10 - ايدىڭ اياعىنا دەيىن رايونىمىزدا بازار تۇلعالارى 2 ميلليون 236 مىڭعا جەتتى
سايكەس مەزگىلدەگىدەن ％15. 5 ارتتى
انار بۇلت \ شينجياڭ گازەتىنىڭ ءتىلشىسى رىن حۋا، ەرىكتى ءتىلشى جاۋ تيڭ 11 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ - باسقارۋ مەكەمەسىنەن ۇعىسۋىمىزشا، 10 - ايدىڭ اياعىنا دەيىن تۇتاس رايوندا تىركەلگەن بازار تۇلعالارى 2 ميلليون 236 مىڭعا جەتىپ، بىلتىرعى سول تۇستاعىدان ％15. 5 ارتقان. مۇنىڭ ىشىندە كاسىپورىن 479 مىڭ بولىپ، سايكەس مەزگىلدەگىدەن ％88. 8 ارتقان؛ جەكە ساۋدا - ونەركاسىپشىلەر ءبىر ميلليون 711 مىڭ بولىپ، سايكەس مەزگىلدەگىدەن ％33. 4 ارتقان، شارۋالار كاسىپتىك سەلبەستىك كووپەراتيۆى 46 مىڭ 500گە جەتكەن.
بيىل جىل باسىنان بەرى ىندەتتىڭ ىقپالى سياقتى ءتيىمسىز فاكتورلار الدىندا، رايونىمىز شارۋاشىلىق - ساۋدا ورتاسىن كۇش سالا ساپالىلاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، امالدىڭ بارىنشا بازار تۇلعالارىنىڭ تيجاراتتاعى قيىنشىلىقتارعا توتەپ بەرۋىنە كومەكتەسىپ، بازار تۇلعالارىنىڭ ومىرشەڭدىگىن قاۋلاتتى. ىندەت كەزىندە اۆتونوميالى رايوندىق بازار باقىلاۋ - باسقارۋ مەكەمەسى «كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ تەبىنىن ونان ارى كۇشەيتۋ جونىندەگى ءبىرقانشا شارانى» شىعارىپ، بازارعا كىرۋگە قىزمەت وتەۋدى ساپالىلاندىرۋ، بازاردى باقىلاۋ - باسقارۋدى كۇشەيتۋ، تەحنيكالىق كومەكتەسۋ - سۇيەمەلدەۋدى كۇشەيتۋ سىندى 15 جاقتى توڭىرەكتەي وتىرىپ كاسىپورىنداردىڭ قيىنشىلىق قسىپاعىنان قۇتىلۋىنا كومەكتەسىپ، بازار تۇلعالارىنىڭ جۇمىستى، بازاردى قالپىنا كەلتىرۋىنە دەم بەردى.
ءار دارەجەلى بازار باقىلاۋ - باسقارۋ تاراۋلارى اكىمشىلىك قىزمەت وتەۋ جۇيەسىنىڭ ورنىقتى اينالىمىن بەلسەنە قامتاماسىز ەتىپ، قاريدارلارعا قىزمەت وتەۋ ارناۋلى لەنياسى، ديڭديڭ توبى، ۋيشيندە كەڭەس سۇراۋ سياقتى تاسىلدەر ارقىلى بازار تۇلعالارىنىڭ تىركەلۋىنە تۇتاس ۋاقىت كەزەڭى، تۇتاس بارىس بويىنشا جەتەكشىلىك ەتىپ، بۇكىل رايونداعى تىركەۋ تەرەزەلەرىنىڭ ىندەتتەن ساقتانۋ - تىزگىندەۋ كەزىندەگى قىزمەت وتەۋىنىڭ ”ءۇزىلىپ قالماۋىنا“ كەپىلدىك ەتتى. وسى جولعى ىندەتتەن بەرى بۇكىل رايوندا جيىنى 56 مىڭ 800 تىركەۋ ىستەرى ورىندالدى، مۇنىڭ ىشىندە 45 مىڭ 200ى ينتەرنەتتە ورىندالىپ، تۇتاس تۇلعالىق ينتەرنەتتە ورىنداۋ مولشەرى ％6. 79كە جەتىپ، 256 بازار تۇلعاسى كاسىپورىنداردىڭ ارناۋلى اۋماق قۇرۋى ارقىلى ”تۇتاس بارىستىق“ قۇرۋدى جۇزەگە اسىردى.
