جياڭ زىميننىڭ ۇلى، شۇعىلالى ءومىرى
جياڭ زىمين جولداس پارتيامىز، ارميامىز، بۇكىل ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى
جياڭ زىمين جولداس پارتيامىز، ارميامىز، بۇكىل ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى.
جياڭ زىميننىڭ ءومىرى شۇعىلالى، كۇرەسپەن وتكەن ءومىر. 70 نەشە جىلدىق توڭكەرىستىك عۇمىرىندا، ول كوممۋنيزم مۇراتىنان اينىماي، پارتيا مەن حالىققا شەكسىز ادال بولىپ، پارتيا مەن حالىق ىستەرى ءۇشىن العان بەتىنەن قايتپاي كۇرەس جۇرگىزدى.
پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن، ەل ءىشى - سىرتى جاعدايى ايرىقشا كۇردەلى بولعان، دۇنيە ءجۇزى سوتسياليزمىندە اۋىر بۇراڭدىق بەلەڭ بەرگەن قاتاڭ سىناق الدىندا، جياڭ زىمين پارتيانىڭ ورتالىق كوميتەت باسشىلىق كوللەكتيۆىن باستاپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا تىعىز سۇيەنىپ، جۇڭگوشا سوتسياليزم ۇلى ىستەرىن قورعاپ، ءساتتى تۇردە جۇڭگوشا سوتسياليزمدى 21 - عاسىرعا باستاپ، ماڭگى وشپەس ەڭبەك ءسىڭىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىنايى قادىرلەۋىنە جانە حالىقارالىق قوعامنىڭ جاپپاي القاۋىنا يە بولدى.
1926 - جىلى 8 - ايدىڭ 17 - كۇنى، جياڭ زىمين جياڭسۋ ولكەسىنىڭ ياڭجوۋ قالاسىندا وتانشىل زيالى وتباسىندا دۇنيەگە كەلدى. جياڭ زىمين جاس وسپىرىم كەزىنەن وتانشىلدىق يدەيامەن جانە دەموكراتيالىق توڭكەرىس يدەياسىمەن كوكىرەك كوزىن اشتى، سونداي - اق وقىمىستى شاڭىراقتا جۇڭحۋانىڭ تاڭداۋلى ءداستۇرلى مادەنيەتىنەن تەرەڭ ءتالىم - تاربيە الدى. جياڭ زىمين جاسىندا ياڭجوۋ دۇڭگۋان باستاۋىش مەكتەبىندە جانە ياڭجوۋ ورتا مەكتەبىندە وقىدى، ياڭجوۋ ورتا مەكتەبىندە وقىعان كەزىندە اۋىلىن جاپون شاپقىنشى ارمياسى باسىپ العان ەدى، ول مەيحۋاليڭدەگى ميڭ پاتشالىعى ءداۋىرىنىڭ وتانشىل ايگىلى ساردارى شى كىفانىڭ قابىر باسىنا بارىپ، شىگۇڭسى عيباداتحاناسىنداعى ”قاراورىك گۇلىن مەزگىلسىز ساباعىنان ۇزىلگەن، وتانسىز قالعان بەيباقتىڭ كوز جاسىنداي سەزىنەم، ءالسىز، نۇرسىز جارتىكەش اسپانداعى اي سىندى، كەشەگى دەگدار ۇلىقتىڭ مۇڭ كورەمىن كوزىنەن“ دەگەن بوساعالىقتى مانەرلەي وقىپ، قاسىرەت پەن ىزاعا تولى كوڭىل كۇيىن اقتاراتىن.
1943 - جىلى جياڭ زىمين ەمتيحان بەرىپ نانجيڭ ورتالىق داشۋەسىنىڭ ەلەكترومەحانيكا فاكۋلتەتىنە وقۋعا ءتۇسىپ، العاباسار وقۋشىلاردىڭ جاپون شاپقىنشىلارىنا قارسى تۇرۋ، وتاندى ءسۇيۋ قيمىلىنا بەلسەنە قاتىناستى. جاپون شاپقىنشىلارىنا قارسى سوعىس جەڭىسكە جەتكەن سوڭ، جياڭ زىمين شاڭحاي جياۋتۇڭ داشۋەسىنىڭ ەلەكترومەحانيكا فاكۋلتەتىنە اۋىسىپ وقىدى. 1946 - جىلى 4 - ايدا جياڭ زىمين جۇڭگو كوممۋنيستىك پارتياسىنا كىرىپ، كوممۋنيزم جاۋىنگەرىنە اينالدى. جياڭ زىمين پارتيانىڭ استىرتىن قىزمەتىمەن بەلسەنە شۇعىلدانىپ، اشارشىلىققا، ىشكى سوعىسقا، قۋدالاۋعا قارسى تۇرۋ ماقساتىندا نايزا ۇشىن گومينداڭنىڭ كەرتارتپا ۇستەمدىگىنە كەزەگەن وتانشىل وقۋشىلار قوزعالىسىنا قاتىناسىپ، توڭكەرىسشىل جولداستاردى قورعادى.
1947 - جىلى جياڭ زىمين شاڭحاي جياۋتۇڭ داشۋەسىنىڭ ەلەكترومەحانيكا فاكۋلتەتىنەن وقۋ تاۋىسقان سوڭ، شاڭحاي لياڭفۋ تاجىريبە زاۆودىنا كەلىپ قىزمەت ىستەپ، ينجەنەر، قۇرىلىس - تەحنيكا جۇمىستارى ءبولىمىنىڭ باستىعى، ەلەكتر جۇمىستارى سەحىنىڭ مەڭگەرۋشىسى، ەنەرگەتيكا سەحىنىڭ مەڭگەرۋشىسى سياقتى مىندەتتەردى اتقاردى. بۇل ارالىقتا، ول جۇمىسشى قاۋىمى اراسىندا جانە جاستار قوعامىنىڭ كەشكى مەكتەبىندەگى كاسىپتىك جاستار اراسىندا توڭكەرىستىك ۇگىت قىزمەتىمەن شۇعىلداندى، 1949 - جىلى جۇمىسشى قاۋىمىن زاۆودتى قورعاۋ قيمىلىن ورىستەتۋگە ۇيىمداستىرىپ، شاڭحايدىڭ ازات بولۋىن قارسى الدى.
جۇڭحۋا حالىق رەسپۋبليكاسى قۇرىلعان العاشقى مەزگىلدە، جياڭ زىمين ىلگەرىندى - كەيىندى شاڭحاي يمين ازىق - تۇلىك 1 - زاۆودىنىڭ ءبىرىنشى ورىنباسار باستىعى، شاڭحاي سابىن زاۆودىنىڭ ءبىرىنشى ورىنباسار باستىعى، 1 - ماشينا ونەركاسىبى مينيسترلىگى شاڭحاي 2 - جوبالاۋ بولىمشە مەكەمەسى ەلەكتر جابدىقتارى كاسىپتىك ءبولىمىنىڭ باستىعى قاتارلى مىندەتتەر اتقاردى. يمين ازىق - تۇلىك زاۆودىنداعى كەزىندە ول ”ساۋلە ماركالى“ ازىق - تۇلىك ماركاسىن زەرتتەۋ - جاساۋعا جانە جاراتۋعا جاۋاپتى بولدى؛ امەريكا جيھانگەرلىگىنە قارسى تۇرىپ، چاۋشيانعا كومەك بەرۋ سوعىسىنا كومەك بەرۋ ءۇشىن، ول جۇڭگو حالىق ەرىكتىلەر ارمياسىن ارنايى قامداۋعا ارنالعان كونسەرۆالى ازىق - تۇلىك ءوندىرۋ ءىسىن ۇيىمداستىردى. 2 - جوبالاۋ بولىمشە مەكەمەسىندەگى كەزىندە، ول جاڭا جۇڭگونىڭ العاش ءوزى وندىرگەن بۋ ترۋبينالى گەناراتورىن جوبالاۋ قىزمەتىن باسقاردى.
1954 - جىلى 9 - ايدا جياڭ زىمين ۇيىمنىڭ ورنالاستىرۋى بويىنشا چاڭچۇن 1 - اۆتوموبيل جاساۋ زاۆودىن قۇرۋعا قاتىناستى، 1955 - جىلى 4 - ايدا ماسكەۋ ستالين اۆتوموبيل جاساۋ زاۆودىنا بارىپ پراكتيكا جاسادى، 1956 - جىلى 5 - ايدا ەلگە ورالعان سوڭ چاڭچۇن 1 - اۆتوموبيل جاساۋ زاۆودىندا ەنەرگەتيكا باسقارماسىنىڭ ورىنباسار باستىعى، ورىنباسار باس ەنەرگەتيك، ەنەرگەتيكا بولىمشە زاۆودىنىڭ باستىعى سياقتى مىندەتتەر اتقاردى. 1961 - جىلى كومىرمەن قامداۋدا تاپشىلىق تۋىلىپ، جياڭ زىمين ەنەرگەتيكالىق قازاندى وڭدەلمەگەن مۇناي جاعۋعا وزگەرتۋ كولەمدى ينجەنەرياسىنىڭ باس قولباسشىسى بولىپ تاعايىندالىپ، ينجەنەريا تابىستى ىسكە اسىرىلدى.
1962 - جىلى جياڭ زىمين 1 - ماشينا ونەركاسىبى مينيسترلىگى شاڭحاي ەلەكتر جابدىقتارى عىلمي زەرتتەۋ ورنىنىڭ ورىنباسار باستىعى بولىپ اۋىسىپ، وسى زەرتتەۋ ورنىنىڭ عىلمي زەرتتەۋ جۇمىسىنا باسشىلىق ەتۋ قىزمەتىنە جاۋاپتى بولىپ، سول كەزدە مەملەكەت ءزارۋ بولىپ وتىرعان JO2 شاعىن تۇرپاتتى قادامداسپاعان ەلەكتر قوزعالتقىش سەريالىن جوبالاۋ مىندەتىن باسقارىپ ورىندادى. 1964 - جىلدان 1965 - جىلعا دەيىن جياڭ زىمين ىلگەرىندى - كەيىندى جۇڭگو ۋاكىلدەر ۇيىرمەسىنىڭ ورىنباسار باستىعى رەتىندە، جاپونيادا، فرانسيادا وتكىزىلگەن حالىقارالىق ەلەكتروتەحنيكا كوميسسياسىنىڭ جىلدىق جينالىسىنا قاتىناستى ءارى شەتەلدەگى ەلەكتر عىلىم - تەحنيكاسىنىڭ دامۋ جاعدايىن تەكسەرىپ كورىپ قايتتى.
1966 - جىلى 5 - ايدا جياڭ زىمين ۋحان تەرمومەحانيكا زەرتتەۋ ورنىنىڭ باستىعى، ۋاقىتشا پارتكوم شۋجيى بولىپ اۋىسىپ، 9 - ايدا پارتكوم شۋجيى بولىپ، اتوم ەنەرگياسىمەن ەلەكتر شىعارۋ جابدىقتارىن جوبالاۋ قىزمەتىن ۇيىمداستىردى. ”مادەنيەت زور توڭكەرىسى“ باستالعاننان كەيىن جياڭ زىمين سوققىعا ۇشىرادى. 1970 - جىلدىڭ سوڭىندا جياڭ زىمين 1 - ماشينا ونەركاسىبى مينيسترلىگىنە قىزمەتكە اۋىسىپ كەلىپ، 1971 - جىلى جۇڭگو 1 - ماشينا ونەركاسىبى مينيسترلىگىنىڭ رۋمينياعا جىبەرگەن ماماندار گرۋپپاسىنىڭ باس گرۋپپا باستىعى بولىپ، جۇڭگو كومەككە بەرگەن 11 زاۆودتى قۇرۋ قىزمەتىنە جاۋاپتى بولدى. 1973 - جىلى ەلگە ورالعاننان كەيىن، جياڭ زىمين ىلگەرىندى - كەيىندى 1 - ماشينا ونەركاسىبى مينيسترلىگى سىرتقى ىستەر مەكەمەسىنىڭ ورىنباسار باستىعى، باستىعى بولىپ تاعايىندالدى. 1973 - جىلى، 1974 - جىلى جياڭ زىمين ىلگەرىندى - كەيىندى جۇڭگو ۋاكىلدەر ۇيىرمەسىنىڭ ورىنباسار باستىعى، باستىعى بولىپ، فەدەراتسيالىق گەرمانيادا جانە رۋمينيادا وتكىزىلگەن حالىقارالىق ەلەكتروتەحنيكا كوميسسياسىنىڭ جىلدىق جينالىسىنا قاتىناستى. 1976 - جىلى جياڭ زىمين ۇيىرمە باستاپ پاكيستانعا بارىپ، جۇڭگو كومەكتەسىپ سالىپ بەرگەن زاۆود قۇرىلىسىنىڭ جاعدايىن تەكسەرىپ قايتتى. 1978 - جىلى جياڭ زىمين جۇڭگو ماشينا ونەركاسىبى ۋاكىلدەر ۇيىرمەسىنىڭ باس حاتشىسى بولىپ، ەۆروپاداعى 6 ەلدە ساپاردا بولىپ، ەلىمىزدىڭ ماشينا ونەركاسىبىنىڭ تەحنيكالىق دەڭگەيىن شاپشاڭ جوعارىلاتۋ، ونىمدەردىڭ جاڭالانۋىن جەدەلدەتۋ، جۇيەلى تەحنيكالىق جابدىقتارمەن قامداۋ قابىلەتىن جوعارىلاتۋ، ماشينا ونىمدەرىنىڭ ەكسپورتىن كەڭەيتۋ سياقتى ماسەلەلەر جونىندە تەرەڭ وي جۇگىرتىپ، شارا جانە ۇسىنىس ورتاعا قويدى.
