جياڭ زىمين جولداستىڭ مۇراتىنا مۇراگەرلىك ەتىپ، ىنتىماقتاسا ەكپىندەي ىلگەرىلەۋ كۇشىن ۇيىستىرامىز
− بۇكىل ەلدىڭ جەر - جەرىندەگى كادرلار مەن بۇقارا جياڭ زىمين جولداستى ۇزدىكسىز تەرەڭ ساعىنىشپەن ەسكە الدى
□شينحۋا اگەنتتىگىنىڭ تىلشىلەرى
بىرنەشە كۇننەن بەرى، بۇكىل ەلدەگى قالىڭ كادرلار مەن بۇقارا اسا قايعىلى سەزىممەن جياڭ زىمين جولداستىڭ ەرەن ەڭبەكتەرىن تەرەڭ ساعىنىشپەن ەسكە الىپ، جياڭ زىمين جولداستىڭ رۋحاني قاسيەتىن ەگجەي - تەگجەيلى ءتۇسىندى.
كوپشىلىك ءبىر اۋىزدان مىنالاردى ءبىلدىردى: قايعىنى قايراتقا جەڭدىرىپ، جياڭ زىمين جولداسقا دەگەن ازالى كوڭىلدى پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىنە اينالدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزەمىز.
تەرەڭ ساعىنىشتارى سارقىلمادى، قالىڭ كادرلار مەن بۇقارا جياڭ زىمين جولداستىڭ شۇعىلالى كۇرەسكە تولى ءومىرىن تەرەڭ سەزىممەن ەسكە الدى
شاڭحاي جياۋتۇڭ داشۋەسىنىڭ اۋلاسىندا مەكتەپ قۇرىلعاندىعىنىڭ 100 جىلدىعىن قۇتتىقتاۋ جاڭا بەلەستىك ەسكەرتكىشى جىم - جىرت كۇيدە تۇر. ەسكەرتكىشكە جياڭ زىمين جولداستىڭ انا مەكتەبىنە ارناعان ”الدىڭعىلاردىڭ ءىزىن باسىپ، بولاشاققا جول اشىپ، ەرلىكپەن بيىك شىڭعا شىعىپ، جياۋتۇڭ داشۋەسىن دۇنيە جۇزىندەگى بىرەگەي داشۋە ەتىپ قۇرايىق“ دەگەن تىلەگى جازىلعان.
ءۇنسىز ازا ءبىلدىرىپ، تاعزىم ەتتى، گۇل قويۋعا كەلگەن 2021 - جىلدىق ماگيستر اسپيرانت جاڭ چىن - يدىڭ كوزىندە جاس مولتىلدەيدى. مەكتەپ تاريح مۇراجايىنىڭ ەرىكتى تۇسىندىرمەشىسى رەتىندە، جاڭ چىن - ي جياڭ زىمين جولداستىڭ العاباسار وقۋشىلاردىڭ جاپون شاپقىنشىلارىنا قارسى وتانشىلدىق قيمىلىنا قاتىناسۋى، پارتيانىڭ استىرتىن قىزمەتىمەن شۇعىلدانۋى سياقتى ءومىر كەشۋلەرىنە ابدەن قانىق ەدى. ”ءار جولى تۇسىندىرمە جاساعاندا، جياڭ زىمين جولداستىڭ اقيقاتقا تالپىنعان، وتان ءۇشىن، حالىق ءۇشىن ىستەگەن سەنىمى مەن قۇلقىن سەزىنەمىن. اعا بۋىن مەكتەپتەسىمىز، ءبىز ءسىزدى ماڭگى ساعىنامىز“.
پۋدۇڭ جاڭا رايونى جينچياۋ ەكسپورتتىق مانەرلەۋ اۋماعى اشۋ سەرىكتەستىگىنىڭ بۇرىنعى باس ديرەكتورى جۋ شياۋميڭ ەسكە الىپ بىلاي دەدى: ”پۋدۇڭدى اشۋدىڭ باستاپقى مەزگىلىندە ءبىر مەزەت قارجى، تاجىريبە، نىسان، دارىندى كەمشىل بولدى، جياڭ زىمين جولداس پەن پارتيا ورتالىق كوميتەتىنىڭ شابىت بەرۋى بىزگە ىنتا - ىقىلاس، اقىل - پاراسات، شارۋاشىلىق قۇرىپ، جاڭالىق اشۋ باتىلدىعىن ۇستەدى. ءبىز جياڭ زىمين جولداستىڭ كورەگەندىگىنە ايرىقشا سۇيىنەمىز“.
