جۇڭگو كوممۋنيستىك پارتياسى ورتالىق كوميتەتىنىڭ
جۇڭحۋا حالىق رەسپۋبليكاسى مەملەكەتتىك حالىق قۇرىلتايى تۇراقتى كوميتەتىنىڭ
جۇڭحۋا حالىق رەسپۋبليكاسى مەملەكەتتىك كەڭەسىنىڭ
جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ
جۇڭگو كوممۋنيستىك پارتياسى مەن جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ
بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا حابارلاندىرۋى
جياڭ زىمين جولداس پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى
جۇڭگو كوممۋنيستىك پارتياسى ورتالىق كوميتەتى، جۇڭحۋا حالىق رەسپۋبليكاسى مەملەكەتتىك حالىق قۇرىلتايى تۇراقتى كوميتەتى، جۇڭحۋا حالىق رەسپۋبليكاسى مەملەكەتتىك كەڭەسى، جۇڭگو حالىق ساياسي ءماسليحات كەڭەسى مەملەكەتتىك كوميتەتى، جۇڭگو كوممۋنيستىك پارتياسى مەن جۇڭحۋا حالىق رەسپۋبليكاسى ورتالىق اسكەري ىستەر كوميتەتى بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا توتەنشە قايعىلى تۇردە مىنانى حابارلاندىرادى: ءبىزدىڭ قادىرلى جياڭ زىمين جولداس اق قان اۋرۋىنا شالدىعىپ، وعان قوسا كوپتەگەن اعزالارىنىڭ قىزمەتى السىرەپ، قۇتقارۋ ءونىم بەرمەي، 2022 - جىلى 11 - ايدىڭ 30 - كۇنى ساعات 12دەن 13 مينۋت وتكەندە شاڭحايدا 96 جاسىندا قايتىس بولدى.
جياڭ زىمين جولداس پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى.
جياڭ زىمين جولداس جاس وسپىرىم كەزىنەن قۇلشىنا ۇيرەنىپ، اقيقاتقا تالپىنىپ، وتانشىلدىق يدەيامەن جانە دەموكراتيالىق توڭكەرىس يدەياسىمەن كوكىرەك كوزىن اشتى. داشۋەدە وقىعان كەزىندە، جاپون شاپقىنشىلارىنا قارسى تۇرۋ، وتاندى ءسۇيۋ قيمىلىنىڭ شىڭداۋىنا بەلسەنە قاتىناسۋ ارقىلى جياڭ زىمين جولداس دۇنيەگە ماركستىك كوزقاراس قالىپتاستىرىپ، ءومىر جولىنا تاڭداۋ جاساپ، سوڭىندا ۇلتتىڭ ازاتتىعى، حالىقتىڭ باقىتى ءۇشىن كۇرەس جاسايتىن ومىرلىك مۇرات جانە سەنىم ورناتتى. 1947 - جىلى شاڭحاي جياۋتۇڭ داشۋەسىنەن وقۋ تاۋىسقان سوڭ، جياڭ زىمين جولداس زاۆودقا بارىپ قىزمەت ىستەپ، جۇمىسشى قاۋىمى اراسىندا جانە جاستار قوعامىنىڭ كەشكى مەكتەبىندەگى كاسىپتىك جاستار اراسىندا توڭكەرىستىك ۇگىت قىزمەتىمەن شۇعىلداندى، 1949 - جىلى جۇمىسشى قاۋىمىن زاۆودتى قورعاۋ قيمىلىن ورىستەتۋگە ۇيىمداستىرىپ، شاڭحايدىڭ ازات بولۋىن قارسى الدى.