1978 - جىلى 12 - ايدا اشىلعان جۇڭگو كوممۋنيستىك پارتياسى 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ”تاپتىق كۇرەستى ارقاۋ ەتۋدى“ باتىل اياقتاتىپ، پارتيا مەن مەملەكەت قىزمەتىنىڭ وزەگىنىڭ ستراتەگيالىق ويىسۋىن جۇزەگە اسىرىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ جاڭا كەزەڭىن اشىپ، جاڭا جۇڭگو قۇرىلعاننان بەرگى پارتيا تاريحىندا تەرەڭ مانگە يە ۇلى بۇرىلىستى جۇزەگە اسىردى. 1980 - جىلى جياڭ زىمين مەملەكەتتىك يمپورت - ەكسپورت باسقارۋ كوميتەتىنىڭ، مەملەكەتتىك شەتەل قارجى قوسۋ ءىسىن باسقارۋ كوميتەتىنىڭ ورىنباسار مەڭگەرۋشىسى، قوسىمشا باس حاتشىسى، پارتيا باسشىلىق گرۋپپاسىنىڭ مۇشەسى مىندەتىن اتقارىپ، سىرتقى ساۋدانى كەڭەيتۋ، شەتەلدەن وزىق تەحنيكا جانە جابدىق ەنگىزۋ، شەتەل قارجىسىن قابىلداۋ جانە پايدالانۋ سياقتى جاقتارداعى ساياساتتاردى جاساۋعا قاتىناستى، سونىمەن بىرگە مەملەكەتتىڭ گۋاڭدۇڭ، فۋجيان ەكى ولكەدە ەرەكشە ساياسات جانە يكەمدى شارا اتقارۋىنىڭ ناقتى دايەكتىلەندىرۋ قىزمەتىنە جاۋاپتى بولدى ءارى ەكونوميكالىق ەرەكشە رايون قۇرۋدى جوسپارلاۋعا قاتىناستى. ەكونوميكالىق ەرەكشە رايون قۇرۋ پارتيا مەن مەملەكەتتىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىن ىلگەرىلەتۋ ءۇشىن جۇرگىزگەن ۇلى جاسامپازدىعى، سونداي - اق بۇرىن تاجىريبە كەمشىل بولىپ كەلگەن، باسىنان باستاپ ىزدەنىس جاساۋدى قاجەت ەتەتىن جاڭا نارسە ەدى. 1980 - جىلى جياڭ زىمين ۇيىرمە باستاپ ىلگەرىندى - كەيىندى تايلاند، شريلانكا، مالايزيا، سينگاپۋر، فيليپپين، شياڭگاڭ، مەكسيكا، يرلانديا قاتارلى مەملەكەتتەر مەن رايوندارعا بارىپ تەكسەرۋ جۇرگىزىپ، ەكسپورتتىق وڭدەۋ اۋماعى، ەركىن ساۋدا رايونى، شەكارالىق ەكونوميكالىق اۋماق سياقتىلاردىڭ جاعدايىمەن تانىسىپ، بۇدان جۇڭگونىڭ ەكونوميكالىق ەرەكشە رايون قۇرۋدا پايدالانۋىنا بولاتىن تاجىريبەلەردى زەرتتەدى، قابىلدادى. سول جىلى 8 - ايدا جياڭ زىمين مەملەكەتتىك 5 - كەزەكتى حالىق قۇرىلتايى تۇراقتى كوميتەتىنىڭ 15 - رەتكى ماجىلىسىندە، گۋاڭدۇڭ، فۋجيان ەكى ولكەدە ەكونوميكالىق ەرەكشە رايون قۇرۋ جانە «گۋاڭدۇڭ ولكەسىنىڭ ەكونوميكالىق ەرەكشە رايون ەرەجەسى» تۋرالى تۇسىنىك جاساپ، ءماجىلىستىڭ قاتىستى كەڭەستىك جوبانى قاراپ ماقۇلداۋىنا ماڭىزدى دايەك ۇسىندى.
1982 - جىلى 5 - ايدا جياڭ زىمين ەلەكترون ونەركاسىبى مينيسترلىگىنىڭ ءبىرىنشى ورىنباسار مينيسترى، پارتيا باسشىلىق گرۋپپاسىنىڭ ورىنباسار شۋجيى، 1983 - جىلى مينيستر، پارتيا باسشىلىق گرۋپپاسىنىڭ شۋجيى بولىپ تاعايىندالدى. ول ءوندىرىستىڭ الدىڭعى شەبىنە ىشكەرىلەي ارالاسىپ تەكسەرۋ - زەرتتەۋ جۇرگىزىپ، ەلەكترون ونەركاسىبنىڭ ”نەگىز قالاۋ، دەڭگەيدى جوعارىلاتۋ، ساپانى يگەرۋ، ونىمدىلىككە تالپىنۋ، 3 قاتتاۋ، 10 جىل الدىعا وزۋ“ سىندى دامۋ باعىتىن العا قويىپ، ەلەكترون ونەركاسىبىندە قۇرىلىم رەتتەۋ مەن تەحنيكالىق جاڭارتۋدى ۇيىمداستىرىپ جانە وعان باسشىلىق ەتىپ، ينتەگرالدى تىزبەك، كومپيۋتەر، حابارلاسۋ جانە جۇيە ينجەنەرياسى سياقتى ءتۇيىندى نىساندارعا قاتىستى عىلمي زەرتتەۋ، جاساۋ جانە ءوندىرۋ قىزمەتىن كۇشەيتىپ، ەلەكترون ونەركاسىبىنىڭ مەملەكەتتىڭ ەكونوميكالىق قۇرىلىسى مەن مەملەكەت قورعانىسى قۇرىلىسىنا اناعۇرلىم ويداعىداي قىزمەت ەتۋىنە مۇمكىندىك جاسادى. 1982 - جىلى 9 - ايدا جياڭ زىمين جۇڭگو كوممۋنيستىك پارتياسىنىڭ 12 - قۇرىلتايىندا ورتالىق كوميتەتتىڭ مۇشەسى بولىپ سايلاندى.
1985 - جىلى جياڭ زىمين شاڭحاي قالاسىنىڭ باستىعى، جۇڭگو كوممۋنيستىك پارتياسى شاڭحاي قالالىق كوميتەتىنىڭ ورىنباسار شۋجيى، 1987 - جىلى جۇڭگو كوممۋنيستىك پارتياسى شاڭحاي قالالىق كوميتەتىنىڭ شۋجيى بولىپ تاعايىندالدى. ول ەكونوميكالىق قۇرىلىس سىندى وزەكتى مىقتاپ يگەرىپ، ءتورت نەگىزگى پرينسيپكە تاباندى بولىپ، رەفورما جاساۋعا، ەسىك اشۋعا تاباندى بولىپ، زاتتىق وركەنيەت قۇرىلىسىن كۇشەيتۋمەن بىرگە، سوتسياليستىك رۋحاني وركەنيەت قۇرىلىسىنا دا ايرىقشا ءمان بەرىپ، شاڭحايدىڭ رەفورما، دامۋ، ورنىقتىلىق ءىسىن بار كۇشپەن جەبەدى. ول شاڭحايدىڭ ەكونوميكالىق دامۋ جوباسىن جانە قالا قۇرىلىسى جوباسىن جاساۋعا باسشىلىق ەتىپ، 20 - عاسىردىڭ سوڭىندا شاڭحايدى اشىق، كوپ فۋنكتسيالى، كاسىپ سالاسى قۇرىلىمى ۇيلەسىمدى، عىلىم - تەحنيكاسى وزىق، جوعارى وركەنيەتكە يە سوتسياليستىك وسىزاماندانعان قالا ەتىپ قۇرىپ شىعۋ سىندى دامۋ باعىتىن العا قويدى. ول پۋدۇڭدى وركەندەتۋدى، اشىق ۇستاۋدى بەلسەندى تۇردە قولداپ، پۋدۇڭدى حالىقارالىق، توراپتىق، وسىزاماندانعان، دۇنيە جۇزىندەگى ماڭداي الدى جاڭا قالا رايونى ەتىپ قۇرىپ شىعۋدى باسا دارىپتەدى. ءار جاقتىڭ پىكىرىن كەڭىنەن تىڭداپ، ءار جاقتىڭ بەلسەندىلىگىن تولىق جۇمىلدىرىپ، شاڭحايدىڭ ەكونوميكالىق، قوعامدىق دامۋىنىڭ ستراتەگيالىق نىساناسىن جۇزەگە اسىرۋ ءۇشىن، ول باستاما كوتەرىپ دەموكراتيالىق پارتيا - توپتاردىڭ قوس ايلىق اڭگىمە ءماجىلىسى، اقپارات سالاسىنىڭ، نازاريا سالاسىنىڭ قوس ايلىق اڭگىمە ءماجىلىسى سەكىلدى تۇزىمدەردى ورناتتى. ول عىلىم - تەحنيكادا جاڭالىق اشۋ ارقىلى ەكونوميكالىق دامۋدى جەبەۋگە ءمان بەرىپ، كەلەلى ينجەنەريالار بويىنشا شەشىم قابىلداۋدا مامانداردىڭ دالەلدەۋىنەن وتكىزۋ ءتۇزىمىن ورناتتى. شاڭحايدىڭ سىرتقا ەسىك اشۋىن كەڭەيتۋ ءۇشىن، ول سىرتپەن ەكونوميكالىق بايلانىستى دامىتۋدىڭ ءوزارا تۇسىنىستىك ورناتۋ، ءوزارا سەنۋ، ءبىر - بىرىنە ءتيىمدى، پايدالى بولۋ، ۇزاق بولاشاقتى ويلاستىرۋ سىندى ءتورت پرينسيبىن العا قويدى. ونىڭ باستاما كوتەرۋىندە، شاڭحاي قالالىق ۇكىمەت جىل سايىن، ءسوزسىز تۇردە حالىق ءۇشىن بىرنەشە ناقتى ءىس ىستەۋ ءادىسىن قولدانىپ، قالىڭ بۇقارانىڭ كيەر كيىم، ىشەر اس، تۇرعىن ءۇي، جول قاتىناسى جاعىنداعى ءىس جۇزىندىك ماسەلەلەرىن قۇلشىنا شەشىپ، بۇقارانىڭ تۇرمىسىن جاقسارتتى. 1987 - جىلى 11 - ايدا جۇڭگو كوممۋنيستىك پارتياسى 13 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە، جياڭ زىمين جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى بولىپ سايلاندى. 1989 - جىلى جازعا سالىم ەلىمىزدە اۋىر ساياسي تولقۋ تۋىلدى، ول پارتيا ورتالىق كوميتەتىنىڭ بىلىقپالىققا تۋى ايقىن تۇردە قارسى تۇرۋ، سوتسياليستىك مەملەكەت بيلىگىن قورعاۋ، حالىقتىڭ ءتۇبىرلى مۇددەسىن قورعاۋ جونىندەگى دۇرىس شەشىمىن قولداپ جانە اتقارىپ، قالىڭ پارتيا مۇشەلەرىنە، كادرلارعا، بۇقاراعا تىعىز سۇيەنىپ، شاڭحايدىڭ ورنىقتىلىعىن پارمەندى قورعادى.
1989 - جىلى 6 - ايدا جۇڭگو كوممۋنيستىك پارتياسى 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە، جياڭ زىمين جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتتىڭ باس شۋجيى بولىپ سايلاندى. ول ماجىلىستە بىلاي دەپ باتىل اتاپ كورسەتتى: ”پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى لۋشيان مەن نەگىزگى ساياسات وزگەرگەن جوق، ونى، ءسوز جوق، ۇزدىكسىز دايەكتىلەندىرۋ، اتقارۋ كەرەك. وسى ەڭ نەگىزگى ماسەلەدە، مەن مىنا ەكى اۋىز ءسوزدى ايرىقشا ايقىن اتاپ وتەمىن: ءبىرى، مىزعىماس تاباندىلىق كورسەتۋ، تيتتەي دە سولقىلداقتىق ىستەمەۋ؛ ەندى ءبىرى، جالپى بەتتىك اتقارىپ، باستان - اياق دايەكتىلەندىرۋ“. سول جىلى 11 - ايدا جۇڭگو كوممۋنيستىك پارتياسى 13 - كەزەكتى ورتالىق كوميتەتىنىڭ بەسىنشى جالپى ءماجىلىسى جياڭ زىميننىڭ جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ ءتوراعاسى بولۋىن ۇيعاردى. 1990 - جىلى 3 - ايدا مەملەكەتتىك 7 - كەزەكتى حالىق قۇرىلتايىنىڭ 3 - ماجىلىسىندە جياڭ زىمين جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ سايلاندى.
1992 - جىلى 10 - ايدا جۇڭگو كوممۋنيستىك پارتياسىنىڭ مەملەكەتتىك 14 - قۇرىلتايىندا، جياڭ زىمين «رەفورما جاساۋ، ەسىك اشۋ جانە وسىزامانداندىرۋ قۇرىلىسى اياق الىسىن تەزدەتىپ، جۇڭگوشا سوتسياليزم ىستەرىنىڭ اناعۇرلىم زور جەڭىسىنە قول جەتكىزەيىك» دەگەن تاقىرىپتا بايانداما جاساپ، دىڭ شياۋپيڭ جۇڭگوشا سوتسياليزم قۇرۋ نازارياسىنىڭ بۇكىل پارتياداعى جەتەكشى ورنىن مىقتاپ ورناتۋدى، جۇڭگونىڭ ەكونوميكالىق ءتۇزىلىس رەفورماسىنىڭ نىساناسىن سوتسياليستىك بازار شارۋاشىلىعى ءتۇزىلىسىن ورناتۋ دەپ بەلگىلەۋدى العا قويىپ، ورايدى مىقتى يگەرۋدى، دامۋدى جەدەلدەتۋدى، زەيىن - زەردەنى شوعىرلاندىرىپ ەكونوميكالىق قۇرىلىستى ورگە باستىرۋدى باسا دارىپتەدى. جۇڭگو كوممۋنيستىك پارتياسى 14 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە، جياڭ زىمين جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتتىڭ باس شۋجيى بولىپ سايلاندى، جالپى ءماجىلىس جياڭ زىميننىڭ جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ ءتوراعاسى بولۋىن ۇيعاردى. 1993 - جىلى 3 - ايدا مەملەكەتتىك 8 - كەزەكتى حالىق قۇرىلتايىنىڭ 1 - ماجىلىسىندە، جياڭ زىمين جۇڭحۋا حالىق رەسپۋبليكاسىنىڭ ءتوراعاسى جانە جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ سايلاندى.
1997 - جىلى 9 - ايدا جۇڭگو كوممۋنيستىك پارتياسىنىڭ مەملەكەتتىك 15 - قۇرىلتايىندا، جياڭ زىمين «دىڭ شياۋپيڭ نازارياسى ۇلى تۋىن بيىك ۇستاپ، جۇڭگوشا سوتسياليزم قۇرۋ ىستەرىن 21 - عاسىرعا قاراي جاپپاي ىلگەرىلەتەيىك» دەگەن تاقىرىپتا بايانداما جاساپ، دىڭ شياۋپيڭ نازارياسىنىڭ تاريحي ورنى مەن جەتەكشى ءمانىن باسا بايىمداپ، پارتيانىڭ سوتسياليزمنىڭ العاشقى ساتىسىنداعى نەگىزگى تۇعىرناماسىن العا قويىپ، جالپىلىق مەنشىكتى نەگىزگى تۇلعا ەتىپ، كوپ ءتۇرلى مەنشىكتەگى شارۋاشىلىقتى قاتار دامىتۋدىڭ ەلىمىزدىڭ سوتسياليزمنىڭ العاشقى ساتىسىنداعى نەگىزگى ەكونوميكالىق ءتۇزىمى ەكەندىگىن ايقىنداپ، مەملەكەتتى زاڭمەن باسقارۋدى، زاڭمەن باسقارىلاتىن سوتسياليستىك مەملەكەت قۇرۋدى باسا دارىپتەپ، ەلىمىزدىڭ رەفورما جاساۋ، ەسىك اشۋ جانە وسىزامانداندىرۋ قۇرىلىسىنىڭ عاسىر اتتاپ دامۋىنىڭ ۇلى نىساناسىن ايقىندادى. جۇڭگو كوممۋنيستىك پارتياسى 15 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە، جياڭ زىمين جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەتتىڭ باس شۋجيى بولىپ سايلاندى، جالپى ءماجىلىس جياڭ زىميننىڭ جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ ءتوراعاسى بولۋىن ۇيعاردى. 1998 - جىلى 3 - ايدا مەملەكەتتىك 9 - كەزەكتى حالىق قۇرىلتايىنىڭ 1 - ماجىلىسىندە، جياڭ زىمين جۇڭحۋا حالىق رەسپۋبليكاسىنىڭ ءتوراعاسى جانە جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ سايلاندى.
