قاتىناستاعى ”قالتارىس جەردەن“ بەيجيڭ - شينجياڭ جوعارى قارقىندى تاس جولىنىڭ ”شينجياڭعا كىرۋدەگى ءبىرىنشى بەكەتىنە“ اينالعانعا دەيىن، باي اۋىلى شينسىلۋ الەۋمەتتىك اۋماعى −
وڭىرلىك ورىن باسىمدىعىن تياناق ەتىپ، اۋىل - قىستاق كاسىپ سالاسىن وركەندەتتى
□ انار بۇلت \ شينجياڭ گازەتىنىڭ ءتىلشىسى ۋي يۇڭگۇي، ەرىكتى ءتىلشى ليۋ ياحۇي
11 - ايدىڭ 22 - كۇنى، قۇمىل قالاسى اراتۇرىك اۋدانى باي اۋىلىنىڭ شينسىلۋ الەۋمەتتىك اۋماعى كۇننىڭ شۇلەن شۇعىلاسىنا شومىپ تۇر. كوك اسپان، اقشا بۇلتتىڭ استىندا، G7 بەيجيڭ - شينجياڭ جوعارى قارقىندى تاس جولىنىڭ ماڭىنداعى وسى ەلدى مەكەن تىنىش تا بەرەكەلى تۇرمىس كەشىرۋدە.
شينسىلۋ الەۋمەتتىك اۋماعى باي اۋىلىنداعى بىردەن - ءبىر الەۋمەتتىك اۋماق. قاز - قاتار تىزىلگەن جاڭا عيماراتتار، شىت جاڭا بەزەندىرىلگەن تازا دا رەتتى حالىقتىق تۇسەلحانالار مەن شارۋالار شاتتىعى ساياجايلارى، ۇيلەردىڭ الدى - ارتىنداعى ماۋەلەي وسكەن تال - تەرەكتەر ءوزارا جاراسىم تاپقان. نەگىزگى كوشەدەن قاراساڭ، الەۋمەتتىك اۋماقتا كوپ ادام كورىنبەيدى، تەك تۇرعىندار اۋماعى مەن حالىقتىق تۇسەلحانالاردان بۋداقتاپ شىققان تۇتىندەر عانا كوزگە شالىنادى.
”جۇرتتىڭ ءبارى وتە قاربالاس، كەيبىرەۋلەرى اۋداننىڭ ونەركاسىپ باقشاسىنداعى كاسىپورىنداردا ىستەيدى، اپتا سوڭىندا عانا قايتىپ كەلەدى؛ كەيبىرەۋلەرى عىلىم - تەحنيكا قىسقى كۋرسىنا قاتىناسىپ جاتىر، ەندى بىرەۋلەرى باعىمشىلىق شاعىن رايونىندا جۇمىس ىستەيدى، تاعى بىرەۋلەرى جۇمىسقا ورنالاستىرۋ بازاسىندا قاربالاس ىستەپ جاتىر. كۇندىز كوشەدە كوپ ادام بولمايدى“، - دەدى باي اۋىلدىق پارتكومنىڭ شۋجيى ليڭ يۇنجى.
باي اۋىلى اراتۇرىك اۋدان ورتالىعىنان 50 كيلومەتر شالعايدا، بۇرىن شەت - شالعايدا بولعاندىقتان قاتىناسى ءبىرشاما قولايسىز ەدى. 20 نەشە جىلدىڭ الدىندا، اۋىلدا ماندىعان جول جوق، اۋىلداستار اۋدان ورتالىعىنا بارۋ ءۇشىن اتپەن جارتى كۇن جۇرەتىن. كەيىن، قۇمىل شەكارالىق باسقارۋ تارماق اترەتى باي شەكارالىق ساقشى بولىمشەسىنىڭ كومەكتەسۋىندە، باي اۋىلى اۋدان قالاشىعىنا قاتىنايتىن تاس جول سالىپ، ەگىنشى - مالشىلاردىڭ قالاعا كىرۋى قيىن بولۋ تاريحىن اياقتاتتى. بۇل جولدى ەگىنشى - مالشىلار ”ساقشى - حالىق ىنتىماقتاستىق جولى“ دەپ اتادى.
