستاق سياقتى تۇرلىشە وڭىرلەردىڭ ءىس جۇزىندىك جاعدايىنا عىلمي تالداۋ جاساپ، اناعۇرلىم باعىتتامالى باسقارۋ - تىزگىندەۋ، ۇيدە وتىرعىزۋ، اۋاشالاۋ سياقتى شارالاردى تۇرگە ءبولىپ اتقارىپ، بايلىقتى، كۇشتەردى ەڭ جوعارى شەكتە شوعىرلاندىرىپ، ءتۇيىندى وڭىرلەردەگى ىندەتتى جىلدام، دالمە - ءدال، جوعارى ونىممەن تەجەۋ؛ حاۋىپ - قاتەرى بار جۇمىس ورىندارى مەن حاۋىپ - قاتەرى بارلاردى قاتاڭ باسقارىپ، ماڭىزدى وتكەلدەردەگى ىندەتتەن ساقتانۋ - تىزگىندەۋ تورىن ءجيى توقىپ، ىندەتتىڭ تارالۋىنان، سىرتقا جايىلۋىنان قاتاڭ ساقتانۋ كەرەك. حىسۋان تەكسەرۋ قابىلەتى مەن ورەسىن جوعارىلاتىپ، بايلىقتى ءبىر تۇتاس جوسپارلاۋ، تاجىريبەحانا قۇرىلىسى، جابدىق ساتىپ الۋ، قىزمەتكەرلەردى باۋلۋ سياقتىلاردىڭ سەرپىنىن ارتتىرىپ، حىسۋان تەكسەرۋ قابىلەتى مەن ينفورماتسيالاندىرۋ ورەسىن كوپ ءتۇرلى شارالارمەن جوعارىلاتىپ، جەر - جەردىڭ حالىق سانى كولەمى، حاۋىپ - قاتەرىنىڭ كوپ - ازدىعى سياقتى فاكتورلار بويىنشا جالپىلاي تۇجىرىم جاساپ، تەكسەرۋ كولەمىن، جيىلىگىن جانە ىلگەرىندى - كەيىندى رەتىن دارەجەگە، تۇرگە ءبولىپ عىلمي تۇراقتاندىرىپ، حاۋىپ - قاتەرى بار ادامدار شوعىرىنا بىردە - ءبىرىن قالدىرماي تەكسەرۋ جۇرگىزىپ، تەكسەرۋ ساپاسىنا شىنايى كەپىلدىك ەتۋ كەرەك. تاسۋ، اۋاشالاۋ قارقىنىن جەدەلدەتىپ، بولىمدى بولعان جۇعىمدالۋشىلاردى جانە ولارمەن تىعىز جاناسۋشىلاردى دالمە - ءدال تۇجىرىمداپ تۇراقتاندىرىپ، دەر كەزىندە تەكسەرىپ، دەر كەزىندە تاسۋدى تياناقتاندىرىپ، قاتىستى ادامداردى تاسۋدان بۇرىن تۇرعان جەرىندە باسقارۋ - تىزگىندەۋدى كۇشەيتىپ، ارناۋلى ادام ارناۋلى باسقارۋ، قاتاڭ باسقارۋ - تىزگىندەۋ؛ فاڭساڭ شيپاحاناسىن سالۋدى جانە اۋاشالاۋ ورىندارىنىڭ كومەسكى كۇشتەرىن ىسكە قوسۋ، سيىمدىلىعىن كەڭەيتۋدى جۇيەلى ورىستەتىپ، اۋاشالاۋ قابىلەتىن جىلدام ارتتىرىپ، اۋاشالاۋعا ءتيىستى ادامداردى مۇمكىندىگىنشە اۋاشالاۋعا شىنايى كەپىلدىك ەتۋ كەرەك. بۇقارانى كوڭىل قويا ويداعىداي قامتاماسىز ەتىپ، ولارعا قىزمەت وتەپ، تۇرمىستىق زاتتىق ماتەريالداردى ءبىر تۇتاس جوسپارلاۋ، ساتىپ الۋ، ءبولىپ بەرۋ، تاسىمالداۋ سياقتى قىزمەتتەردى كۇشەيتىپ، قاتىستى كاسىپورىن، بازار سياقتىلاردىڭ تومەنگى شەكتەن تۇسىرمەي قامداۋدى قامتاماسىز ەتۋ رولىن ساۋلەلەندىرىپ، بۇقارانىڭ تۇرمىستىق قاجەتىن باتىل قامتاماسىز ەتىپ، زاڭدى قاتاڭ اتقارۋ، زات باعاسىن ورنىقتىرۋ؛ يدەيالىق جاقتان ءجون سىلتەۋ مەن پسيحيكالىق جاقتان جەتەكتەۋدى ويداعىداي ىستەپ، بۇقارانىڭ اۋرۋ كورسەتۋ، ەمدەلۋ سياقتى كوكەي تەستى، تۇتقيىل قيىنشىلىقتارىنا، تالاپ - تىلەكتەرىنە