2002 - جىلى 11 - ايدا جۇڭگو كوممۋنيستىك پارتياسىنىڭ مەملەكەتتىك 16 - قۇرىلتايىندا، جياڭ زىمين «جاپپاي دوڭگەلەك داۋلەتتى قوعام قۇرىپ، جۇڭگوشا سوتسياليزم ىستەرىنىڭ جاڭا جاعدايىن اشايىق» دەگەن تاقىرىپتا بايانداما جاساپ، جاپپاي دوڭگەلەك داۋلەتتى قوعام قۇرۋدىڭ كۇرەس نىساناسىن العا قويىپ، ”ۇشكە ۋاكىلدىك ەتۋ“ ماڭىزدى يدەياسىن جاپپاي دايەكتىلەندىرۋدىڭ ءتۇبىرلى تالابىن بايىمدادى. جۇڭگو كوممۋنيستىك پارتياسى 16 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جياڭ زىميننىڭ جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ ءتوراعاسى بولۋىن ۇيعاردى. 2003 - جىلى 3 - ايدا مەملەكەتتىك 10 - كەزەكتى حالىق قۇرىلتايىنىڭ 1 - ماجىلىسىندە، جياڭ زىمين جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ سايلاندى.
جۇڭگو كوممۋنيستىك پارتياسى 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن، جياڭ زىمين جۇڭگوشا سوتسياليزم قۇرۋعا باسشىلىق ەتۋ امالياتى بارىسىندا، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى تۇعىرناماسىنا تاباندى بولىپ، سوتسياليزم دەگەن نە، سوتسياليزمدى قالاي قۇرۋ جانە قانداي پارتيا قۇرۋ، پارتيانى قالاي قۇرۋ تۋرالى تانىمدى تەرەڭدەتىپ، ”ۇشكە ۋاكىلدىك ەتۋ“ ماڭىزدى يدەياسىن قالىپتاستىرىپ، جۇڭگوشا سوتسياليزم نازارياسىن بايىتتى جانە دامىتتى. ”ۇشكە ۋاكىلدىك ەتۋ“ ماڭىزدى يدەياسى ماركسيزمنىڭ نەگىزگى قاعيدالارىنا تاباندى بولۋمەن بىرگە، دۇنيە ءجۇزى مەن جۇڭگونىڭ دامۋىنىڭ، وزگەرىسىنىڭ پارتيا مەن مەملەكەت قىزمەتىنە قويعان جاڭا تالابىن دا بەينەلەپ، جاڭا يدەيا، كوزقاراس، تۇجىرىم ارقىلى ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا مۇراگەرلىك ەتتى جانە ونى بايىتتى، دامىتتى.
جياڭ زىمين جۇڭگوشا سوتسياليزمنىڭ دامۋ جولى ماسەلەسى جونىندە تەرەڭ وي جۇگىرتىپ، دامۋدى، ءسوز جوق، پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى مىندەتى ەتىپ، وسىزامانداندىرۋ قۇرىلىسىندا ۇزدىكسىز جاڭا جاعداي اشۋدى العا قويدى. ول مىنالاردى العا قويدى: بۇكىل پارتيا قىزمەتىنىڭ كەلەلى جاعدايى ورايدى يگەرۋ، رەفورمانى تەرەڭدەتۋ، ەسىكتى ايقارا اشۋ، دامۋدى جەبەۋ، ورنىقتىلىقتى ساقتاۋ بولىپ تابىلادى، بۇل − ءسوز جوق، ۇزاق ۋاقىت تاباندى بولۋعا ءتيىستى باعىت. پارتيانىڭ نەگىزگى لۋشيانىنىڭ بارلىق مازمۇنىن جاپپاي يگەرىپ، ەكونوميكالىق قۇرىلىس سىندى وزەكتى ءتورت نەگىزگى پرينسيپ، رەفورما جاساۋ، ەسىك اشۋ سىندى وسى ەكى نەگىزگى تۇيىنمەن بىرگە جۇڭگوشا سوتسياليزم قۇرۋدىڭ ۇلى امالياتىمەن بىرلىككە كەلتىرىپ، وسىزامانداندىرۋ قۇرىلىسىنىڭ تۇتاس بارىسىنا ءسىڭىرۋ كەرەك. ول بىلاي دەپ اتاپ كورسەتتى: دامۋ − داۋ جۇرمەيتىن شىندىق، بۇل ءبىز، ءسوز جوق، باستان - اياق تاباندى بولۋعا ءتيىستى ستراتەگيالىق يدەيا، باردام باتىمدى سويلەيدى، مەشەۋ قالعان تاياق جەيدى. ءبىزدىڭ ەكونوميكالىق قۋاتىمىز، مەملەكەت قورعانىسى قۋاتىمىز، ۇلتتىق ۇيىسقىشتىعىمىز ۇزدىكسىز كۇشەيسە بولعانى، ”داۋىل تۇرىپ، تولقىن كوتەرىلسە دە، مىزعىماي تۇرا الامىز“. ول پارتيا مەن مەملەكەت ءدوپ كەلىپ وتىرعان جاڭا جاعدايعا تەرەڭ تالداۋ جاساپ، قىراعىلىقپەن مىنانى اتاپ كورسەتتى: جالپى جاعدايعا كوز جىبەرسەك، 21 - عاسىردىڭ العاشقى 20 جىلى، ەلىمىز جونىنەن العاندا، ءسوز جوق، مىقتى يگەرۋگە ءتيىستى ءارى ۇلكەن ءىس تىندىرۋعا بولاتىن ماڭىزدى ستراتەگيالىق وراي مەزگىلى سانالادى، ءسوز جوق، ىرىقتىلىق رۋح پەن تاۋقىمەت تانىمى بولۋ، ورايدان ايرىلىپ قالماي، ورايدى مىقتى يگەرۋ، ەسكىلىككە جارماسىپ الماي ءورىس اشا العا ىلگەرىلەۋ، بۇكىل ەل حالقىنىڭ اقىل - پاراساتى مەن كۇش - قۋاتىن شوعىرلاندىرىپ، بار زەيىنىمەن قۇرىلىس جۇرگىزىپ، بار ىنتا - پەيىلىمەن دامۋعا ۇمتىلىپ، سوتسياليستىك زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ سايكەسە دامۋىن ۇزدىكسىز جەبەۋ كەرەك. جۇڭگوشا سوتسياليزم قۇرۋ ەلىمىز ەكونوميكاسىنىڭ، ساياسيىنىڭ، مادەنيەتىنىڭ جاپپاي دامۋ ءۇردىسى، ەلىمىزدىڭ سوتسياليستىك زاتتىق وركەنيەتىنىڭ، ساياسي وركەنيەتىنىڭ، رۋحاني وركەنيەتىنىڭ جاپپاي دامۋ ءۇردىسى بولۋعا ءتيىس. ول مىنالاردى العا قويدى: جۇڭگوشا سوتسياليزم قۇرۋ ىستەرىندە، ءبىز جۇرگىزىپ وتىرعان بارلىق قىزمەتتە حالىقتىڭ رەال زاتتىق، مادەني تۇرمىس قاجەتىن كوزدەۋمەن بىرگە، حالىق ساپاسىنىڭ جوعارىلاۋىن جەبەۋدى دە كوزدەۋىمىز، اتاپ ايتقاندا، ادامنىڭ جان - جاقتى دامۋىن قۇلشىنا جەبەۋىمىز كەرەك، ادامنىڭ جان - جاقتى دامۋىن ىلگەرىلەتۋ مەن ەكونوميكانىڭ، ساياسيدىڭ، مادەنيەتتىڭ دامۋىن ىلگەرىلەتۋ جانە حالىقتىڭ زاتتىق، مادەني تۇرمىسىن جاقسارتۋ ءبىرىن - ءبىرى العى شارت جانە نەگىز ەتەدى. ول بىلاي دەپ باسا دارىپتەدى: رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس تانۋ جانە شەشۋ كەرەك، رەفورما − قوزعاۋشى كۇش، دامۋ − نىسانا، ورنىقتىلىق − العى شارت، رەفورمانىڭ سەرپىنىن، دامۋدىڭ قارقىنىن جانە قوعامنىڭ كوتەرىمدىلىك دەڭگەيىن بىرلىككە كەلتىرىپ، حالىق تۇرمىسىن ۇزدىكسىز جاقسارتۋدى رەفورمانىڭ، دامۋدىڭ، ورنىقتىلىقتىڭ قاتىناسىن شەشۋدەگى ماڭىزدى ۇشتاسۋ ءتۇيىنى ەتىپ، قوعامنىڭ ورنىقتىلىعى بارىسىندا رەفورمانى، دامۋدى ىلگەرىلەتىپ، رەفورما، دامۋ ارقىلى قوعامنىڭ ورنىقتىلىعىن جەبەۋ كەرەك.
جياڭ زىميننىڭ 21 - عاسىردىڭ العاشقى 20 جىلى جاپپاي دوڭگەلەك داۋلەتتى قوعام قۇرۋ كەزەڭى بولاتىندىعىن العا قويۋى − جۇڭگوشا سوتسياليزمنىڭ دامۋ ساتىسى مەن دامۋ ستراتەگياسىنىڭ بايىتىلۋى جانە دامىتىلۋى، ول ەلىمىزدىڭ مەملەكەت جاعدايىنا، حالىقتىڭ تىلەگىنە ۇيلەسەدى، بارلىق بەلسەندى فاكتورلاردى ەڭ كەڭ كولەمدە، ەڭ تولىق جۇمىلدىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەسۋگە ءتيىمدى. 20 - عاسىردىڭ 90 - جىلدارىندا، جياڭ زىمين جاپپاي دوڭگەلەك داۋلەتتى قوعام قۇرۋ، ءۇشىنشى قادامداعى ستراتەگيالىق نىسانانى جۇزەگە اسىرۋ جونىندە كورەگەندىكپەن ستراتەگيالىق وي جۇگىرتتى. ول جۇڭگو كوممۋنيستىك پارتياسى 15 - قۇرىلتايىنىڭ بايانداماسىندا، ءۇشىنشى قادامداعى ستراتەگيالىق نىسانانى جۇزەگە اسىرۋدىڭ جوباسىن العاشقى قادامدا جاساپ، كەلەسى عاسىرعا كوز جىبەرگەندە، ءبىزدىڭ نىسانامىز ءبىرىنشى 10 جىلدا حالىقتىق ءوندىرىستىڭ جالپى ءونىم قۇنىن 2000 - جىلداعىدان ەكى ەسە ارتتىرىپ، حالىقتىڭ دوڭگەلەك داۋلەتتى تۇرمىسىن اناعۇرلىم مولشىلىققا كەنەلتىپ، ءبىرشاما كەمەلدى سوتسياليستىك بازار شارۋاشىلىعى ءتۇزىلىسىن قالىپتاستىرۋ؛ تاعى دا 10 جىل قۇلشىنۋ ارقىلى پارتيا قۇرىلعاندىعىنىڭ 100 جىلدىعى كەزىندە حالىق شارۋاشىلىعىن ونان ارى دامىتىپ، ءتۇرلى تۇزىمدەردى ونان ارى كەمەلدەندىرۋ؛ عاسىردىڭ ورتا شەنىندەگى مەملەكەت قۇرىلعاندىعىنىڭ 100 جىلدىعى تۇسىندا وسىزاماندانۋدى نەگىزىنەن جۇزەگە اسىرىپ، باي، قۇدىرەتتى، دەموكراتيالى، وركەنيەتتى سوتسياليستىك مەملەكەت قۇرىپ شىعۋ بولاتىندىعىن اتاپ كورسەتتى. جۇڭگو كوممۋنيستىك پارتياسى 15 - كەزەكتى ورتالىق كوميتەتىنىڭ بەسىنشى جالپى ءماجىلىسى ىشكەرىلەگەن تۇردە جاڭا عاسىردان باستاپ ەلىمىز جاپپاي دوڭگەلەك داۋلەتتى قوعام قۇرۋدىڭ، سوتسياليستىك وسىزامانداندىرۋدى جەدەل ىلگەرىلەتۋدىڭ جاڭا دامۋ كەزەڭىنە وتەتىندىگىن العا قويدى. جۇڭگو كوممۋنيستىك پارتياسىنىڭ 16 - قۇرىلتايىندا، ول جاپپاي دوڭگەلەك داۋلەتتى قوعام قۇرۋدىڭ كۇرەس نىساناسىن تەرەڭ بايىمداپ، بىلاي دەپ باسا دارىپتەدى: ءبىز وسى عاسىردىڭ العاشقى 20 جىلىندا كۇشتى شوعىرلاندىرىپ، ءبىر ميلليارد نەشە ءجۇز ميلليون حالىقتى يگىلىككە كەنەلتەتىن اناعۇرلىم جوعارى دەڭگەيدەگى دوڭگەلەك داۋلەتتى قوعامدى جاپپاي قۇرىپ، ەكونوميكانىڭ اناعۇرلىم دامۋىنا، دەموكراتيانىڭ اناعۇرلىم اقاۋسىزدانۋىنا، عىلىم - تەحنيكانىڭ، وقۋ - اعارتۋدىڭ اناعۇرلىم العا باسۋىنا، مادەنيەتتىڭ اناعۇرلىم گۇلدەنۋىنە، قوعامنىڭ اناعۇرلىم جاراسىمدى بولۋىنا، حالىق تۇرمىسىنىڭ اناعۇرلىم مولشىلىققا كەنەلۋىنە مۇمكىندىك جاساۋىمىز كەرەك. بۇل وسىزامانداندىرۋ قۇرىلىسىنىڭ 3 - قادامداعى ستراتەگيالىق نىساناسىن جۇزەگە اسىرۋدا، ءسوزسىز، باسىپ وتەتىن، بۇرىنعىعا مۇراگەر، كەيىنگىگە بۇيداگەر بولاتىن دامۋ ساتىسى، سونداي - اق سوتسياليستىك بازار شارۋاشىلىعى ءتۇزىلىسىن كەمەلدەندىرۋ مەن سىرتقا ەسىك اشۋدى كەڭەيتۋدىڭ شەشۋشى كەزەڭى.
