تيانشان تورى
تيانشان تورى   ›   ۇيرەنۋ   ›   شولۋ

جاڭا داۋىردە ەكپىندەي ىلگەرىلەۋدىڭ نەگىزگى زاڭ نەگىزىن بەكەمدەيىك

  جاڭا داۋىردە ەكپىندەي ىلگەرىلەۋدىڭ نەگىزگى زاڭ نەگىزىن بەكەمدەيىك

  − پارتيا 18 - قۇرىلتايىنان بەرگى نەگىزگى زاڭدى كەمەلدەندىرۋ، نەگىزگى زاڭدى قورعاۋ تۋرالى جالپى شولۋ

  □ شينحۋا اگەنتتىگىنىڭ تىلشىلەرى ياڭ ۋيحان، لو شا، شيۇڭ فىڭ، چي چي

  نەگىزگى زاڭ − مەملەكەتتىڭ ءتۇبىرلى زاڭى، ەل باسقارىپ مەملەكەتتى ورنىقتىرۋداعى باس ۋستاۆ، پارتيا مەن حالىق ەركىنىڭ شوعىرلى بەينەلەنۋى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى نەگىزگى زاڭنىڭ كەمەلدەنۋىن جانە دامۋىن ىلگەرىلەتىپ، نەگىزگى زاڭنىڭ مارتەبەسى مەن بەدەلىن باتىل قورعاپ، نەگىزگى زاڭنىڭ اتقارىلۋىن جاڭا دەڭگەيگە كوتەرىپ، جاڭا داۋىردە ەكپىندەي ىلگەرىلەۋدىڭ نەگىزگى زاڭ نەگىزىن بەكەمدەپ، جۇڭحۋا ۇلتىنىڭ ۇلى گۇلدەنۋىنە ءتۇبىرلى زاڭمەن باسقارۋ قامتاماسىزدىعىن ازىرلەدى.

  داۋىرمەن بىرگە ىلگەرىلەپ، جاڭا ءداۋىردىڭ جاڭا جورىعىنداعى نەگىزگى زاڭ نەگىزىن بەكەمدەدى

  ”ەلىمىزدىڭ نەگىزگى زاڭى پارتيا مەن حالىق جۇرگىزگەن جاپالى كۇرەستەرمەن جانە جاراتقان شۇعىلالى ناتيجەلەرمەن بىتە قايناسقان، پارتيا جانە حالىق اشقان العا باسۋ جولىمەن جانە جيناقتاعان قۇندى تاجىريبەلەرمەن تىعىز ۇشتاسقان“.

  2012 - جىلى 12 - ايدىڭ 4 - كۇنى، بەيجيڭ حالىق سارايى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ استاناداعى ءار سالانىڭ قازىر اتقارىلىپ وتىرعان نەگىزگى زاڭنىڭ جاريالانىپ، اتقارىلعاندىعىنىڭ 30 جىلدىعىن ەسكە ءتۇسىرۋ جينالىسىنا قاتىناستى ءارى ماڭىزدى ءسوز سويلەدى.

  2022 - جىلى 10 - ايدىڭ 16 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايى سالتاناتپەن اشىلدى. باس شۋجي شي جينپيڭ پارتيا 20 - قۇرىلتايى بايانداماسىندا نەگىزگى زاڭ وزەك ەتكەن جۇڭگوشا سوتسياليستىك زاڭ جۇيەسىن كەمەلدەندىرۋ جونىندە ماڭىزدى ورنالاستىرۋ جاسادى.

  نەگىزگى زاڭ مەملەكەتتىڭ بولاشاعىمەن، حالىقتىڭ تاعدىرىمەن تىعىز بايلانىستى.

  قازىر اتقارىلىپ وتىرعان نەگىزگى زاڭ 1982 - جىلى جاريالانىپ، اتقارىلعاننان بەرى، جۇڭگوشا سوتسياليزم ۇلى امالياتىندا ءداۋىردىڭ العا باسۋ قادامىنا ءجىتى ىلەسىپ، پارتيا مەن مەملەكەت ىستەرىنىڭ دامۋىن پارمەندى ىلگەرىلەتتى جانە قامتاماسىز ەتتى.

