اۆتونوميالى رايوندىق پارتكوم تۇراقتى كوميتەتى ءماجىلىس اشتى
ءىس جۇزىندىك ارەكەتپەن ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 - ايدىڭ 28 - كۇنى تۇستەن بۇرىن ءماجىلىس اشىپ، پارتيا 20 - قۇرىلتايىنىڭ رۋحىن ىشكەرىلەي ۇيرەندى، ۇگىتتەدى، دايەكتىلەندىردى، باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىردى، تياناقتاندىردى، تۇتاس رايوننىڭ ىندەتتەن ساقتانۋ - تىزگىندەۋ، قالىپتى ءوندىرىس، تۇرمىس ءتارتىبىن ءتارتىپتى تۇردە قالپىنا كەلتىرۋ، ەلەۋلى حاۋىپ - قاتەرلەردەن، كومەسكى كىناراتتاردان ساقتانۋ جانە ونى جويۋ سياقتى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: تۇتاس رايونداعى ءار دارەجەلى، ءارقايسى تاراۋلار ”ەكىنى تۇراقتاندىرۋدى“ بۇلجىماي قورعاۋ، ”ەكىنى قورعاۋدى“ امالياتتا ايگىلەۋ ساياسي دەڭگەيىندە تۇرىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ، مەملەكەتتىك جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى تەلەۆيزور - تەلەفون ءماجىلىسىنىڭ تالاپتارىن دايەكتىلەندىرىپ، تياناقتاندىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىمەن شىن مانىندە بىرلىككە كەلتىرىپ، پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ ونىمدىلىگىن ىندەتتەن ساقتانۋ - تىزگىندەۋ جەتىستىگىن بەكەمدەۋدە، كەڭەيتۋدە ايگىلەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تولىق، دالمە - ءدال، جان - جاقتى دايەكتىلەندىرىپ، جابىق كۇيدە باسقارۋدى كۇشىنەن قالدىرۋدىڭ ساقتانۋدى كۇشىنەن قالدىرۋ ەمەس ەكەندىگىن، اشىق ۇستاۋدىڭ بوساڭسىتۋ ەمەس ەكەندىگىن جەتە تانىپ، تانىمداعى جەتەرسىزدىك، دايىندىقتاعى جەتەرسىزدىك، قىزمەتتەگى جەتەرسىزدىك سياقتى ماسەلەلەردى باتىل جويىپ، ”ۇشتەن بۇلجىماۋعا“ تيتتەي دە اۋىتقىماي تاباندى بولىپ، 9 - نۇسقاداعى ساقتانۋ - تىزگىندەۋ جوباسى مەن 20 تارماقتى ساپالىلاندىرۋ شاراسىن قاز - قالپىندا تياناقتاندىرىپ، باعداردان اۋىتقىماي، ءتۇسىن تۇرلەندىرمەي، فورماسىن وزگەرتپەي، ىندەتتەن ساقتانۋ - تىزگىندەۋ بويىنشا ىندەتتى جويۋ شايقاسىن، توسقاۋىل شايقاسىن تاباندىلىقپەن ويداعىداي جۇرگىزىپ، كولەمدى قايتا بەلەڭ بەرۋدىڭ تۋىلماۋ تومەنگى شەگىن باتىل ساقتاپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى دەڭگەيدە قورعاۋ، ىندەتتىڭ ەكونوميكانىڭ، قوعامنىڭ دامۋىنا جاسايتىن ىقپالىن ەڭ جوعارى شەكتە ازايتۋ كەرەك.
