تيانشان تورى - شينجياڭ گازەتىنىڭ حابارى (ٴتىلشى يۇي مىڭفان حابارلايدى). ”بۇگىن جاڭادان كىرگەن ناۋقاستىڭ قان قىسىمى ٴبىرشاما جوعارى، دارىگەرلىك كەڭەستى جازىپ، ٴدارى بەردىم، كوپشىلىك ارالاپ تەكسەرۋدى كۇشەيتىپ، جۇمىستى وتكەرىپ بەرگەننەن كەيىن دە ٴتۇيىندى تۇردە ۇزدىكسىز نازار اۋدارىڭىزدار“. 11 ـ ايدىڭ 19 ـ كۇنى حىناننان شينجياڭعا كومەككە كەلگەن ەمدەۋ اترەتى جاۋاپتى بولعان شينجياڭ حالىقارالىق ٴماجىلىس ـ كورمە ورتالىعى فاڭساڭ شيپاحاناسىنىڭ C بولمەسىندە فان جۇنچاۋ بولمەگە جاڭادان كەلگەن ناۋقاستارعا تۇجىرىم جاسادى.
فان جۇنچاۋ حىنان داشۋەسىنە قاراستى 1 ـ شيپاحانادان كەلگەن، حىناننان شينجياڭعا كومەككە كەلگەن ەمدەۋ اترەتى B گرۋپپاسىنىڭ باستىعى رەتىندە، ونىڭ فاڭساڭ ىشىندە تۇراقتى جۇمىس ورنى جوق. ٴاربىر قىزمەت ورنىندا ونىڭ ابىگەر بولعان بەينەسىن كورۋگە بولادى: ەمدەۋ اترەتىنىڭ قىزمەت ٴتارتىبىن ساپالىلاندىرادى، فاڭساڭ ىشىندە ناۋقاستاردى ارالاپ تەكسەرەدى، فاڭساڭعا كىرىپ - شىققان ناۋقاستارعا تۇجىرىم جاسايدى، اۋرۋدى قۇتقارىپ ەمدەيدى، دارىگەرلىك كەڭەس جازادى، ناۋقاستاردىڭ تالاپ - تىلەگىن شەشەدى، بولمەدەگى قۇتقارۋ جابدىقتارىن تەكسەرەدى، ەمدەۋ قىزمەتكەرلەرىنە قورعانۋدى ويداعىداي ىستەۋدى تاپسىرادى ...
فان جۇنچاۋ (وڭدا) ساپتاستارىمەن بىرگە قىزمەتتى تالقىلاۋدا. سۋرەتتى حىناننان شينجياڭعا كومەككە كەلگەن ەمدەۋ اترەتى بەرگەن
حىناننان شينجياڭعا جەتكەن كۇنى كەشتە، قونالقى جايدا ازىراق تىنىققان كەيىن، فان جۇنچاۋ دەرەۋ اشىلۋدىڭ الدىنداعى فاڭساڭ شيپاحاناسىنا بارىپ، ساقتانۋ-قورعانۋ زاتتىق ماتەريالدارىنىڭ دايىندالۋ جاعدايىن سول جەردىڭ وزىندە ۇعىستى ٴارى جۇعىمدالۋدى تىزگىندەۋ بارىسىن تەكسەردى. فاڭساڭ اشىلۋدىڭ الدىنداعى ەڭ سوڭعى ەكى كۇندە، ٴتۇرلى دايىندىق جۇمىستارى كۇردەلى بولىپ، فان جۇنچاۋ كۇن – ٴتۇن دەمەي جۇمىس ىستەدى: ”ٴبىز كوبىرەك ۋاقىت شىعارساق، ناۋقاستار شيپاحاناعا ەرتەرەك كىرىپ ەمدەلە الادى“، - دەدى.