جياڭ زىمين جولداس كەزىندە ۇيىمنىڭ ورنالاستىرۋى بويىنشا چاڭچۇن 1 - اۆتوموبيل جاساۋ زاۆودىن سالۋعا قاتىناسقان بولاتىن. بيىل 89 جاستاعى ليۋ رىنۋي كەزىندە سوۆەت وداعىنان 1 - اۆتوموبيل جاساۋ زاۆودىن كومەكتەسىپ سالۋعا كەلگەن مامان كرەۆتىڭ اۋدارماشىسى بولعان، قايعىلى حاباردى ەستىگەندە، ول ەرىكسىز نەشە ونداعان جىلداردىڭ الدىنداعى جياڭ زىمين جولداسپەن بىرگە قىزمەت ىستەگەن كەزدەرىن ەسكە الدى. ليۋ رىنۋي بىلاي دەدى: تاريح جياڭ زىمين جولداستىڭ جاڭا جۇڭگونىڭ اۆتوموبيل ونەركاسىبى مەن شىعىس سولتۇستىك ونەركاسىپ بازاسى قۇرىلىسىنا قوسقان ۇلەسىن ۇمىتپايدى، ونىڭ شىندىقتى ءىس جۇزىنەن ىزدەيتىن عىلمي پوزيتسياسى، قاجىرلى دا قاراپايىم ستيلى، بارلىق جەردە بۇقارانىڭ قامىن ويلايتىن اسقاق قۇلقى ءبىزدىڭ ماڭگى ۇيرەنۋىمىزگە تاتيدى.
”قالىڭ حالىقتىق كاسىپورىندار سوتسياليستىك بازار شارۋاشىلىعى ءتۇزىلىسى رەفورماسىنىڭ باستان كەشىرۋشىلەرى، امالياتتا اتقارۋشىلارى جانە يگىلىگىنە كەنەلۋشىلەر“. جىڭتاي توبىنىڭ باسالقاسى نان سۇنحۇي: جياڭ زىمين جولداس باستان - اياق حالىقتىق كاسىپورىنداردىڭ دامۋىنا كوڭىل ءبولدى. ءبىز تاپسىرمانى ەستە بەرىك ساقتاپ، ناقتى كاسىپتى ۇزدىكسىز تاباندى جالعاستىرىپ، ۇزدىكسىز جاڭالىق اشا داميمىز، - دەدى.
1999 - جىلى 5 - ايدا جياڭ زىمين جولداس ۋحان پوچتا - تەلەگراف عىلمي زەرتتەۋ ورنىنا كەلىپ قىزمەت تەكسەرگەندە، مەملەكەت مەنشىگىندەگى كاسىپورىنداردىڭ دامۋىن ىلگەرىلەتۋدە، ءسوز جوق، سوتسياليستىك بازار شارۋاشىلىعىن دامىتۋ تالابىنا ۇيلەسىپ، رەفورمانى ۇزدىكسىز تەرەڭدەتىپ، تەحنيكالىق جاڭالاۋ مەن تەحنيكالىق العا باسۋدى ىلگەرىلەتىپ، عىلمي باسقارۋدى كۇشەيتىپ، كاسىپورىنداردىڭ بازارداعى باسەكەلىك قابىلەتىن، عىلىم - تەحنيكادا جاڭالىق اشۋ قابىلەتىن جانە حاۋىپ - قاتەرگە قارسى تۇرۋ قابىلەتىن ۇزدىكسىز جوعارىلاتۋ كەرەكتىگىن باسا دارىپتەدى.
سول كەزدە ۋحان پوچتا - تەلەگراف عىلمي زەرتتەۋ ورنى نەگىزگى بولشەكتەر ءبولىمىنىڭ باستىعى مىندەتىن وتەگەن لۋ گوچيڭ بىلاي دەدى: ”جياڭ زىمين جولداستىڭ رەفورمانى باتىلدىقپەن ىلگەرىلەتۋ رۋحى ءبىزدى دۇنيە ءجۇزىن بەتكە العان ينفورماتسيا، حابارلاسۋ ىستەرى دامۋىنىڭ الدىڭعى لەگىندە تابانداپ تۇرىپ، ءتول جاسامپازدىق تەحنيكا وشاعىن قۇلشىنا تۇلعالاۋعا ءاردايىم شابىتتاندىرىپ كەلەدى“.
