شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى. كوپتەگەن ەلدەردىڭ باسشىلارى مەن حالىقارالىق ۇيىمداردىڭ جاۋاپتىلارى مەملەكەت ءتوراعاسى شي جينپيڭگە ۇزدىكسىز كوڭىل ايتۋ تەلەگرامماسىن جولداۋ، سونداي - اق باسقا فورمالار ارقىلى جياڭ زىمين جولداستىڭ قايتىس بولعاندىعىنا قايعىلى ازا ءبىلدىردى.
چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىن مىنالاردى ءبىلدىردى: جياڭ زىمين جولداستىڭ، باقىتقا قارسى، قايتىس بولعاندىعىنان حاباردار بولىپ قاباعات قايعىردىم، قايعىلى ازا بىلدىرەمىن. جياڭ زىمين جولداس جۇڭگو پارتياسى مەن مەملەكەتىنىڭ دامىپ زورايۋىنا، حالىقتىڭ باقىتىنا ومىرلىك زەيىن - زەردەسىن ارناپ، ”ۇشكە ۋاكىلدىك ەتۋ“ ماڭىزدى يدەياسىن العا قويىپ، جۇڭگوشا سوتسياليزم قۇرۋ ۇلى ىستەرى ءۇشىن وراسان زور ۇلەس قوستى. جياڭ زىمين جولداس چاۋشيان حالقىنىڭ سوتسياليزم ىستەرىن شىنايى قولداپ، وعان رۋحاني قولداۋ كورسەتىپ، چاۋشيان مەن جۇڭگونىڭ ءداستۇرلى دوستىعىن بەكەمدەۋگە، دامىتۋعا بەلسەنە كۇش سالدى. جياڭ زىمين جولداستىڭ ەڭبەگى ماڭگى وشپەيدى.
كامبودجانىڭ پاتشاسى سيحاموني مىنالاردى ءبىلدىردى: ءتوراعا جياڭ زىمين − جۇڭگو حالقىنىڭ كورنەكتى ۋاكىلى، كامبودجا پاتشالىعى مەن كامبودجا حالقىنىڭ ۇلى دوسى، كامبودجانىڭ بەيبىتشىلىككە، ورنىقتىلىققا، مەملەكەتتىڭ ىنتىماعىنا قايتا قول جەتكىزۋىنە، سونداي - اق كامبودجا مەن جۇڭگو ەكى ەل اراسىنداعى باۋىرلاستىق سۇيىسپەنشىلىككە، ىنتىماققا، سەلبەستىككە وراسان زور ۇلەس قوستى، ول ماڭگى ەستە ساقتالادى.
كورەيانىڭ زۇڭتۇڭى يىن شييۋە مىنالاردى ءبىلدىردى: ءتوراعا جياڭ زىمين − جۇڭگونى باستاپ گۇلدەنىپ - كوركەيۋدى، دامۋدى جۇزەگە اسىرعان ۇلى باسشى، سونداي - اق كورەيانىڭ جانە كورەيا حالقىنىڭ جاقسى دوسى، كورەيا ۇكىمەتى مەن حالقى اتىنان ءتوراعا جياڭ زىميننىڭ وتباسىنداعىلارعا جانە جۇڭگو حالقىنا قايعىلى سەزىممەن كوڭىل ايتامىن.
قىرعىزستاننىڭ زۇڭتۇڭى جاپاروۆ مىنالاردى ءبىلدىردى: قىرعىزستان جاق جياڭ زىمين مىرزانىڭ جۇڭگونىڭ مەملەكەت قۇرىلىسى مەن قىرعىزستان − جۇڭگو قارىم - قاتىناسىنىڭ دامۋىنا قوسقان تاريحي ۇلەسىن جوعارى باعالايدى، ول كىسىنىڭ قايتىس بولعاندىعىنا قايعىلى ازا بىلدىرەمىن، جۇڭگو حالقىنان شىنايى حال سۇرايمىن.