جۇڭگوشا سوتسياليزمنىڭ ءتۇبىرلى مىندەتى تۋرالى جياڭ زىمين بىلاي دەپ اتاپ كورسەتتى: ءسوز جوق، كۇشتى شوعىرلاندىرا وتىرىپ قوعامدىق وندىرگىش كۇشتەردى دامىتۋدى ماڭداي الدى ورىنعا قويىپ، وزىق وندىرگىش كۇشتەردىڭ دامۋىن ۇزدىكسىز جەبەۋ كەرەك، بۇل پارتيانىڭ باستان - اياق ءداۋىردىڭ الدىڭعى لەگىندە تۇرۋىنىڭ، العاباسارلىقتى ساقتاۋىنىڭ ءتۇبىرلى بەينەسى جانە ءتۇبىرلى تالابى. ول بىلاي دەپ باسا دارىپتەدى: ادام − وندىرگىش كۇشتەر اراسىنداعى ەڭ شەشۋشى كۇش، زيالىلاردى قامتىعان جۇمىسشى تابى، قالىڭ شارۋالار باستان - اياق ەلىمىزدىڭ وزىق وندىرگىش كۇشتەرىنىڭ دامۋى مەن قوعامنىڭ جاپپاي العا باسۋىن ىلگەرىلەتەتىن ءتۇبىرلى كۇش؛ قوعامدىق توڭكەرىس بارىسىندا جارىققا شىققان حالىقتىق عىلىم - تەحنيكا كاسىپورىندارىنىڭ ىرگەسىن قالاۋشىلار مەن تەحنيكتەر، شەتەل قارجىلاندىرعان كاسىپورىندارعا ۇسىنىس ەتىلگەن باسقارۋشى تەحنيكتەر، جەكە كاسىپكەرلەر، جەكەلەر باسقارۋىنداعى كاسىپورىن قوجايىندارى، دەلدال ۇيىمداردا كاسىپپەن اينالىسۋشىلار، ەركىن كاسىپتەگىلەر سياقتى قوعامدىق جىكتەگىلەردىڭ ءبارى دە جۇڭگوشا سوتسياليزم ىستەرىنىڭ قۇرۋشىلارى سانالادى. ول مىنالاردى العا قويدى: دارىندىلار بايلىعى ءبىرىنشى بايلىق، ءار دارەجەلى پارتكومدار مەن ۇكىمەتتەر پارتيا مەن مەملەكەت ىستەرىنىڭ باياندى دامۋىن جانە دارىندىلاردىڭ جالپى تۇلعالىق قاجەتىن كوزدەپ، دارىندىلاردى باۋلۋ، دارىندىلاردى باۋراۋ، دارىندىلاردى ويداعىداي ىستەتۋ سىندى ءۇش بۋىندى مىقتاپ يگەرىپ، دارىندىلار ستراتەگياسىن كۇش سالا اتقارۋى كەرەك. ول عىلىم - تەحنيكانىڭ قوعامدىق وندىرگىش كۇشتەردىڭ دامۋىن ىلگەرىلەتۋ بارىسىنداعى ماڭىزدى رولىنا وسكەلەڭ ءمان بەرىپ، ءبىز قۇدىرەتتى عىلىم - تەحنيكالىق ناقتى قۋاتى بولماسا، سوتسياليزمنىڭ وسىزاماندانۋى بولماق ەمەس دەيتىن وسى قاعيدانى ەستە بەرىك ساقتاۋىمىز كەرەك دەپ باسا دارىپتەدى. ول بىلىمدە جاڭالىق اشۋ مەن عىلىم - تەحنيكادا جاڭالىق اشۋدى كۇش سالا ىلگەرىلەتىپ، مەملەكەتتىڭ بىلىمدە جاڭالىق اشۋ جۇيەسىن قۇرىپ، دەربەس جاڭالىق اشۋ قابىلەتىن كۇشەيتىپ، تەحنيكا دامۋىنىڭ قارىشتاۋىن جۇزەگە اسىرۋدى العا قويدى. ول سوتسياليستىك وندىرىستىك قاتىناس پەن قوندىرمانى ۇزدىكسىز كەمەلدەندىرىپ، وندىرگىش كۇشتەردىڭ ازات بولۋ مەن دامۋىنا ۇزدىكسىز اناعۇرلىم كەڭ جول اشۋ كەرەكتىگىن باسا دارىپتەدى.
جياڭ زىمين جاڭا امالياتپەن ۇشتاستىرىپ، ەلىمىزدىڭ سوتسياليستىك رەفورماسى جونىندەگى نازاريالىق ويىن ونان ارى تەرەڭدەتتى. ول بىلاي دەپ اتاپ كورسەتتى: سوۆەت وداعىنىڭ ىدىراۋى، شىعىس ەۆروپادا شۇعىل وزگەرىستىڭ تۋىلۋ ساباعىن، سونداي - اق بىزدە ”مادەنيەت زور توڭكەرىسىنىڭ“ تۋىلۋى سىندى اۋىر دا بۇرالاڭ وسى ساباقتى مۇقيات قورىتىندىلاپ، ولاردىڭ سەبەبىنە تەرەڭ تالداۋ جاساۋ ارقىلى مىناداي ەكى قورىتىندى شىعارۋعا بولادى: ءبىرىنشى، ءسوز جوق، سوتسياليزمگە تاباندى بولۋ؛ ەكىنشى، ءسوز جوق، سوتسياليستىك رەفورما جۇرگىزىپ، ءوز ەلىنىڭ ءىس جۇزىندىگىنە ۇيلەسەتىن سوتسياليستىك دامۋ جولىن قاراستىرۋ كەرەك. ول بىلاي دەپ باسا دارىپتەدى: جاڭالىق اشۋ − ءبىر ۇلتتىڭ العا باسۋىنىڭ جانى، ءبىر مەملەكەتتىڭ كوركەيىپ - گۇلدەنۋىنىڭ سارقىلماس قوزعاۋشى كۇشى، ءسوز جوق، ءتۇرلى جاقتارداعى رەفورمانى بۇلجىماي ىلگەرىلەتۋ كەرەك، رەفورما جاساۋدا ءىس جۇزىندىكتى شىعار ءتۇيىن ەتۋ، تۇتاس تۇلعادا ىلگەرىلەتۋ، ماڭىزدى تۇيىندە سەرپىلىس جاساۋ، تارتىپپەن بىرتىندەپ ىلگەرىلەتۋ، ءتۇزىم قۇرىلىسى مەن جاڭالىق اشۋعا باسا ءمان بەرۋ كەرەك. 20 - عاسىردىڭ 90 - جىلدارىندا، ول جۇڭگو كوممۋنيستەرىنىڭ نازاريادا جاڭالىق اشۋعا، داۋىرمەن بىرگە ىلگەرىلەۋگە تاباندى بولاتىن زور باتىلدىعىمەن سوتسياليستىك بازار شارۋاشىلىعى ءتۇزىلىسىنىڭ رەفورما نىساناسى مەن نەگىزگى جۇلگەسىن تۇراقتاندىرىپ، سوتسياليزمنىڭ العاشقى ساتىسىنداعى جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق قاتار دامىتىلاتىن نەگىزگى ەكونوميكالىق ءتۇزىمدى جانە ەڭبەگىنە قاراي ءبولۋدى نەگىزگى تۇلعا ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن تۇراقتاندىرىپ، جاپپاي رەفورما جاساپ، ەسىك اشۋدىڭ جاڭا جاعدايىن اشتى. 1992 - جىلى 6 - ايدا، ول ايرىقشا ورتالىقتانعان جوسپارلى شارۋاشىلىق تۇزىلىسىنە ءتۇبىرلى سيپاتتى رەفورما جۇرگىزۋدى، ءسوزسىز، اتقارۋ كەرەكتىگىن، ايتپەگەندە ەلىمىزدىڭ وسىزاماندانۋىن جۇزەگە اسىرۋ مۇمكىن ەمەستىگىن العا قويدى، دىڭ شياۋپيڭنىڭ وڭتۇستىكتى كوزدەن كەشىرگەندەگى ءسوزىنىڭ رۋحىنا ساي، ول ”سوتسياليستىك بازار شارۋاشىلىعى ءتۇزىلىسى“ سىندى وسى ايتىلىمدى قولدانۋدى ايقىن ورتاعا قويىپ، جۇڭگو كوممۋنيستىك پارتياسى 14 - قۇرىلتايىنىڭ اشىلۋىنا ماڭىزدى يدەيالىق، نازاريالىق دايىندىق جاسادى، جۇڭگو كوممۋنيستىك پارتياسىنىڭ 14 - قۇرىلتايى سوتسياليستىك بازار شارۋاشىلىعى ءتۇزىلىسىن ورناتۋدى رەسمي تۇردە جۇڭگونىڭ ەكونوميكالىق ءتۇزىلىس رەفورماسىنىڭ نىساناسى ەتىپ تۇراقتاندىردى. جۇڭگو كوممۋنيستىك پارتياسى 14 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ماقۇلداعان «سوتسياليستىك بازار شارۋاشىلىعى ءتۇزىلىسىن ورناتۋ جونىندەگى ءبىرقانشا ماسەلەلەر تۋرالى قاۋلىدا» سوتسياليستىك بازار شارۋاشىلىعى ءتۇزىلىسىن ورناتۋدىڭ جالپى تۇلعالىق جوباسى جاسالدى. 20 - عاسىردىڭ سوڭىنا جەتكەندە، ەلىمىزدە سوتسياليستىك بازار شارۋاشىلىعى ءتۇزىلىسىنىڭ نەگىزگى جۇلگەسى العاشقى قادامدا ورنادى. جياڭ زىمين بىلاي دەپ اتاپ كورسەتتى: جالپىلىق مەنشىكتى نەگىزگى تۇلعا ەتۋ، كوپ ءتۇرلى مەنشىكتەگى شارۋاشىلىقتى قاتار دامىتۋ − ەلىمىزدىڭ سوتسياليزمنىڭ العاشقى ساتىسىنداعى نەگىزگى شارۋاشىلىق ءتۇزىمى؛ جالپىلىق مەنشىكتىڭ جۇزەگە اسۋ فورماسى الۋان ءتۇرلى بولادى، سونداي - اق الۋان ءتۇرلى بولۋعا ءتيىستى؛ جارنالىق ءتۇزىم − وسى زامانعى كاسىپورىنداردىڭ كاپيتال ۇيىمداستىرۋ فورماسى، كاپتياليزمنىڭ قولدانۋىنا بولسا، سوتسياليزمنىڭ دە قولدانۋىنا بولادى. ءسوز جوق، جالپىلىق مەنشىكتەگى شارۋاشىلىقتى تيتتەي دە اۋىتقىماي بەكەمدەۋ جانە دامىتۋ كەرەك، ءسوز جوق، جالپىلىق مەنشىككە جاتپايتىن شارۋاشىلىقتىڭ دامۋىن تيتتەي دە اۋىتقىماي شابىتتاندىرۋ، قولداۋ جانە جەتەكتەۋ كەرەك. ول بىلاي دەپ باسا دارىپتەدى: مەملەكەت مەنشىگىندەگى مال - مۇلىكتى باسقارۋ تۇزىلىسىنە رەفورما جاساۋ − ەكونوميكالىق ءتۇزىلىس رەفورماسىن تەرەڭدەتۋدىڭ كەلەلى مىندەتى، مەملەكەت مەنشىگىنە تاباندى بولۋ العى شارتىمەن، ورتالىق پەن جەرگىلىكتى ورىن ەكى جاقتىڭ بەلسەندىلىگىن تولىق ساۋلەلەندىرۋگە تاباندى بولۋ كەرەك. ول بىلاي دەپ اتاپ كورسەتتى: مەملەكەت مەنشىگىندەگى كاسىپورىندار − ەلىمىز حالىق شارۋاشىلىعىنىڭ تىرەگى، مەملەكەت مەنشىگىندەگى كاسىپورىندار رەفورماسى − ەلىمىزدىڭ ەكونوميكالىق ءتۇزىلىس رەفورماسىنىڭ وزەكتى بۋىنى، تۇتاس مەملەكەت مەنشىگىندەگى شارۋاشىلىقتى ويداعىداي جۇرگىزۋدى كوزدە ۇستاپ، ۇلكەندەرىن ويداعىداي يگەرۋ، شاعىندارىن كەڭ ۇستاۋ، مەملەكەت مەنشىگىندەگى كاسىپورىندارعا ستراتەگيالىق سيپاتتى قايتا ۇيىمداستىرۋ جۇرگىزۋ كەرەك. ول بىلاي دەپ اتاپ كورسەتتى: وسى زامانعى كاسىپورىندار ءتۇزىمىن ورناتۋ − مەملەكەت مەنشىگىندەگى كاسىپورىندار رەفورماسىنىڭ بەتالىسى، ”مال - مۇلىك ۇقىعى انىق بولۋ، ۇقىق پەن جاۋاپكەرشىلىگى ايقىن بولۋ، ۇكىمەت پەن كاسىپورىندى ايىرۋ، باسقارۋى عىلمي بولۋ“ تالابى بويىنشا مەملەكەت مەنشىگىندەگى ءىرى، ورتا كاسىپورىندارعا ولشەمدەنگەن سەرىكتەستىك ءتۇزىمى رەفورماسىن جۇرگىزىپ، كاسىپورىنداردى بازارعا ۇيلەسەتىن زاڭدىق يە ناقتى تۇلعاسىنا جانە باسەكە نەگىزگى تۇلعاسىنا اينالدىرۋ كەرەك. ول مىنانى العا قويدى: بازار مەحانيزمىنىڭ رولىن تولىق ساۋلەلەندىرۋ جانە ماكرولىق رەتتەۋ - مەڭگەرۋ جۇيەسىن كۇشەيتۋ − سوتسياليستىك بازار شارۋاشىلىعى ءتۇزىلىسىن ورناتۋدىڭ نەگىزگى تالاپتارى، ماكرولىق رەتتەۋ - مەڭگەرۋ جۇيەسىن جەدەل اقاۋسىزداندىرىپ جانە كەمەلدەندىرىپ، فينانس، قازىنا، جوسپار ءتۇزىلىسى رەفورماسىن تەرەڭدەتىپ، ماكرولىق رەتتەۋ - مەڭگەرۋ شارالارى مەن سايكەستىرۋ مەحانيزمىن كەمەلدەندىرىپ، ۇيلەسىمدى قاتايتىلعان قازىنا ساياساتى مەن اقشا ساياساتىن اتقارىپ، رەتتەۋ - مەڭگەرۋ تەبىنىن يگەرۋگە ءمان بەرۋ كەرەك. ول بىلاي دەپ باسا دارىپتەدى: ءبولىس قاتىناسىن جونگە سالۋ − قالىڭ بۇقارانىڭ ءتول مۇددەسىنە جانە بەلسەندىلىگىن ساۋلەلەندىرۋگە سايادى، ەڭبەگىنە قاراي ءبولۋدى نەگىزگى تۇلعا ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن كەمەلدەندىرىپ، الدىمەن ونىمدىلىگىنە قاراۋعا، ونىمەن بىرگە ءادىل بولۋ جاعىمەن دە ساناسۋعا تاباندى بولىپ، شارۋاشىلىقتىڭ دامۋ دەڭگەيىنە ۇيلەسىمدى قوعامدىق قامتاماسىزداندىرۋ جۇيەسىن ورناتىپ جانە اقاۋسىزداندىرىپ، قالا - قالاشىقتارداعى جۇمىسشى - قىزمەتكەرلەردىڭ نەگىزگى زەينەتكەرلىك قامسىزداندىرۋ ءتۇزىمى مەن نەگىزگى ەمدەۋ قامسىزداندىرۋى ءتۇزىمىن كەمەلدەندىرىپ، جۇمىسسىزدىق قامسىزداندىرۋى ءتۇزىمى مەن قالا تۇرعىندارىنىڭ ەڭ تومەنگى تۇرمىسىن قامتاماسىزداندىرۋ ءتۇزىمىن اقاۋسىزداندىرىپ، اۋىل - قىستاق زەينەتكەرلىك، ەمدەۋ قامسىزداندىرۋى جانە ەڭ تومەنگى تۇرمىستى قامتاماسىزداندىرۋ ءتۇزىمىن ورناتۋ جونىندە ىزدەنىس جاساۋ كەرەك.