جۇڭگو وليمپيادا كوميتەتىنىڭ 86 جاستاعى بۇرىنعى باس حاتشىسى ۋي جيجۇڭ جياڭ زىمين جولداس پەن بەيجيڭ وليمپيادا سپورت جارىسىن وتكىزۋگە ءوتىنىش ەتۋ حيكاياسىن ەسكە الدى.
”2001 - جىلى 7 - ايدىڭ 13 - كۇنى بەيجيڭ وليمپيادا سپورت جارىسىن وتكىزۋ ءوتىنىشى تابىستى بولعان كۇنى كەشتە جياڭ زىمين جولداس بەيجيڭدەگى جۇڭحۋا عاسىر مىنبەرى مەن تيان - انمىن الاڭىندا وسى قۋانىشتى ءساتتى ءار سالا بۇقاراسىمەن بىرگە قۇتتىقتادى. سول كورىنىس قازىرگە دەيىن كوز الدىمدا“. ۋي جيجۇڭ بىلاي دەدى: وليمپيادا سپورت جارىسىن وتكىزۋگە ءوتىنىش ەتۋ بارىسى جۇڭگولىقتاردى قايراتتانا سايىسۋعا شابىتتاندىردى، قازىر مەملەكەتىمىز اناعۇرلىم كۇشەيدى، حالىقتىڭ سەنىمى اناعۇرلىم نىعايدى، جۇڭحۋا ۇلتى اناعۇرلىم قۋاتتى، ەڭسەلى بولىپ، اسقاق بەينەمەن العا باسۋدا.
قالىڭ كادرلار مەن بۇقارا مىنالاردى ءبىلدىردى: جياڭ زىمين جولداستىڭ ءومىرى شۇعىلالى ءومىر، كۇرەسكە تولى ءومىر. 70 نەشە جىلدىق توڭكەرىستىك ومىرىندە ول كوممۋنيزم مۇراتىنان جازباي، پارتيا مەن حالىققا شەكسىز ادال بولىپ، پارتيا مەن حالىق ىستەرى ءۇشىن مۇراتتان اينىماي كۇرەس جۇرگىزدى. جياڭ زىمين جولداس ءبىزدىڭ جۇرەگىمىزدە ماڭگى جاسايدى.
ءداۋىر جياڭ زىمين جولداستىڭ بۇكىل پارتيانى، بۇكىل ەل حالقىن باستاپ قوسقان ەسەلى ەڭبەگىنىڭ وشپەيتىندىگىن ماڭگى ەستە ساقتايدى
2000 - جىلى 2 - ايدا جياڭ زىمين جولداس گۋاڭدۇڭدا قىزمەت تەكسەردى ءارى ماۋميڭ گاۋجوۋ قالاسى باسشى كادرلارىنىڭ ”ءۇشتى دارىپتەۋ“ تاربيەسى ماجىلسىنە قاتىناستى. جياڭ زىمين جولداس ماڭىزدى ءسوز سويلەگەندە بۇكىل الاڭدا قول شاپالاق ءۇنىنىڭ ۇزاققا سوزىلعانداعى كورىنىس باستان كەشىرۋشى رەتىندەگى گۋاڭدۇڭ ماۋميڭ گاۋجوۋ قالاسى گىنزى قالاشىق پارتكومىنىڭ بۇرىنعى شۋجيى حۋاڭ ۋدىڭ ءالى ەسىندە. 5 كۇننەن كەيىن جياڭ زىمين جولداس گۋاڭجوۋدا ولكەلىك پارتكومنىڭ قىزمەتىنەن مالىمەت تىڭداعاندا ”ۇشكە ۋاكىلدىك ەتۋ“ تالابىن ايقىن ورتاعا قويدى.
”جياڭ زىمين جولداس بۇكىل پارتيانىڭ اقىل - پاراساتىن شوعىرلاندىرىپ ’ۇشكە ۋاكىلدىك ەتۋ، ماڭىزدى يدەياسىن جاراتىپ، پارتيانىڭ جەتەكشى يدەياسىنداعى تاعى ءبىر رەتكى داۋىرمەن بىرگە العا باسۋدى جۇزەگە اسىرىپ، ناعىز ماركسيزمشىنىڭ وراسان زور ساياسي باتىلدىعىن مەن نازاريالىق باتىلدىعىن ايگىلەدى“، - دەدى حۋاڭ ۋ.