  پارتيا 18 - قۇرىلتايىنان بەرى، باس شۋجي شي جينپيڭ نەگىزگى زاڭنىڭ ەل باسقارۋداعى ماڭىزدى رولىنا وسكەلەڭ نازار اۋداردى. پارتيا ورتالىق كوميتەتىنىڭ پارمەندى باسشىلىعىندا، نەگىزگى زاڭ داۋىرمەن بىرگە ىلگەرىلەي وتىرىپ وزگەرىس ەنگىزىلىپ، كەمەلدەندىرىلدى، نەگىزگى زاڭ نازارياسى، ءتۇزىمى جانە امالياتى ۇزدىكسىز جاڭالىق اشا دامىتىلىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسى اناعۇرلىم تولىستى، كەمەلدەندى.

  نەگىزگى زاڭ تەك جاڭا جاعدايعا ۇزدىكسىز سايكەسىپ، جاڭا تاجىريبەلەردى قابىلداپ، جاڭا جەتىستىكتەردى تۇراقتاندىرعاندا عانا، باياندى ومىرشەڭدىك كۇشكە يە بولادى. مەملەكەتتىڭ ءتۇبىرلى زاڭى، زاڭنىڭ قاينارى بولعان نەگىزگى زاڭعا وزگەرىس ەنگىزۋ جالپى جاعدايعا سايادى، ىقپالى كەڭ دە تەرەڭ.

  بۇل رەسپۋبليكا نەگىزگى زاڭىنىڭ دامۋ تاريحىندا بەلەستىك ءمان الاتىن ءسات −

  2018 - جىلى 3 - ايدىڭ 11 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن» جوعارى بەلەتپەن داۋىسقا سالىپ ماقۇلدادى. شاتىرلاعان شاپالاق ءۇنى حالىق سارايىندا ۇزاق ۋاقىتقا دەيىن تولاستامادى.

  جاڭا تاريحي ورىندى تياناق ەتىپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جاڭا جاعدايىن، جاڭا مىندەتىن كوزدەپ، نەگىزگى زاڭعا ۇيلەسىمدى وزگەرىس ەنگىزۋ ءداۋىردىڭ تابيعي تالعامى، امالياتتىڭ قاجەتى، زاڭمەن باسقارۋدىڭ سوزسىزدىگى بولماق.شي جينپيڭ جاڭا ءداۋىر جۇڭگوشا سوتسياليزم يدەياسىن نەگىزگى زاڭعا ەنگىزىپ، جۇڭگو كوممۋنيستىك پارتياسىنىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ مازمۇنىن تولىقتىرىپ، جۇڭگوشا سوتسياليزم ىستەرىنىڭ جالپى تۇلعالىق ورنالاسۋى مەن ەكىنشى 100 جىلدىق كۇرەس نىساناسىنىڭ مازمۇنىن رەتتەپ، تولىقتاپ، باقىلاۋ - تەكسەرۋ كوميتەتىنە قاتىستى ءتۇرلى بەلگىلەمەلەردى كوبەيتتى...... پارتيا مەن حالىقتىڭ اماليات بارىسىندا قول جەتكىزگەن نازاريادا جاڭالىق اشۋ، امالياتتا جاڭالىق اشۋ، تۇزىمدە جاڭالىق اشۋ كەلەلى جەتىستىكتەرىن مەملەكەتتىڭ ءتۇبىرلى زاڭى ارقىلى تۇراقتاندىرىپ، ونى بۇكىل ەلدەگى ءار ۇلت حالقىنىڭ ورتاق بويسۇناتىن ولشەمىنە اينالدىردى.

  زاڭعا ساي، ءتارتىپ بويىنشا جۇرگىزۋدى قاتايتىپ، نەگىزگى زاڭعا ءىشىنارالىق وزگەرىس ەنگىزۋگە، ۇلكەن وزگەرىس جۇرگىزبەۋگە تاباندى بولىپ، ءار جاقتىڭ پىكىرىن تولىق تىڭدادى.... نەگىزگى زاڭعا وزگەرىس ەنگىزۋ بۇكىل پارتيانىڭ، بۇكىل ەلدىڭ اقىل - پاراساتىن توپتاپ، قوعامداعى ءار سالانىڭ ورتاق تانىمىن شوعىرلاندىرىپ، پارتيا مەن حالىقتىڭ ورتاق ەركىن اڭىس ەتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ شىن جۇرەكتەن قولداۋىنا يە بولدى.

