شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى. قادىرلى جياڭ زىمين جولداستىڭ قايتىس بولعاندىعى تۋرالى قايعىلى حابار جەتكەندە، بۇكىل ارمياداعى وفيتسەر - اسكەرلەر ىززەت - قۇرمەت جانە تەرەڭ سۇيىسپەنشىلىكپەن جياڭ زىمين جولداسقا قايعىلى ازا ءبىلدىردى، جياڭ زىمين جولداستىڭ شۇعىلالى ەڭبەگىن ساعىنىشپەن ەسكە الدى، جياڭ زىمين جولداستىڭ ۇلى مىنەز - قۇلقى مەن اسقاق قاسيەتىن القادى. ولار ءبىر اۋىزدان مىنالاردى ءبىلدىردى: جياڭ زىمين جولداستىڭ تاڭداۋلى قۇلقى مەن اسقاق قاسيەتى ءبىزدى العا باسۋعا ماڭگى تاربيەلەيدى جانە شابىتتاندىرادى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم سانالى تۇردە ىنتىماقتاسىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ،” ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاساۋعا بەل بايلايمىز.
اسكەري ىستەر كوميتەتى ورگانىنىڭ ءارقايسى ءبولىم - كوميتەتتەرىندەگى، اسكەري ىستەر كوميتەتىنە توتە قاراستى ءارقايسى قۇرىلىمدارداعى، اسكەري ىستەر كوميتەتىنىڭ بىرلەسكەن قولباسشىلىق ورتالىعىنداعى، ءارقايسى سوعىس رايوندارىنداعى، ءارقايسى ارميانىڭ اسكەر تۇرلەرىندەگى، اسكەري ىستەر كوميتەتىنە توتە قاراستى ءارقايسى ورىندارداعى، قارۋلى ساقشى اسكەري بولىمدەرىندەگى وفيتسەر - اسكەرلەر ءتۇرلى فورمالارمەن بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا حابارلاندىرۋدى تىڭدادى، كوردى. كوپشىلىك مىنالاردى ءبىلدىردى: قايعىنى قايراتقا جەڭدىرىپ، جياڭ زىمين جولداسقا ازا ءبىلدىرۋدى پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىنە اينالدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، حالىق ارمياسىنىڭ پارتيا قۇرىلىسىن جاپپاي كۇشەيتىپ، اسكەر جاتتىقتىرىپ، سوعىسقا دايىندالۋدى جاپپاي كۇشەيتىپ، اسكەري ىستەردى باسقارۋدى جاپپاي كۇشەيتىپ، ءبىر تۇلعالانعان مەملەكەت ستراتەگياسى جۇيەسى مەن قابىلەتىن بەكەمدەپ، جوعارىلاتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قابىلەتىمىزدى جوعارىلاتىپ، جاڭا داۋىردەگى حالىق ارمياسىنىڭ بورىشى مەن مىندەتىن ءونىمدى اتقارامىز.
ءۇستىرتتى - سۋىقتاعى تۇراقتاپ جاتتىعۋ ورىندارىندا، شەكارا قاراۋىلحانالارىندا، شالقار مۇحيتتاعى اسكەري كەمەلەردە، ۇشاق الاڭقىسىنداعى سوعىس ۇشاعى ماڭىندا، بيىككە بوي سوزعان ۇشىرۋ قوندىرعىلارىنىڭ جانىندا، وتان قۇشاعىنان شالعايدا جۇرگەن بەيبىتشىلىكتى قورعاۋ لاگەرلەرىندە... اسكەري بولىمدەگى وفيتسەر - اسكەرلەر بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا حابارلاندىرۋدى تىڭداپ، كورىپ، «جياڭ زىميننىڭ ۇلى، شۇعىلالى ءومىرىن» مۇقيات ۇيرەنىپ، الۋان فورمالارمەن جياڭ زىمين جولداسقا قايعىلى ازا ءبىلدىردى. كوپشىلىك مىنالاردى ءبىلدىردى: جياڭ زىمين جولداس بۇكىل پارتيانىڭ اقىل - پاراساتىن شوعىرلاندىرىپ ”ۇشكە ۋاكىلدىك ەتۋ“ ماڭىزدى يدەياسىن جاراتتى، پارتيانىڭ جەتەكشى يدەيادا تاعى ءبىر رەت داۋىرمەن بىرگە ىلگەرىلەۋىن جۇزەگە اسىردى. ”ۇشكە ۋاكىلدىك ەتۋ“ ماڭىزدى يدەياسى − ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا مۇراگەرلىك ەتكەندىك جانە ونى دامىتقاندىق، ول ءبىزدىڭ جاڭا ءداۋىر شارت - جاعدايىندا جۇڭگوشا سوتسياليزم ىستەرىن ىلگەرىلەتۋ، پارتيا قۇرىلىسىن كۇشەيتۋ زاڭدىلىعى جونىندەگى تانىمىمىزدى تەرەڭدەتتى. جياڭ زىمين جولداس مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋ جونىندە ءبىر قىدىرۋ جاڭا تۇجىرىمداردى، جاڭا شارالاردى العا قويدى، ماۋ زىدۇڭ اسكەري ىستەر يدەياسىن جانە دىڭ شياۋپيڭ جاڭا ءداۋىر ارميا قۇرىلىسى يدەياسىن بايىتتى جانە دامىتتى، جياڭ زىمين مەملەكەت قورعانىسى مەن ارميا قۇرىلىسى يدەياسىن جاراتتى، مەملەكەت قورعانىسى مەن ارميانى وسىزامانداندىرۋ قۇرىلىسىنا باسشىلىق ەتۋدە وراسان زور جەتىستىكتەرگە قول جەتكىزدى.
