شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى. كوپتەگەن ەلدەردىڭ باسشىلارى مەن حالىقارالىق ۇيىمداردىڭ جاۋاپتىلارى مەملەكەت ءتوراعاسى شي جينپيڭگە كوڭىل ايتۋ تەلەگرامماسىن جولداۋ، سونداي - اق باسقا فورمالار ارقىلى جياڭ زىمين جولداستىڭ قايتىس بولعاندىعىنا قايعىلى ازا ءبىلدىردى.
رەسەيدىڭ زۇڭتۇڭى پۋتين مىنالاردى ءبىلدىردى: جياڭ زىمين جولداس قازىرگى زامانعى جۇڭگونىڭ ەكونوميكالىق، قوعامدىق دامۋى مەن حالىقارالىق ورنىنىڭ جوعارىلاۋىنا ماڭىزدى ۇلەس قوستى. جياڭ زىمين جولداس − رەسەيدىڭ كونە دوسى، رەسەي - جۇڭگو قارىم - قاتىناسىنىڭ ستراتەگيالىق ىستەستىك سەرىكتەستىك قارىم - قاتىناس دەڭگەيىنە كوتەرىلۋىن ىلگەرىلەتۋگە ماڭىزدى ۇلەس قوستى. مەن وسى ءبىر اسقاق بەدەلگە جانە وراسان زور جەكە تارتىمدىلىققا يە ساياساتكەردى ماڭگى ەستە ساقتايمىن، جياڭ زىمين جولداستىڭ تۋىس - تۋعاندارىنان جانە بارشا دوس جۇڭگو حالقىنان شىنايى حال سۇرايتىندىعىمدى جەتكىزگەيسىز.
لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇن مىنالاردى ءبىلدىردى: جياڭ زىمين جولداس جۇڭگوشا سوتسياليزم ىستەرىنە ماڭىزدى ۇلەس قوستى. جياڭ زىمين جولداس − لاوس پارتياسى مەن حالقىنىڭ جاقىن دوسى، لاوس - جۇڭگو قارىم - قاتىناسىنىڭ دامۋىندا ماڭىزدى جەتەكتەۋ رولىن ساۋلەلەندىردى. ءبىز جياڭ زىمين جولداستىڭ قايتىس بولعاندىعىنا قايعىلى ازا بىلدىرەمىز.
كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياز كانەل مىنالاردى ءبىلدىردى: جياڭ زىمين جولداس − ەرەن ساياساتكەر جانە كوممۋنيزم باسشىسى، كۋبا توڭكەرىسىنىڭ جاقىن دوسى. كۋبا جۇڭگو پارتياسىنا، ۇكىمەتىنە جانە حالقىنا ايرىقشا قايعىلى سەزىممەن كوڭىل ايتادى.
برۋنەيدىڭ سۇلتانى حاسانال مىنالاردى ءبىلدىردى: ءتوراعا جياڭ زىمين جۇڭگو حالقىنىڭ تۇرمىس دەڭگەيىن جوعارىلاتۋ، مەملەكەتكە باسشىلىق ەتىپ، ورنىقتى، گۇلدەنگەن ەكونوميكالىق تۇلعاعا اينالدىرۋ ءۇشىن ماڭىزدى ۇلەس قوستى، برۋنەي ول كىسىنىڭ برۋنەي مەن جۇڭگونىڭ باياندى قارىم - قاتىناسىن تەرەڭدەتۋگە قوسقان ۇلەسىن بارىنشا القايدى.
سينگاپۋردىڭ زۇڭتۇڭى حاليما مىنالاردى ءبىلدىردى: ءتوراعا جياڭ زىمين جۇڭگوعا باسشىلىق ەتىپ، ەكونوميكالىق رەفورمانى ۇزدىكسىز ىلگەرىلەتىپ، جەدەل دامۋدى جۇزەگە اسىردى. وسىنداي قايعىلى ساتتە، ءبىز جۇڭگو حالقىمەن بىرگە قايعىلى تۇردە ەسكە الامىز.
مالديۆتىڭ زۇڭتۇڭى ساليح مىنالاردى ءبىلدىردى: ءتوراعا جياڭ زىمين جۇڭگو ەكونوميكاسىنىڭ، قوعامىنىڭ جەدەل دامۋىن جەبەپ، جۇڭگونىڭ حالىقارالىق ساحناداعى ماڭىزدى ۇلەس قوسۋشى رولىن بەكەمدەدى، كورەگەن باسشى رەتىندە ەستە ساقتالادى.