بارىنشا ءمان بەرىپ، بار كۇشپەن شەشۋ كەرەك، بىرەۋىنە عانا نازار اۋدارىپ، قالعانىن ەلەۋسىز قالدىرۋعا استە بولمايدى. جاۋاپكەرشىلىكتى ناقتىلاندىرۋ ارقىلى ساقتانۋ - تىزگىندەۋ قابىلەتىن جوعارىلاتۋ، ءار دارەجەلى پارتكومدار مەن ۇكىمەتتەردەگى نەگىزگى جاۋاپتى جولداستار ساياسي جاۋاپكەرشىلىكتى كۇشەيتىپ، ورنالاستىرۋدى، قولباسشىلىق ەتۋدى ءبىر تۇتاس جوسپارلاپ، ساقتانۋ - تىزگىندەۋدىڭ الدىڭعى شەبىنەن تاپجىلماي، كورنەكتى ماسەلەلەردى دەر كەزىندە شەشۋ؛ ءمالى (اۋىل - قالاشىق) جانە اۋىل - قىستاق نەگىزگى ساتى پارتيا ۇيىمدارىنىڭ رولىن تولىق ساۋلەلەندىرىپ، الەۋمەتتىك اۋماق جانە قىستاق كادرلارى، توركوز باسقارۋشىلارى، نەگىزگى ساتى ەمدەۋ قىزمەتكەرلەرى، حالىق ساقشىلارى، ەرىكتىلەر سياقتى كۇشتەردى ءبىر تۇتاس جوسپارلاپ، جاۋاپكەرشىلىكتى، جۇمىس ءبولىسىن اشالاپ، نەگىزگى ساتىنىڭ ساقتانۋ - تىزگىندەۋ قابىلەتىن جوعارىلاتۋ؛ قىزمەت جوباسىن كەمەلدەندىرىپ، قوعام ورنىقتىلىعى، ءوندىرىس حاۋىپسىزدىگى سياقتى جاقتارداعى حاۋىپ - قاتەرلەردى، كومەسكى كىناراتتاردى ىشكەرىلەي، ەگجەي - تەگجەيلى تۇگەل تەكسەرىپ، دەر كەزىندە رەتتەپ - تۇزەتىپ، جويىپ، شىن مانىندە حاۋىپسىز دە ورنىقتى ورتا قالىپتاستىرۋ كەرەك.

　　ما شيڭرۇي بىلاي دەپ باسا دارىپتەدى: كونە جىلدىڭ سوڭى مەن جاڭا جىلدىڭ باسى جاقىنداپ قالدى، جەر - جەر، تاراۋلار حالىقتى وزەك ەتكەن دامۋ يدەياسىنا تاباندى بولىپ، ءوندىرىس حاۋىپسىزدىگى سىندى ارقاۋدى ءارقاشان مىقتاپ شيراتىپ، حاۋىپتى حيميالىق بۇيىمدار، تاۋ - كەن، قاتىناس، قۇرىلىس سياقتى ءتۇيىندى كاسىپتەردەگى، سالالارداعى حاۋىپ - قاتەرلەردى، كومەسكى كىناراتتاردى جاپپاي ءبىر - بىرلەپ تەكسەرىپ، زاۆود ءۇيى جانە قامبا، زات اينالىمى قويماسى، بيىك قاباتتى قۇرىلىس، ءىرى كەشەن سياقتىلاردا ءورت ءسوندىرۋ - ورتتەن ساقتانۋ حاۋىپسىزدىگى بويىنشا وڭاۋدى جىلدام ورىستەتىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تيۋ؛ عىلىم جالپىلاستىرۋ بىلىمدەرىن ۇگىتتەۋدى تەرەڭدەتىپ، بۇقارانىڭ اپاتتان ساقتانۋ، اپات زيانىن ازايتۋ تانىمىن جوعارىلاتۋ؛ شۇعىل جاعدايعا توتەپ بەرۋ قولباسشىلىق جۇيەسى قۇرىلىسىن كۇشەيتىپ، شۇعىل جاعدايعا توتەپ بەرۋ دايىندىعى مەن شۇعىل جاعدايعا توتەپ بەرۋ بويىنشا ءبىر جاقتى ەتۋدى كۇشەيتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ ورەسىن جوعارىلاتىپ، ءار ۇلت بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن باتىلدىقپەن ويداعىداي قامتاماسىز ەتۋ كەرەك.

　　قادەن كابەن، چيۋ شۋحۋا، ازەز مۇسا قاتارلىلار قاتىستى تەكسەرۋ - زەرتتەۋگە قاتىناستى.