  ءار سالا جاپپاي بىلاي دەپ قارادى: بۇل رەتكى نەگىزگى زاڭعا وزگەرىس ەنگىزۋ پارتيا مەن مەملەكەت ىستەرىنىڭ دامۋىنداعى جاڭا تابىستاردى، جاڭا تاجىريبەلەردى، جاڭا تالاپتاردى ايگىلەپ، جاڭا داۋىردە جۇڭگوشا سوتسياليزمگە تاباندى بولۋعا جانە ونى دامىتۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا نەگىزگى زاڭ قامتاماسىزدىعىن ازىرلەدى.

  زاڭ − مەملەكەتتى باسقارۋدىڭ ماڭىزدى قارۋى، جاقسى زاڭ − دۇرىس باسقارۋدىڭ العى شارتى.

  پارتيا 18 - قۇرىلتايىنان بەرى، نەگىزگى زاڭدى وزەك ەتكەن، مەملەكەتتىڭ باسقارۋ جۇيەسى مەن باسقارۋ قابىلەتىن وسىزامانداندىرۋ اياق الىسىن ىلگەرىلەتۋمەن ءوزارا ۇيلەسەتىن جۇڭگوشا سوتسياليستىك زاڭ جۇيەسى ۇزدىكسىز كەمەلدەندى، دامىدى.

  نەگىزگى زاڭعا وزگەرىس ەنگىزۋ جوباسى ارقىلى ازاماتتىق زاڭناما، شەتەل ساۋداگەرلەرىنىڭ قارجى قوسۋ زاڭى، مەملەكەت حاۋىپسىزدىگى زاڭى سياقتى زاڭدار جاسالىپ، ءتۇيىندى سالالاردا، جاڭادان گۇلدەنگەن سالالاردا، شەتەلگە ساياتىن سالالاردا زاڭ شىعارۋ كۇشەيتىلدى.....

  نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسى اناعۇرلىم كەمەلدەنىپ، مەملەكەتتىڭ باياندى تىنىشتىعىنىڭ تۇزىمدىك نەگىزى بەكەمدەلدى.

  مەملەكەتتىك حالىق قۇرىلتايىنىڭ ۇيىمدىق زاڭىنا، جەرگىلىكتى ۇيىمدىق زاڭعا، مەملەكەتتىك حالىق قۇرىلتايىنىڭ ءىس قاراۋ ەرەجەسىنە، مەملەكەتتىك حالىق قۇرىلتايى تۇراقتى كوميتەتىنىڭ ءىس قاراۋ ەرەجەسىنە، باقىلاۋ - باسقارۋ زاڭىنا، حالىق سوتىنىڭ ۇيىمدىق زاڭىنا، حالىق پروكۋراتۋراسىنىڭ ۇيىمدىق زاڭىنا وزگەرىس ەنگىزىلدى نەمەسە جاسالدى..... نەگىزگى زاڭنىڭ اتقارىلۋىمەن تىعىز قاتىستى زاڭ - تۇزىمدەردىڭ داۋىرمەن بىرگە ىلگەرىلەۋىن، كەمەلدەنۋىن، دامۋىن جۇزەگە اسىرۋ ىلگەرىلەتىلدى.

  ”ءبىز جاساعان، وزگەرىس ەنگىزگەن كوپتەگەن زاڭ مەن زاڭدىق ماسەلەلەر ۇيعارىمى ايقىن تۇردە ’نەگىزگى زاڭدى نەگىز ەتىپ‘ جاسالدى، بۇل، ءبىر جاعىنان، نەگىزگى زاڭنىڭ جۇڭگوشا سوتسياليستىك زاڭ جۇيەسىندەگى ءبىر تۇتاس باسشىلىق ەتۋ رولىن ايگىلەدى، ەندى ءبىر جاعىنان، كەمەلدى زاڭ - ءتۇزىم ارقىلى نەگىزگى زاڭنىڭ اتقارىلۋىن ىلگەرىلەتۋدىڭ ايقىن ەرەكشەلىگىن دە ايگىلەدى“، - دەدى مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مالىمدەمەشىسى زاڭ تيەۋي.

  نەگىزگى زاڭدى جاپپاي اتقارىپ، نەگىزگى زاڭنىڭ بەدەلىن قورعادى

  2018 - جىلى 3 - ايدىڭ 17 - كۇنى تۇستەن بۇرىن حالىق سارايىندا مەملەكەت گەربى بيىك اسىلىپ، نەگىزگى زاڭ ايبىنىن كورسەتتى.

