تيانشان تورى
تيانشان تورى   ›   جاڭالىقتار   ›   ماڭىزدى حابارلار

”تاريح جياڭ زىميندى ەستە ساقتايدى“

  روبەرت كۋىن:

  ”تاريح جياڭ زىميندى ەستە ساقتايدى“

  شينحۋا اگەنتتىگىنىڭ 12 - ايدىڭ 4 - كۇنى نيۋيوركتەن بەرگەن حابارى (تىلشىلەر ياڭ شىلۇڭ، ليۋ يانان). امەريكا كۋىن قور قوعامىنىڭ ءتوراعاسى، «ول جۇڭگونى وزگەرتتى: جياڭ زىميننىڭ ءومىرى» كىتابىنىڭ اۆتورى روبەرت لاۋرەنس كۋىن 12 - ايدىڭ 2 - كۇنى نيۋيوركتە شينحۋا اگەنتتىگىنىڭ ءتىلشىسىنىڭ جازباشا ارنايى سۇحباتىن قابىلداعاندا مىنانى ءبىلدىردى: جياڭ زىمين مىندەتتەگى كەزىندە جۇڭگونىڭ رەفورما جاساۋ، ەسىك اشۋ ۇردىسىنە تاباندى بولدى جانە ونى ىلگەرىلەتتى، تاريح ونىڭ جۇڭگونىڭ رەفورما جاساۋى مەن ەسىك اشۋىنا جانە دامۋىنا قوسقان ۇلەسىن ەسىندە ساقتايدى.

  كۋىن بىلاي دەدى: جياڭ زىميننىڭ قايتىس بولعان حابارىن ەستىگەنىمدە، ءبىر وتباسى مۇشەمىزدەن ايرىلعانداي سەزىمدە بولدىم، مۇنىڭ سەبەبى مەن تالاي جىل ۋاقىت جۇمساپ، جياڭ زىميننىڭ ءومىر بايانىن جازعان ەدىم.

  ول بىلاي دەدى: جياڭ زىمين 1989 - جىلى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولعان كەزدە، جۇڭگو وراسان زور قىسىمعا ءدوپ كەلىپ تۇرعان ەدى، ونىڭ ماڭداي الدى مىندەتى ەل ءىشىنىڭ ورنىقتىلىعىن قالپىنا كەلتىرۋ بولدى.

  كۋىن بىلاي دەدى: جياڭ زىمين رەفورمانى ىلگەرىلەتۋگە ۇزاق ۋاقىت كۇش سالدى، ول وتكەن عاسىردىڭ 80 - جىلدارىنىڭ العاشقى مەزگىلىندەگى جانە ورتا مەزگىلىندەگى ەكونوميكالىق ەرەكشە رايون قۇرۋعا، جوسپارلاۋعا تىكەلەي ات سالىستى. 1995 - جىلدان 1996 - جىلعا دەيىنگى اقشانىڭ ەرەسەن قۇنسىزدانۋى مەن 1997 - جىلعى ازيا فينانس داعدارىسى الا كەلگەن سايىس الدىندا، جياڭ زىمين جۇڭگونىڭ ورنىقتىلىعىن ساقتاۋدى جانە رەفورما جاساۋدى، ەسىك اشۋدى ىلگەرىلەتتى. ول سول كەزدە مەملەكەتتىك كەڭەستىڭ زۇڭليى مىندەتىن ارقالاعان جۋ رۇڭجيمەن بىرگە جۇڭگونىڭ 2001 - جىلى دۇنيە ءجۇزى ساۋدا ۇيىمىنا كىرۋىندەي كەلەلى بەلەستىك نىسانانى جۇزەگە اسىردى. بۇل جۇڭگونىڭ رەفورما جاساۋىنا، ەسىك اشۋىنا جانە ەكونوميكاسىنىڭ ۇزدىكسىز ارتۋىنا ”ماڭىزدى ارنا ورناتتى“.

  كۋىن بىلاي دەدى: جياڭ زىمين داۋىرمەن بىرگە ىلگەرىلەپ، ”ۇشكە ۋاكىلدىك ەتۋ“ ماڭىزدى يدەياسىن العا قويدى. كۋىن مىنالاردى ءبىلدىردى: ”بولاشاقتاعى تاريحشىلار تاريحقا قايىرىلا قاراعاندا، جياڭ زىميننىڭ جۇڭگو پارتياسىنىڭ جانە مەملەكەتىنىڭ باسشىسى مىندەتىن ۇستىنە العان مەزگىلىن جۇڭگونىڭ رەفورما جاساۋعا، ەسىك اشۋعا تاباندى بولعان جانە ونى ىلگەرىلەتكەن مەزگىلى دەپ تۇراقتاندىراتىن بولادى“.

  كۋىن بىلاي دەدى: جياڭ زىميننىڭ جايدارمان مىنەزى ونىڭ شەتەل باسشىلارىمەن قويۋ قارىم - قاتىناس ورناتۋىنا مۇمكىندىك جاسادى. تىلگە دەگەن قىزىعۋشىلىعى جياڭ زىميندى تۇرلىشە مادەنيەتتەر جونىندە تەرەڭ تۇسىنىككە يە ەتتى، ونىڭ 1997 - جىلعى امەريكاداعى مەملەكەتتىك ساپارى وراسان زور تابىس. جياڭ زىمين حارۆارد داشۋەسىندە اعىلشىن تىلىندە لەكسيا سويلەدى، ونىڭ سەنىمگە تولى جانە تارتىمدى جاۋاپتارىن بارلىق ادام القادى.

  كۋىن مىنالاردى ءبىلدىردى: جياڭ زىمين 2000 - جىلى امەريكانىڭ ايگىلى تەلە باعدارلاماسىنىڭ جۇرگىزۋشىسى مايك ۋاللاستىڭ ارناۋلى سۇحباتىن قابىلداعانداعى سەنىمگە تولى، پاراساتتى دا تارتىمدى جاۋاپتارى امەريكالىقتارعا اناعۇرلىم شىنايى جۇڭگونى تانىتتى.

     كۋىن سوڭىندا بىلاي دەدى: ”تاريح جياڭ زىميندى ەستە ساقتايدى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.