اۆتونوميالى رايوندىق پارتكوم تۇراقتى كوميتەتى ءماجىلىس اشتى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 - ايدىڭ 26 - كۇنى تۇستەن بۇرىن ءماجىلىس اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەندى، دايەكتىلەندىردى، ورتالىقتاعى باسشى جولداستاردىڭ ماڭىزدى نۇسقاۋلارىنىڭ رۋحىن جەتكىزدى، ءۇرىمجى قالاسىنىڭ ىندەتتەن ساقتانۋ - تىزگىندەۋ، حاۋىپ - قاتەردەن ساقتانۋ، ءبىر جاقتى ەتۋ، بۇقارالىق قىزمەت قابىلەتىن، ورەسىن جوعارىلاتۋ سياقتى قاتىستى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ، مەملەكەتتىك كەڭەستىڭ پارمەندى باسشىلىعىندا، قاتىستى جاقتاردىڭ زور كۇشپەن قولداپ، كومەكتەسۋىندە، ءار ۇلت كادرلارى مەن بۇقاراسىنىڭ بىرگە قۇلشىنۋىندا ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىندە كەلەلى كەزەڭدىك جەتىستىكتەرگە قول جەتىپ، قوعامدىق جاقتا نولگە ءتۇسىرۋ نەگىزىنەن جۇزەگە استى. سونىمەن بىرگە، ىندەتتىڭ حاۋىپ - قاتەرى ءالى تۇبەگەيلى جويىلعان جوق، تارالۋ تىزبەگى ءالى تولىق ۇزىلمەدى، ءسال بوساڭسىساق، قايتا بەلەڭ بەرۋى مۇمكىن. ءۇرىمجى قالاسىنداعى ءار دارەجەلى ورىندار، تاراۋلار ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن تەرەڭ تانىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىمەن ونان ارى بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تولىق، دالمە - ءدال، جاپپاي دايەكتىلەندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، باس تاكتيكاعا، باس باعىتقا بۇلجىماي، تۇرلەندىرمەي تاباندى بولىپ، ءسوزسىز، جەڭىسكە جەتۋ سەنىمىن نىعايتىپ، تاباندىلىقتى، توزىمدىلىكتى ساقتاپ، نىسانانى كوزدەپ، تولاسسىز شايقاس جاساپ، قولايلى جاعدايدان ۇتىمدى پايدالانىپ العا ىلگەرىلەپ، شارالاردى مىقتى، ناقتى يگەرىپ، ساقتانۋ - تىزگىندەۋ جەتىستىكتەرىن بەكەمدەپ، كەڭەيتىپ، ىندەتتەن ساقتانۋ - تىزگىندەۋ، ىندەتتى جويۋ شايقاسىنىڭ سوڭعى جەڭىسىنە قول جەتكىزۋگە قۇلشىنۋى كەرەك. 9 - نۇسقاداعى ساقتانۋ - تىزگىندەۋ جوباسىنا تاباندى بولىپ، 20 تارماقتى ساپالىلاندىرۋ شاراسىن تياناقتاندىرىپ، ءتۇيىندى تىزبەكتەردى، ءتۇيىندى ورىنداردى تىعىز قاداعالاپ، حىسۋان تەكسەرۋ، ەپيدەميولوگيالىق تەكسەرۋ بويىنشا جاپپاي ءبىر - بىرلەپ تەكسەرۋ، اۋاشالاۋعا تاسۋ سياقتى قىزمەتتەردى ءتىپتى عىلمي، دالمە - ءدال ىلگەرىلەتىپ، قوعامدىق جاقتا تۇبەگەيلى نولگە ءتۇسىرۋدى جەدەل ىلگەرىلەتىپ، قالىپتى ءوندىرىس، تۇرمىس ءتارتىبىن ورنىقتى، ءتارتىپتى قالپىنا كەلتىرۋ كەرەك. شىندىقتى