جۇڭحۋا حالىق رەسپۋبليكاسى قۇرىلعان العاشقى مەزگىلدە، جياڭ زىمين جولداس ىلگەرىندى - كەيىندى شاڭحاي يمين ازىق - تۇلىك 1 - زاۆودىنىڭ ءبىرىنشى ورىنباسار باستىعى، شاڭحاي سابىن زاۆودىنىڭ ءبىرىنشى ورىنباسار باستىعى، 1 - ماشينا ونەركاسىبى مينيسترلىگى شاڭحاي 2 - جوبالاۋ بولىمشە مەكەمەسى ەلەكتر جابدىقتارى كاسىپتىك ءبولىمىنىڭ باستىعى قاتارلى مىندەتتەر اتقاردى. 1954 - جىلى مەملەكەت چاڭچۇندا 1 - اۆتوموبيل جاساۋ زاۆودىن قۇراتىن كەزدە قىرۋار كاسىپتىك - تەحنيكالىق كادرلار مەن باسقارۋشى كادرلار قاجەت بولىپ، جياڭ زىمين جولداس ۇيىمنىڭ ورنالاستىرۋى بويىنشا، وسى زاۆودقا باردى، 1955 - جىلى سوۆەت وداعى ماسكەۋ ستالين اۆتوموبيل جاساۋ زاۆودىنا بارىپ پراكتيكا جاسادى. 1956 - جىلى ەلگە ورالعاننان كەيىن، جياڭ زىمين جولداس چاڭچۇن 1 - اۆتوموبيل جاساۋ زاۆودى ەنەرگەتيكا باسقارماسىنىڭ ورىنباسار باستىعى، ورىنباسار باس ەنەرگەتيك، ەنەرگەتيكا بولىمشە زاۆودىنىڭ باستىعى بولىپ تاعايىندالدى. 1962 - جىلى جياڭ زىمين جولداس 1 - ماشينا ونەركاسىبى مينيسترلىگى شاڭحاي ەلەكتر جابدىقتارى عىلمي زەرتتەۋ ورنىنىڭ ورىنباسار باستىعى بولىپ اۋىسىپ، وسى زەرتتەۋ ورنىنىڭ عىلمي زەرتتەۋ جۇمىسىنا باسشىلىق ەتۋ قىزمەتىنە جاۋاپتى بولدى. 1966 - جىلى جياڭ زىمين جولداس ۋحان تەرمومەحانيكا زەرتتەۋ ورنىنىڭ باستىعى، ۋاقىتشا پارتكوم شۋجيى بولىپ اۋىسىپ، كەيىننەن پارتكوم شۋجيى بولىپ، اتوم ەنەرگياسىمەن ەلەكتر شىعارۋ جابدىقتارىن جوبالاۋ قىزمەتىن ۇيىمداستىردى. ”مادەنيەت زور توڭكەرىسى“ باستالعاننان كەيىن، جياڭ زىمين جولداس سوققىعا ۇشىرادى. 1970 - جىلى جياڭ زىمين جولداس 1 - ماشينا ونەركاسىبى مينيسترلىگىنە قىزمەتكە اۋىسىپ كەلىپ، 1971 - جىلى جۇڭگو 1 - ماشينا ونەركاسىبى مينيسترلىگىنىڭ رۋمينياعا جىبەرگەن ماماندار گرۋپپاسىنىڭ باس گرۋپپا باستىعى بولدى، 1973 - جىلى ەلگە ورالعاننان كەيىن، ىلگەرىندى - كەيىندى 1 - ماشينا ونەركاسىبى مينيسترلىگى سىرتقى ىستەر مەكەمەسىنىڭ ورىنباسار باستىعى، باستىعى بولىپ تاعايىندالدى. 1980 - جىلى جياڭ زىمين جولداس مەملەكەتتىك يمپورت - ەكسپورت باسقارۋ كوميتەتىنىڭ، مەملەكەتتىك شەتەل قارجى قوسۋ ءىسىن باسقارۋ كوميتەتىنىڭ ورىنباسار مەڭگەرۋشىسى، قوسىمشا باس حاتشىسى، پارتيا باسشىلىق گرۋپپاسىنىڭ مۇشەسى مىندەتىن اتقارىپ، گۋاڭدۇڭ، فۋجيان ولكەلەرىندە ەرەكشە ساياسات، يكەمدى شارا اتقارۋ جانە ەكونوميكالىق ەرەكشە رايوندى سىناق رەتىندە قۇرۋ سياقتى نەگىز قالاۋ سيپاتتى قىزمەتتەرگە جاۋاپتى بولدى. 1982 - جىلى جياڭ زىمين جولداس ەلەكترون ونەركاسىبى مينيسترلىگىنىڭ ءبىرىنشى ورىنباسار مينيسترى، پارتيا باسشىلىق گرۋپپاسىنىڭ ورىنباسار شۋجيى، 1983 - جىلى مينيستر، پارتيا باسشىلىق گرۋپپاسىنىڭ شۋجيى بولىپ تاعايىندالىپ، ەلىمىزدىڭ ەلەكترون ونەركاسىبىنىڭ دامۋىنا ماڭىزدى ۇلەس قوستى. 1982 - جىلى 9 - ايدا، جياڭ زىمين جولداس پارتيانىڭ مەملەكەتتىك 12 - قۇرىلتايىندا ورتالىق كوميتەتتىڭ مۇشەسى بولىپ سايلاندى.