20 - عاسىردىڭ 90 - جىلدارىنا وتكەندە، جياڭ زىمين ەكونوميكانىڭ جاھاندانۋىنىڭ ۇزدىكسىز تەزدەۋ اۋقىمىن مىقتاپ يگەرىپ، بىلاي دەپ باسا دارىپتەدى: جۇڭگو دامۋ ءۇشىن، العا باسۋ ءۇشىن، باي - قۇدىرەتتى بولۋ ءۇشىن، ءسوز جوق، سىرتقا ەسىك اشىپ، دۇنيە جۇزىندەگى ءار ەلمەن ەكونوميكا، عىلىم - تەحنيكا، مادەنيەت اۋىس - كۇيىسىن، سەلبەستىگىن كۇشەيتىپ، بارلىق وزىق دۇنيەلەردى قابىلداۋى جانە ودان ۇلگى الۋى كەرەك. ول مىنالاردى العا قويدى: ءبىز قاتىستى ساياساتتاردى ونان ارى كەمەلدەندىرىپ، سىرتقا ەسىك اشۋدى ۇزدىكسىز بۇلجىماي كەڭەيتىپ، سىرتقا ەسىك اشۋدىڭ فورماسى مەن مازمۇنىن ۇزدىكسىز بايىتىپ، سىرتقا ەسىك اشۋدىڭ ساپاسى مەن دەڭگەيىن ۇزدىكسىز جوعارىلاتىپ، جان - جاقتى، كوپ ساتىلى، كەڭ سالالى سىرتقا ەسىك اشۋ ارناسىن كەمەلدەندىرۋىمىز كەرەك. دۇنيە ءجۇزى ساۋدا ۇيىمىنا كىرۋ − پارتيانىڭ ەلىمىزدىڭ ەكونوميكالىق دامۋ جانە رەفورما جاساۋ، ەسىك اشۋ قاجەتىن نەگىزگە الىپ شىعارعان كەلەلى ستراتەگيالىق شەشىمى، ول ەلىمىزدىڭ سىرتقا ەسىك اشۋىنىڭ جاڭا كەزەڭگە وتكەندىگىن كورسەتەدى. جياڭ زىمين جۇڭگونىڭ دۇنيە ءجۇزى ساۋدا ۇيىمىنا كىرۋ پرينسيبىن بىلاي دەپ ەگجەي - تەگجەيلى باياندادى: ءبىرىنشى، جۇڭگونىڭ دۇنيە ءجۇزى ساۋدا ۇيىمىنا كىرۋى جۇڭگونىڭ ەكونوميكالىق دامۋى مەن رەفورما جاساۋىنىڭ، ەسىك اشۋىنىڭ قاجەتى، سونىمەن بىرگە دۇنيە ءجۇزى ساۋدا ۇيىمى دا جۇڭگونى قاجەت ەتەدى، ءبىر ميلليارد 200 ميلليوننان استام جان سانى بار جۇڭگو قاتىناسپاسا، دۇنيە ءجۇزى ساۋدا ۇيىمى كەمەلدى بولمايدى، دۇنيە ءجۇزى ەكونوميكاسىنىڭ دامۋىنا دا ءتيىمسىز؛ ەكىنشى، جۇڭگو − وركەندەپ كەلە جاتقان ەل، قوعامدىق وندىرگىش كۇشى ءالى دامىماعان، وركەندەپ كەلە جاتقان ەلدەردىڭ شارتىمەن عانا دۇنيە ءجۇزى ساۋدا ۇيىمىنا كىرەدى؛ ءۇشىنشى، جۇڭگو دۇنيە ءجۇزى ساۋدا ۇيىمىنا كىرسە، ونىڭ ۇقىعى مەن مىندەتى، ءسوزسىز، تەپە - تەڭ بولۋى كەرەك، جۇڭگو تىم جوعارى، جۇڭگونىڭ قابىلداۋ قۋاتىنان اسىپ كەتكەن تالاپتاردى قابىلدامايدى. وسى جەتەكشى پرينسيپتەرگە ساي، جۇڭگو دۇنيە ءجۇزى ساۋدا ۇيىمىنا كىرۋ كەلىسسوزى بارىسىندا، باستان - اياق ىرىقتىلىق ۇقىقتى يگەرىپ، 2001 - جىلى 12 - ايدا رەسمي تۇردە دۇنيە ءجۇزى ساۋدا ۇيىمىنىڭ مۇشەسى بولدى. جياڭ زىمين بىلاي دەپ باسا دارىپتەدى: شەتەل ساۋداگەرلەرىن تىكەلەي قارجى قوسۋعا ونان ارى باۋراپ، شەتەل قارجىسىنان پايدالانۋدىڭ ساپاسى مەن دەڭگەيىن جوعارىلاتىپ، تاۋار جانە قىزمەت وتەۋ ساۋداسىن ونان ارى كەڭەيتىپ، بازاردى كوپ نەگىزدەندىرۋ ستراتەگياسىن اتقارىپ، ساپا ارقىلى جەڭۋگە تاباندى بولۋ كەرەك، ەكونوميكالىق ەرەكشە رايوندار جاڭالىق اشۋ باسىمدىعىن ارتتىرىپ، تاعى دا تىڭ تابىسقا جەتۋى كەرەك. ول مىنالاردى العا قويدى: ”سىرتقا شىعۋ“ ستراتەگياسىن اتقارۋ − سىرتقا ەسىك اشۋدىڭ جاڭا كەزەڭىندەگى كەلەلى شارا، ”سىرتتان ەنگىزۋ“ مەن ”سىرتقا شىعۋ“ − سىرتقا ەسىك اشۋدىڭ ەكى دوڭعالاعى، ءسوز جوق، ءبىر ۋاقىتتا اينالۋى كەرەك. ول بىلاي دەپ باسا دارىپتەدى: جۇڭگونىڭ دامۋى مەن العا باسۋى دۇنيە جۇزىندەگى ءار ەلدىڭ وركەنيەت جەتىستىگىنەن ايرىلا المايدى، سىرتقا ەسىك اشۋ بارىسىندا، ءسوز جوق، مەملەكەتتىڭ يەلىك ۇقىعى مەن ەكونوميكانىڭ، قوعامنىڭ حاۋىپسىزدىگىن قورعاۋعا باستان - اياق ءمان بەرىپ، حالىقارالىق حاۋىپ - قاتەرلەردىڭ سوققىسىنان ساقتانۋعا جانە ونى جويۋعا ءمان بەرىپ، سىرتقا ەسىك اشۋدى كەڭەيتۋ مەن ءوز كۇشىنە سۇيەنىپ ءومىر ءسۇرۋدىڭ قاتىناسىن ويداعىداي ءبىر جاقتى ەتىپ، تياناق ءتۇيىنىن ءوز كۇشىنە سۇيەنۋ نەگىزىنە قويۋ كەرەك.
جۇڭگوشا سوتسياليستىك شارۋاشىلىق قۇرىلىسى تۋرالى جياڭ زىمين مىنالاردى العا قويدى: ءبىز وركەندەپ كەلە جاتقان ەلمىز، وسىزاماندانۋدى جۇزەگە اسىرىپ، دامىعان ەلدەرمەن پارىقتى ازيتۋدىڭ تەتىگى ءارى ءبىرشاما جوعارى قارقىندى، ءارى ءبىرشاما جاقسى ءونىمدى بولعان حالىق شارۋاشىلىعىن دامىتۋ جولىمەن ءجۇرىپ، ەكونوميكالىق ارتۋ ءتاسىلىنىڭ ۇتىمسىز تيپتەن شوعىرلى تيپكە قاراي بۇرىلىس جاساۋىن جۇزەگە اسىرىپ، حالىق شارۋاشىلىعىنىڭ ءۇرتىس جىلدام، اقاۋسىز دامۋىن ساقتاۋدا. ول بىلاي دەپ باسا دارىپتەدى: قارقىن مەن ونىمدىلىكتىڭ قاتىناسىن دۇرىس ءبىر جاقتى ەتۋدە، ءسوز جوق، دامۋ وي جەلىسىن جاڭالاپ، ەكونوميكالىق ارتۋ ءتاسىلىنىڭ ۇتىمسىز تيپتەن شوعىرلى تيپكە قاراي بۇرىلىس جاساۋىن جۇزەگە اسىرۋ كەرەك؛ ەكونوميكالىق اينالىمنىڭ ساپاسى مەن ونىمدىلىگىن جوعارىلاتۋدىڭ تەتىگى قۇرىلىمنىڭ ۇيلەسىمدى بولماۋ ماسەلەسىن شەشۋدە، بۇل ءۇشىن، ءسوز جوق، ەكونوميكالىق قۇرىلىمعا ستراتەگيالىق رەتتەۋ جۇرگىزۋ كەرەك، ىشكى سۇرانىستى كەڭەيتۋ − ەلىمىزدىڭ ەكونوميكالىق دامۋىنىڭ ۇزاق ۋاقىتتىق، نەگىزگى تابان تىرەر تياناعى. ول مىنالاردى العا قويدى: جاڭاشا ونەركاسىپتەندىرۋ جولىمەن ءجۇرىپ، ونەركاسىپتەندىرۋدى ينفورماتسيالاندىرۋ ارقىلى جەتەكتەۋگە، ينفورماتسيالاندىرۋدى ونەركاسىپتەندىرۋ ارقىلى جەبەۋگە تاباندى بولىپ، ونەركاسىپتەنۋدىڭ عىلىم - تەحنيكالىق قامتىمى جوعارى، ەكونوميكالىق تيىمدىلىگى تاماشا، بايلىق سارىپ ەتۋى تومەن، ورتانى لاستاۋى از، ادام كۇشى بايلىعى باسىمدىعى تولىق ساۋلەلەندىرىلەتىن جاڭاشا جولىمەن ءجۇرىپ، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن جانە باياندى دامۋ ستراتەگياسىن كۇش سالا اتقارۋ كەرەك. ول بىلاي دەپ باسا دارىپتەدى: اۋىل شارۋاشىلىعى، اۋىل - قىستاق، شارۋالار ماسەلەسى باستان - اياق ءبىزدىڭ پارتيا مەن مەملەكەتتىڭ جالپى جاعدايىنا ساياتىن ءتۇبىرلى سيپاتتى ماسەلە بولىپ كەلەدى، قالا مەن اۋىلدىڭ ەكونوميكالىق، قوعامدىق دامۋىن ءبىر تۇتاس جوسپارلاۋ، وسى زامانعى اۋىل شارۋاشىلىعىن كوركەيتۋ، اۋىل - قىستاق شارۋاشىلىعىن دامىتۋ، ديقانداردىڭ كىرىسىن ارتتىرۋ − جاپپاي دوڭگەلەك داۋلەتتى قوعام قۇرۋداعى كەلەلى مىندەت. عاسىر توعىسىندا، ول بۇكىل پارتياعا، بۇكىل ەلدەگى ءار ۇلت حالقىنا ورايدى وتكىزىپ الماي باتىس بولىكتى قاۋىرت اشۋ ستراتەگياسىن اتقارۋدى ايقىن العا قويدى. ول مىنانى اتاپ كورسەتتى: ەكونوميكانى دامىتۋدىڭ ءتۇبىرلى ماقساتى − بۇكىل ەل حالقىنىڭ تۇرمىس ورەسى مەن ساپاسىن جوعارىلاتۋ. جۇمىستانۋ − حالىق تۇرمىسىنىڭ نەگىزى، جۇمىستاندىرۋدى كەڭەيتۋ − ەلىمىزدىڭ كەزەكتەگى جانە الداعى ۇزاق ۋاقىتقا دەيىنگى كەلەلى دە جاپالى مىندەتى.
