حوتان اۋدانى قۇمباق قىستاعى:
”مەيىرىم كومىرى“ بۇقارانىڭ قىستان قىسىلماي ءوتۋىن قامتاماسىزداندىردى
□ انار بۇلت \ شينجياڭ گازەتىنىڭ ءتىلشىسى ءپاريزات ابدۇ
11 - ايدىڭ 28 - كۇنى، حوتان اۋدانى ساعىزكول اۋىلى قۇمباق قىستاعىنىڭ ”مەيىرىم كومىرىن“ تاراتۋ ورنىندا قىستاق كادرلارىنان، پارتيا مۇشەلەرىنەن قۇرالعان ەرىكتىلەر شاعىن اترەتى بىرگە كومىر ءتۇسىرىپ، تيەپ، تاسىپ جاتتى، بۇكىل بارىس رەت - رەتىمەن ورىندالىپ، ”مەيىرىم كومىرى“ تولتىرا تيەلگەن ەلەكترلى ءۇش دوڭگەلەكتى كولىكتەر كومىر تيەلىپ بولا جولعا شىعىپ، ”مەيىرىم كومىرىن“ قىستاقتاعى قيىنشىلىعى بار بۇقارانىڭ ۇيىنە جەتكىزىپ بەردى.
”كۇن سۋىتىپ بارادى، وعان ىندەت قاباتتاستى، بالالارىمىز ۇيگە قايتا الماي، جاسىمىز كەلىپ قالعان كەمپىرىم ەكەۋىمىز كومىردى قالاي ساتىپ الامىز دەپ باسىمىز قاتىپ تۇرعاندا، ەرىكتىلەر شاعىن اترەتى كومىردى ۇيىمىزگە جەتكىزىپ بەرىپ، ناقتى قيىنشىلىعىمىزدى شەشىپ بەردى، پارتيا مەن ۇكىمەتتىڭ قامقورلىعىنا العىس“، - دەدى ۇيىنە جەتكىزىلگەن ”مەيىرىم كومىرىنە“ قاراپ تۇرىپ قۇمباق قىستاعىنىڭ تۇرعىنى مامۇت رەجەپ قۋانا.
قىس كىرىپ، اۋا تەمپەراتۋراسىنىڭ تومەندەۋىنە ىلەسە، قۇمباق قىستاعى قىستاق ”ەكى كوميتەتى“ بۇقارانىڭ قىستا جىلىنۋ ماسەلەسىن ءارقاشان كوكەيلەرىنەن شىعارمادى. قاراستى اۋماقتاعى قيىنشىلىعى بار بۇقارانىڭ قىستان جىلى ءوتۋىن قامتاماسىز ەتۋ ءۇشىن، ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، قۇمباق قىستاعى بۇقارا ءۇشىن ناقتى ءىس تىندىرىپ، قيىن ماسەلەنى شەشۋگە بار كۇشىن سالىپ، بۇكىل قىستاقتاعى ”مەيىرىم كومىرىن“ قاجەت ەتەتىندەردى انىقتاپ شىقتى ءارى ەرىكتىلەردىڭ قىزمەت وتەۋ شاعىن اترەتىن ۇيىمداستىرىپ، قيىنشىلىعى بار بۇقاراعا مەيىر جەتكىزدى. قازىرگە دەيىن اتالعان قىستاق قيىنشىلىعى بار 40 وتباسىنداعى بۇقاراعا 40 توننادان استام ”مەيىرىم كومىرىن“ تاراتتى.
”قىستا جىلىنۋعا جاعاتىن كومىر حالىق تۇرمىسى قىزمەتىندەگى ماڭىزدىنىڭ ماڭىزدىسى، ’مەيىرىم كومىرىن‘ تاراتىپ، قيىنشىلىعى بار بۇقاراعا پارتيا مەن ۇكىمەتتىڭ قامقورلىعىن شىنايى سەزىندىردىك. ەندىگى جەردە ءبىز بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن ۇزدىكسىز ءجىتى قاداعالاپ، ناقتى ءىستى بۇقارانىڭ كوڭىلىنەن شىعارا تىندىرىپ، ىندەت مەزگىلىندەگى حالىق تۇرمىسى قاجەتىن بار كۇشپەن قامتاماسىز ەتەمىز“، - دەدى قۇمباق قىستاعى پارتيا ياچەيكاسىنىڭ شۋجيى روزىتوحتى ءماتتوحتى.