1985 - جىلى جياڭ زىمين جولداس شاڭحاي قالاسىنىڭ باستىعى، جۇڭگو كوممۋنيستىك پارتياسى شاڭحاي قالالىق كوميتەتىنىڭ ورىنباسار شۋجيى بولىپ تاعايىندالدى. 1987 - جىلى جياڭ زىمين جولداس پارتيا 13 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى بولىپ سايلاندى ءارى جۇڭگو كوممۋنيستىك پارتياسى شاڭحاي قالالىق كوميتەتىنىڭ شۋجيى بولىپ تاعايىندالدى. شاڭحاي قالاسىنىڭ باستىعى، قالالىق پارتكومنىڭ شۋجيى مىندەتىن اتقارعان كەزدە، جياڭ زىمين جولداس شاڭحايداعى قالىڭ كادرلار مەن بۇقارانى باستاپ، رۋحتى سەرپىلتىپ، باتىلدىقپەن ىزدەنىس جاساپ، شاڭحايدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا كەلەلى سەرپىلىسكە قول جەتكىزۋىن ىلگەرىلەتتى، پۋدۇڭدى وركەندەتۋ، اشىق ۇستاۋ جونىندە كۇش توپتاپ، جوبا جاساپ، پارتيا قۇرىلىسىنىڭ، رۋحاني وركەنيەت قۇرىلىسىنىڭ، قوعامدىق قۇرىلىستىڭ كەلەلى ىلگەرىلەۋشىلىككە قول جەتكىزۋىن ىلگەرىلەتتى. 1989 - جىلى جازعا سالىم ەلىمىزدە اۋىر ساياسي تولقۋ تۋىلدى، جياڭ زىمين جولداس پارتيا ورتالىق كوميتەتىنىڭ بىلىقپالىققا تۋى ايقىن تۇردە قارسى تۇرۋ، سوتسياليستىك مەملەكەت بيلىگىن قورعاۋ، حالىقتىڭ ءتۇبىرلى مۇددەسىن قورعاۋ جونىندەگى دۇرىس شەشىمىن قولداپ جانە اتقارىپ، قالىڭ پارتيا مۇشەلەرىنە، كادرلارعا، بۇقاراعا تىعىز سۇيەنىپ، شاڭحايدىڭ ورنىقتىلىعىن پارمەندى قورعادى.
1989 - جىلى پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە جياڭ زىمين جولداس جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتتىڭ باس شۋجيى بولىپ سايلاندى. سول جىلى پارتيا 13 - كەزەكتى ورتالىق كوميتەتىنىڭ بەسىنشى جالپى ءماجىلىسى جياڭ زىمين جولداستىڭ جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ ءتوراعاسى بولۋىن ۇيعاردى. 1990 - جىلى مەملەكەتتىك 7 - كەزەكتى حالىق قۇرىلتايىنىڭ 3 - ماجىلىسىندە جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ سايلاندى.
جياڭ زىمين جولداس − پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى. 20 - عاسىردىڭ 80 - جىلدارىنىڭ سوڭى مەن 90 - جىلدارىنىڭ باسىندا حالىقارادا جانە ەل ىشىندە اۋىر ساياسي تولقۋ تۋىلىپ، دۇنيە ءجۇزى سوتسياليزمىندە اۋىر بۇراڭدىق بەلەڭ بەرىپ، ەلىمىز سوتسياليزم ىستەرىنىڭ دامۋى بۇرىن بولماعان وراسان زور قيىنشىلىق پەن قىسىمعا تاپ بولدى. پارتيا مەن مەملەكەتتىڭ بولاشاعى مەن تاعدىرىن بەلگىلەيتىن وسى كەلەلى تاريحي كەزەڭدە، جياڭ زىمين جولداس پارتيانىڭ ورتالىق كوميتەت باسشىلىق كوللەكتيۆىن باستاپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا تىعىز سۇيەنىپ، تۋى ايقىن تۇردە ءتورت نەگىزگى پرينسيپكە تاباندى بولىپ، مەملەكەتتىڭ تاۋەلسىزدىگىن، ابىرويىن، حاۋىپسىزدىگىن، ورنىقتىلىعىن قورعاپ، ەكونوميكالىق قۇرىلىس سىندى وسى وزەككە تيتتەي دە مىزعىماي تاباندى بولىپ، رەفورما جاساۋعا، ەسىك اشۋعا تاباندى بولىپ، جۇڭگوشا سوتسياليزم ۇلى ىستەرىن قورعاپ، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا جاعدايىن اشتى.
پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن پارتيا 16 - قۇرىلتايىنا دەيىنگى 13 جىلدا حالىقارالىق جاعداي اۋمالى - توكپەلى بولىپ، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ءۇردىسى اسقاق ايبىنمەن قۇلاشىن كەڭ جايدى. حالىقارالىق جانە ەل ىشىندەگى توتەنشە كۇردەلى جاعدايدا، جياڭ زىمين جولداس پارتيانىڭ ورتالىق كوميتەت باسشىلىق كوللەكتيۆىن باستاپ، ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسى ۇلى تۋىن بيىك ۇستاپ، پارتيانىڭ نەگىزگى لۋشيانىنا بۇلجىماي تاباندى بولىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، ورايدى مىقتى يگەرىپ، رەفورمانى تەرەڭدەتىپ، ەسىك اشۋدى كەڭەيتىپ، دامۋدى جەبەپ، ورنىقتىلىقتى ساقتاپ، سوتسياليستىك بازار شارۋاشىلىعى ءتۇزىلىسىنىڭ رەفورما نىساناسى مەن نەگىزگى جۇلگەسىن مىقتاپ ورناتتى، سوتسياليزمنىڭ العاشقى ساتىسىنداعى جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق قاتار داميتىن نەگىزگى ەكونوميكالىق ءتۇزىم مەن ەڭبەگىنە قاراي ءبولۋدى نەگىزگى تۇلعا ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن مىقتاپ ورناتتى، رەفورمانى، دامۋدى، ورنىقتىلىقتى جەبەيتىن ءبىر قىدىرۋ باعىت - ساياساتتار مەن كەلەلى ستراتەگيالاردى جاسادى جانە اتقاردى، ەكونوميكالىق ءتۇزىلىس رەفورماسىن، ساياسي ءتۇزىلىس رەفورماسىن، مادەنيەت ءتۇزىلىسى رەفورماسىن جانە باسقا جاقتارداعى رەفورمالاردى بەرىك بەكىممەن ىلگەرىلەتىپ، جاپپاي رەفورما جاساۋدىڭ، ەسىك اشۋدىڭ جاڭا جاعدايىن اشتى، مەملەكەتتى زاڭمەن باسقارۋ نەگىزگى جالپى جوباسىن اتقاردى، ”بەيبىت جولمەن بىرلىككە كەلۋ، ءبىر ەل، ەكى ءتۇزىم“ باعىتىنا تاباندى بولىپ، شياڭگاڭنىڭ، اۋمىننىڭ وتان قۇشاعىنا ءساتتى ورالۋىن جۇزەگە اسىردى، دەربەس، ءوز - وزىنە قوجايىن بولاتىن بەيبىت ديپلوماتيا ساياساتىنا تاباندى بولىپ، ديپلوماتيا قىزمەتىنىڭ شىت جاڭا جاعدايىن اشتى، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، سوتسياليستىك زاتتىق وركەنيەت، ساياسي وركەنيەت، رۋحاني وركەنيەت قۇرىلىسىندا كۇللى دۇنيەنى جالت قاراتقان تىڭ ىلگەرىلەۋشىلىككە قول جەتكىزۋدى ىلگەرىلەتىپ، ءساتتى تۇردە جۇڭگوشا سوتسياليزمدى 21 - عاسىرعا باستادى. جياڭ زىمين جولداستى ۇيتقى ەتكەن پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ باسشىلىعىندا، ءبىز ەلىمىزدىڭ يەلىك ۇقىعى مەن حاۋىپسىزدىگىنە قاتىستى ءبىر قىدىرۋ حالىقارالىق توسىن وقيعالارعا بايىپپەن توتەپ بەرىپ، ساياسي، ەكونوميكا سالاسىندا جانە تابيعات دۇنيەسىندە تۋىلعان قيىنشىلىقتار مەن حاۋىپ - قاتەرلەردى جەڭىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى كەمەسىنىڭ باستان - اياق دۇرىس بەتالىسپەن تولقىن جارا العا ىلگەرىلەۋىنە كەپىلدىك ەتتىك. پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرگى 13 جىلدا پارتيامىز بەن مەملەكەتىمىزدىڭ قول جەتكىزگەن وراسان زور تابىستارىن جياڭ زىمين جولداستىڭ ماركسيزمشىل ساياساتشى رەتىندەگى اسقاق كەمەڭگەرلىگىنەن، شەشۋشى رولىنان، ەرەن ساياسي باسشىلىق ونەرىنەن بولە قاراۋعا بولمايدى.