جۇڭگوشا سوتسياليستىك ساياسي قۇرىلىس تۋرالى جياڭ زىمين مىنالاردى العا قويدى: سوتسياليستىك دەموكراتيالىق ساياسيدى دامىتىپ، سوتسياليستىك ساياسي وركەنيەتتى گۇلدەندىرۋ − جاپپاي دوڭگەلەك داۋلەتتى قوعام قۇرۋداعى ماڭىزدى نىسانا، سوتسياليستىك ساياسي وركەنيەتتى گۇلدەندىرۋ ەلىمىزدىڭ رەفورما جاساۋىنىڭ، ەسىك اشۋىنىڭ جانە سوتسياليستىك وسىزامانداندىرۋ قۇرىلىسى دامۋىنىڭ تابيعي تالابى، جۇڭگو كوممۋنيستىك پارتياسىنىڭ حالىققا باسشىلىق ەتىپ، حالىق دەموكراتياسىنا تاباندى بولۋداعى جانە دامىتۋداعى ۇزاق ۋاقىتتىق امالياتىنىڭ تابيعي قورىتىندىسى، ول جۇڭگو كوممۋنيستىك پارتياسىنىڭ جۇڭگوشا سوتسياليزم ىستەرى جونىندەگى زاڭدىلىق سيپاتتى تانىمىن ونان ارى تەرەڭدەتتى. ول مىنالاردى باسا دارىپتەدى: سوتسياليستىك دەموكراتيالىق ساياسيدى دامىتۋدا ەڭ ءتۇبىرلىسى پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋ، سوتسياليستىك دەموكراتيالىق تۇزىمگە تاباندى بولۋ جانە ونى كەمەلدەندىرۋ، دەموكراتيالىق ءتۇزىمدى اقاۋسىزداندىرىپ، دەموكراتيانىڭ فورماسىن بايىتىپ، ازاماتتاردىڭ ساياسيعا تارتىپپەن ارالاسۋىن كەڭەيتۋ، حالىقتىڭ زاڭ بويىنشا دەموكراتيالىق سايلاۋ جۇرگىزۋىنە، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋ جۇرگىزۋىنە كەپىلدىك ەتىپ، ولاردى ۇقىق پەن ەركىندىككە كەڭىنەن كەنەلدىرىپ، ادامدىق ۇقىققا قۇرمەت ەتۋ جانە ونى قامتاماسىزداندىرۋ كەرەك. حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ كەرەك. كوممۋنيستىك پارتيانىڭ باسشىلىعىنداعى كوپ پارتيا سەلبەستىگى مەن ساياسي كەڭەسۋ تۇزىمىنە تاباندى بولىپ جانە ونى كەمەلدەندىرىپ، ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، پارتيانىڭ ۇلت ساياساتىن جالپى بەتتىك دايەكتىلەندىرىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، تەڭ، ىنتىماقتى، قارايلاسىمدى سوتسياليستىك ۇلت قاتىناسىن بەكەمدەپ جانە دامىتىپ، ۇلتتاردىڭ ورتاق گۇلدەنۋىن، العا باسۋىن جەبەۋ كەرەك. پارتيانىڭ ءدىني سەنىم ەركىندىگى ساياساتىن جالپى بەتتىك دايەكتىلەندىرىپ، ءدىن ىستەرىن زاڭ بويىنشا باسقارىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، شەكارا سىرتىنداعىلاردىڭ دىننەن پايدالانىپ، كەۋلەپ كىرۋىنە باتىل قارسى تۇرۋ كەرەك. پارتيانىڭ چياۋمين ىستەرى ساياساتىن مۇقيات دايەكتىلەندىرۋ كەرەك. ول نەگىزگى ساتىدا دەموكراتيانى كەڭەيتۋ سوتسياليستىك دەموكراتيانى دامىتۋداعى نەگىزدىك سيپات الاتىن قىزمەت ەكەندىگىن باسا دارىپتەدى. ول مەملەكەتتى زاڭمەن باسقارۋدى اتقارىپ، سوتسياليستىك زاڭمەن باسقارىلاتىن مەملەكەت قۇرىپ، سوتسياليستىك زاڭ - ءتۇزىم قۇرىلىسىن كۇشەيتىپ، بويسۇناتىن زاڭ بولۋعا، زاڭعا، ءسوزسىز، بويسۇنۋعا، زاڭدى، ءسوزسىز، قاتاڭ اتقارۋعا، زاڭعا قايشىلىق جاساعانداردى، ءسوزسىز، قۋزاستىرۋعا تاباندى بولىپ، مەملەكەتتىڭ ءتۇرلى قىزمەتتەرىنىڭ بىرتىندەپ زاڭ - تۇزىمدەنۋ ارناسىنا تۇسۋىنە مۇمكىندىك جاساۋ كەرەكتىگىن العا قويدى. ول مىنالاردى العا قويدى: ساياسي ءتۇزىلىس رەفورماسى − سوتسياليستىك ساياسي ءتۇزىمنىڭ ءوزىن - ءوزى كەمەلدەندىرۋى جانە دامىتۋى، ەلىمىزدىڭ مەملەكەت جاعدايىن نەگىزگە الۋعا تاباندى بولىپ، ءوزىمىزدىڭ ءىس جۇزىندىك تاجىريبەلەرىمىزدى قورىتىندىلاۋىمىز، سونىمەن بىرگە ادامزات ساياسي وركەنيەتىنىڭ ءتيىمدى جەتىستىكتەرىنەن ۇلگى الۋىمىز، استە باتىستىڭ ساياسي ءتۇزىمىنىڭ ۇلگىسىن قاز - قالپىندا كوشىرىپ قولدانباۋىمىز كەرەك. ءتۇزىم قۇرىلىسىن كۇشەيتۋگە باسا ءمان بەرىپ، سوتسياليستىك دەموكراتيالىق ساياسيدىڭ تۇزىمدەنۋىن، ولشەمدەنۋىن جانە جۇيەلىلەنۋىن جۇزەگە اسىرۋ كەرەك. ول قوعام ورنىقتىلىعىن قورعاۋ قىزمەتىنە ايرىقشا ءمان بەرىپ جانە ونى مۇقيات ويداعىداي ىستەپ، تىنىش، ىنتىماقتى قوعامدىق ساياسي جاعدايدى قۇلشىنا قورعاۋ كەرەكتىگىن العا قويدى.
جۇڭگوشا سوتسياليستىك مادەنيەت قۇرىلىسى تۋرالى جياڭ زىمين مىنالاردى العا قويدى: جۇڭگوشا سوتسياليستىك مادەنيەت − بۇكىل ەلدەگى ءار ۇلت حالقىن ۇيىستىراتىن جانە شابىتتاندىراتىن ماڭىزدى كۇش، جالپىلىق مەملەكەت قۋاتىنىڭ ماڭىزدى بەلگىسى، زامانىمىزداعى جۇڭگودا وزىق مادەنيەتتى دامىتۋ دەگەنىمىز جۇڭگوشا سوتسياليستىك مادەنيەتتى دامىتۋ، سوتسياليستىك رۋحاني وركەنيەتتى گۇلدەندىرۋ بولىپ تابىلادى. ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ يدەولوگيا سالاسىنداعى جەتەكشى ورنىنا، ءسوز جوق، تاباندى بولىپ، سوتسياليستىك مادەنيەت قۇرىلىسىنا ”ۇشكە ۋاكىلدىك ەتۋ“ ماڭىزدى يدەياسى ارقىلى ءبىر تۇتاس باسشىلىق ەتۋ، حالىق ءۇشىن قىزمەت ەتۋ، سوتسياليزم ءۇشىن قىزمەت ەتۋ بەتالىسىنا جانە بارلىق گۇل شەشەك اتۋ، جالپى جارىسا ءۇن قاتۋ باعىتىنا تاباندى بولىپ، نەگىزگى اۋەندى اسقاقتاتىپ، الۋان تۇرلىلىكتى دارىپتەۋ كەرەك. ادامدى عىلمي نازاريامەن قارۋلاندىرۋعا، دۇرىس قوعامدىق پىكىر ارقىلى جەتەكتەۋگە، وسكەلەڭ رۋحپەن سومداۋعا، تاڭداۋلى تۋىندىلارمەن شابىتتاندىرۋعا تاباندى بولىپ، وزىق مادەنيەتتى بارىنشا دامىتىپ، اقاۋسىز، پايدالى مادەنيەتتى قولداپ، مەشەۋ مادەنيەتتى قۇلشىنا وزگەرتىپ، شىرىك مادەنيەتتى باتىل تەجەۋ كەرەك. ول بىلاي دەپ باسا دارىپتەدى: ۇلتتىق رۋح − ءبىر ۇلتتىڭ ءومىر ءسۇرۋى مەن دامۋىنىڭ رۋحاني تىرەگى. دۇنيە ءجۇزى كولەمىندە ءتۇرلى يدەيالار مەن مادەنيەتتەر بىرىنە - ءبىرى كۇشتى ىقپال جاساپ وتىرعان جاعدايدا، ءسوز جوق، ۇلتتىق رۋحتى اسقاقتاتۋ مەن جەتىلدىرۋدى مادەنيەت قۇرىلىسىنىڭ توتەنشە ماڭىزدى مىندەتى رەتىندە حالىقتىق وقۋ - اعارتۋدىڭ تۇتاس بارىسىنا، رۋحاني وركەنيەت قۇرىلىسىنىڭ جالپى بارىسىنا ەنگىزىپ، جالپى حالىقتىڭ اسقاق جىگەرمەن العا ۇمتىلۋ رۋحاني كۇيىن باستان - اياق ساقتاۋىنا مۇمكىندىك جاساۋ كەرەك. سوتسياليستىك زاڭ - ءتۇزىم قۇرىلىسىن، مەملەكەتتى زاڭمەن باسقارۋدى قاجىماس تاباندىلىقپەن كۇشەيتۋ، سونىمەن بىرگە سوتسياليستىك ءمورال قۇرىلىسىن، ءمورال ارقىلى مەملەكەتتى باسقارۋدى قاجىماس تاباندىلىقپەن كۇشەيتىپ، زاڭ - ءتۇزىم قۇرىلىسىن ءمورال قۇرىلىسىمەن تىعىز ۇشتاستىرۋ، مەملەكەتتى زاڭمەن باسقارۋدى مەملەكەتتى ءمورال ارقىلى باسقارۋمەن تىعىز ۇشتاستىرۋ كەرەك.
جياڭ زىمين ورتالىق اسكەري ىستەر كوميتەتىنىڭ ءتوراعاسى مىندەتىن اتقارعان كەزدە، مەملەكەت قورعانىسى مەن حالىق ارمياسى قۇرىلىسى جونىندە كوپتەگەن ماڭىزدى يدەيالاردى العا قويىپ، جياڭ زىمين مەملەكەت قورعانىسى جانە ارميا قۇرىلىسى يدەياسىن ورناتتى. ول مىنالاردى العا قويدى: بەرىك مەملەكەت قورعانىسىن ورناتۋ − ەلىمىزدىڭ وسىزامانداندىرۋ قۇرىلىسىنىڭ ستراتەگيالىق مىندەتى، مەملەكەتتىڭ حاۋىپسىزدىگىن، تۇتاستىعىن قورعاۋدىڭ جانە جاپپاي دوڭگەلەك داۋلەتتى قوعام ورناتۋدىڭ ماڭىزدى قامتاماسىزدىعى؛ ماۋ زىدۇڭ اسكەري ىستەر يدەياسىن، دىڭ شياۋپيڭ جاڭا ءداۋىر ارميا قۇرىلىسى يدەياسىن جەتەكشى ەتۋگە تاباندى بولىپ، ساياسيدا تولىمدى، اسكەري ىستەردە ىسىلعان، ستيلى تاماشا، ءتارتىبى قاتاڭ، قامتاماسىزدىعى پارمەندى بولۋ باس تالابىنا ساي، سوعىسسا جەڭىپ شىعا الاتىن بولۋ، سيپاتىن وزگەرتپەۋ سىندى ەكى تاريحي تاقىرىپتى تىعىز ارقاۋ ەتىپ، جۇڭگوشا ارميانى بىرەگەيلەندىرۋ جولىمەن بۇلجىماي ءجۇرىپ، حالىق ارمياسىن توڭكەرىستەندىرۋ، وسىزامانداندىرۋ، جۇيەلىلەندىرۋ قۇرىلىسىن كۇشەيتۋ كەرەك؛ يدەيالىق - ساياسي قۇرىلىستى باستان - اياق ارميامىزدىڭ ءتۇرلى قۇرىلىستارىندا ماڭداي الدى ورىنعا قويىپ، حالىق ارمياسىنىڭ سيپاتىن، قاسيەتىن، ستيلىن ماڭگى ساقتاۋ كەرەك. ول بىلاي دەپ باسا دارىپتەدى: پارتيانىڭ حالىق ارمياسىنا شارتسىز باسشىلىعى − ارميامىزدىڭ ماڭگى وزگەرمەيتىن اسكەري رۋحى، پارتيا حالىق ارمياسىنا باسشىلىق ەتۋ ءتۇبىرلى پرينسيبنە جانە تۇزىمىنە مىزعىماي تاباندى بولۋ كەرەك. ول دۇنيە جۇزىندەگى جاڭا اسكەري ىستەر وزگەرىسىن، سايىسىن قارسى الىپ، جۇڭگوشا اسكەري ىستەر وزگەرىسىن بەلسەندىلىكپەن ىلگەرىلەتۋ كەرەكتىگىن ورتاعا قويدى. 20 - عاسىردىڭ 90 - جىلدارىندا جۇڭگو كوممۋنيستىك پارتياسى ورتالىق كوميتەتى مەن ورتالىق اسكەري ىستەر كوميتەتى جاڭا داۋىردەگى بەلسەندى قورعانۋ سىندى اسكەري ىستەر ستراتەگيالىق باعىتىن تۇراقتاندىرىپ، ستراتەگيالىق جەتەكشىلىك جاقتا كەلەلى رەتتەۋ جاساپ، اسكەري ىستەر كۇرەس دايىندىعىنىڭ نەگىزگى ءتۇيىنىن ادەتتەگى جاعدايداعى ءىشىنارالىق سوعىسقا توتەپ بەرۋدەن وسى زامانعى تەحنيكالىق، اسىرەسە، جوعارى تەحنيكالىق جاعدايداعى ءىشىنارالىق سوعىستىڭ جەڭىسىنە جەتۋگە بۇردى، وسىدان كەيىن اسكەري ىستەر كۇرەس دايىندىعىنىڭ نەگىزگى ءتۇيىنىن ينفورماتسيالانۋ جاعدايىنداعى ءىشىنارالىق سوعىستىڭ جەڭىسىنە قول جەتكىزۋگە قويۋدى ىشكەرىلەي العا قويىپ، جاڭا جاعدايداعى ارميامىزدىڭ اسكەري ىستەر كۇرەس دايىندىعىنىڭ نىساناسى مەن مىندەتىن ايقىنداپ، ارميامىز قۇرىلىسىنىڭ باستى قايشىلىعىن يگەرىپ، ارميامىز قۇرىلىسى مەن رەفورماسىنىڭ دامۋ بەتالىسىنداعى ماسەلەلەردى دۇرىس شەشتى. ول: ارميا، قارۋلى ساقشى ءبولىمى جانە ساياسي - زاڭ ورگاندارىنىڭ تۇگەلدەي بۇدان بىلاي ەكونوميكا - ساۋدا قيمىلىمەن شۇعىلدانۋىنا بولمايدى دەپ العا قويدى. ول: مەملەكەت قورعانىسى قۇرىلىسى مەن ەكونوميكالىق قۇرىلىستى سايكەستىرە دامىتۋ باعىتىنا تاباندى بولىپ، مەملەكەت قورعانىسى مەن ارميانى وسىزامانداندىرۋدى ەكونوميكالىق دامۋ نەگىزىندە ىلگەرىلەتىپ، ءوزىمىزدىڭ جوعارى تەحنيكالىق قارۋ - جاراعىمىزدىڭ ”شەشۋشى ونەرىن“ تەزىرەك قالىپتاستىرۋىمىز كەرەك دەپ باسا دارىپتەدى.