ەمدەۋ اترەتىنىڭ توككەن تەرى ناۋقاستاردىڭ قۇپتاۋىنا جانە قولداۋىنا يە بولدى. كوپتەگەن ناۋقاستار فان جۇنچاۋ مەن ساپتاستارىنان كومەك قاجەت پە دەپ سۇرادى. ٴبىر ناۋقاس شيپاحانادان شىعۋدىڭ الدىندا ٴوزىنىڭ بايلانىس جاساۋ ٴتاسىلىن قالدىردى، ”ول ىندەت ايىققاننان كەيىن ٴوزى جول باستاۋشى بولىپ، ٴبىزدى شينجياڭعا كەلىپ كورىنىستەردى تاماشالاۋعا، ٴدامدى تاعامداردان ٴدام تاتۋعا ۇسىنىس ەتەمىن دەدى“. فان جۇنچاۋ بىلاي دەدى: ناۋقاستاردىڭ مەنى جانە سەرىكتەرىمدى مويىنداۋى ۇزدىكسىز العا باسۋىمىزداعى قوزعاۋشى كۇش، قانشا جاپا تارتساق تا تاتيدى.
حىناننان شينجياڭعا كومەككە كەلگەن ەمدەۋ اترەتىنىڭ ىشىندە ىندەتكە قارسى اتتانعان ”ساقا جاۋىنگەرلەر“ دە، ىندەتكە قارسى اتتانۋعا تۇڭعىش رەت قاتىناسقاندار دا بار. B گرۋپپانىڭ باستىعى رەتىندە، فان جۇنچاۋ قىزمەت ورنالاستىرۋىن جاقسى جاساپ، فاڭساڭنىڭ ٴىشى - سىرتىنداعى قىزمەت اينالىم تارتىبىنە جاۋاپتى بولىپ، فاڭساڭنىڭ ىشىندەگى ساندىق مالىمەتتەردى جولدادى، سونداي - اق اترەت مۇشەلەرىن ساقتانۋ – تىزگىندەۋ جونىندە تاربيەلەۋدى ويداعىداي ىستەدى، اترەت مۇشەلەرىنە كوڭىل بولەتىن ىستەر مەن قىزمەت ٴتارتىبىن ەسكەرتىپ، كوپشىلىكتىڭ حاۋىپسىزدىگىنە شىنايى كەپىلدىك ەتتى. وسىنشاما قاربالاس بولسا دا، ول بارلىق اترەت مۇشەلەرىنىڭ تۋعان كۇندەرىن جيناقتاۋدى ەستەن شىعارماي، اترەت مۇشەلەرىنىڭ تۋعان كۇنىندە تىلەك جەتكىزدى.
فان جۇنچاۋ ناۋقاستارعا بەلسەنە ەمدەۋ ورىستەتۋمەن، ناۋقاستاردىڭ تالاپ - تىلەكتەرىن شەشىم ەتۋمەن بىرگە، ساپتاستارىمەن بىرگە ىندەتتەن ساقتانۋ ساياساتتارىن ۇگىتتەۋ جانە سالاماتتىق عىلىم جالپىلاستىرۋ بويىنشا ءتۇسىندىرۋدى كۇشەيتۋدى ۇمىتپاي، ناۋقاستاردىڭ ىندەتكە قارسى اتتانۋدىڭ جەڭىسىنە قول جەتكىزۋ سەنىمىن نىعايتتى.
”ىندەتكە قارسى تۇرۋ شايقاسى تۇبىندە جەڭىسكە جەتەدى، بۇل بارىس ٴاربىر ادامنىڭ ۇلەس قوسۋى مەن سايكەسۋىنەن ايىرىلا المايدى“،-دەدى فان جۇنچاۋ،- ”كوممۋنيستىك پارتيا مۇشەسى رەتىندە، مەن ناۋقاستار مەن سەرىكتەرىمنىڭ جاقسى ’قىزمەتشىسى‘ بولىپ، ٴاربىر ادامعا مۇمكىندىگىنشە كوڭىل بولەمىن. كوپشىلىكتى ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، شۇعىلالى كۇننىڭ كەلۋىن بىرگە قارسى الۋعا باستايمىن“.
اۋدارعان: قادىر ماقان
