انار بۇلت \ شينجياڭ گازەتىنىڭ ءتىلشىسى ليۋ شياڭ 11 - ايدىڭ 30 - كۇنى ۇرىمجىدەن حابارلايدى. 11 - ايدىڭ 30 - كۇنى تۇستەن كەيىن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 36 - رەتكى ءماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
تۇراقتى كوميتەت قۇرامىنداعىلاردان 35 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس «شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونى ەرەجەسى»، اۆتونوميالى رايوننىڭ شەكارا باسقارۋ ەرەجەسى سياقتىلاردى داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايىنىڭ ءىس قاراۋ ەرەجەسىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايىنىڭ 1 - ءماجىلىسىن اشۋ جونىندەگى قاۋلىسىن، اۆتونوميالى رايوندىق 14 - كەزەكتى حالىق قۇرىلتايى ۋاكىلدەرىنىڭ سانىن ءبولۋ جانە سايلاۋ ماسەلەسى جونىندەگى قاۋلىنى، اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوننىڭ 2022 - جىلعى ءوز دارەجەسىندەگى مەجە ەسەبىن رەتتەۋ جوباسىن بەكىتۋ جونىندەگى قارارىن داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى ۇلت، ءدىن، سىرتقى ىستەر، حۋاچياۋ ىستەرى كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر العا قويعان كەڭەستىك جوبالاردىڭ قارالۋ ناتيجەسى جونىندەگى بايانداماسىن داۋىسقا سالىپ ماقۇلدادى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ماجىلىستە اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ءارى نەگىزگى زاڭعا سەرت بەرۋ سالتى وتكىزىلدى.
ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ءماجىلىس رۋحىن جاڭا داۋىردەگى حالىق قۇرىلتايى قىزمەتىن ويداعىداي ىستەۋدە ايگىلەپ، پارتيانىڭ حالىق قۇرىلتايى قىزمەتىنە جاپپاي باسشىلىعىنا مىقتاپ تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ىندەتتەن ساقتانۋ - تىزگىندەۋدەگى ىندەتتى جويۋ شايقاسىنىڭ، ىندەتكە توسقاۋىل قويۋ شايقاسىنىڭ جەڭىسىنە باتىل قول جەتكىزۋ كەرەك. ماڭىزدى سالالارداعى زاڭ شىعارۋدى كۇشەيتىپ، حالىق قۇرىلتايىنىڭ زاڭ شىعارۋ قىزمەتىندەگى جەتەكشىلىك رولىن اناعۇرلىم ويداعىداي ساۋلەلەندىرۋ كەرەك. باقىلاۋ قىزمەتىن زاڭ بويىنشا ويداعىداي ىستەپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىنا كەپىلدىك ەتۋ، نەگىزگى زاڭنىڭ، زاڭداردىڭ ءونىمدى اتقارىلۋىنا كەپىلدىك ەتۋ كەرەك. حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىن كۇشەيتىپ، حالىق قۇرىلتايى ۋاكىلدەرىنىڭ حالىق بۇقاراسىمەن بايلانىسىن نىعايتۋ كەرەك. وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ شينجياڭ تاراۋىن ويداعىداي جازۋعا ۇلەس قوسۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، سارقىت اقان، قادىلبەك قامزا، سو يۋە، لي نيڭپيڭ، توحتى ياقۇپ، مۇقيات جارمۇقامەت، باس حاتشى ءمۇتالىپ روزى ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى سۇن حۇڭمەي، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتى جولداستارى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، حالىق قۇرىلتايى زاڭ - ءتۇزىم كوميتەتىنىڭ قۇرامىنداعىلار، تۇراقتى كوميتەتتىڭ قىزمەت قۇرىلىمدارىنىڭ، اۆتونوميالى رايوننىڭ، بيڭتۋاننىڭ قاتىستى ورىندارىنىڭ جاۋاپتىلارى ماجىلىسكە سىرتتاي قاتىناستى.
11 - ايدىڭ 30 - كۇنى تۇستەن بۇرىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ 181 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتاردى قاراۋ جاعدايى جونىندەگى مالىمەتىن تىڭداپ، تۇراقتى كوميتەت جالپى ءماجىلىسىنىڭ داۋىسقا سالۋىنا تاپسىرىلاتىن كەڭەستىك جوبانى ۇيعاردى.