انحۇيدىڭ حىفيىنداعى عىلىم ارالىندا جۇڭگو عىلىمدار اكادەمياسى حىفي ماتەريا عىلىمىن زەرتتەۋ مەكەمەسى زەردەلى ماشينا زەرتتەۋ ورنى پارتكومىنىڭ شۋجيى ۋ ليفاڭ 1998 - جىلى جياڭ زىمين جولداس ارالعا كەلىپ قىزمەت تەكسەرگەن كەزدەگى كورىنىستى ەسكە الدى. سول كەزدە دوكتورانت اتاعىن قورعاپ جۇرگەن ۋ ليفاڭ جياڭ زىمين جولداسقا يون شوعى تەحنيكاسىن تۇقىم وزگەرتىپ جەتىلدىرۋگە قولدانۋ جاعدايىنان مالىمەت بەردى. ”ول عىلىم - تەحنيكانىڭ قوعامدىق وندىرگىش كۇشتىڭ دامۋىن ىلگەرىلەتۋدەگى ماڭىزدى رولىنا ايرىقشا ءمان بەرىپ، ءبىزدى عىلمي زەرتتەۋدەن ۇزدىكسىز قامال الىپ، مەملەكەتتىڭ استىق حاۋىپسىزدىگىن قامتاماسىز ەتۋگە كۇش قوسۋعا شابىتتاندىردى“، - دەدى ۋ ليفاڭ.
جياڭ زىمين جولداس عىلمي زەرتتەۋ قىزمەتكەرلەرىمەن ەستەلىك سۋرەتكە ءتۇستى ءارى سول كەزدەگى جۇڭگو عىلىمدار اكادەمياسى حىفي بولىمشە اكادەمياسىنا ”عىلىم ارالى“ دەپ ات بەردى. قازىر اۋماعى 3 شارشى كيلومەترگە جەتپەيتىن بۇل شاعىن ارالدا ”جاساندى كۇن EAST“تى قامتىعان كوپتەگەن عىلمي جابدىقتار ىلگەرىندى - كەيىندى ورناتىلىپ، جۇمىس جۇرگىزىپ وتىر، ءسويتىپ، دۇنيە ءجۇزى دارەجەلى ءبىر توپ كەلەلى عىلىم - تەحنيكا جەتىستىگى وسى ارادا جارىق كوردى.
1999 - جىلى 6 - ايدا جياڭ زىمين جولداس جەڭىس مۇناي الابىنا بارىپ قىزمەت تەكسەرىپ، سول كەزدەگى جەڭىس مۇناي الابى ەسەپتەۋ ورتالىعى پارتكومىنىڭ شۋجيى شۇي گۋانشۋەنىڭ ءتۇسىندىرۋى مەن مالىمەتىن تىڭدادى.
”جياڭ زىمين جولداس جايدارى، باۋىرمال جان ەكەن، ءبىزدىڭ ىلگەرىلەۋشىلىككە قول جەتكىزگەنىمىزدى ەستىپ قاتتى قۋانىپ، ’شارۋاشىلىق قۇرۋ رۋحىن اسقاقتاتىپ، جەڭىستەن - جەڭىسكە جەتەيىك‘ دەپ ىقىلاسپەن ارناۋ ءسوز جازدى. بۇل جەڭىس مۇناي الابىن ۇزدىكسىز دامىپ، زورايىپ، مەملەكەتتىڭ دامۋىنا سەنىمدى ەنەرگيا تىرەگىن ازىرلەۋگە شابىتتاندىردى جانە جەبەدى“، - دەدى شۇي گۋانشۋە.