  بۇل حالىق رەسپۋبليكاسىنىڭ تاريحىندا مەملەكەت باسشىسىنىڭ تۇڭعىش رەت نەگىزگى زاڭ الدىندا سەرت بەرۋى. تولىق داۋىسپەن مەملەكەت ءتوراعاسى بولىپ سايلانعان شي جينپيڭ سول قولىن نەگىزگى زاڭنىڭ ۇستىنە قويىپ، وڭ قولىن كوتەرىپ جۇدىرىعىن ءتۇيىپ، سەرت ءسوزىن وقىدى: ”مەن مىناداي سەرت بەرەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن ...“

  نەگىزگى زاڭ پرينسيبىنە بويسۇنىپ، نەگىزگى زاڭداعى بورىشتاردى وتەدى، ەكپىندى سەرت مەملەكەتتى نەگىزگى زاڭمەن باسقارىپ، نەگىزگى زاڭ بويىنشا بيلىك جۇرگىزەتىن بەرىك بەكىمدى ايگىلەدى.

  نەگىزگى زاڭ بويىنشا ىستەۋدى باعدارناما ەتىپ، زاڭ بويىنشا باسقارۋعا ءمان بەردى.

  10 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى نەگىزگى زاڭدى اتقارۋدى جانە باقىلاۋدى كۇشەيتىپ، نەگىزگى زاڭنىڭ جاپپاي اتقارىلۋىنا كەپىلدىك ەتەتىن تۇزىمدىك جۇيەنى اقاۋسىزداندىرىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، نەگىزگى زاڭنىڭ بەدەلىن قورعادى.

  مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىن قۇرىپ، مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى نەگىزگى زاڭ كەڭسەسىن قۇرىپ، نەگىزگى زاڭنىڭ اتقارىلۋى، نەگىزگى زاڭ باقىلاۋىن كۇشەيتۋ سياقتىلاردى اناعۇرلىم پارمەندى تۇردە ىلگەرىلەتتى؛

  زاڭ شىعارۋ زاڭىنا ماڭىزدى وزگەرىس ەنگىزىلىپ، رايوندارعا بولىنگەن قالالارعا جەرگىلىكتى زاڭ شىعارۋ ۇقىعى بەرىلدى؛

  مەملەكەت ءانى زاڭى جاسالىپ، مەملەكەت تۋى زاڭىنا، مەملەكەت گەربى زاڭىنا وزگەرىس ەنگىزىلىپ، نەگىزگى زاڭ تۇراقتاندىرعان مەملەكەتتىڭ ماڭىزدى سيمۆولى مەن بەلگىسىنىڭ بەدەلى قورعالدى؛

  شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭى جاسالىپ، اتقارىلىپ، شياڭگاڭنىڭ سايلاۋ ءتۇزىمى وزگەرىس ەنگىزىلىپ كەمەلدەندىرىلىپ، ”ءبىر ەل، ەكى ءتۇزىم“ ىستەرىنىڭ ورنىقتى قاداممەن الىسقا جەتۋىنە شىنايى كەپىلدىك ەتىلدى.

  نەگىزگى زاڭ الدىندا سەرت بەرۋ ءتۇزىمى اتقارىلىپ، مەملەكەت وردەنى جانە مەملەكەت داڭق اتاعى بەرىلىپ، نەگىزگى زاڭ بەلگىلەگەن ەرەكشە كەشىرىم جاساۋ ءتۇزىمى اتقارىلدى...

  نەگىزگى زاڭنىڭ ومىرشەڭدىگى اتقارىلۋىندا، نەگىزگى زاڭنىڭ بەدەلى دە اتقارىلۋىندا. مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتىپ، پارتيانىڭ ۇزاق ۋاقىت بيلىك جۇرگىزۋ قابىلەتىن جوعارىلاتۋدا نەگىزگى زاڭنىڭ اتقاراتىن ماڭىزدى رولى كۇن سايىن كورنەكتىلەندى.

