شينحۋا اگەنتتىگىنىڭ 11 - ايدىڭ 29 - كۇنى بەيجيڭنەن بەرگەن حابارى. 11 - ايدىڭ 29 - كۇنى مەملەكەت ءتوراعاسى شي جينپيڭ 4 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: جۇڭگو - رەسەي ەنەرگيا سەلبەستىگى ەكى ەلدىڭ ناقتى ىستەر سەلبەستىگىنىڭ ماڭىزدى ىرگە تاسى ءارى الەمدىك ەنەرگيا حاۋىپسىزدىگىن قورعايتىن بەلسەندى كۇش. سىرتقى حاۋىپ - قاتەرلەر مەن سىن - سايىستار الدىندا جۇڭگو مەن رەسەي ەكى جاق بايلانىستى، سەلبەستىكتى كۇشەيتىپ، كەلەلى سەلبەستىك نىساندارىن ىلگەرىلەتىپ، جۇڭگو - رەسەي ەنەرگيا سەلبەستىگىنىڭ كۇشتى سەرپىمدىلىگىن ايگىلەپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ كەڭ بولاشاعىن ءتۇسىندىردى. جۇڭگو جاق رەسەي جاقپەن بىرگە، اناعۇرلىم تىعىز ەنەرگيا سەلبەستىگى سەرىكتەستىك قارىم - قاتىناسىن تۇلعالاپ، ەنەرگيانىڭ تازا، جاسىل دامۋىن جەبەپ، حالىقارالىق ەنەرگيا حاۋىپسىزدىگى مەن كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن بىرگە قورعاپ، حالىقارالىق ەنەرگيا بازارىنىڭ ۇزاق ۋاقىت اقاۋسىز، باياندى دامۋىنا تىڭ ۇلەس قوسۋدى قالايدى.
سول كۇنى رەسەيدىڭ زۇڭتۇڭى پۋتين دە 4 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حات جولدادى.