قازاقستاننىڭ زۇڭتۇڭى توقايەۆ مىنالاردى ءبىلدىردى: ءتوراعا جياڭ زىمين جۇڭگونىڭ مەملەكەتىنىڭ دامىپ - گۇلدەنۋى مەن حالىقارالىق ىقپال كۇشىنىڭ جوعارىلاۋىنا كۇش سالىپ، قازاقستان - جۇڭگو دوستىعىن بەكەمدەۋگە ماڭىزدى ۇلەس قوستى، ەكى ەل حالقىنىڭ ەسىندە ماڭگى ساقتالادى.
تاجىكستاننىڭ زۇڭتۇڭى راحمون مىنالاردى ءبىلدىردى: تاجىكستان جاق جياڭ زىمين مىرزانىڭ جۇڭگونىڭ دامۋىنا جانە تاجىكستان - جۇڭگو قارىم - قاتىناسىنا قوسقان ەلەۋلى ۇلەسىن جوعارى باعالايدى، ول كىسىنىڭ قايتىس بولۋى ۇلكەن جوعالتۋ بولدى.
بەلورۋسسيانىڭ زۇڭتۇڭى لۋكاشەنكو مىنالاردى ءبىلدىردى: ءتوراعا جياڭ زىمين جۇڭگو حالقىن باستاپ، گۇلدەنۋدى، بايىپ قۇدىرەتتەنۋدى جۇزەگە اسىردى، بەلورۋسسيا - جۇڭگو قارىم - قاتىناسىنىڭ نەگىزىن قالاۋشى، بەلورۋسسيا - جۇڭگو قارىم - قاتىناسىن دامىتۋعا، بەكەمدەۋگە بەلسەندى ۇلەس قوستى.
پالەستيننىڭ زۇڭتۇڭى ابباس مىنالاردى ءبىلدىردى: مەن جانە پالەستين حالقى وسى كورنەكتى باسشىنى ماڭگى ەستە ساقتايمىز، ول كىسى پالەستين حالقىنىڭ، ىستەرىنىڭ، زاڭدى ۇقىق - مۇددەسىنىڭ قولداۋشىسى، پالەستين - جۇڭگو ەكى ەل قارىم - قاتىناسىنىڭ جەبەۋشىسى، پالەستين مەن جۇڭگونىڭ ديپلوماتيالىق قارىم - قاتىناس ورناتۋىنىڭ كۋاگەرى. مەن پالەستين مەملەكەتى مەن حالقى اتىنان ءارى ءوز اتىمنان جۇڭگو كوممۋنيستىك پارتياسىنا، جۇڭگو ۇكىمەتىنە، دوس جۇڭگو حالقىنا جانە قايتىس بولعان كىسىنىڭ ءۇي ىشىندەگىلەرگە ايرىقشا قايعىلى سەزىممەن كوڭىل ايتامىن.
تانزانيانىڭ زۇڭتۇڭى حاسان جۇڭگو كوممۋنيستىك پارتياسىنان، جۇڭگو حالقىنان جانە ءتوراعا جياڭ زىميننىڭ جاقىندارىنان قايعىلى تۇردە حال سۇرادى.
نيكاراگۋانىڭ زۇڭتۇڭى ورتەگا مىنالاردى ءبىلدىردى: ءتوراعا جياڭ زىمين قالدىرعان رۋحاني مادەنيەت بايلىعى جۇڭگو حالقىن دامۋدى جۇزەگە اسىرۋعا باستاۋدا جانە ۇزدىكسىز باستاي بەرەدى. ءتوراعا شي جينپيڭ، ءسوزسىز، ەش كۇمان تاعۋعا كەلمەيتىن باسشىلىق قۋاتى مەن مول تاجىريبەسى ارقىلى جۇڭگو حالقىن باستاپ، جۇڭگوشا سوتسياليزم جولىن بويلاپ جەڭىسپەن العا ىلگەرىلەيدى.
