انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 2 - كۇنى ۇرىمجىدەن حابارلايدى. 12 - ايدىڭ 2 - كۇنى تۇستەن بۇرىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 186 - رەتكى ۇنەمىلىك ىستەر ءماجىلىسىن باسقارىپ اشتى. ءماجىلىس جوعارى، جاڭا تەحنيكا كاسىپورىندارىنىڭ دامۋىن جەبەۋ، ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋدى، باعانى ورنىقتىرۋدى ويداعىداي ىستەۋ، قارىز قايتارۋ مەرزىمىن ىندەتكە بايلانىستى كەشەۋىلدەتۋ ساياساتىن تياناقتاندىرۋ سياقتى ىستەردى اقىلداستى ءارى اۆتونوميالى رايوندىق پارتكومنىڭ تالابى بويىنشا ۇكىمەتتىڭ تاياۋداعى ءتۇيىندى قىزمەتتەرىن ورنالاستىردى.
ءماجىلىس مىنالاردى اتاپ كورسەتتى: جەر - جەر، تاراۋلار پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ جانە اۆتونوميالى رايوننىڭ عىلىم - تەحنيكادا جاڭالىق اشۋ جينالىسىنىڭ رۋحىن دايەكتىلەندىرىپ، تياناقتاندىرىپ، عىلىم - تەحنيكالىق ورتا، شاعىن كاسىپورىنداردى، جوعارى، جاڭا تەحنيكا كاسىپورىندارىن، جاڭالىقشىل كوشباسشى كاسىپورىنداردى باۋلۋدى ورىستەتىپ، كوپ ساتىلى، ساتىعا بولىنگەن، بىرتىندەپ ىلگەرىلەۋ ۇلگىسىندەگى عىلىم - تەحنيكالىق كاسىپورىنداردىڭ جەتىلۋ جۇيەسىن قۇرۋى كەرەك. سالىقتى ازايتىپ، اقىنى تومەندەتۋدى، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ءبىر تۇتاس جوسپارلاپ پايدالانىپ، كاسىپورىنداردىڭ وزىندىك قۇندى تومەندەتىپ، ونىمدىلىكتى ارتتىرۋىن جەبەۋ كەرەك.ءوندىرىستى، ۇيرەنۋدى، زەرتتەۋدى، پايدالانۋدى توعىستىرۋدى كۇشەيتىپ، ورتا، شاعىن كاسىپورىنداردىڭ دارىندى تاپشىلىعى قيىنشىلىعى ماسەلەسىن شەشىپ، جوعارى، جاڭا تەحنيكالىق كاسىپورىنداردىڭ دامىپ زورايۋىن دەمەپ، عىلىم - تەحنيكادا جاڭالىق اشا دامۋعا جەتەكشىلىك ەتۋ كەرەك.
ءماجىلىس مىنالاردى اتاپ كورسەتتى: ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋ، باعانى ورنىقتىرۋ بۇقارانىڭ نەگىزگى تۇرمىسىنا قاتىستى، سونداي - اق ەكونوميكانىڭ، قوعامنىڭ ورنىقتى دامۋىنا دا سايادى. جەر - جەر، تاراۋلار حالىقتى وزەك ەتكەن دامۋ يدەياسىنا تاباندى بولىپ، وي - سانانى سەرگەك ۇستاپ، كەزەكتەگى حالىق تۇرمىسى تاۋارلارىمەن قامداۋدى قامتاماسىز ەتۋ، باعانى ورنىقتىرۋ قىزمەتىن ويداعىداي ىستەۋدىڭ كەلەلى ءمانىن جەتە تانىپ، قىسقى، كوكتەمگى كوكونىس، استىق - ماي، مال شارۋاشىلىق ونىمدەرى سياقتى ماڭىزدى حالىق تۇرمىسى تاۋارلارىن ءوندىرۋدى، قامداۋدى مۇمكىندىگىنشە قامتاماسىز ەتىپ، قامداۋدى قامتاماسىز ەتەتىن كاسىپورىنداردىڭ جۇمىستى، ءوندىرىستى قالپىنا كەلتىرۋىن جەدەلدەتۋى، زاتتىق ماتەريالدار تاسىمال ارناسىن ىركىلىسسىزدەندىرىپ، جابىق وڭىرلەرگە اقىرىنا دەيىن جەتكىزۋدى ساپالىلاندىرۋى، بازاردى باقىلاۋ - باسقارۋدى جانە ۇگىتتەپ، جەتەكشىلىك ەتۋدى كۇشەيتۋى، ءتىل بىرىكتىرىپ باعانى قىمباتتاتۋ، زات باعاسىن ءوسىرۋ سياقتى زاڭعا قايشى، ەرەجەگە قايشى ارەكەتتەرگە قاتاڭ سوققى بەرىپ، بۇقارانىڭ ”استىعىن“، ”كوجە قاتىعىن“ شىن مانىندە ويداعىداي قورعاۋى كەرەك.