جول سالىنپ، باي اۋىلى توماعا - تۇيىقتىققا قوش ايتىپ، ءداۋىردىڭ العا باسۋ اياق الىسىنا ىلەسىپ ۇلگىردى. قىستاق تۇرعىندارى سىرتقا شىعىپ جۇمىس ىستەدى، باعىمشىلىق كاسىبىن دامىتتى، شارۋالار شاتتىعى ساياجايىن اشتى، اۋىل شارۋاشىلىعى قوسىمشا ونىمدەرىن مانەرلەدى، جۇك اۆتوموبيل ساتىپ الىپ تاسىمالمەن شۇعىلداندى... ءشول دالا باياعى قالپىندا جاتقانىمەن، قىستاقتىڭ بەت - بەينەسى شىت جاڭا وزگەردى.
2021 - جىلى 6 - ايدىڭ 30 - كۇنى، G7 بەيجيڭ - شينجياڭ جوعارى جىلدامدىقتى تاس جولىنىڭ تۇتاس جەلىسى سالىنىپ بولىپ، اۆتوكولىك قاتىناپ، باي اۋىلى وسى تاس جول ءىرى ارناسىنىڭ ”شينجياڭعا كىرۋدەگى ءبىرىنشى بەكەتىنە“ اينالدى، جاڭا جىبەك جولى الەۋمەتتىك اۋماعى جاعراپيالىق باسىمدىعىمەن دامۋ اياق الىسىن ۇزدىكسىز تەزدەتتى.
”بۇرىن، ءبىزدىڭ بۇل ارا ’قاتىناستىڭ ەڭ قالتارىس جەرى‘ بولىپ، دامۋى باياۋ، تولىسقان كاسىپ سالاسى تاپشى، كىرىستى ارتتىرۋ تەبىنى جەتكىلىكسىز بولاتىن. قازىر ءبىزدىڭ الۋان ءتۇرلى، ساپالى اۋىل شارۋاشىلىعى ونىمدەرىمىز ءوتىمدى تاۋارعا اينالدى. ءبىزدىڭ وسى ارانىڭ جەرگىلىكتى ءونىمى سانالاتىن پيازدىڭ ءار كيلوگرامىنىڭ ساتىلۋ باعاسى 10 يۋانعا جەتتى. بۇدان سىرت، ساياحاتتىڭ قاۋىرت مەزگىلىندە حالىقتىق تۇسەلحانالار مەن شارۋالار شاتتىعى ساياجايىنىڭ ساۋداسى توتەنشە جاقسى“، - دەدى جاڭا جىبەك جولى الەۋمەتتىك اۋماعى پارتيا باس ياچەيكاسىنىڭ شۋجيى يبىراھيم ابدۇ.
باي اۋىلىنداعى جۇڭحى تۇيە باعىمشىلىعى كاسىپتىك سەلبەستىك كووپەراتيۆى باعىمشىلىق الاڭىنىڭ جاۋاپتىسى نۇرالي قاسىم اۆتوكولىگىمەن تۇيە ءسۇتىن اراتۇرىك اۋدانى تۇزكول قالاشىعىنداعى تۇيە ءسۇتى زاۆودىنا ساتۋعا اپارۋعا دايىندالىپ جاتىر.
”سەلبەستىك كووپەراتيۆى 1000نان استام تۇيە باعىپ وتىر، كۇنىنە تەك تۇيە ءسۇتىنىڭ وزىنەن 10 مىڭ يۋاننان استام كىرىس كىرگىزەدى. نەشە كۇننىڭ الدىندا، الەۋمەتتىك اۋماقتىڭ كادرلارى ءبىزدى باستاپ پارتيا 20 - قۇرىلتايىنىڭ رۋحىن ۇيرەندى، وندا اۋىل - قىستاقتاردىڭ ەرەكشە كاسىپ سالاسىن دامىتۋ، ەگىنشىلەردىڭ كىرىسىن ارتتىرىپ، بايۋ ارناسىن كەڭەيتۋ كەرەكتىگى ايتىلىپتى. كووپەراتيۆ مۇشەلەرى تالقىلاعاننان كەيىن، بۇدان بىلاي ءار جىلى 300 تۇيە كوبەيتىپ باعىپ، تۇيە باعىمشىلىعى كاسىبىن ۇلعايتۋدى، كۇشەيتۋدى جوسپارلادى“، - دەدى نۇرالي.