تۇركمەنستاننىڭ زۇڭتۇڭى سەردار بەردىمۇحامەتوۆ مىنالاردى ءبىلدىردى: جياڭ زىمين مىرزا مەملەكەتتىڭ ەكونوميكالىق، قوعامدىق دامۋىن ىلگەرىلەتۋدە وراسان زور تابىستارعا قول جەتكىزىپ، جۇڭگونىڭ حالىقاراداعى بەدەلىن بارىنشا جوعارىلاتتى، ول كىسىنىڭ ەڭبەگى تاريحقا جازىلادى.
وزبەكستاننىڭ زۇڭتۇڭى ميرزيويەۆ مىنالاردى ءبىلدىردى: جياڭ زىمين مىرزا وزبەكستان مەن جۇڭگونىڭ سەرىكتەستىك قارىم - قاتىناسىن دامىتۋ، ەكى ەلدىڭ ساياسي، ەكونوميكا - ساۋدا، مادەنيەت سياقتى سالالارداعى سەلبەستىگىن ىلگەرىلەتۋ ءۇشىن ەلەۋلى ۇلەس قوستى، وزبەكستان جاق مۇنى ەستەن شىعارمايدى.
ازەربايجاننىڭ زۇڭتۇڭى اليەۆ مىنالاردى ءبىلدىردى: ءتوراعا جياڭ زىمين ازەربايجان مەن جۇڭگونىڭ دوستىق قارىم - قاتىناسى مەن ناقتى ىستەر سەلبەستىگىنىڭ بەرىك نەگىزىن قالاۋعا كورنەكتى ۇلەس قوستى، بارشا جۇڭگو حالقىنا ايرىقشا قايعىلى سەزىممەن كوڭىل ايتامىن.
نيگەريانىڭ زۇڭتۇڭى بۋحاري مىنالاردى ءبىلدىردى: جياڭ زىمين مىرزا جۇڭگوعا باسشىلىق ەتىپ، رەفورما جاساۋدى، ەسىك اشۋدى ىلگەرىلەتىپ، ەكونوميكالىق دامۋ جولىنا ءتۇسىپ، بۇكىل دۇنيە جۇزىنە ءبىر مەملەكەتتىڭ ءوز كۇشىنە سۇيەنۋ ارقىلى ەكونوميكالىق دامۋدى جۇزەگە اسىرا الاتىندىعىن دالەلدەدى. ول كىسىنىڭ ەكونوميكا سالاسىنداعى باسشىلىق جەتىستىگىنىڭ ىقپالى تەرەڭ بولدى، مۇنى جۇرت ەسىنەن شىعارمايدى.
كەنيانىڭ زۇڭتۇڭى رۋتو مىنالاردى ءبىلدىردى: ۇزدىك ساياساتشى مارتەبەلى جياڭ زىمين ەكونوميكانىڭ گۇلدەنۋ نەگىزىن بەكەمدەۋگە، دۇنيە ءجۇزىنىڭ بەيبىتشىلىگىن قورعاۋعا كۇش سالدى، ءبىز ول كىسىنىڭ تۋىس - تۋعاندارىنان، دوستارىنان جانە جۇڭگو حالقىنان شىنايى حال سۇرايمىز.
سەنەگالدىڭ زۇڭتۇڭى سالل مىنالاردى ءبىلدىردى: ءتوراعا جياڭ زىميندى تەرەڭ ساعىنىشپەن ەسكە الامىن ءارى ول كىسى نەگىزىن قالاعان شۇعىلالى ىستەرگە قۇرمەت بىلدىرەمىن، دوس جۇڭگو حالقىنا قايعىلى سەزىممەن كوڭىل ايتامىن.
جيبۋتيدىڭ زۇڭتۇڭى گەللە مىنالاردى ءبىلدىردى: ءتوراعا جياڭ زىميننىڭ ناقتى ىستەر ىستەيتىن قاسيەتى، جاسامپازدىق رۋحى، ەرەن دارىنى جانە اسقان كورەگەندىگى بۇكىل دۇنيە ءجۇزىنىڭ كوكەيىندە ساقتالادى.
ۋرۋگۆايدىڭ زۇڭتۇڭى لاكاللە مىنالاردى ءبىلدىردى: جياڭ زىمين مىرزا ءوزىنىڭ جۇڭگوعا جانە جۇڭگو حالقىنا بەرگەن ۋادەسىن ءىس جۇزىندىك ارەكەتىمەن امالياتتا ايگىلەدى. ساياساتشى رەتىندە، ول كىسىنىڭ تاڭداۋلى ءمورالى كەيىنگى ۇرپاقتىڭ اسىل قازىناسىنا اينالادى.