  نەگىزگى زاڭنىڭ اتقارىلۋىن باقىلاۋدى كۇشەيتىپ، نەگىزگى زاڭعا سيىمدىلىعىن تەكسەرۋ ءتۇزىمىن اقاۋسىزداندىرىپ، ەستەلىككە الىپ، تەكسەرۋ قىزمەتىنىڭ ساپاسىن جوعارىلاتقاندا عانا، نەگىزگى زاڭنىڭ ابىرويى مەن بەدەلىن ءونىمدى قورعاپ، حالىق بۇقاراسىنىڭ زاڭدى ۇقىق - مۇددەسىن قامتاماسىزداندىرۋعا بولادى.

  مەملەكەتتىك حالىق قۇرىلتايىنىڭ نەگىزگى زاڭ جانە زاڭ كوميتەتى، تۇراقتى كوميتەتتىڭ زاڭ قىزمەتى كوميتەتى زاڭ جوباسى سياقتى كەڭەستىك جوبالاردى قاراۋ بارىسىندا نەگىزگى زاڭعا سيىمدىلىعى، نەگىزگى زاڭعا قاتىستىلىعى ماسەلەسىن زەرتتەۋدى كۇشەيتىپ، باقىلاۋ - تەكسەرۋ زاڭى، حالىق سوتىنىڭ ۇيىمدىق زاڭى مەن حالىق پروكۋراتۋراسىنىڭ ۇيىمدىق زاڭى، ۇكىمەت قىزمەتكەرلەرىن اكىمشىلىك جاقتان جازالاۋ زاڭى، تەڭىز ساقشىسى زاڭى، حالىق سانى جانە جوسپارلى تۋىت زاڭى، قازىنالىق باقىلاۋ زاڭى، قاھارمان قۇربانداردى قورعاۋ زاڭى سياقتىلاردى جاساۋ، وزگەرىس ەنگىزۋ بارىسىندا نەگىزگى زاڭعا ساياتىن قاتىستى ماسەلەلەرگە نەگىزگى زاڭعا سيىمدىلىق تۇرعىسىنان تەكسەرۋ جانە زەرتتەۋ جۇرگىزىپ، لايىقتى ءبىر جايلى ەتۋ جانە ورنالاستىرۋ جاساپ، تۇراقتى كوميتەتتىڭ ماقۇلداعان زاڭدارى مەن جاساعان قاۋلى، قارارلارىنىڭ نەگىزگى زاڭ بەلگىلەمەلەرىنىڭ، نەگىزگى زاڭ رۋحىنىڭ تالاپتارىنا ۇيلەسۋىنە شىنايى كەپىلدىك ەتتى.

  پارتيا 18 - قۇرىلتايىنان بەرى، زاڭ شىعارۋ ورگاندارى ەستەلىككە الىپ تەكسەرۋ ءتۇزىمىنىڭ قاتاڭدىعىن ۇزدىكسىز كۇشەيتىپ، زاڭ - ءتۇزىم، ءادىليالىق تۇسىندىرمە سياقتى ولشەمدىك حۇجاتتارداعى نەگىزگى زاڭعا سيىمدىلىق، زاڭعا ۇيلەسىمدىلىك، لايىقتىلىق سياقتى ماسەلەلەرگە تەكسەرۋ جانە زەرتتەۋ ورىستەتىپ، نەگىزگى زاڭعا، زاڭ بەلگىلەمەرىنە ۇيلەسپەۋ، كورنەكتى ۇيلەسىمسىز بولۋ ماسەلەسى بارلارىن جاساۋشى ورگاندارعا قۋزاۋ سالىپ تۇزەتتىردى.

  بۇقارانىڭ ءۇنى مەملەكەتتىك حالىق قۇرىلتايىنىڭ تۇراقتى كوميتەتىنە توتە جەتەدى، ەستەلىككە الىپ تەكسەرۋ ءتۇزىمى جۇڭگوشا نەگىزگى زاڭدىق باقىلاۋدىڭ ”حالىق تىلەگىن توتە جەتكىزۋشىسى“ بولدى.

  10 جىلدان بەرى، مەملەكەتتىك حالىق قۇرىلتايىنىڭ تۇراقتى كوميتەتى ازاماتتار، ۇيىمدار العا قويعان جيىنى 19 مىڭ 200 نۇسقادان استام تەكسەرۋ ۇسىنىسىن قابىلدادى، جاساۋشى ورگانداردى 20 مىڭنان استام ءتۇرلى ولشەمدىك حۇجاتقا وزگەرىس ەنگىزۋگە، كۇشىنەن قالدىرۋعا جەبەدى، قۋزادى، نەگىزگى زاڭنىڭ، زاڭداردىڭ ابىرويى مەن مەملەكەتتى زاڭمەن باسقارۋدىڭ بىرلىگى ءونىمدى قورعالدى.