”جياڭ زىمين جولداس بۇقارانى قۇرمەتتەيتىن، بۇقاراعا كوڭىل بولەتىن، قاشاندا حالىق بۇقاراسىنىڭ مۇڭ - مۇقتاجىن كوڭىل تورىنە قويىپ، ەڭ كەڭ حالىقتىڭ ءتۇبىرلى مۇددەسى بويىنشا قىزمەتتى سىننان وتكىزەتىن جانە ىلگەرىلەتەتىن“. ىشكى موڭعۇل باياننور قالاسى لينحى رايونى گانجاۋمياۋ قالاشىعى گۋاڭليان قىستاعى پارتيا مۇشەلەرىنە، بۇقاراعا قىزمەت وتەۋ ورتالىعىندا قىستاق تۇرعىنى ۋاڭ يوۋساي قىستاق پارتيا ياچەيكاسىنىڭ، قىستاق تۇرعىندار كوميتەتىنىڭ مۇشەلەرىمەن بىرگە جياڭ زىمين جولداستىڭ اۋىلداستاردى شابىتتاندىرعاندىعىن جانە ولارعا مەيىر سيلاعاندىعىن ساعىنا ەسكە الدى.
1990 - جىلى 9 - ايدا جياڭ زىمين جولداس قىستاققا كەلىپ جەمىس باعىن ەكسكۋرسيالاپ، قىستاق تۇرعىندارىنىڭ جالپى كىرىس جاعدايىن ۇعىستى. ”جياڭ زىمين جولداس ءبىزدى باتىل ىستەۋگە شابىتتاندىرىپ، پارتيانىڭ ساياساتىنىڭ وزگەرمەيتىندىگىن اتاپ كورسەتىپ، كوپشىلىكتىڭ كوڭىلىن ورنىقتىردى. بۇكىل قىستاقتا ونىمگە بىرلەستىرىپ وتباسىلارىنا كوتەرمەگە بەرۋ جاۋاپكەرشىلىك ءتۇزىمى ورنىقتى جۇرگىزىلىپ، قىستاق تۇرعىندارىنىڭ ءوندىرىس بەلسەندىلىگى تولىق جۇمىلدىرىلدى“، - دەدى ۋاڭ يوۋساي.
78 جاستاعى يۇي گوگاڭ شىنجىن باعالى قاعاز بازارىنىڭ دايىندىق جاساۋشىلارىنىڭ ءبىرى. ول تەرەڭ سەزىممەن ەسكە الىپ، بىلاي دەدى: جياڭ زىمين جولداس شاڭحاي، شىنجىن سىندى ەكى باعالى قاعاز بازارىنىڭ قۇرىلۋى مەن دامۋىن قولداپ، ەلىمىزدىڭ فينانس ءتۇزىلىسى رەفورماسىندا ماڭىزدى قادام تاستاۋىن ىلگەرىلەتتى.
”جياڭ زىمين جولداس جۇڭگو كوممۋنيستەرىنىڭ نازاريادا جاڭالىق اشۋعا، داۋىرمەن بىرگە العا باسۋعا تاباندى بولاتىن ەرەسەن باتىلدىعىمەن سوتسياليستىك بازار شارۋاشىلىعى ءتۇزىلىسىنىڭ رەفورما نىساناسى مەن نەگىزگى جۇلگەسىن تۇراقتاندىرىپ، سوتسياليزمنىڭ العاشقى ساتىسىنداعى جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق قاتار داميتىن نەگىزگى شارۋاشىلىق ءتۇزىمدى جانە ەڭبەگىنە قاراي ءبولۋدى نەگىزگى تۇلعا ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن تۇراقتاندىرىپ، جاپپاي رەفورما جاساۋدىڭ، ەسىك اشۋدىڭ جاڭا جاعدايىن اشتى“. يۇي گوگاڭ بىلاي دەدى: شىنجىن باعالى قاعاز ساۋدا بازارى − تەرەزە جانە ىقشام كورىنىس، 30 نەشە جىلدان بەرى، شىنجىن باعالى قاعاز ساۋدا بازارىندا جارنا بازارىنا شىققان سەرىكتەستىك سانى ”كونە 5 ءتۇرلى جارنادان“ دامىپ، قازىرگى 2700 نەشەگە جەتتى، بولاشاقتا، ءسوز جوق، اناعۇرلىم جاقسى دامۋى كەرەك.