ءىس جۇزىنەن ىزدەۋگە، شىن سويلەۋگە، ناقتى جاعدايدى مالىمدەۋگە، ناقتى ءىس ىستەۋگە تاباندى بولىپ، جاۋاپكەرسىزدىك پوزيتسياسىنا قارسى تۇرۋمەن بىرگە، قاراپايىمداستىرۋ، ”ءبىر شىبىقپەن ايداۋ“، ساتى - ساتى بويىنشا اۋىرتپالىق قوسۋ سياقتى ىستەردەن دە ساقتانىپ، ساقتانۋ - تىزگىندەۋ ساپاسى مەن ونىمدىلىگىن ۇزدىكسىز جوعارىلاتۋ كەرەك. ىندەتتەن ساقتانۋ كەزىندەگى ورنىقتىلىقتى قورعاۋ قىزمەتىن تىڭعىلىقتى جاقسى ىستەپ، وسەك - اياڭ شىعارۋ، وسەك - اياڭ تاراتۋ، سويقان شىعارۋعا جەلىكتىرۋ، ىندەتتەن ساقتانۋ - تىزگىندەۋ شارالارىنا زورلىقتى كۇشپەن قارسىلىق كورسەتۋ سياقتى زاڭعا قايشى قىلمىستىق ارەكەتتەرگە زاڭ بويىنشا، ەرەجە بويىنشا قاتاڭ سوققى بەرىپ، ىندەتتەن ساقتانۋ - تىزگىندەۋ ءتارتىبىن باتىل قورعاۋ كەرەك.
ءماجىلىس مىنالاردى باسا دارىپتەدى: بۇقارالىق قىزمەتتى جاقسى ىستەۋ قابىلەت دەڭگەيىن كۇش سالا جوعارىلاتۋ كەرەك، ءار دارەجەلى باسشى كادرلار بۇقارامەن بايلانىس جاساۋعا شەبەر بولىپ، بەتپە - بەت، ەتەنە، ناقتى بولىپ، بۇقارالىق قىزمەتتىڭ ەرەكشەلىگى مەن زاڭدىلىعىن ىرىقتىلىقپەن زەرتتەپ جانە يگەرىپ، الدىڭعى شەپكە، بۇقارا اراسىنا ىشكەرىلەي بارىپ، ىشكەرىلەي تەكسەرۋ - زەرتتەۋ جۇرگىزىپ، بۇقارا وڭاي قابىلدايتىن تاسىلدەر ارقىلى قىزمەت ورىستەتىپ، ينتەرنەتتە بۇقارالىق لۋشيانمەن ويداعىداي ءجۇرىپ، بۇقارانى ۇيىمداستىرۋ، بۇقاراعا ۇگىت جۇرگىزۋ، بۇقارانى جەتەكتەۋ، بۇقاراعا قىزمەت وتەۋ قابىلەتىن ۇزدىكسىز جوعارىلاتۋى كەرەك. بۇقارانىڭ مۇڭ - مۇقتاجىن قاشاندا كوكەيدە ساقتاپ، كىشى - گىرىم ىستەردى ۇلكەن ءىس رەتىندە ىستەپ، بۇقارا ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن، ولاردىڭ ەڭ قيىن، ەڭ الاڭداعان، ەڭ كوكەي تەستى ءىس جۇزىندىك ماسەلەلەرىن ويداعىداي شەشۋ كەرەك. قازىر نازاردى ىندەتتىڭ ىقپالىنا ۇشىراعان قيىنشىلىعى بار بۇقارا مەن جەكە ساۋدا - ونەركاسىپشىلەرگە، تومەن كىرىستى قاۋىمعا، تۇراقتى كىرىسى جوق قاۋىمعا، ت . ب لارعا شوعىرلاندىرىپ، قۇتقارۋ - كومەكتەسۋ قارجىسىن، تۇرمىستىق قوسىمشا قاراجات تاراتۋ، قوجالىق باسقارۋ، سۋ - ەلەكتر، جىلىنۋ سياقتى اقىلاردى جەڭىلدىك جاساپ ازايتۋ، كەشىرۋ سىندى باعىتتامالى كومەكتەسۋ - سۇيەمەلدەۋ شارالارىن ءىس جۇزىندىك جاعدايمەن ۇشتاستىرا اقىلداسىپ، اتقارىپ، قىزمەتتى شىن مانىندە بۇقارانىڭ كوڭىلىنەن شىعاتىنداي ەتىپ ىستەپ، بۇقارانىڭ كوزبەن كورىپ، قولمەن ۇستاۋعا بولاتىن ناق بولمىستان مەيىر مەن قامقورلىقتى سەزىنۋىنە مۇمكىندىك جاساۋ كەرەك.
