جياڭ زىمين جولداستى جەرلەۋ كوميسسياسىنىڭ حابارلاندىرۋى
(1 - ءنومىرلى)
بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جياڭ زىمين جولداسقا دەگەن شەكسىز قۇرمەتىن جانە تەرەڭ قايعىلى كوڭىل كۇيىن ءبىلدىرۋ ءۇشىن، مىناداي قاۋلى شىعارىلدى:
(1) بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا حابارلاندىرۋ جاريالانعان كۇننەن باستاپ جياڭ زىمين جولداسقا ازا ءبىلدىرۋ جينالىسى وتكىزىلەتىن كۇنگە دەيىن، بەيجيڭ تيان - انمىندە، شينحۋامىندە، حالىق سارايىندا، سىرتقى ىستەر مينيسترلىگىندە جانە ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسىندە، ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسىندە، ەلىمىزدىڭ شەتەلدەردەگى ەلشىلىكتەرى مەن كونسۋلحانالارىندا جارتىلاي تۋ ءتۇسىرىلىپ، ازا بىلدىرىلەدى. وسى تۇستا ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسى، ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسى، ەلىمىزدىڭ شەتەلدەردەگى ەلشىلىكتەرى مەن كونسۋلحانالارى ازا ءبىلدىرۋ ورنىن ورنالاستىرىپ، شياڭگاڭ، اۋمىن رايونىنداعى جانە تۇرعان ەلدەگى ازا بىلدىرە كەلگەندەردى قابىلدايدى.
(2) ەلىمىزدىڭ سالتى بويىنشا، شەتەل ۇكىمەتتەرى، ساياسي پارتيالار جانە دوس قايراتكەرلەر جۇڭگوعا ۋاكىلدەر ۇيىرمەسىن نەمەسە ۋاكىل جىبەرىپ، ازا ءبىلدىرۋ قيمىلىنا قاتىناسۋعا ۇسىنىس ەتىلمەيدى.
ەرەكشە حابارلاندىرىلدى.
جياڭ زىمين جولداستى جەرلەۋ كوميسسياسى
2022 - جىلى 11 - ايدىڭ 30 - كۇنى