جياڭ زىمين جولداس مىنالاردى العا قويدى: جۇڭگوشا سوتسياليستىك مادەنيەت − بۇكىل ەلدەگى ءار ۇلت حالقىن ۇيىستىراتىن جانە شابىتتاندىراتىن ماڭىزدى كۇش. ادامدار ونىڭ وزىق مادەنيەتتىڭ دامۋىن ءوزى باس بولىپ ىلگەرىلەتكەندىگىن تەرەڭ سەزىممەن ەسكە ءتۇسىردى.”جياڭ زىمين جولداستىڭ جۇڭحۋانىڭ تاڭداۋلى ءداستۇرلى مادەنيەتىن قىزۋ سۇيەتىندىگى جانە وعان ءمان بەرەتىندىگى ءبىزدى ەرەكشە شابىتتاندىردى“. 1994 - جىلى 6 - ايدا جياڭ زىمين جولداس فۋجيان چۋانجوۋدا قىزمەت تەكسەرگەندە نانيىن، اعاش قۋىرشاق سياقتى ءداستۇرلى مادەنيەت ويىندارىن تاماشالادى، سول كەزدەگى چۋانجوۋ قالالىق مادەنيەت مەكەمەسىنىڭ ورىنباسار باستىعى چىن رىشىڭ ەسكە الىپ، بىلاي دەدى: جياڭ زىمين جولداس وتە مۇقيات كوردى، ويىن اياقتاعان كەزدە، ول بالا ارتيستەرمەن ءبىر - بىرلەپ قول الىستى، اۋەلى، دۇڭشياۋدى بار پەيىلىمەن ۇرلەپ كوردى.
”سول كەزدە جياڭ زىمين جولداسپەن قول الىسقان بالالاردىڭ كوبى كەيىن كەلە چۋانجوۋدىڭ تاڭداۋلى ءداستۇرلى مادەنيەتىنە مۇراگەرلىك ەتكەن تىرەكتىلەرگە اينالدى“. چىن رىشىڭ بىلاي دەدى: وزىق مادەنيەتتىڭ دامۋىن ىلگەرىلەتۋدى جياڭ زىمين جولداس ەسىنەن شىعارعان ەمەس. جاڭا داۋىردەگى ۇلى اماليات بارىسىندا سوتسياليستىك رۋحاني وركەنيەت قۇرىلىسىن ىلگەرىلەتۋدە ۇزدىكسىز تىڭ تابىستارعا قول جەتكىزۋ − جياڭ زىمين جولداستى شىن ىقىلاسپەن ريزا ەتكەندىك.
مۇراتىنا مۇراگەرلىك ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋ جولىندا ۇزدىكسىز ىنتىماقتاسا كۇرەس جۇرگىزەمىز
جياڭشي ولكەسى جيۋجياڭ قالاسى يۇڭشيۋ اۋدانى ليشين اۋىلى 1998 - جىلعى چاڭجياڭ وزەنىندەگى اۋىر تاسقىن اپاتى تۋىلعان ءوڭىر. سول جىلدارى اپات ەڭ اۋىر بولعان كۇندەردە جياڭ زىمين جولداستىڭ جاڭبىرعا قاراماي توسپاعا كەلىپ، اپات جاعدايىن تەكسەرىپ، بۇقارادان حال سۇراعاندىعى وسىنداعى اۋىلداستاردىڭ كۇنى بۇگىنگە دەيىن ەسىندە.
”جياڭ زىمين جولداس مەنىمەن ىقىلاسپەن قول الىسىپ، ءبىزدى ءبىر نيەت، ءبىر تىلەكتە بولىپ، اۋىر اپاتتان كەيىن اتا مەكەنىمىزدى قايتا قۇرۋعا شابىتتاندىرىپ، بۇقاراعا زور قولداۋ كورسەتتى جانە شابىت بەردى“. سول كەزدەگى ليشين اۋىلى چىشي قىستاعى تۇرعىندار كوميتەتىنىڭ مەڭگەرۋشىسى ياڭ چاڭجى تەبىرەنە بىلاي دەدى: ”سودان بەرى 24 جىل وتە شىعىپتى، قيىنشىلىققا تاپ بولعاندا، ول كىسىنىڭ ءسوزى ەسىمە تۇسەدى دە، رۋحىم سەرپىلىپ، قايراتىم تاسقىندايدى. قازىر تۇرمىسىمىز بارعان سايىن جاقساردى، ول كىسىنى شىن جۇرەكتەن ساعىنامىز“.
گۇيياڭ، چيانتاۋ بۋ - ي، مياۋزۋ اۋىلى چيلۇڭ قىستاعى لو - ي جاڭا قورجاسى.