ءماجىلىس مىنالاردى باسا دارىپتەدى: ءۇرىمجى قالاسى قازىر شۇعىل جاعدايعا توتەپ بەرۋ بويىنشا ساقتانۋ - تىزگىندەۋدەن ۇدايىلانعان ساقتانۋ - تىزگىندەۋگە قاراي وتەتىن شەشۋشى كەزەڭدە تۇر، ءسوزسىز، ىندەتتەن ساقتانۋ - تىزگىندەۋ شارالارىن تياناقتاندىرۋدى تيتتەي دە بوساڭسىماي ناقتاپ، ويداعىداي يگەرىپ، قوعامدىق جاقتا تۇبەگەيلى نولگە ءتۇسىرۋدى جەدەل ىلگەرىلەتىپ، ساقتانۋ - تىزگىندەۋ جەتىستىگىن ۇزدىكسىز بەكەمدەۋ، كەڭەيتۋ، ىندەتتىڭ قايتا بەلەڭ بەرۋىنەن باتىل ساقتانۋ كەرەك. ساقتانۋ - تىزگىندەۋ شارالارىن قاتاڭ تياناقتاندىرۋ، حاۋىپ - قاتەردى باعالاۋدى ەگجەي - تەگجەيلى ويداعىداي ىستەۋ نەگىزىندە، وڭىرگە، سالاعا ايىرىپ، قوعامدىق اينالىمدى ساتى - ساتى بويىنشا اشىپ، الەۋمەتتىك قاتىناس، قىزمەتكە بارىپ - كەلۋ، ساۋدا دۇكەندەرى، ەرەن بازار، جەدەل جەتكىزۋ زات اينالىمى سياقتىلاردىڭ جۇمىستى، ءوندىرىستى، ساۋدانى، بازاردى قالپىنا كەلتىرۋىن ءتارتىپتى ىلگەرىلەتۋ كەرەك. ۋاقىتتى، سەرپىندى، ونىمدىلىكتى ويداعىداي يگەرىپ، قاراپايىمداستىرۋدان، ”ءبىر شىبىقپەن ايداۋدان“ جانە ”ساتى - ساتى بويىنشا اۋىرتپالىق قوسۋدان“ باتىل ساقتانىپ، ”ساتى - ساتى بويىنشا ولشەمدى ازايتۋدى“، ”اشا سالىپ بولدى - ءبىتتى دەۋدى“ باتىل تيىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ويداعىداي ءبىر تۇتاس جوسپارلاۋ كەرەك.
ءماجىلىس مىنالاردى باسا دارىپتەدى: كەزەكتەگى جاعدايدى دۇرىس يگەرىپ، ىندەتتەن ساقتانۋ - تىزگىندەۋ شارالارىن باستان - اياق تىڭعىلىقتى تياناقتاندىرىپ، ساقتانۋ - تىزگىندەۋ قىزمەتىنىڭ ىرىقتىلىعىن مىقتاپ يگەرىپ، ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن جەدەل اقاۋسىزداندىرۋ، كەمەلدەندىرۋ كەرەك. اۋماقتارعا، دارەجەگە، تۇرگە ايىرىپ ساقتانۋ - تىزگىندەۋدى عىلمي، دالمە - ءدال ويداعىداي ىستەپ، حاۋىپ - قاتەرلى اۋماقتاردى ايىرۋ جانە تىزگىندەۋ - باسقارۋ تالابىن قاتاڭ تياناقتاندىرىپ، جوعارى حاۋىپ - قاتەرلى اۋماقتاردى عيماراتقا، كورپۋسقا دەيىن دالمە - ءدال ايىرىپ، بولىمدى بولعان جۇعىمدالۋشىلار مەن ولارعا تىعىز جاناسۋشىلاردىڭ وتكەرمەلەپ تاسۋعا تيىستىلەرىن تۇگەل وتكەرمەلەپ تاسۋدى، اۋاشالاۋعا تيىستىلەرىن تۇگەل اۋاشالاۋدى، كۇن سايىن اداقتاپ، كۇن سايىن اياقتاتۋدى جەدەل ىلگەرىلەتىپ، شارتقا ۇيلەسەتىندەردى باسقارۋ - تىزگىندەۋدەن دەرەۋ بوساتۋ؛ تومەن حاۋىپ - قاتەرلى اۋماقتار قاداعالاۋ، الدىن الا ساقتاندىرۋ سەزگىرلىگىن جوعارىلاتىپ، ساقتانۋدى تياناق ەتىپ، ەرتە كىرىسۋدى تياناق ەتىپ، جەدەل ءبىر جاقتى ەتۋدى تياناق ەتىپ، توپتاسۋ سيپاتتى