جياڭ زىمين وتاننىڭ بىرلىككە كەلۋ ۇلى ءىسىن ورىنداۋ − جۇڭحۋا ۇلتىنىڭ ءتۇبىرلى مۇددەسىنىڭ تياناعى، تايۋاندىق باۋىرلاستاردى، شياڭگاڭدىق، اۋمىندىق باۋىرلاستاردى، شەتەلدەگى چياۋباۋلاردى قامتىعان بۇكىل جۇڭگو حالقىنىڭ ورتاق ارمانى دەپ اتاپ كورسەتتى. ول جۇڭگو ۇكىمەتىنىڭ شياڭگاڭعا، اۋمىنعا يەلىك ۇقىقتى قالپىنا كەلتىرۋدىڭ ءبىر قىدىرۋ دايىندىق قىزمەتتەرىن ىلگەرىلەتۋىنە باسشىلىق ەتتى. 1997 - جىلى 7 - ايدىڭ 1 - كۇنى شياڭگاڭنىڭ وتان قۇشاعىنا ورالۋى جۇزەگە استى، 1999 - جىلى 12 - ايدىڭ 20 - كۇنى اۋمىننىڭ وتان قۇشاعىنا ورالۋى جۇزەگە استى. ول ىلگەرىندى - كەيىندى شياڭگاڭعا، اۋمىنعا بارىپ جۇڭگو مەن انگليا ۇكىمەتتەرى، جۇڭگو مەن پورتۋگاليا ۇكىمەتتەرى وتكىزگەن شياڭگاڭدى، اۋمىندى تاپسىرىپ بەرۋ - تاپسىرىپ الۋ سالتىنا قاتىناستى. شياڭگاڭ مەن اۋمىننىڭ وتان قۇشاعىنا ورالۋى ”ءبىر ەل، ەكى ءتۇزىمنىڭ“ نازارياسى مەن امالياتىن بايىتتى. شياڭگاڭ، اۋمىن وتان قۇشاعىنا ورالعاننان كەيىن، ول: ءارقانداي جاعدايدا دا، ءسوز جوق، ”ءبىر ەل، ەكى ءتۇزىم“ باعىتىن جاپپاي دۇرىس دايەكتىلەندىرىپ، جۇمىستى شياڭگاڭنىڭ ءتۇبىرلى زاڭىنا، اۋمىننىڭ ءتۇبىرلى زاڭىنا ساي قاتاڭ جۇرگىزىپ، شياڭگاڭ، اۋمىن سىندى ەكى ەرەكشە اكىمشىلىك رايوننىڭ اكىمدەرى مەن ۇكىمەتتەرىنىڭ قىزمەتىن بار كۇشپەن قولداپ، شياڭگاڭداعى، اۋمىنداعى ءار سالا قايراتكەرلەرىن كەڭ كولەمدە ىنتىماقتاستىرىپ، شياڭگاڭ مەن اۋمىننىڭ گۇلدەنۋىن، ورنىقتىلىعىن، دامۋىن بىرگە قورعاۋ جانە جەبەۋ كەرەك دەپ باسا دارىپتەدى. ورتالىق ۇكىمەتتىڭ باتىل قولداۋىندا، ەكى ەرەكشە اكىمشىلىك رايون ۇكىمەتتەرى ازيا فينانس داعدارىسى، سونداي - اق ىشكى - سىرتقى ەكونوميكالىق ورتانىڭ وزگەرىسى الا كەلگەن سوققى مەن ىقپالعا سالماقتىلىقپەن توتەپ بەرىپ، ءار سالا قايراتكەرلەرىن ىنتىماقتاستىرىپ، ءبىر قىدىرۋ قوعامدىق جانە ەكونوميكالىق ماسەلەلەردى ۇيلەسىمدى ءبىر جاقتى ەتىپ، قوعامنىڭ ورنىقتىلىعى مەن ەكونوميكالىق دامۋدى ساقتادى. جياڭ زىمين تايۋان ماسەلەسىن شەشۋدىڭ كەلەلى جاعدايىن يگەرىپ، ەكى جاعالاۋداعىلاردىڭ ءبىر جۇڭگو پرينسيبىن ايگىلەيتىن ”1992 - جىلعى ورتاق تانىمعا“ كەلۋىن ىلگەرىلەتىپ، ەكى جاعالاۋدىڭ اقىلداسىپ، كەلىسسوز وتكىزۋىن ىلگەرىلەتتى. 1995 - جىلى 1 - ايدا ول «وتاننىڭ بىرلىككە كەلۋ ۇلى ءىسىن ورىنداۋدى جەبەۋ جولىندا ۇزدىكسىز كۇرەس جۇرگىزەيىك» دەگەن ماڭىزدى ءسوزىن جاريالاپ، قازىرگى كەزەڭدە ەكى جاعالاۋ قاتىناسىن دامىتۋدىڭ، وتاننىڭ بەيبىت بىرلىككە كەلۋ ءۇردىسىن ىلگەرىلەتۋدىڭ سەگىز قۋاتتاماسىن العا قويىپ، ءبىر جۇڭگو پرينسيبىنە تاباندى بولۋ − بەيبىت بىرلىككە كەلۋدى جۇزەگە اسىرۋدىڭ نەگىزى جانە العى شارتى، ءبىزدىڭ قارۋلى كۇش جۇمسامايمىز دەپ ۋادە بەرمەۋىمىز استە تايۋاندىق باۋىرلاستارعا قاراتىلعان ەمەس، قايتا سىرتقى كۇشتەردىڭ جۇڭگونىڭ بىرلىككە كەلۋىنە كيلىگۋىنە جانە ”تايۋاندى دەربەستەندىرۋمەن“ شۇعىلدانۋ قاسكۇنەمدىگىنە باعىتتالعان دەپ باسا دارىپتەدى. بۇل ءسوز وتاننىڭ بىرلىككە كەلۋ ۇلى ءىسىن ورىنداۋ بەرىك بەكىمىن ايگىلەۋمەن بىرگە، تايۋاندىق باۋىرلاستاردىڭ ءۇمىت - تىلەگى مەن تايۋاننىڭ ءىس جۇزىندىك جاعدايىن دا تولىق ويلاستىرىپ، ەل ءىشى - سىرتىنىڭ ايرىقشا ءمان بەرۋى مەن بەلسەندى اڭىسىن قوزعادى. ول ۇگىتتى كۇشەيتۋ جانە اسكەري ىستەر دايىندىعىن نىعايتۋ جالپى جوباسىن ورتاعا قويىپ، بولشەكتەۋشىلىككە قارسى تۇرۋ، ”تايۋان دەربەستىگىنە“ قارسى تۇرۋ كەلەلى كۇرەسىن ورىستەتۋگە باسشىلىق ەتتى. ول: مەملەكەتتى بىرلىككە كەلتىرۋدە، ۇلتتى گۇلدەندىرۋدە تايۋان ماسەلەسىن مەرزىمسىز سوزا بەرۋگە بولمايدى؛ ءبىز بارلىق جۇڭحۋا پەرزەنتتەرىنىڭ تىزە قوسا قۇلشىنۋىندا، وتاننىڭ بۇكىلدەي بىرلىككە كەلۋى، ءسوز جوق، ەرتەرەك جۇزەگە اساتىندىعىنا كامىل سەنەمىز دەپ ايبىندى تۇردە اتاپ كورسەتتى.
قۇبىلمالى دا تۇراقسىز حالىقارالىق جاعداي الدىندا، جياڭ زىمين دۇنيە ءجۇزى جاعدايى دامۋىنىڭ جالپى اۋقىمىن تەرەڭ باعامداپ، ءبىر قىدىرۋ ديپلوماتيا جانە حالىقارالىق ستراتەگيالىق يدەيالاردى ورتاعا قويىپ، جۇڭگوشا سوتسياليستىك ديپلوماتيا نازارياسى مەن امالياتىن بايىتتى. ول بەيبىتشىلىك پەن دامۋ ءالى دە قازىرگى ءداۋىردىڭ نەگىزگى تاقىرىبى، دۇنيە ءجۇزىنىڭ كوپ ۇيەكتەنۋى مەن ەكونوميكانىڭ جاھاندانۋىنىڭ بۇراڭدىلىق بارىسىندا دامۋى دۇنيە ءجۇزىنىڭ بەيبىتشىلىگى مەن دامۋىنا وراي جانە ءتيىمدى شارت - جاعداي اكەلدى، جاڭا دۇنيە جۇزىلىك سوعىس بولجاۋعا بولاتىن مەزگىل ىشىندە تۋىلا قويمايدى، ءبىرشاما ۇزاق ۋاقىتتىق بەيبىت حالىقارالىق ورتا مەن تاماشا توڭىرەكتىك ورتاعا قول جەتكىزۋدى جۇزەگە اسىرۋعا بولادى، الايدا ادىلەتسىز، ۇيلەسىمسىز حالىقارالىق ساياسي، ەكونوميكالىق كونە ءتارتىپ تۇبىرىنەن وزگەرگەن جوق، بەيبىتشىلىك پەن دامۋعا ىقپال جاسايتىن تۇراقسىز فاكتورلار كوبەيۋدە، ءداستۇرلى حاۋىپسىزدىك قاتەرى مەن ءداستۇرلى ەمەس حاۋىپسىزدىك قاتەرى فاكتورلارى ءوزارا قاباتتاسىپ، زورەكەرلىك پەن وكتەمدىك ساياسيدا جاڭا بەينەلەر جارىققا شىعىپ، وڭتۇستىك پەن سولتۇستىكتىڭ پارقى اناعۇرلىم ۇلعايدى، دۇنيە ءجۇزى ءالى تىنىش ەمەس، ادامزات كوپتەگەن قاتاڭ سايىستارعا ءدوپ كەلۋدە دەپ اتاپ كورسەتتى. ول بەيبىتشىلىك پەن دامۋ ءالى دە قازىرگى ءداۋىردىڭ نەگىزگى تاقىرىبى، حالىقارالىق جاعداي مەيلى قالاي قۇبىلسىن، جۇڭگو دەربەس، وزىنە - ءوزى قوجايىن بولۋداي بەيبىت ديپلوماتيالىق ساياساتتى باستان - اياق بۇلجىتپاي اتقارادى، جۇڭگونىڭ ديپلوماتيالىق ساياساتىنىڭ باستى ماقساتى دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى جەبەۋ دەپ باسا دارىپتەدى. ول: جۇڭگو وركەندەپ كەلە جاتقان ەلدەرمەن ىنتىماقتى، سەلبەستىكتى كۇشەيتۋدى سىرتقى ساياساتىنىڭ نەگىزگى تياناعى ەتىپ، وركەندەگەن ەلدەرمەن قارىم - قاتىناستى جاقسارتىپ جانە دامىتىپ، كورشىلەرمەن دوستىقتى ۇزدىكسىز كۇشەيتىپ، كورشىمەن تاتۋ بولۋعا، كورشىنى سەرىك ەتۋگە تاباندى بولىپ، وڭىرلىك سەلبەستىكتى كۇشەيتىپ، توڭىرەكتەگى ەلدەرمەن اۋىس - كۇيىستى جانە سەلبەستىكتى تىڭ دەڭگەيگە كوتەرىپ، ءۇشىنشى دۇنيەمەن ىنتىماقتى جانە سەلبەستىكتى نىعايتىپ، ءوزارا كومەكتەسۋ مەن قولداۋدى كۇشەيتەدى دەپ العا قويدى. ول: دۇنيە ءجۇزىنىڭ كوپ ۇيەكتەنۋگە بەتالۋىن بەلسەندىلىكپەن جەبەپ، حالىقارالىق قارىم - قاتىناستىڭ دەموكراتيالانۋىن ىلگەرىلەتىپ، دۇنيە ءجۇزىنىڭ كوپ تۇرلىلىگىنە قۇرمەت ەتىپ، وركەنيەتتەردىڭ اۋىس - كۇيىس جاساۋىن، ءوزارا ۇلگى الۋىن كۇشەيتۋ كەرەك دەپ العا قويدى. ول: جۇڭگو كوپ جاقتى ديپلوماتيالىق قيمىلدارعا ۇزدىكسىز بەلسەنە قاتىناسىپ، بىرلەسكەن مەملەكەتتەر ۇيىمىندا جانە باسقا دا حالىقارالىق، سونداي - اق وڭىرلىك ۇيىمداردا رول اتقارىپ، وركەندەپ كەلە جاتقان ەلدەردىڭ ءوزىنىڭ ورىندى ۇقىق - مۇددەسىن قورعاۋىن قولدايدى دەپ باسا دارىپتەدى. ول: ءداۋىردىڭ قاجەتىنە ۇيلەسەتىن جاڭا حاۋىپسىزدىك كوزقاراسىن ورناتۋ كەرەك، ونىڭ وزەگى ءوزارا سەنۋ، ءوزارا پايدا جەتكىزۋ، تەپە - تەڭ بولۋ، ىستەستىك جاساۋ دەپ العا قويدى. ونىڭ جەبەۋىمەن قۇرىلعان شاڭحاي سەلبەستىك ۇيىمى − جۇڭگو ات سالىسىپ قۇرىلۋىن جەبەگەن ءارى جۇڭگونىڭ قالاسىنىڭ اتىمەن اتالعان العاشقى وڭىرلىك سەلبەستىك ۇيىم، ونىڭ دارىپتەگەن ءوزارا سەنۋ، ءوزارا پايدا جەتكىزۋ، تەپە - تەڭ بولۋ، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ سىندى ”شاڭحاي رۋحى“ زامانىمىزداعى حالىقارالىق قارىم - قاتىناستا ماڭىزدى ىقپال تۋدىردى.