  پارتيا 19 - قۇرىلتايىنىڭ بايانداماسىندا نەگىزگى زاڭدى اتقارۋ مەن باقىلاۋدى كۇشەيتىپ، نەگىزگى زاڭعا سيىمدىلىعىن تەكسەرۋ قىزمەتىن ىلگەرىلەتىپ، نەگىزگى زاڭنىڭ بەدەلىن قورعاۋ العا قويىلدى. پارتيا 20 - قۇرىلتايىنىڭ بايانداماسىندا ەستەلىككە الىپ تەكسەرۋ ءتۇزىمىن كەمەلدەندىرۋ جانە كۇشەيتۋ العا قويىلدى. بيىل 10 - ايدىڭ سوڭىندا مەملەكەتتىك حالىق قۇرىلتايى تۇراقتى كوميتەتى ءماجىلىسىنىڭ قاراۋىنا ۇسىنىلعان زاڭ شىعارۋ زاڭىنا وزگەرىس ەنگىزۋ جوباسىندا نەگىزگى زاڭدى اتقارۋ جانە باقىلاۋ قىزمەتىنىڭ ءىس جۇزىندىك تاجىريبەلەرى قورىتىندىلانىپ جانە قابىلدانىپ، نەگىزگى زاڭعا سيىمدىلىعىن تەكسەرۋدىڭ تۇزىمدەنۋى، جۇيەلىلەنۋى، تارتىپتەنۋى كۇشەيتىلدى؛ ەستەلىككە الىپ تەكسەرۋ ءتۇزىمى كەمەلدەندىرىلىپ، عىلمي دا ءونىمدى، جۇيەلى دە كەمەلدى ءتۇزىم جۇيەسى ارقىلى نەگىزگى زاڭنىڭ اتقارىلۋىنا كەپىلدىك ەتتى.

  جاقسى زاڭ ارقىلى دامۋدى جەبەپ، دۇرىس باسقارۋعا كەپىلدىك ەتتى. جاڭا ءداۋىردىڭ جاڭا جورىعىندا نەگىزگى زاڭدىق باقىلاۋدى كۇشەيتىپ، نەگىزگى زاڭنىڭ بەدەلىن قورعاعاندا، نەگىزگى زاڭنىڭ اتقارىلۋى، ءسوز جوق، اناعۇرلىم تىڭ ورەگە، اناعۇرلىم بيىك دەڭگەيگە كوتەرىلەدى.

  نەگىزگى زاڭ تانىمىن كۇشەيتىپ، نەگىزگى زاڭ رۋحىن اسقاقتاتتى

  شيزىحۋ كولى جاعالاۋىندا نەگىزگى زاڭ جاساۋدىڭ نەگىزى قالاندى. جاڭا جۇڭگونىڭ العاشقى نەگىزگى زاڭىنىڭ جوبا نۇسقاسى حاڭجوۋدىڭ شيحۋ كولى جاعالاۋىنداعى ءبىر كوكشىل ءتۇستى شاعىن عيماراتتا دۇنيەگە كەلدى.

  2016 - جىلى 12 - ايدىڭ 4 - كۇنى ”54 - جىلعى نەگىزگى زاڭ“ تاريحي ماتەريالدار كورمە سارايى وسى ارادا اشىلىپ، قۇندى مادەني مۇرالار، قالپىنا كەلتىرىلگەن كورىنىستەر ارقىلى ادامداردى زاڭمەن باسقارۋدىڭ كۇش - قۋاتىن ەسكە الۋ جانە سەزىنۋ مۇمكىندىگىنە يە ەتتى.

  باس شۋجي شي جينپيڭ بىلاي دەپ اتاپ كورسەتتى: ”54 - جىلعى نەگىزگى زاڭ“ تاريحي ماتەريالدار كورمە سارايىنىڭ اشىلۋى نەگىزگى زاڭ ۇگىت تاربيەسىن ورىستەتۋ، سوتسياليستىك دەموكراتيالىق زاڭمەن باسقارۋ تانىمىن كۇشەيتۋ، زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭنان پايدالانۋدى ىلگەرىلەتۋ جونىنەن كەلەلى ءمان الادى. نەگىزگى زاڭ ۇگىت تاربيەسىن ورىستەتۋ − مەملەكەتتى جاپپاي زاڭمەن باسقارۋدىڭ ماڭىزدى مىندەتى.