باي اۋىلىنىڭ ساياحات بايلىعى مول، كارىز كورىنىس رايونى، بايىرعى اسكەري قالا جۇرتى سياقتىلار بار. ءار جىلى 6 - ايدا، باي اۋىلى كارىز كورىنىس رايونىندا بۇلاق كوزىن اشۋ مەرەكەسىن وتكىزەدى، قازىرگە دەيىن ءۇرتىس 13 كەزەك وتكىزدى. بيىل 1 - ايدىڭ 26 - كۇنى، باي اۋىلى كارىز كورىنىس رايونىندا تۇڭعىش كەزەكتى اۆتوموبيل، كينو مەرەكەسىن وتكىزىپ، قالىڭ ساياحاتشىلاردى باۋرادى.
”ساياحات كاسىبىنىڭ دامۋى اۋىل شارۋاشىلىعى قوسىمشا ونىمدەرىنىڭ ساتىلۋىن تىكەلەي جەبەپ، ەگىنشى - مالشىلاردىڭ كىرىسىن ارتتىرۋدى جەبەدى، ءبىزدىڭ دامىتىپ وتىرعان تىرەكتى كاسىپ سالامىزدىڭ ءبىرى“. ليڭ يۇنجى بىلاي دەدى: وسى بىرنەشە جىلدا، ەگىنشى - مالشىلار ساياحات كاسىبىن دامىتۋدىڭ ورايىن بايقاپ، اۋىلدىڭ جەتەكشىلىك ەتۋىندە جاپا - تارماعاي اۋلالارىن وزگەرتىپ سالا باستادى، ءاربىر اۋلا وزىندىك ەرەكشەلىككە يە حالىقتىق تۇسەلحاناعا جانە شارۋالار شاتتىعى ساياجايىنا وزگەرتىلىپ، كاسىپ سالاسىن دامىتۋدىڭ، كورىكتى اۋىل - قىستاق قۇرىلىسىنىڭ جاڭا جارقىن تۇيىنىنە اينالدى.
قىستاق تۇرعىنى گۇلپارام ياقۇپ جاڭا جىبەك جولى الەۋمەتتىك اۋماعى قىزىل كوشە بويىنان ءبىر ساياحات قوجالىعىن اشتى. بىرنەشە كۇننەن بەرى اۋا رايى اشىق بولدى دا، ول ەت سۇرلەپ، قازى اۋدارۋمەن قاربالاس بولدى. ”وسى بىرنەشە جىلداعى كىرىسىمىز جامان ەمەس، بۇكىل وتباسىمىزداعىلار اقىلداسا كەلىپ، قوجالىقتى ۇزدىكسىز وزگەرتىپ، تيجارات كولەمىن كەڭەيتۋگە بەكىدىك، قازىرگە دەيىن 300 مىڭ يۋانداي قارجى قوستىق“، - دەدى گۇلپارام.
”كەيىن ءبىز تاعى بايىرعى اسكەري قالا جۇرتىن ويداعىداي اشىپ پايدالانىپ، اۋىل - قىستاق ساياحاتىنىڭ مادەنيەتتىك ءمانىن كۇشەيتەمىز“. ليڭ يۇنجى بىلاي دەدى: ”قازىر ءبىز، ءبىر جاعىنان، قورعاۋدى كۇشەيتىپ، ەندى ءبىر جاعىنان، بايىرعى جۇرتتىڭ زامانعا ايىرۋ نىسانىن ورىستەتۋدىڭ باستاپقى مەرزىمدىك قىزمەتىن مىقتى يگەرىپ، وسى بايىرعى جۇرتتى باي اۋىلىنىڭ مادەنيەت، ساياحاتىنىڭ جاڭا تانىسقىسىنا اينالدىرۋعا قۇلشىنامىز“.
”پارتيا 20 - قۇرىلتايىنىڭ بايانداماسى اۋىل شارۋاشىلىعىن، اۋىل - قىستاقتى الدىمەن دامىتۋعا، قالا مەن اۋىلدى توعىستىرا دامىتۋعا تاباندى بولۋدى، قالا، اۋىل فاكتورى اينالىمىن ىركىلىسسىزدەندىرۋدى ورتاعا قويدى. بۇگىنگى باي اۋىلى شينجياڭنىڭ شىعىس بولىك تاس جول قاتىناسىنداعى تۇيىندەردىڭ ءبىرى، ءبىز ورايدى مىقتاپ يگەرىپ، باسىمدىقتى تياناق ەتىپ، اۋىل - قىستاق كاسىپ سالاسىن گۇلدەندىرۋدى تىڭعىلىقتى ىلگەرىلەتەمىز. بولاشاقتاعى دامۋعا تولىق سەنىمدەمىز“، - دەدى ليڭ يۇنجى.