جياڭ زىمين پارتيانىڭ ءوز قۇرىلىسىنا باسا ءمان بەرىپ، بۇكىل پارتياداعى جولداستاردى جاڭا ءىس جۇزىندىكتى شىعار ءتۇيىن ەتۋگە تاباندى بولىپ، پارتيا قۇرىلىسى ءدوپ كەلگەن كەلەلى نازاريالىق جانە رەال ماسەلەلەردى رەفورما رۋحىمەن زەرتتەپ جانە شەشىپ، پارتيانىڭ باستان - اياق العاباسارلىعى مەن كىرشىكسىزدىگىن ساقتاۋىنا، جاسامپازدىق قۋاتقا، ۇيىسۋ كۇشىنە، جاۋىنگەرلىك كۇشكە تولى بولۋىنا مۇمكىندىك جاساۋعا ۇندەدى. ول: ەل باسقارۋدا، ءسوز جوق، الدىمەن پارتيانى باسقارۋ كەرەك، پارتيانى باسقارۋدا، ءسوز جوق، قاتاڭ بولۋ كەرەك دەپ العا قويىپ، باسشىلىق قابىلەتى مەن بيلىك جۇرگىزۋ ورەسىن جوعارىلاتۋ، شىرىكتەسۋگە قارسى تۇرۋ، وزگەرۋدەن ساقتانۋ مەن حاۋىپ - قاتەرگە قارسى تۇرۋ قابىلەتىن كۇشەيتۋ سىندى ەكى تاريحي تاقىرىپتى كەمەلدى تۇردە العا قويىپ، بۇكىل پارتيادان مۇقيات زەرتتەۋدى جانە شەشۋدى تالاپ ەتتى. ول ءبىز سياقتى كوپ ۇلتتى وركەندەپ كەلە جاتقان ءىرى ەلدە جالپى حالىقتىڭ ەركى مەن كۇشىن ۇيىستىرىپ، جاپپاي دوڭگەلەك داۋلەتتى قوعام قۇرىپ، سوتسياليستىك وسىزامانداندىرۋدى جەدەل ىلگەرىلەتۋدە، ءسوز جوق، پارتيانىڭ باسشىلىعىن ەش مىزعىماي كۇشەيتىپ جانە جاقسارتىپ، پارتيا قۇرىلىسىنىڭ تىڭ دا ۇلى ينجەنەرياسىن جاپپاي ىلگەرىلەتىپ، پارتيامىزدىڭ باستان - اياق جۇڭگو جۇمىسشى تابىنىڭ اتويشى قوسىنى، سونىمەن بىرگە جۇڭگو حالقى مەن جۇڭحۋا ۇلتىنىڭ اتويشى قوسىنى بولۋىنا، باستان - اياق جۇڭگوشا سوتسياليزم ىستەرىنىڭ باسشىلىق ۇيتقىسى بولۋىنا، باستان - اياق جۇڭگونىڭ وزىق وندىرگىش كۇشتەرىنىڭ دامۋ تالابىنا ۋاكىلدىك ەتۋىنە، جۇڭگونىڭ وزىق مادەنيەتىنىڭ العا باسۋ بەتالىسىنا ۋاكىلدىك ەتۋىنە، جۇڭگوداعى ەڭ كەڭ حالىقتىڭ ءتۇبىرلى مۇددەسىنە ۋاكىلدىك ەتۋىنە كەپىلدىك ەتۋ كەرەك دەپ باسا دارىپتەدى. ول بىلاي دەپ باسا دارىپتەدى: ءسوز جوق، پارتيانىڭ يدەيالىق نازاريا قۇرىلىسىن اناعۇرلىم كورنەكتى ورىنعا قويۋ كەرەك. پارتيانىڭ بيلىك جۇرگىزۋ قابىلەتى قۇرىلىسىن كۇشەيتىپ، پارتيانىڭ باسشىلىق ورەسى مەن بيلىك جۇرگىزۋ ورەسىن جوعارىلاتۋ كەرەك. دەموكراتيالىق ورتالىقتاندىرۋ تۇزىمىنە تاباندى بولىپ جانە اقاۋسىزداندىرىپ، پارتيانىڭ ومىرشەڭدىگى مەن ىنتىماعىن، بىرلىگىن نىعايتۋ كەرەك. جوعارى ساپالى باسشى كادرلار قوسىنىن قۇرىپ، جالىندى دا ارىندى، قايراتتانا ىسكەرلىك كورسەتەتىن باسشىلىق جىگىن قالىپتاستىرۋ، باسشى كادرلار ۇيرەنۋدى دارىپتەۋى، ساياسيدى دارىپتەۋى، تۋراشىلدىقتى دارىپتەۋى كەرەك. نەگىزگى ساتى پارتيا قۇرىلىسى قىزمەتىن ويداعىداي ىستەپ، پارتيانىڭ تاپتىق نەگىزىن كۇشەيتۋ جانە پارتيانىڭ بۇقارالىق نەگىزىن كەڭەيتۋ كەرەك. پارتيانىڭ ستيل قۇرىلىسىن كۇشەيتىپ جانە جاقسارتىپ، شىرىكتەسۋگە قارسى تۇرۋ كۇرەسىن ىشكەرىلەي ورىستەتۋ كەرەك. ول بىلاي دەپ باسا دارىپتەدى: پارتيانىڭ ستيل قۇرىلىسىن ىلگەرىلەتۋدىڭ وزەگى پارتيانىڭ حالىق بۇقاراسىمەن ەتەنە بايلانىسىن ساقتاۋ، پارتيامىزدىڭ ەڭ ۇلكەن ساياسي ابزالدىلىعى − بۇقارامەن قويۋ بايلانىستا بولۋ، پارتيانىڭ بيلىك جۇرگىزگەننەن كەيىنگى ەڭ ۇلكەن قاتەرى − بۇقارادان قول ءۇزۋ. شىرىكتەسۋگە باتىل قارسى تۇرۋ جانە ونان ساقتانۋ − بۇكىل پارتيانىڭ كەلەلى ساياسي مىندەتى، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋ، كەشەندى باسقارۋ باعىتىنا تاباندى بولىپ، تۇبىرىنەن وڭاۋ تەبىنىن بىرتىندەپ ارتتىرىپ، تاربيەنى كۇشەيتىپ، دەموكراتيانى دامىتىپ، زاڭ - ءتۇزىمدى اقاۋسىزداندىرىپ، باقىلاۋدى كۇشەيتىپ، تۇزىلىستە جاڭالىق اشىپ، شىرىكتەسۋگە قارسى تۇرۋدى ماڭىزدى ساياسات - شارالارعا ءسىڭىرىپ، شىرىكتەسۋ ماسەلەسىن قاينارىنان باستاپ الدىن الۋ جانە ونى شەشۋ كەرەك. ول بىلاي دەپ باسا دارىپتەدى: بۇكىل پارتياداعى جولداستار كوممۋنيستەردىڭ جالىندى جىگەرىن، اسقاق ارىنىن جانە دارقان تۋراشىلدىعىن باستان - اياق ساقتاپ، حالىق بۇقاراسىمەن ماڭگى تىلەكتەس بولا بىلسە بولعانى، پارتيامىزدىڭ بيلىك جۇرگىزۋ نەگىزى بولاتتاي بەرىك بولادى.
جياڭ زىمين بىلاي دەپ باسا دارىپتەدى: جۇڭگوشا سوتسياليزم قۇرۋدىڭ بارلىق قىزمەتىنىڭ شىعار ءتۇيىنى مەن تابان تىرەر تياناعى ەڭ كەڭ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرۋ، ويداعىداي قورعاۋ، ويداعىداي دامىتۋ. پارتيانىڭ باعىت - ساياساتتارىن بەلگىلەۋدە جانە دايەكتىلەندىرۋدە ەڭ كەڭ حالىقتىڭ ءتۇبىرلى مۇددەسىنە ۋاكىلدىك ەتىپ، تۇرلىشە جاقتاعى بۇقارانىڭ مۇددەسىن دۇرىس بەينەلەپ جانە تەڭ ويلاستىرىپ، جالپى حالىقتى بىرگە بايۋ بەتالىسىنا قاراي نىق قاداممەن ىلگەرىلەتۋدى نەگىزگى كوزدەۋ ءتۇيىنى ەتۋ كەرەك. ول بىلاي دەپ اتاپ كورسەتتى: ءسوز جوق، پارتيانىڭ بۇقارالىق لۋشيانىنا باستان - اياق تاباندى بولىپ، بارلىعىن بۇقارا ءۇشىن ىستەپ، بارلىعىندا بۇقاراعا ارقا سۇيەپ، بۇقارادان الىپ، بۇقاراعا قايتارىپ، حالىق بۇقاراسىنىڭ جاسامپازدىعىنا قۇرمەت ەتىپ، حالىق بۇقاراسىنىڭ ءۇنىن دەن قويا تىڭداپ، حالىق بۇقاراسىنىڭ تىلەگىن بەينەلەپ، حالىق بۇقاراسىنىڭ اقىل - پاراساتى مەن كۇش - قۋاتىن شوعىرلاندىرىپ ىستەردى دامىتۋ، تۇتاس رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسى بارىسىندا جۇمىسشىلاردى، شارۋالاردى، زيالىلاردى جانە باسقا دا بۇقارانى ەكونوميكالىق، قوعامدىق دامۋدىڭ جەتىستىكتەرىنەن بىرگە يگىلىكتەندىرۋ كەرەك. ول ءار دارەجەلى باسشى كادرلاردان بۇكىل ىنتا - پەيىلىمەن حالىق ءۇشىن قىزمەت ەتۋ باستى ماقساتىن ەستە بەرىك ساقتاپ، كۇشتى حالىق قىزمەتكەرى تانىمىن ورناتىپ، حالىقشىلدىق سۇيىسپەنشىلىكتى كوكەيدە ساقتاپ، حالىق ءۇشىن ىستەۋ جاۋاپكەرشىلىگىن بەرىك ساقتاپ، حالىقتى بايىتۋ شاراسىن شەبەرلىكپەن قاراستىرىپ، حالىققا ءتيىمدى ىستەردى كوپ ىستەپ، قاي - قاشان دا حالىق بۇقاراسىنىڭ حال - جايىن كوڭىل تورىنە قويىپ، بۇقارانىڭ مۇڭ - مۇقتاجىنا كوڭىل ءبولىپ، بۇقارا ءۇشىن ناقتى ءىستى، جاقسى ءىستى قۇلشىنا ىستەۋدى تالاپ ەتتى.
جياڭ زىمين پارتيا مەن مەملەكەتتىڭ نەگىزگى باسشىلىق مىندەتىن وتەگەن كەزىندە ەلىمىز ەل ءىشى - سىرتى جاعدايى توتەنشە كۇردەلى بولۋداي، دۇنيە ءجۇزى سوتسياليزمىندە اۋىر بۇراڭدىلىق تۋىلۋداي قاتاڭ سايىسقا ءدوپ كەلدى. ول پارتيا ورتالىق كوميتەتىنىڭ باسشىلىق كوللەكتيۆىن ىنتىماقتاستىرىپ جانە باستاپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا تىعىز ارقا سۇيەپ، ەلىمىزدىڭ يەلىك ۇقىعى مەن حاۋىپسىزدىگىنە ساياتىن ءبىر قىدىرۋ حالىقارالىق توسىن وقيعالارعا سالماقتىلىقپەن توتەپ بەرىپ، ساياسي، ەكونوميكا سالاسىندا جانە تابيعات دۇنيەسىندە تۋىلعان قيىنشىلىقتار مەن حاۋىپ - قاتەرلەردى جەڭدى، اسىرەسە، ازيا فينانس داعدارىسىنىڭ سوققىسىنا ءساتتى توتەپ بەرىپ، 1998 - جىلعى تاسقىنعا قارسى اتتانىپ، قاتەردەن اراشالاۋ كۇرەسىنىڭ جاپپاي جەڭىسىنە قول جەتكىزىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسى كەمەسىنىڭ باستان - اياق دۇرىس بەتالىسپەن تولقىن جارا العا ىلگەرىلەۋىنە كەپىلدىك ەتتى.
2004 - جىلى 9 - ايدا جۇڭگو كوممۋنيستىك پارتياسى 16 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جياڭ زىميننىڭ جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ ءتوراعاسى مىندەتىنەن بوساۋىن ماقۇلداۋدى ۇيعاردى. 2005 - جىلى 3 - ايدا 10 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ەكىنشى جالپى جيىنى جياڭ زىميننىڭ جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى مىندەتىنەن بوساۋ ءوتىنىشىن قابىلداۋ جونىندەگى قاۋلىنى ماقۇلدادى. باسشىلىق قىزمەت ورنىنان شەگىنگەننەن كەيىن، جياڭ زىمين پارتيا ورتالىق كوميتەتىنىڭ قىزمەتىن باتىل قورعاپ جانە قولداپ، جۇڭگوشا سوتسياليزم ۇلى ىسىنە كوڭىل ءبولىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن باتىل قولدادى.
جياڭ زىمين «جياڭ زىمين ماقالالارىنان تاڭدامالىلاردىڭ» 1 - تومىن، 2 - تومىن، 3 - تومىن ءوزى باسقارىپ رەداكسيالادى جانە ماقالالاردى ءبىر - بىردەن تەكسەرىپ بەكىتتى، «جياڭ زىمين ماقالالارىنان تاڭدامالىلارعا»، باستىسى، جياڭ زىميننىڭ 20 - عاسىردىڭ 80 - جىلدارىنىڭ سوڭىنان 21 - عاسىردىڭ باسىنا دەيىنگى ۋاكىلدىك سيپاتقا جانە ءتول جاسامپازدىققا يە ماڭىزدى شىعارمالارى ەنگىزىلدى، ول ءبىزدىڭ ”ۇشكە ۋاكىلدىك ەتۋ“ ماڭىزدى يدەياسىن اناعۇرلىم ىشكەرىلەي ۇيرەنۋىمىزگە، تۇسىنۋىمىزگە، جۇڭگوشا سوتسياليزم ۇلى ءىسى مەن پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋىمىزگە ماڭىزدى وقۋلىق ازىرلەدى.
جياڭ زىمين جاراتقان ”ۇشكە ۋاكىلدىك ەتۋ“ ماڭىزدى يدەياسى ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ جالعاستىرىلۋى جانە دامىتىلۋى، ول قازىرگى زامانعى دۇنيە ءجۇزى مەن جۇڭگونىڭ دامۋىنىڭ، وزگەرىسىنىڭ پارتيا مەن مەملەكەت قىزمەتىنە قويعان جاڭا تالاپتارىن بەينەلەدى، ول − پارتيا قۇرىلىسىن كۇشەيتۋدەگى جانە جاقسارتۋداعى، ەلىمىز سوتسياليزمىنىڭ ءوزىن - ءوزى كەمەلدەندىرۋى مەن دامۋىن ىلگەرىلەتۋدەگى قۇدىرەتتى نازاريالىق قارۋ، جۇڭگو كوممۋنيستىك پارتياسىنىڭ كوللەكتيۆ اقىل - پاراساتىنىڭ جاۋھارى، پارتيا، ءسوز جوق، ۇزاق ۋاقىت تاباندى بولۋعا ءتيىستى جەتەكشى يدەيا، پارتيا مەن حالىقتىڭ قىمباتتى رۋحاني بايلىعى.
بۇگىن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي مەزگىلدەگىدەن دە اناعۇرلىم جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل ءارى قابىلەتىمىز قاپتال جەتەدى. جاڭا جورىقتا بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وزىنە سەنىپ، ءوزىن قۇدىرەتتەندىرىپ، تۋراشىلدىقتان جازباي، جاڭالىق اشىپ، قايراتتانا ۇمتىلىپ، ەرلىكپەن العا ىلگەرىلەپ، جۇدىرىقتاي جۇمىلىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋى كەرەك.
(شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى)