قالىڭ وفيتسەر - اسكەرلەر جياڭ زىمين جولداستىڭ ورتالىق اسكەري ىستەر كوميتەتىنىڭ ءتوراعاسى مىندەتىن اتقارعان كەزىندە ەل ءىشى - سىرتى جاعدايىنداعى كەلەلى وزگەرىستەردى جانە دۇنيە جۇزىندەگى جاڭا اسكەري وزگەرىستەردىڭ دامۋ اۋقىمىن تەرەڭ باعامداپ جانە يگەرىپ، مەملەكەت قورعانىسى قۇرىلىسى مەن ەكونوميكالىق قۇرىلىستى سايكەستى دامىتۋ باعىتىنا تاباندى بولىپ، حالىق ارمياسىن توڭكەرىستەندىرۋ، وسىزامانداندىرۋ، جۇيەلىلەندىرۋ قۇرىلىسىن كۇشەيتۋ؛ ساياسيدا تولىمدى، اسكەري ىستەردە ىسىلعان، ستيلى تاماشا، ءتارتىبى قاتاڭ، قامتاماسىزدىعى پارمەندى بولۋ جالپى تالابىنا ساي، سوعىسسا جەڭىپ شىعا الاتىن بولۋ، سيپات وزگەرتپەۋ سىندى ەكى تاريحي تاقىرىپتى تىعىز ارقاۋ ەتىپ، حالىق ارمياسى قۇرىلىسىن جاپپاي ىلگەرىلەتۋ؛ پارتيانىڭ حالىق ارمياسىنا شارتسىز باسشىلىعىنا تيتتەي دە اۋىقتىماي تاباندى بولىپ، يدەيالىق - ساياسي قۇرىلىستى باستان - اياق ارميامىزدىڭ ءتۇرلى قۇرىلىستارىندا ماڭداي الدى ورىنعا قويىپ، حالىق ارمياسىنىڭ سيپاتىن، قاسيەتىن، ستيلىن ماڭگى ساقتاۋ؛ بەلسەندى قورعانۋ سىندى اسكەري ىستەر ستراتەگيالىق باعىتىن دايەكتىلەندىرىپ، جۇڭگوشا اسكەري وزگەرىستى ىلگەرىلەتىپ، ينفورماتسيالانعان ارميا قۇرۋ، ينفورماتسيالىق سوعىستىڭ جەڭىسىنە قول جەتكىزۋ نىساناسى بويىنشا جۇڭگوشا ارميانى بىرەگەيلەندىرۋ جولىمەن بۇلجىماي ءجۇرىپ، ارميامىزدىڭ وسىزاماندانۋدا سەكىرمەلى دامۋىن جۇزەگە اسىرۋ كەرەكتىگىن باسا دارىپتەگەندىگىن تەرەڭ سۇيىسپەنشىلىكپەن ساعىنا ەسكە الدى... كوپشىلىك وسىنىڭ بارلىعى مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋ جونىنەن ۇزاق بولاشاقتىق جەتەكشى مانگە يە ەكەندىگىن تەرەڭ سەزىندى.
قالىڭ وفيتسەر - اسكەرلەر مىنالاردى ءبىلدىردى: جۇڭحۋا ۇلتىنىڭ ۇلى گۇلدەنۋى ىسىنە جياڭ زىمين جولداستى قامتىعان سان ۇرپاق كوممۋنيستەردىڭ ماڭداي تەرى مەن كۇرەسى سىڭىرىلگەن. جاڭا داۋىردەگى جاڭا جورىقتا ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا پارتيا قۇرۋ ۇلى رۋحىن اسقاقتاتىپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا ىلگەرىلەپ، ارميا قۇرىلعاندىعىنىڭ 100 جىلدىق كۇرەس نىساناسىن قۇلشىنا جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەيمىز.