بىرنەشە كۇننەن بەرى، چيلۇڭ قىستاعى پارتيا ياچەيكاسىنىڭ 48 جاستاعى شۋجيى ليۋ چييۇن اۋىر قايعىعا شومدى. 1996 - جىلى 10 - ايدا جياڭ زىمين جولداس گۇيجوۋ ولكەسىندە قىزمەت تەكسەرگەن كەزىندە لو - ي جاڭا قورجاسىنا بارىپ، لاۋياشان تاۋىنان وسى اراعا كوشىپ كەلگەن مياۋزۋ باۋىرلاستارعا امانداسقان ەدى.
”جياڭ زىمين جولداس تاۋلى وڭىردەگى از ۇلت بۇقاراسىن، كەدەي وڭىردەگى بۇقارانىڭ تۇرمىسىن، حال - جايىن ەسىنەن شىعارمادى“. سول كەزدە ورتا تەحنيكۋم تاۋىسىپ قىستاققا شىنىعۋعا جاڭا كەلگەن ليۋ چييۇننىڭ ءالى ەسىندە، تەڭىز دەڭگەيىنەن 1500 نەشە مەتر بيىكتىكتەگى لاۋياشان تاۋىندا سول كەزدە 23 مياۋزۋ وتباسى تۇراتىن، اۋىز سۋ تاپشى، ەلەكتر، جول جوق ەدى. كەدەي بەت - بەينەنى وزگەرتۋ ءۇشىن، جەرگىلىكتى ورىن تاۋ ەتەگىنەن لو - ي جاڭا قورجاسىن سالدى، بۇقارا تاس كەرپىش، اعاش، قاڭىلتاق كەرپىشتەن سالىنعان ۇيگە كوشىپ كىردى، سۋ، ەلەكتر، جول جەتكىزىلدى.
ليۋ چييۇن بىلاي دەدى: ”ول تۇستا ىشەر اس، كيەر كيىم ماسەلەسىن ەندى عانا شەشكەنبىز، قازىر تۇتاس قىستاقتىڭ جىلدىق جان باسىندىق تازا كىرىسى 20 مىڭ يۋاننان استى. ءبىز جاڭا داۋىردە اۋىل - قىستاقتى گۇلدەندىرۋدىڭ جاڭا كارتيناسىن ۇزدىكسىز سالىپ، اناعۇرلىم تاماشا تۇرمىس ارقىلى جياڭ زىمين جولداستى ريزا ەتۋىمىز كەرەك“.
قارلى القاپ، بيىك ۇستىرتتە زاڭزۋ باۋىرلاستار جياڭ زىمين جولداستى تەرەڭ ساعىنا ەسكە الدى.
جياڭ زىمين جولداستىڭ قايتىس بولعاندىعى تۋرالى حاباردى ەستىگەن 84 جاستاعى لوساڭ قاريا ءوزى جياڭ زىمين جولداسقا حادا ۇسىنىپ تۇرعان سۋرەتتى قولىنا الىپ، تەرەڭ سەزىممەن ەسكە الدى.
1998 - جىلى 3 - ايدا جياڭ زىمين جولداس مەملەكەتتىك 9 - كەزەكتى حالىق قۇرىلتايىنىڭ 1 - ماجىلىسىنە قاتىناسقان شيزاڭ ۋاكىلدەر ۇيىرمەسىنە كەلىپ، ۋاكىلدەرمەن بىرگە ۇكىمەت قىزمەتىنەن باياندامانى قارادى. سول كەزدەگى مەملەكەتتىك حالىق قۇرىلتايىنىڭ ۋاكىلى، لحاسا قالاسى چىڭگۋان رايونى شۋە تۇرعىندار كوميتەتى پارتيا ياچەيكاسىنىڭ شۋجيى لوساڭ جياڭ زىمين جولداسقا اپپاق حادا ۇسىنىپ، پارتيا ورتالىق كوميتەتىنىڭ شيزاڭداعى ءار ۇلت حالقىنا دەگەن قامقورلىعىنا العىس ايتتى.