جياڭ زىمين جولداس ورتالىق اسكەري ىستەر كوميتەتىنىڭ ءتوراعاسى مىندەتىن اتقارعان كەزدە، ەل ءىشى - سىرتى جاعدايىنداعى ەلەۋلى وزگەرىستەردى جانە دۇنيە جۇزىندەگى جاڭا اسكەري وزگەرىستەردىڭ دامۋ بەتالىسىن تەرەڭ باعامداپ جانە يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋ جونىندە ءبىر قىدىرۋ جاڭا تۇجىرىمدار، جاڭا شارالار العا قويىپ، ماۋ زىدۇڭ اسكەري ىستەر يدەياسى مەن دىڭ شياۋپيڭ جاڭا ءداۋىر ارميا قۇرىلىسى يدەياسىن بايىتىپ جانە دامىتىپ، جياڭ زىمين مەملەكەت قورعانىسى جانە ارميا قۇرىلىسى يدەياسىن ورناتىپ، مەملەكەت قورعانىسى مەن ارميانى وسىزامانداندىرۋ قۇرىلىسىنا باسشىلىق ەتۋدە وراسان زور تابىستارعا قول جەتكىزدى. جياڭ زىمين جولداس مەملەكەت قورعانىسى قۇرىلىسى مەن ەكونوميكالىق قۇرىلىستى سايكەستىرە دامىتۋ باعىتىنا تاباندى بولۋدى، حالىق ارمياسىن توڭكەرىستەندىرۋ، وسىزامانداندىرۋ، جۇيەلىلەندىرۋ قۇرىلىسىن كۇشەيتۋدى؛ ساياسيدا تولىمدى، اسكەري ىستەردە ىسىلعان، ستيلى تاماشا، ءتارتىبى قاتاڭ، قامتاماسىزدىعى پارمەندى بولۋ جالپى تالابىنا ساي، سوعىسسا جەڭىپ شىعا الاتىن بولۋ، سيپات وزگەرتپەۋ سىندى ەكى تاريحي تاقىرىپتى تىعىز ارقاۋ ەتىپ، حالىق ارمياسى قۇرىلىسىن جاپپاي ىلگەرىلەتۋدى؛ پارتيانىڭ حالىق ارمياسىنا شارتسىز باسشىلىعىنا بۇلجىماي تاباندى بولىپ، يدەيالىق - ساياسي قۇرىلىستى باستان - اياق ارميامىزدىڭ ءتۇرلى قۇرىلىستارىندا ماڭداي الدى ورىنعا قويىپ، حالىق ارمياسىنىڭ سيپاتىن، قاسيەتىن، ستيلىن ماڭگى ساقتاۋدى؛ بەلسەندى قورعانۋ سىندى اسكەري ستراتەگيالىق باعىتتى دايەكتىلەندىرىپ، جۇڭگوشا اسكەري ىستەر وزگەرىسىن ىلگەرىلەتىپ، ينفورماتسيالانعان ارميا قۇرۋ، ينفورماتسيالىق سوعىستىڭ جەڭىسىنە قول جەتكىزۋ نىساناسى بويىنشا، جۇڭگوشا ارميانى بىرەگەيلەندىرۋ جولىمەن بۇلجىماي ءجۇرىپ، ارميامىزدىڭ وسىزاماندانۋدا سەكىرمەلى دامۋىن جۇزەگە اسىرۋدى؛ ارميانى عىلىم - تەحنيكا ارقىلى قۇدىرەتتەندىرۋ ستراتەگياسىن اتقارىپ، ارميانى قاتاڭ باسقارۋعا، ارميانى زاڭمەن باسقارۋعا، ۇنەمشىلدىكپەن ارميا قۇرۋعا تاباندى بولىپ، جاڭا تاريحي شارت - جاعدايدا ارميانى باسقارۋدىڭ ەرەكشەلىگى مەن زاڭدىلىعى جونىندە ىزدەنىس جاساپ، داۋىرمەن بىرگە العا باسىپ، ارميامىزدىڭ ءتۇرلى قۇرىلىستارىن ىلگەرىلەتۋدى؛ مەملەكەت قورعانىسى عىلىم - تەحنيكا، ونەركاسىپ ءتۇزىلىسى رەفورماسىن تەرەڭدەتىپ، ءوز كۇشىنە سۇيەنىپ جاڭالىق اشۋ قابىلەتىن كۇشەيتىپ، مەملەكەت قورعانىسى عىلىم - تەحنيكاسى مەن قارۋ - جاراقتىڭ دامۋىن جەدەلدەتىپ، ۇسىنىلىمى ءبىرشاما از، تيىمدىلىگى ءبىرشاما جوعارى ارميانى وسىزامانداندىرۋ قۇرىلىسى جولىمەن ءجۇرۋدى؛ بەيبىت كەزدەگى مەن سوعىس كەزىندەگىنى ۇشتاستىرۋ، اسكەري سالا مەن حالىقتىق سالانى ۇشتاستىرۋ، اسكەري قاجەتتىلىكتى حالىقتىق قاجەتتىلىكپەن ۇشتاستىرۋ باعىتى بويىنشا، مەملەكەت قورعانىسىنا جۇمىلدىرۋ قۋاتىن جوعارىلاتىپ، جوعارى تەحنيكالىق جاعدايداعى حالىقتىق سوعىستىڭ ستراتەگياسى مەن تاكتيكاسىن دامىتىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەۋدى باسا دارىپتەدى. وسىلاردىڭ بارلىعى مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋدە ۇزاق بولاشاقتىق جەتەكشىلىك ماڭىز الادى.