ىندەتتىڭ تۋىلۋىنان قاتاڭ ساقتانۋ كەرەك. ساقتانۋ - تىزگىندەۋ شاراسىن ۇدايىلاندىرۋدى قاتاڭ تياناقتاندىرىپ، مەكتەپ، شيپاحانا، ساۋدا، زات جەتكىزۋ، قاتىناس - تاسىمال، ونەركاسىپ، كەن كاسىپورىندارى، ورگان، مەكەمە - ورىندارى سياقتى ءتۇيىندى سالالار مەن ءتۇيىندى ورىنداردى كورنەكتىلەندىرىپ، قىزمەتتىڭ تۇيىق اينالىمى، كود بويىنشا باسقارۋ سياقتى شارالاردى دالمە - ءدال تياناقتاندىرۋ؛ حاۋىپ - قاتەرلى جۇمىس ورىندارىندا جانە ادامدار شوعىرىندا حىسۋان تەكسەرۋ تالابىن قاتاڭ اتقارۋ، جەدەل جەتكىزۋ، ساۋدا دۇكەندەرى، ەرەن بازار، اسحانا سياقتى كاسىپتەردەگى جىلجىمالى ادامداردىڭ حاۋىپ - قاتەرىنەن ساقتانۋ - تىزگىندەۋدى ويداعىداي ىستەۋ؛ كۇش سالا نەگىزدى بەكەمدەپ، ولقىلىقتاردى تولىقتاپ، حىسۋان تەكسەرۋ تاجىريبەحانالارى جانە ۇلگى الۋشىلار، اۋاشالاۋ بولمەلەرى، ەپيدەميولوگيالىق تەكسەرۋ قوسىنى سياقتىلاردىڭ قۇرىلىسىن، زاپاس قورىن كۇشەيتىپ، ساقتانۋ - تىزگىندەۋ نەگىزگى قابىلەتىن جوعارىلاتۋ كەرەك. بىرلەسىپ ساقتانۋدىڭ، بىرلەسىپ تىزگىندەۋدىڭ، بۇقارالىق ساقتانۋدىڭ، بۇقارالىق تىزگىندەۋدىڭ بەرىك قورعانىس شەبىن مىقتاپ قۇرىپ، وڭىرلەردى باسقارۋدى، تاراۋلاردى باسقارۋدى، سالالاردى باسقارۋدى، نەگىزگى ساتىنى باسقارۋدى، مەكەمە - ورىنداردى باسقارۋدى ورگانيكالى ۇشتاستىرىپ، ءتۇيىندى ورىن، شەشۋشى بۋىن، ءتۇيىندى قاۋىم سياقتىلاردىڭ ساقتانۋ - تىزگىندەۋىن كۇشەيتىپ، قاۋىرت مەزگىلدەن تايساۋ، اينالىمدى تىزگىندەۋ، كود تەكسەرۋ، تەمپەراتۋرا ولشەۋ، ماسكا تاعۋ، توپتاسپاۋ سياقتى شارالاردى تياناقتاندىرىپ، بۇقارانى ءوز دەنساۋلىعىنىڭ ءبىرىنشى جاۋاپتىسى بولۋعا جەتەكتەپ، بەرىك قالتقىنى شىنىمەن مىقتاپ ورناتۋ كەرەك.
ءماجىلىس مىنالاردى باسا دارىپتەدى: دامۋ مەن حاۋىپسىزدىكتى جوعارى ونىمدىلىكپەن ءبىر تۇتاس جوسپارلاپ، ءىستىڭ قىلپىنا قاراپ ءمانى مەن دامۋ اۋقىمىن ءبىلۋ قابىلەتىن كۇشەيتىپ، ءار سالاداعى حاۋىپ - قاتەر، كومەسكى كىناراتتاردان ءونىمدى ساقتانۋ جانە ونى جويۋ كەرەك. يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، قوعامدىق جاعدايعا، ەل رايىنا قاداعالاي نازار اۋدارىپ، قوعام ءجىتى قاداعالاعان جانە قوعامدىق پىكىر نازار اۋدارعان ىستەرگە دەر كەزىندە اڭىس قايتارىپ، ءتۇرلى قاتە يدەيا، كوزقاراستارعا تۋى ايقىن تۇردە قارسى تۇرىپ، ينتەرنەت ينفورماتسياسىن باسقارۋدى زاڭ بويىنشا كۇشەيتۋ؛ ءوندىرىس حاۋىپسىزدىگى قىزمەتىن تيتتەي دە بوساڭسىماي ويداعىداي يگەرىپ، پارتيا مەن ۇكىمەت بىردەي جاۋاپتى بولۋعا، ءبىر قىزمەت ورنىندا قوس جاۋاپكەرشىلىك ارقالاۋعا، جۇمىلا