”عاسىرلار توعىسىنداعى تاريحي ورايدى يگەرىپ، باتىس بولىك وڭىرلەرىن اشۋ اياق الىسىن تەزدەتۋ كەرەك“. 1999 - جىلى جياڭ زىمين جولداس ”باتىس بولىكتى قاۋىرت اشۋ“ ستراتەگيالىق ويىن العا قويدى. جاڭا عاسىردى بەتكە العان وسى كەلەلى شەشىم شيزاڭنىڭ شاپشاڭ دامۋى ءۇشىن جاڭا جاعداي اشىپ، ءتۇرلى ىستەرى جاپپاي ىلگەرىلەۋشىلىككە قول جەتكىزدى.
”بۇگىنگى شيزاڭدا جياڭ زىمين جولداس ارمانداعانداي قوعام جاراسىمدى دا ورنىقتى، حالىق تىنىش ءومىر، شات - شادىمان تىرشىلىك كەشىرۋدە. ءبىز ول كىسىنى ماڭگى ساعىنامىز“، - دەدى لوساڭ.
نانحاي تەڭىزىنىڭ بويىندا حاينان ەركىن ساۋدا پورتى قۇرىلىسىنىڭ جۇمىستارى الدىمەن جۇرگىزىلەتىن اۋماق رەتىندە، ياڭپۋعا بەرىلگەن الدىمەن جۇرگىزۋ، الدىمەن سىناق ەتۋ سىندى اشىق ۇستاۋ ساياساتتارى جەدەل تياناقتاندىرىلۋدا.
”ياڭپۋدىڭ قۇرىلىسىن، دامۋىن جياڭ زىمين جولداستىڭ كوڭىل ءبولۋى مەن قامقورلىعىنان بولە قاراۋعا بولمايدى“. حاينان ولكەسى دانجوۋ قالالىق پارتكومنىڭ تۇراقتى مۇشەسى، ياڭپۋ ەكونوميكالىق اشۋ رايونى قىزمەت كوميتەتىنىڭ ورىنباسار شۋجيى رىن يانشيننىڭ پاڭپۋدا تامىر تارتقانىنا 30 جىلعا تايادى. ول بىلاي دەدى: ”ءبىز زور ءۇمىتتى اقتاپ، ۇزدىكسىز العا ۇمتىلىپ، رەفورمانى، ەسىك اشۋدى تەرەڭدەتىپ، جوعارى ساپالى دامۋ جولىمەن بۇلجىماي ءجۇرىپ، ياڭپۋدى حايناننىڭ دامۋىنىڭ ايشىقتى تانىسقىسىنا، جۇڭگو ۇلگىسىندەگى وسىزامانداندىرۋدىڭ جاڭا جارقىن تۇيىنىنە اينالدىرۋىمىز كەرەك“.
2006 - جىلى جياڭ زىمين جولداس «جياڭ زىمين ماقالالارىنان تاڭدامالىلاردىڭ» 1 - تومىن، 2 - تومىن، 3 - تومىن ءوزى باسقارىپ رەداكسيالادى جانە ماقالالاردى ءبىر - بىردەن تەكسەرىپ بەكىتتى. «جياڭ زىمين ماقالالارىنان تاڭدامالىلاردى» رەداكسيالاۋ قىزمەتىنە قاتىناسقان ورتالىق پارتيا تاريحى جانە حۇجات زەرتتەۋ ورنى 3 - زەرتتەۋ ءبولىمىنىڭ ورىنباسار مەڭگەرۋشىسى جاڭ ميڭجيە قاتتى قايعىعا شومدى. ول بىلاي دەدى: ”جياڭ زىمين جولداس قاشاندا ءداۋىردىڭ دامۋ اۋقىمى مەن ورايىن مىقتى يگەرىپ، پارتيا مەن حالىقتىڭ جاندى امالياتىن نەگىز ەتە وتىرىپ تاجىريبەلەردى قورىتىندىلاۋعا، جول تابۋعا تاباندى بولدى، ىجداعاتتى بولدى ءارى ءورىس اشا العا ىلگەرىلەدى. جياڭ زىمين جولداستىڭ تاڭداۋلى قۇلقى مەن اسقاق قاسيەتى ءبىزدى ماڭگى تاربيەلەيدى جانە شابىتتاندىرادى“.
قالىڭ كادرلار مەن بۇقارا مىنالاردى ءبىلدىردى: جاڭا داۋىردەگى جاڭا جورىقتا ۇزدىكسىز اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسۋىمىز جياڭ زىمين جولداستى ەڭ جاقسى ريزا ەتۋ بولىپ تابىلادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋىمىز كەرەك.
(شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى)