ءماجىلىس مىنالاردى اتاپ كورسەتتى: قارىز قايتارۋ مەرزىمىن ىندەتكە بايلانىستى كەشەۋىلدەتۋ ساياساتىن تياناقتاندىرۋ − مەملەكەتتىڭ، اۆتونوميالى رايوننىڭ ەكونوميكانىڭ ورنىقتى ارتۋىن ىلگەرىلەتەتىن ءبىر قىدىرۋ ساياساتتارى مەن ۇلاسپالى ساياساتتارىن دايەكتىلەندىرۋدەگى، تياناقتاندىرۋداعى ماڭىزدى شاراسى. ول بازار تۇلعاسىن جانە بۇقارانىڭ سەنىمى مەن مەجەسىن ورنىقتىرۋعا، ەكونوميكانىڭ ورنىعۋىنا، سەرپىلۋىنە ءتيىمدى. جەر - جەر، قاتىستى تاراۋلار بازار تۇلعاسىن ورنىقتىرۋدى، جۇمىستانۋدى قامتاماسىزداندىرۋدى، حالىق تۇرمىسىن قامتاماسىزداندىرۋدى اناعۇرلىم كورنەكتى ورىنعا قويىپ، توتەنشە سەرپىنمەن جانە شارامەن رايونىمىزدىڭ ەكونوميكانىڭ ورنىقتى ارتۋىن ىلگەرىلەتۋدەگى ءبىر قىدىرۋ ساياساتتارىن جان - جاقتى تياناقتاندىرىپ، بىردە - ءبىرىنىڭ قاعىس قالماۋىنا، تيتتەي دە قاعىس قالماۋىنا شىنايى كەپىلدىك ەتۋى كەرەك. قوعامدىق پىكىرگە جەتەكشىلىك ەتۋگە ءمان بەرىپ، ءتۇرلى ساياساتتىق حۇجاتتاردى تولىق، دالمە - ءدال ويداعىداي ءتۇسىندىرىپ، كۇدىك - كۇماندارعا دەر كەزىندە جاۋاپ بەرىپ، بازار تۇلعاسى مەن بۇقارانىڭ دامۋعا سەنىمىن كۇشەيتۋ كەرەك.
ءماجىلىس مىنالاردى باسا دارىپتەدى: ”ۇشتەن بۇلجىماۋعا“ تيتتەي دە اۋىتقىماي تاباندى بولىپ، 9 - نۇسقاداعى ساقتانۋ - تىزگىندەۋ جوباسى مەن 20 تارماقتى ساپالىلاندىرۋ شاراسىن قاز - قالپىندا تياناقتاندىرىپ، ىندەتتەن ساقتانۋ - تىزگىندەۋدەگى ىندەتتى جويۋ شايقاسىن، توسقاۋىل شايقاسىن باتىلدىقپەن ويداعىداي جۇرگىزۋ كەرەك. ءتۇرلى حاۋىپ - قاتەرلەردى الدىن الا تۇجىرىمداۋدى، الدىن الا تىزگىندەۋدى جانە ەرتەرەك ساقتانۋدى، جويۋدى كۇشەيتىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن بار كۇشپەن قورعاۋ كەرەك. ءوندىرىس حاۋىپسىزدىگى سىندى ارقاۋدى قاشاندا مىقتاپ شيراتىپ، حاۋىپ - قاتەرلەردى، كومەسكى كىناراتتاردى ءبىر - بىرلەپ تەكسەرۋدى، رەتتەپ - وڭاۋدى جاپپاي ورىستەتىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ، تىزگىندەپ، بۇقارانىڭ ءومىرىنىڭ، مال - مۇلكىنىڭ حاۋىپسىزدىگىن قورعاۋ كەرەك.
ءماجىلىس باسقا دا ىستەردى اقىلداستى.