جياڭ زىمين جولداس ماركسيزمنىڭ يدەيالىق لۋشيانىنا تاباندى بولىپ، امالياتقا قۇرمەت ەتىپ، بۇقاراعا قۇرمەت ەتىپ، ءداۋىر ەرەكشەلىگىن ءداپ باسىپ يگەرىپ، پارتيامىز تۇرعان تاريحي ورىندى عىلمي تۇجىرىمداپ، جۇڭگوشا سوتسياليزم قۇرۋ سىندى نەگىزگى تاقىرىپتى ارقاۋ ەتىپ، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سياقتى جاقتاردا ءبىر قىدىرۋ جاڭا يدەيالار، جاڭا كوزقاراستار، جاڭا تۇجىرىمدار العا قويىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى تۇعىرناماسىنا، نەگىزگى تاجىريبەلەرىنە تاباندى بولۋعا جانە ونى دامىتۋعا كورنەكتى ۇلەس قوستى. اسىرەسە، ول بۇكىل پارتيانىڭ اقىل - پاراساتىن شوعىرلاندىرىپ، ”ۇشكە ۋاكىلدىك ەتۋ“ ماڭىزدى يدەياسىن ورناتىپ، پارتيانىڭ جەتەكشى يدەيا جاعىندا تاعى ءبىر مارتە داۋىرمەن بىرگە العا باسۋىن جۇزەگە اسىرىپ، ناعىز ماركسيزمشىنىڭ وراسان زور ساياسي باتىلدىعىن جانە نازاريالىق باتىلدىعىن ايگىلەدى. ”ۇشكە ۋاكىلدىك ەتۋ“ ماڭىزدى يدەياسى پارتيامىزدىڭ باستان - اياق جۇڭگونىڭ وزىق وندىرگىش كۇشتەرىنىڭ دامۋ تالابىنا ۋاكىلدىك ەتەتىندىگىن، جۇڭگونىڭ وزىق مادەنيەتىنىڭ العا باسۋ بەتالىسىنا ۋاكىلدىك ەتەتىندىگىن، جۇڭگوداعى ەڭ قالىڭ حالىقتىڭ ءتۇبىرلى مۇددەسىنە ۋاكىلدىك ەتەتىندىگىن كورنەكتىلەندىرە باسا دارىپتەپ، ادامزات تاريحىنىڭ دامۋى مەن العا باسۋىنىڭ جالپىلىق زاڭدىلىعىنا بويسۇندى، ءداۋىردىڭ دامۋ اعىمى مەن ەلىمىز قوعامىنىڭ دامۋ، العا باسۋ تالابىنا ۇيلەستى، بۇكىل ەلدەگى ءار ۇلت حالقىنىڭ مۇددەسى مەن تىلەگىن بەينەلەدى، جاڭا جاعدايدا پارتيانىڭ بيلىك جۇرگىزۋ قابىلەتىن جوعارىلاتۋدىڭ، پارتيانىڭ بيلىك جۇرگىزۋ ورنىن بەكەمدەۋدىڭ، پارتيانىڭ بيلىك جۇرگىزۋ بورىشىن ورىنداۋدىڭ ءتۇبىرلى نەگىزىن مىقتى يگەردى. ”ۇشكە ۋاكىلدىك ەتۋ“ ماڭىزدى يدەياسىنىڭ ەڭ ايقىن ەرەكشەلىگى مەن ەڭ كورنەكتى ۇلەسى − ءبىر قىدىرۋ تىعىز بايلانىسقان، ءوزارا ساباقتاسقان جاڭا يدەيا، جاڭا كوزقاراس، جاڭا تۇجىرىم ارقىلى، سوتسياليزم دەگەن نە، سوتسياليزمدى قالاي قۇرۋ كەرەك دەگەن ماسەلەگە ىشكەرىلەي جاۋاپ بەرگەندىگى، قانداي پارتيا قۇرۋ، پارتيانى قالاي قۇرۋ ماسەلەسىنە جاسامپازدىقپەن جاۋاپ بەرگەندىگى، ول ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ جالعاستىرىلۋى جانە دامىتىلۋى، ءبىزدىڭ جاڭا ءداۋىر شارت - جاعدايىندا جۇڭگوشا سوتسياليزم ىستەرىن ىلگەرىلەتۋ، پارتيا قۇرىلىسىن كۇشەيتۋ زاڭدىلىعى جونىندەگى تانىمىمىزدى تەرەڭدەتتى.
جياڭ زىمين جولداس پارتيا مەن حالىق ىستەرىنە ساياتىن كەلەلى ستراتەگيالىق ماسەلەلەرگە ايرىقشا ءمان بەردى. پارتيا 16 - قۇرىلتايىنا دايىندىق كورۋ كەزىندە، جياڭ زىمين جولداس پارتيا مەن مەملەكەت ىستەرىنىڭ ۇزاق بولاشاقتىق دامۋى ءۇشىن، پارتيا مەن مەملەكەتتىڭ باياندى تىنىشتىعى ءۇشىن، پارتيا مەن مەملەكەتتىڭ جوعارى جىگىندەگى باسشىلاردا كونە مەن جاڭانىڭ الماسۋىن جەبەۋگە ءتيىمدى بولۋى ءۇشىن، ورتالىق كوميتەتتىڭ باسشىلىق قىزمەتىن ەندىگارى وتەمەيتىندىگىن، سونداي - اق ورتالىق كوميتەتتەن شەگىنەتىندىگىن ىرىقتى تۇردە العا قويدى. پارتيا ورتالىق كوميتەتى جياڭ زىمين جولداستىڭ وتىنىشىنە قوسىلدى. سول كەزدەگى حالىقارالىق جاعدايدىڭ كۇردەلى دە قۇبىلمالىلىعىن، مەملەكەت قورعانىسى مەن ارميا قۇرىلىسىنداعى مىندەتتەردىڭ اۋىرلىعىن ويلاستىرىپ، پارتيا 16 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جياڭ زىمين جولداستىڭ جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ ءتوراعالىعى مىندەتىن وتەي بەرۋىن ۇيعاردى. پارتيا 16 - كەزەكتى ورتالىق كوميتەتىنىڭ ءبىرىنشى جالپى ماجىلىسىنەن كەيىن، جياڭ زىمين جولداس حۋ جينتاۋ جولداس باس شۋجي بولعان جاڭا كەزەكتى ورتالىق كوميتەت باسشىلىق كوللەكتيۆىنىڭ قىزمەتىن بار كۇشپەن قولداپ، پارتيا ورتالىق كوميتەتى تاپسىرعان قىزمەت جاۋاپكەرشىلىگىن بار ىنتا - پەيىلىمەن اتقاردى. 2004 - جىلى جياڭ زىمين جولداس پارتيا مەن مەملەكەت ىستەرىنىڭ ۇزاق بولاشاقتىق دامۋىنىڭ كەلەلى جاعدايىن نەگىز ەتە وتىرىپ، ءوزى اتقاراتىن پارتيا مەن مەملەكەتتىڭ ورتالىق اسكەري ىستەر كوميتەتىنىڭ ءتوراعاسى قىزمەتىنەن بوساۋدى دا ىرىقتىلىقپەن العا قويدى، بۇل ونىڭ پارتيا مەن مەملەكەت ىستەرىنىڭ دامۋىن تەرەڭنەن تولعاپ، الىستى ويلايتىندىعىن تولىق ايگىلەدى.