ۆەنەسۋەلانىڭ زۇڭتۇڭى مادۋرو مىنالاردى ءبىلدىردى: جياڭ زىمين جولداس لاتىن امەريكاسىمەن جانە ۆەنەسۋەلا حالقىمەن تەرەڭ دوستىق ورناتقان، ۆەنەسۋەلا جاق ول كىسىنىڭ قايتىس بولعاندىعىنا قايعىلى ازا بىلدىرەدى.
چەحيانىڭ زۇڭتۇڭى زەمان مىنالاردى ءبىلدىردى: ءتوراعا جياڭ زىمين جۇڭگونىڭ ەكونوميكالىق رەفورماسىنىڭ كەلەلى تابىسقا قول جەتكىزۋىن ىلگەرىلەتتى، ول كىسىنىڭ ەڭبەگى جۇڭگونىڭ تاريحىنا جازىلدى، مەن ول كىسىنىڭ جۇڭگو ەكونوميكاسىنىڭ دامۋى مەن ورنىقتىلىعىن جەبەۋدەگى قابىلەتىن بارىنشا القايمىن.
جاپونيانىڭ باس ءۋازىرى انتيان ۋىنشيۇڭ مىنالاردى ءبىلدىردى: ءتوراعا جياڭ زىمين جۇڭگونىڭ رەفورما جاساۋىن، ەسىك اشۋىن ىلگەرىلەتىپ، جۇڭگونىڭ دامۋىنا ۇلەس قوسىپ، جاپونيا - جۇڭگو قارىم - قاتىناسىنىڭ دامۋىن ىلگەرىلەتۋدە ماڭىزدى رول اتقاردى.
سينگاپۋردىڭ زۇڭليى لي شيانلۇڭ مىنالاردى ءبىلدىردى: ءتوراعا جياڭ زىمين جۇڭگونى باستاپ، رەفورما جاساۋ، ەسىك اشۋ ىستەرىن ىلگەرىلەتىپ، جۇڭگونى الەم ەكونوميكاسىمەن توعىسۋعا ءارى دۇنيە ءجۇزى ساحناسىندا ماڭىزدى رول اتقارۋعا باستاپ، سينگاپۋر - جۇڭگو قارىم - قاتىناسىن كەڭەيتۋگە ماڭىزدى ۇلەس قوستى، سينگاپۋر قۇرمەتكە لايىق وسى دوسىن ۇزاق ۋاقىت بويى شىن پەيىلمەن ەسىندە ساقتايدى.
پاكيستاننىڭ زۇڭليى شاھباز مىنالاردى ءبىلدىردى: ءتوراعا جياڭ زىمين پاكيستان - جۇڭگو قارىم - قاتىناسىن كۇشەيتۋگە قىمباتتى ۇلەس قوستى، پاكيستان جاق وسى ۇلى دوسىن ماڭگى ەسىندە بەرىك ساقتايدى.
كامبودجانىڭ باس ءۋازىرى حۇڭسىن جياڭ زىمين جولداستىڭ قايتىس بولعاندىعىنا قايعىلى ازا ءبىلدىردى.
بىرلەسكەن مەملەكەتتەر ۇيىمىنىڭ باس حاتشىسى گۋتەرەس مىنالاردى ءبىلدىردى: ءتوراعا جياڭ زىمين جۇڭگونىڭ حالىقارالىق ىستەرگە ات سالىسۋىن بۇلجىماي دارىپتەپ، جۇڭگونىڭ وراسان زور ەكونوميكالىق ىلگەرىلەۋشىلىككە قول جەتكىزۋىن جانە دۇنيە جۇزىلىك ساۋدا ۇيىمىنا ءساتتى كىرۋىن ىلگەرىلەتىپ، جۇڭگونىڭ بەلەستىك ماڭىزعا يە بىرلەسكەن مەملەكەتتەر ۇيىمىنىڭ 4 - رەتكى دۇنيە جۇزىلىك ايەلدەر قۇرىلتايىن باس بولىپ وتكىزۋىنە باسشىلىق ەتتى. مەن بىرلەسكەن مەملەكەتتەر ۇيىمى اتىنان ول كىسىنىڭ ءۇي ىشىندەگىلەردەن جانە جۇڭگو ۇكىمەتى مەن حالقىنان ىقىلاسپەن حال سۇرايمىن.
ەۆروپا القالار كەڭەسىنىڭ ءتوراعاسى ميچەل جياڭ زىمين جولداستىڭ قايتىس بولعاندىعىنا شىنايى ازا ءبىلدىردى.