برازيليانىڭ سايلانعان زۇڭتۇڭى لۋلا مىنالاردى ءبىلدىردى: جياڭ زىمين مىرزانىڭ باسشىلىعىندا، جۇڭگو ەرەكشە دامۋ جەتىستىكتەرىنە قول جەتكىزىپ، سان مىڭداعان حالىقتى كەدەيلىكتەن ارىلتتى. جياڭ زىمين مىرزانىڭ وتباسىنداعىلاردان جانە جۇڭگو حالقىنان شىنايى حال سۇرايمىن.
كامبودجانىڭ باس ءۋازىرى حۇڭسىن مىنالاردى ءبىلدىردى: ءتوراعا جياڭ زىمين − جۇڭگونىڭ كورنەكتى ساياساتشىسى، ول كىسىنىڭ ۇزدىك باسشىلىعى جۇڭگو حالقىن جىگەرلەندىرىپ قانا قويماي، حالىقارالىق قوعامنىڭ قۇرمەتىنە دە بولەندى. وسى قايعىلى ساتتە جۇڭگو ۇكىمەتى مەن حالقىنا ايرىقشا قايعىلى سەزىممەن كوڭىل ايتامىن.
بانگلادەشتىڭ زۇڭليى حاسينا مىنالاردى ءبىلدىردى: بانگلادەش پەن جۇڭگونىڭ دوستىق قارىم - قاتىناسى ءتوراعا جياڭ زىمين مىندەت وتەگەن كەزدە بارىنشا كۇشەيدى، بانگلادەش حالقى مەن ۇكىمەتى اتىنان ايرىقشا قايعىلى سەزىممەن كوڭىل ايتامىن جانە شىنايى حال سۇرايمىن.
77 - كەزەكتى بىرلەسكەن مەملەكەتتەر ۇيىمى جينالىسىنىڭ ءتوراعاسى كوروسى بىرلەسكەن مەملەكەتتەر ۇيىمىنىڭ جينالىسى اتىنان جياڭ زىمين جولداستىڭ وتباسىنداعىلاردان، جۇڭگو ۇكىمەتىنەن جانە حالقىنان حال سۇرايتىندىعىن، جياڭ زىمين مىرزانىڭ حالىقارالىق سەلبەستىكتىڭ ۇلى قولداۋشىسى ەكەندىگىن، جۇڭگونى باستاپ تابىسقا جەتكەندىگىن، سونداي - اق بىرلەسكەن مەملەكەتتەر ۇيىمىندا كورنەكتى رول اتقارعاندىعىن ءبىلدىردى.
افريكا وداعى كوميتەتىنىڭ ءتوراعاسى فاكي ءتوراعا جياڭ زىمين جۇڭگونىڭ، اۋەلى، بۇكىل الەمدەگى ساياسي سالانىڭ كورنەكتى قايراتكەرى ەكەندىگىن، ول كىسىنىڭ قايتىس بولۋى جۇڭگو جانە جۇڭگونىڭ بۇكىل الەمدەگى دوستارى جونىنەن وراسان زور جوعالتۋ ەكەندىگىن، افريكا وداعى كوميتەتى اتىنان جۇڭگو ۇكىمەتىنەن، جۇڭگو حالقىنان جانە قايتىس بولعان كىسىنىڭ ءۇي ىشىندەگىلەردەن شىنايى حال سۇرايتىندىعىن ءبىلدىردى.
شاڭحاي سەلبەستىك ۇيىمىنىڭ باس حاتشىسى جاڭ ميڭ مىنالاردى ءبىلدىردى: جياڭ زىمين جولداس اسقاق بەدەلگە يە كورنەكتى باسشى، شاڭحاي سەلبەستىك ۇيىمىنىڭ باستى نەگىزىن قالاۋشى، شاڭحاي سەلبەستىك ۇيىمىنىڭ قۇرىلۋىن، دامۋىن جانە زورايۋىن ىلگەرىلەتۋ ءۇشىن وشپەس تاريحي ۇلەس قوستى.