  نەگىزگى زاڭ نەگىزى بەكەمدەلىپ، نەگىزگى زاڭنىڭ قۇدىرەتتى كۇشى ايگىلەندى.

  نەگىزگى زاڭعا قۇرمەت ەتىپ، نەگىزگى زاڭدى ۇيرەنۋ، نەگىزگى زاڭعا بويسۇنۋ، نەگىزگى زاڭدى قورعاۋ، نەگىزگى زاڭدى قولدانۋ قالىڭ كادر - بۇقارانىڭ نەگىزگى زاڭ تانىمىن كۇشەيتىپ، جالپى حالىقتى نەگىزگى زاڭنىڭ ادال ارداقتاۋشىلارىنا، سانالى بويسۇنۋشىلارىنا، باتىل قورعاۋشىلارىنا اينالدىردى. نەگىزگى زاڭدى وزەك جانە دانەكەر ەتىپ، نەگىزگى زاڭدى ۇيرەنۋ ۇگىت - تاربيەسىن جاپپاي ورىستەتۋ نەگىزگى زاڭدى دايەكتىلەندىرىپ، اتقارىپ، مەملەكەتتى جاپپاي زاڭمەن باسقارۋدى ىلگەرىلەتىپ، سوتسياليستىك زاڭمەن باسقارىلاتىن مەملەكەت قۇرۋدىڭ ماڭىزدى مىندەتىنە اينالدى.

  2014 - جىلى 11 - ايدىڭ 1 - كۇنى مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ 11 - رەتكى ءماجىلىسى مەملەكەتتىك نەگىزگى زاڭ كۇنىن بەلگىلەۋ جونىندەگى قاۋلىنى داۋىسقا سالىپ ماقۇلدادى. 12 - ايدىڭ 4 - كۇنىن مەملەكەتتىك نەگىزگى زاڭ كۇنى ەتىپ بەلگىلەپ، زاڭ شىعارۋ فورماسىمەن نەگىزگى زاڭنىڭ ورنى مەن بەدەلىن كورنەكتىلەندىردى.

  ”ءارقانداي ازامات نەگىزگى زاڭدا، زاڭداردا بەلگىلەنگەن ۇقىقتان يگىلىكتەنەدى، سونىمەن بىرگە، ءسوز جوق، نەگىزگى زاڭدا، زاڭداردا بەلگىلەنگەن بورىشىن اتقارۋى قاجەت ...“

  2021 - جىلى 12 - ايدىڭ 3 - كۇنى سانشي اۋىل شارۋاشىلىق داشۋەسى تايگۋ مەكتەپ رايونىندا داشۋە وقۋشىلارى وقىتۋشىلاردىڭ باستاۋىندا «جۇڭحۋا حالىق رەسپۋبليكاسىنىڭ نەگىزگى زاڭىنىڭ» تارماقتارىن داۋىستاپ وقىپ، مەملەكەتتىك نەگىزگى زاڭ كۇنىندەگى ”نەگىزگى زاڭدى تاڭعى وقۋ“ قيمىلىنا بىرگە ات سالىستى.

  نەگىزگى زاڭ الدىندا سەرت بەرۋ، نەگىزگى زاڭدى تاڭعى وقۋعا ۇيىمداستىرۋ، نەگىزگى زاڭ تاقىرىبىنداعى ارناۋلى پويەز شىعارۋ، بۇقارالىق زاڭمەن باسقارۋ ساباقحاناسىن اشۋ... مەملەكەتتىك نەگىزگى زاڭ كۇنىندە ورىستەتىلگەن ”نەگىزگى زاڭدى ۇگىتتەۋ اپتالىعى“ قيمىلى ارقىلى نەگىزگى تاقىرىبى كورنەكتى، ەرەكشەلىگى ايقىن، بۇقارا قۋانا قابىلدايتىن تاسىلدەرمەن نەگىزگى زاڭ رۋحىنىڭ نەگىزگى ساتىعا جەتۋى، بۇقارانىڭ تۇرمىسىنا ەنۋى ىلگەرىلەتىلدى.