اۆتونوميالى رايوندىق بازار باقىلاۋ - باسقارۋ مەكەمەسى تاعى كاسىپورىندارعا ساياتىن بەلگىلەمەگە قايشى اقى الۋدى جونگە سالۋ تەبىنىن اناعۇرلىم كۇشەيتىپ، سۋ، ەلەكتر، گاز، جىلۋ جانە قاتىناس - زات اينالىمى سالاسى سياقتى الەۋمەتتىك ىستەر بويىنشا اقى الۋ باعاسىنىڭ وزگەرىسىنە ءتۇيىندى تۇردە نازار اۋدارىپ، اقىنى تومەندەتىپ، اۋىرتپاشىلىقتى ازايتۋ ساياساتىنىڭ تىڭعىلىقتى تياناقتانباۋى، ىندەتتەن ساقتانۋ - تىزگىندەۋدەن پايدالانىپ بەلگىلەمەگە قايشى اقى الۋ تۇرلەرىن بەلگىلەۋ، مەملەكەت پەن اۆتونوميالى رايون شىعارعان اقى الۋدا كاسىپورىندارعا تيىمدىلىك جاساۋ ساياساتىن تالاپ بويىنشا اتقارماۋ سياقتى جايتتەردى زاڭ بويىنشا تەكسەرىپ ءبىر جاقتى ەتتى، كاسىپورىندارعا ساياتىن ءتۇرلى ورىنداردان جيىنى 802سىن تەكسەرىپ، ءبىر ميلليون 993 مىڭ 700 يۋان ەكونوميكالىق جازا قولداندى؛ 165 مىڭ 520 اۆتوكولىكتىڭ اۆتوكولىك توقتاتۋ الاڭىن جالعا الۋ اقىسىنان 8 ميلليون 181 مىڭ 400 يۋاندى ازايتىپ، كەشىرىم ەتىپ، اقىنى ازايتۋ ساياساتىنىڭ ناقتى تياناقتانۋىنا بار كۇشپەن كەپىلدىك ەتتى.
ىندەت كەزىندە اۆتونوميالى رايوننىڭ بازار باقىلاۋ - باسقارۋ تاراۋلارى كاسىپورىندارعا قىزمەت وتەۋدى ۇزدىكسىز كۇشەيتىپ، بۇكىل شينجياڭداعى ماقتانىڭ تۇتاس ءوندىرىس تىزبەگى، جەمىس ورمانى سياقتى ءىرى اۋىل شارۋاشىلىعى ءتۇيىندى كاسىپ سالاسىنا قاتىستى 161 ءتۇردى جەرگىلىكتى ولشەمدە ينتەرنەت جەلىسىندە قايتا قاراپ، 193 كاسىپورىننىڭ ينتەرنەت جەلىسىندە ءشي تاڭبانى تىركەۋگە الدىرۋىنا نەمەسە جالعاستى پايدالانۋ قىزمەت وتەۋىنە جەتەكشىلىك ەتتى. سونىمەن بىرگە ساپانى جوعارىلاتۋدى ىلگەرىلەتىپ، كاسىپورىندى كۇشەيتىپ، قيىنشىلىقتان ارىلتتى، ازىق - تۇلىك وندىرىسىندە ”مىڭ كاسىپورىن، 10 مىڭ شەبەرحانا“، ەسەپتەۋ تەحنيكاسىمەن ”تەكسەرۋ“ سياقتى ارەكەتتەردى ورىستەتۋ ارقىلى كاسىپورىنداردىڭ ءتۇرلى تەحنيكالىق جانە وندىرىستىك ماسەلەلەرىن شەشىپ، كاسىپورىنداردىڭ ساپا باسقارۋ كۋالىگىن الۋىنا كومەكتەستى. بۇدان سىرت، جۇمىستى، ءوندىرىستى قالپىنا كەلتىرۋگە شۇعىل قاجەتتى جابدىقتارعا قاراتا تەكسەرۋ - سارالاۋ جۇرگىزۋدە جاسىل ارنا اشىپ، اقىنى ازايتۋ، كەشىرىم ەتۋ، بارىپ قىزمەت وتەۋ، تەگىن جوندەپ بەرۋ سياقتى ءبىر قاتار قىزمەت وتەۋلەرمەن قامداپ، 5783 بازار تۇلعاسىنىڭ ءتۇرلى اقىسىنان جيىنى 11 ميلليون 21 مىڭ يۋاندى ازايتتى، كەشىرىم ەتتى.