يگەرىپ، بىرگە باسقارۋعا، قىزمەت مىندەتىن اتقارماعانداردىڭ جاۋاپكەرشىلىگىن قۋزاستىرۋعا تاباندى بولىپ، ءتۇيىندى سالالارداعى ءوندىرىس حاۋىپسىزدىگى حاۋىپ - قاتەرىن، كومەسكى كىناراتتاردى جاپپاي ءبىر - بىردەن تەكسەرىپ، رەتتەپ، جونگە سالۋ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ؛ قوعامدىق باسقارۋدى كۇشەيتىپ، ىندەتتەن ساقتانۋ ءتارتىبىن، قوعامدىق ءتارتىپتى ءبۇلدىرۋ سياقتى زاڭعا قايشى قىلمىستىق ارەكەتتەردى زاڭ بويىنشا قاتاڭ جازالاپ، قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاۋ كەرەك. ەكونوميكانى ورنىقتىرۋدىڭ ءبىر قىدىرۋ ساياساتتارى مەن ۇلاسپالى شارالارىنىڭ تياناقتانىپ ونىمدىلىك كورسەتۋىن ىلگەرىلەتىپ، كاسىپورىنداردىڭ زات جەتكىزۋ، جۇمىسشى ىستەتۋ، قارجى قۇراۋ سياقتى جاقتارداعى قيىن ماسەلەلەرىن شەشۋىنە كومەكتەسىپ، ورتا، شاعىن، ۇساق كاسىپورىندار، جەكە ساۋدا - ونەركاسىپشىلەر سياقتىلارعا تيىمدىلىك جاساپ قولداۋ كورسەتۋ جانە قيىنشىلىعى بار بۇقارانى، ەرەكشە قاۋىمدى قۇتقارۋ، كومەكتەسۋ شارالارىن تياناقتاندىرۋ؛ ءونىمدى قارجى قوسۋدى بەلسەنە كەڭەيتىپ، ساۋداگەر شاقىرىپ قارجى ەنگىزۋدى جانە نىسان قۇرىلىستارىن ناقتى يگەرىپ، تۇتىنۋدى قايتا تولىقتاۋدى ۇزدىكسىز ىلگەرىلەتىپ، ىندەتتەن تۋىنداعان زياندى بارىنشا ازايتۋعا قۇلشىنۋ كەرەك.
ءماجىلىس مىنالاردى باسا دارىپتەدى: ءار دارەجەلى باسشى كادرلار ساياسي دەڭگەيدى جوعارىلاتىپ، ساياسي جاۋاپكەرشىلىك ارقالاپ، ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، يدەيالىق تانىم، قىزمەت دايىندىعى، بايلىق قورى سياقتى جاقتاردا ”اشا دا الۋعا“ شىنايى كەپىلدىك ەتۋمەن بىرگە، ”تىزگىندەي دە الۋعا“ شىنايى كەپىلدىك ەتۋدىڭ اناعۇرلىم جوعارى تالابىنا ۇيلەسىپ، ساقتانۋ - تىزگىندەۋدى ۇدايىلاندىرۋ جانە شۇعىل جاعدايعا توتەپ بەرۋ، ءبىر جايلى ەتۋ، اۋىستىرۋ مەحانيزمىن ساپالىلاندىرىپ، قاراستى جەر، تاراۋ، مەكەمە جانە جەكە ”ءتورت جاقتىڭ جاۋاپكەرشىلىگىن“ قاتايتىپ، ناقتىلاندىرىپ، ىندەتتەن ساقتانۋ - تىزگىندەۋ مەن قالىپتى ءوندىرىس، تۇرمىس ءتارتىبىن ءتارتىپتى تۇردە قالپىنا كەلتىرۋ قىزمەت جوباسىن ەگجەي - تەگجەيلى، ءبىر تۇتاس جوسپارلاپ ويداعىداي ىستەپ، جاۋاپكەرشىلىكتى ارقالاۋ باتىلدىعىمەن، عىلمي ساقتانۋ - تىزگىندەۋ اقىل - پاراساتىمەن، ءبىر تۇتاس جوسپارلاپ تەڭ ءمان بەرۋ تاسىلىمەن، ۇيىمداستىرىپ اتقارۋ قابىلەتىمەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرىپ، ىندەتكە توسقاۋىل قويۋعا، ەكونوميكانى ورنىقتىرۋعا، دامۋ حاۋىپسىز بولۋعا شىنايى كەپىلدىك ەتۋ كەرەك.