  زاڭمەن باسقارۋ كوركەيسە، ۇلت گۇلدەنەدى، زاڭمەن باسقارۋ كۇشەيسە، مەملەكەت قۇدىرەتتەنەدى. گۇلدەنگەن، باي، قۇدىرەتتى زاڭمەن باسقارىلاتىن جۇڭگونىڭ بارلىق ادام زاڭعا قۇرمەت ەتەتىن، زاڭعا بويسۇناتىن، زاڭعا سەنەتىن، زاڭدى تۇسىنەتىن زاڭمەن باسقارىلاتىن قوعام بولارى داۋسىز.

  2021 - جىلى جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «سوتسياليستىك زاڭمەن باسقارۋ مادەنيەت قۇرىلىسىن كۇشەيتۋ جونىندەگى پىكىردە» ”قاجىماي قۇلشىنىس جاساۋ ارقىلى نەگىزگى زاڭنىڭ، زاڭداردىڭ بەدەلىن ونان ارى اسقاقتاتۋ، زاڭعا قۇرمەت ەتۋ، زاڭ ۇيرەنۋ، زاڭعا بويسۇنۋ، زاڭدى قولدانۋ رايىن كۇن سايىن قويۋلاتۋ ...“ سىندى جالپى تۇلعالىق نىسانا العا قويىلىپ، سوتسياليستىك زاڭمەن باسقارۋ مادەنيەت قۇرىلىسىنىڭ ”ۋاقىت كەستەسى“، ”قۇرىلىس سحەماسى“ ايقىندالدى.

  وسىدان كەيىن «زاڭمەن باسقارۋ ۇگىت - تاربيەسىن ورىستەتۋ جونىندەگى 8 - بەسجىلدىق جوبادا (2025—2021)» جاڭا دامۋ كەزەڭى تياناق ەتىلىپ، جاڭا دامۋ ۇستانىمى دايەكتىلەندىرىلىپ، ”8 - بەسجىلدىق“ زاڭ جالپىلاستىرۋ قىزمەتىنە جالپى بەتتىك ورنالاستىرۋ جاسالدى.

  سوتسياليستىك زاڭمەن باسقارۋ مادەنيەتى − جۇڭگوشا سوتسياليستىك مادەنيەتتىڭ ماڭىزدى قۇرامداس بولىگى، سوتسياليستىك زاڭمەن باسقارىلاتىن مەملەكەت قۇرىلىسىنىڭ ماڭىزدى تىرەگى. پارتيا 18 - قۇرىلتايىنان بەرى، نەگىزگى زاڭ ۇيرەنۋدى وراي ەتىپ، جەر - جەر فورمانى بايىتىپ، جالپى حالىقتىڭ زاڭ ۇيرەنۋىن، زاڭعا بويسۇنۋىن ۇدايىلىققا اينالدىرۋدى ىلگەرىلەتىپ، زاڭمەن باسقارىلاتىن جۇڭگونىڭ رۋحاني تىرەگىن نىعايتتى.

  زاڭ الەمدى تىنىشتاندىرادى، ءمورال جۇرەككە ءنار بەرەدى.

  نەگىزگى زاڭ ۇيرەنۋ تاربيەسىن كەڭ كولەمدە ورىستەتىپ، جۇڭحۋانىڭ تاڭداۋلى ءداستۇرلى زاڭ مادەنيەتىن جالعاستىرىپ، جۇڭگوشا سوتسياليستىك زاڭمەن باسقارۋ جولىنا تاباندى بولۋ جانە ونى كەڭەيتۋ جاعىندا سەنىمدى بەكەمدەپ، تاباندىلىقتى ساقتاۋ كەرەك.

  ەكىنشى 100 جىلدىق كۇرەس نىساناسىنا قاراي شەرۋ تارتۋدا زاڭمەن باسقارۋ اياق الىسى ءتىپتى دە ەكپىندەي ءتۇستى. نەگىزگى زاڭ رۋحىنىڭ جالپى حالىقتىڭ كوكەيىنە تياناقتاپ، تامىر تارتۋى جۇڭحۋا ۇلتىنىڭ ۇلى گۇلدەنۋىنە تەلەگەي كۇش ۇيىستىراتىندىعى داۋسىز.

  (شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.