باسشىلىق ورىننان شەگىنگەننەن كەيىن، جياڭ زىمين جولداس پارتيا ورتالىق كوميتەتىنىڭ قىزمەتىن باتىل قۋاتتاپ جانە قولداپ، جۇڭگوشا سوتسياليزم ۇلى ىستەرىنە كوڭىل ءبولىپ، پارتيا ستيلى، پاكتىك قۇرىلىسىنا جانە شىرىكتەسۋگە قارسى تۇرۋ كۇرەسىنە باتىل قولداۋ كورسەتتى. 2006 - جىلى جياڭ زىمين جولداس «جياڭ زىمين ماقالالارىنان تاڭدامالىلاردىڭ» 1 - ، 2 - ، 3 - تومدارىن رەداكسيالاۋ جۇمىسىن ءوزى باسقارىپ جۇرگىزدى جانە ماقالالاردى ءبىر - بىردەن تەكسەرىپ بەكىتتى. «جياڭ زىمين ماقالالارىنان تاڭدامالىلارعا»، باستىسى، جياڭ زىمين جولداستىڭ 20 - عاسىردىڭ 80 - جىلدارىنىڭ سوڭىنان 21 - عاسىردىڭ باسىنا دەيىنگى ۋاكىلدىك جانە جاسامپازدىق سيپاتقا يە ماڭىزدى شىعارمالارى ەنگىزىلىپ، ءبىزدىڭ ”ۇشكە ۋاكىلدىك ەتۋ“ ماڭىزدى يدەياسىن اناعۇرلىم ىشكەرىلەي ۇيرەنىپ، ءتۇسىنىپ، جۇڭگوشا سوتسياليزم ۇلى ىستەرى مەن پارتيا قۇرىلىسىنىڭ جاڭا دا ۇلى ينجەنەرياسىن ۇزدىكسىز ىلگەرىلەتۋىمىزگە ماڭىزدى وقۋلىق ۇسىندى.
جياڭ زىمين جولداس الىسقا كوز جىبەرىپ، اۋقىمدى باعامداي ءبىلدى، قاشاندا جۇڭگو مەن دۇنيە ءجۇزىنىڭ دامۋ اۋقىمىن، پارتيا مەن مەملەكەت قىزمەتىنىڭ جالپى جاعدايىن نەگىز ەتە وتىرىپ ماسەلەلەرگە كوز جىبەرىپ جانە وي جۇگىرتىپ، نازاريادا جانە باسقا دا جاقتاردا جاڭالىق اشۋدى ۇزدىكسىز ىلگەرىلەتتى. جياڭ زىمين جولداس سەنىمدە بەرىك، جۇمىس جۇرگىزۋدە باتىل بولدى، قاشاندا پارتيا مەن حالىقتى جۇرەگىنىڭ ەڭ بيىك تورىنە قويىپ، كوممۋنيستەردىڭ مۇرات - سەنىمىنە باستان - اياق اينىماي تاباندى بولدى، شەشۋشى ساتتە باتىل شەشىم جاسايتىن ەرەك پايىم - پاراساتقا جانە نازاريادا جاڭالىق اشاتىن وراسان زور جۇرەكتىلىككە يە. جياڭ زىمين جولداس امالياتقا قۇرمەت ەتىپ، داۋىرمەن بىرگە العا باستى، قاشاندا ءداۋىردىڭ دامۋ اۋقىمى مەن ورايىن مىقتى يگەرىپ، پارتيا مەن حالىقتىڭ جاندى امالياتىن نەگىز ەتە وتىرىپ تاجىريبەلەردى قورىتىندىلاۋعا، جول تابۋعا تاباندى بولىپ، پارتيا مەن مەملەكەتتىڭ ءتۇرلى قىزمەتتەرىن تىڭعىلىقتى تۇردە ءارى ءورىس اشا العا ىلگەرىلەتتى. جياڭ زىمين جولداس بۇقارانى قۇرمەتتەدى، بۇقاراعا كوڭىل ءبولدى، قاشاندا حالىق بۇقاراسىنىڭ حال - جاعدايىنا باسا نازار اۋدارىپ، قىزمەتتى ەڭ قالىڭ حالىقتىڭ ءتۇبىرلى مۇددەسى نەگىزىندە سىننان وتكىزدى جانە ىلگەرىلەتتى. جياڭ زىمين جولداستىڭ تاڭداۋلى قۇلقى مەن اسقاق قاسيەتى ءبىزدى العا باسۋعا ماڭگى تاربيەلەيدى جانە شابىتتاندىرادى.