ءماجىلىس مىنالاردى باسا دارىپتەدى: يدەولوگيا قىزمەتى جاۋاپكەرشىلىك ءتۇزىمىن اناعۇرلىم زور تەبىنمەن تياناقتاندىرىپ، باسشى كادرلاردىڭ مەديالىق ساپاسى مەن قوعامدىق پىكىرگە جەتەكشىلىك ەتۋ دەڭگەيىن، ينتەرنەتتەن پايدالانۋ، ينتەرنەتتى باسقارۋ قابىلەتىن جوعارىلاتىپ، ينفورماتسيا جاريالاۋ ارناسى مەن ءتاسىلىن ۇزدىكسىز بايىتىپ جانە كەڭەيتىپ، قۇزىرلى ينفورماتسيالاردى زاڭ بويىنشا، ەرەجە بويىنشا دالمە - ءدال جاريالاپ، ساياسات - شارالاردى ۇگىتتەۋدى، ءتۇسىندىرۋدى دەر كەزىندە جاقسى ىستەپ، ەلەۋلى جۇرت رايىنا جانە توسىن تۋىلعان وقيعاعا قوعامدىق پىكىر ارقىلى جەتەكشىلىك ەتۋ مەحانيزمىن كەمەلدەندىرىپ، توسىن تۋىلعان وقيعالارعا توتەپ بەرۋ، ءبىر جاقتى ەتۋ ونىمدىلىگىن جوعارىلاتىپ، قوعامدىق پىكىر جاعىنداعى تاراتۋ قۋاتىن، جەتەكتەۋ قۋاتىن، ىقپال قۋاتىن، الەۋمەتتىك سەنىمدىلىك قۋاتىن شىن مانىندە جوعارىلاتىپ، ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ورىنداۋعا، رەفورما، دامۋ، ورنىقتىلىق قىزمەتتەرىن ىلگەرىلەتۋگە قۋاتتى وڭ ەنەرگيا ۇيىستىرۋ كەرەك.
ءماجىلىس مىنالاردى باسا دارىپتەدى: ءار دارەجەلى باسشى كادرلار قاشاندا شىتاداي مۇزدا جۇرگەندەي ساقتىقتى، جاپىراققا قاراپ كۇز كەلگەنىن اڭدايتىن قىراعىلىقتى ساقتاۋ، ءوزى جاۋاپتى بولعان سالاداعى ەلەۋلى حاۋىپ - قاتەرلەردەن ايرىقشا ساق بولۋمەن جانە ساقتانۋمەن بىرگە، جالپى جاعداي سيپاتىنداعى ەلەۋلى حاۋىپ - قاتەرلەرگە دە ءجىتى نازار اۋدارىپ، نىسايلىق، نىشاندىق ماسەلەلەردەن دەرەگىن بايقاۋعا شەبەر بولىپ، ەرتە تانىپ، ەرتە ساقتانىپ، ەرتە بايقاپ، ەرتە ءبىر جاقتى ەتىپ، ساياسي، ەكونوميكا، قوعام، ءوندىرىس حاۋىپسىزدىگى سياقتى سالالارداعى حاۋىپ - قاتەرلەردى، كومەسكى كىناراتتاردى جاپپاي ءبىر - بىرلەپ تەكسەرىپ، جويىپ، ەلەۋلى توسىن وقيعالاردىڭ تۋىلۋىنان ءونىمدى ساقتانىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن بار كۇشپەن قورعاۋى كەرەك.