جياڭ زىمين جولداستىڭ قايتىس بولۋى − پارتيامىز، ارميامىز، ەلىمىزدەگى ءار ۇلت حالقى ءۇشىن ولشەۋسىز جوعالتۋ. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن قايعىنى قايراتقا جەڭدىرىپ، جياڭ زىمين جولداستىڭ مۇراتىن جالعاپ، ءىس جۇزىندىك ارەكەتپەن قايعىلى ساعىنىشىمىزدى بىلدىرۋگە ۇندەيدى.
ءبىز، ءسوز جوق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم سانالى تۇردە ىنتىماقتاسىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، پارتيامىزدىڭ اۋەلگى ماقساتتان، بورىشتان جازباي، قاشاندا جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا مۇمكىندىك جاساۋىمىز كەرەك.
ءبىز، ءسوز جوق، ماركسيزم - لەنينيزمگە ، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ءىس ىستەۋگە تاباندى بولىپ، جۇرەكتىلىكپەن نازاريادا ىزدەنىس جاساپ جانە جاڭالىق اشىپ، جاڭا ءداۋىردىڭ ۇلى امالياتىندا ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن ۇزدىكسىز اشىپ، زامانىمىزداعى جۇڭگو ماركسيزمىنىڭ اناعۇرلىم شۇعىلالى اقيقات نۇرىن شاشۋىنا مۇمكىندىك جاساۋىمىز كەرەك.
ءبىز، ءسوز جوق، جۇڭگو كوممۋنيستىك پارتياسىنىڭ باسشىلىعىنا بۇلجىماي تاباندى بولىپ، جۇڭگوشا سوتسياليزمگە تاباندى بولىپ، مەملەكەت پەن ۇلتتىڭ دامۋىن ءوز كۇشىمىزدىڭ تياناعىنا قويۋعا، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋگە تاباندى بولىپ، ءبىر نيەتپەن ىنتىماقتاسىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا قۇلشىنىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي العا ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزات وركەنيەتىنىڭ جاڭا فورماتسياسىن جاراتۋىمىز كەرەك.
ءبىز، ءسوز جوق، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىنا تاباندى بولىپ، بۇقارالىق كوزقاراستى بەرىك ورناتىپ، بۇقارالىق لۋشياندى دايەكتىلەندىرىپ، حالىقتىڭ ءتول جاسامپازدىق رۋحىنا قۇرمەت ەتىپ، بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە، بۇقارادان الىپ، بۇقاراعا قايتارۋعا تاباندى بولىپ، حالىق بۇقاراسىمەن ەتەنە بايلانىستى باستان - اياق ساقتاپ، قاشاندا حالىقپەن تىنىستاس، تاعدىرلاس، تىلەكتەس بولۋىمىز كەرەك.
ءبىز، ءسوز جوق، ”ۇشكە ۋاكىلدىك ەتۋ“ ماڭىزدى يدەياسىن قۇلشىنا ۇيرەنىپ، جياڭ زىمين جولداستىڭ توڭكەرىستىك رۋحى مەن توڭكەرىستىك قاسيەتىنەن ۇيرەنىپ، ونىڭ ماركسيزمدىك تۇرعى، كوزقاراس، ءادىس ارقىلى جاڭا جاعدايلاردى زەرتتەيتىن، تىڭ ماسەلەلەردى شەشەتىن عىلمي پوزيتسياسى مەن جاسامپازدىق رۋحىنان ۇيرەنىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ جولىندا ىنتىماقتاسا كۇرەس جۇرگىزۋىمىز كەرەك.
جۇڭحۋا ۇلتىنىڭ ۇلى گۇلدەنۋ ىسىنە جياڭ زىمين جولداستى قامتىعان ءار ۇرپاق كوممۋنيستەردىڭ جۇرەك قانى مەن كۇرەسى سىڭگەن. العا باسۋ جولىندا بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، سەنىمدى بەكەمدەپ، ءبىر نيەت، ءبىر تىلەككە جۇمىلىپ، دەن قويا قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك.
جياڭ زىمين جولداس ماڭگى جاسايدى!
(شينحۋا اگەنتتىگىنىڭ 11 - ايدىڭ 30 - كۇنى بەيجيڭنەن بەرگەن حابارى)
