شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى. كوپتەگەن ەلدەردىڭ باسشىلارى مەملەكەت ءتوراعاسى شي جينپيڭگە ۇزدىكسىز كوڭىل ايتۋ تەلەگرامماسىن جولداپ، كوڭىل ايتۋ حاتىن جىبەردى، سونداي - اق باسقا فورمالار ارقىلى جياڭ زىمين جولداستىڭ قايتىس بولعاندىعىنا قايعىلى ازا ءبىلدىردى.
تايلاندتىڭ پاتشاسى ۆاجيرالوڭكورن مىنانى ءبىلدىردى: ءتوراعا جياڭ زىمين حالىقاراعا تانىمال جۇڭگو باسشىسى بولۋمەن بىرگە، تايلاند حالقىنىڭ دا ەرەكشە قۇرمەتىنە بولەنگەن جاقىنى. ءتوراعا جياڭ زىميننىڭ 1999 - جىلى تايلاندتا بولعان مەملەكەتتىك ساپارى تايلاند - جۇڭگو قارىم - قاتىناسىنىڭ دامۋىن بارىنشا ىلگەرىلەتتى.
ماروككونىڭ پاتشاسى مۇحاممەد Ⅵمىنانى ءبىلدىردى: ءتوراعا جياڭ زىمين جۇڭگونىڭ دامۋىن جەبەۋ، جۇڭگونىڭ حالىقاراداعى بەدەلىن جوعارىلاتۋ ءۇشىن كورنەكتى ۇلەس قوستى.
ناميبيانىڭ زۇڭتۇڭى گەينگوب مىنانى ءبىلدىردى: ءتوراعا جياڭ زىميننىڭ ناميبيانىڭ تاۋەلسىزدىككە قول جەتكىزۋىنە جانە ەكونوميكالىق، قوعامدىق دامۋىنا قوسقان وشپەس ۇلەسىن القايمىز. ءتوراعا جياڭ زىميننىڭ قايتىس بولۋى جۇڭگو حالقى مەن جۇڭگو كوممۋنيستىك پارتياسى ءۇشىن جوعالتۋ بولىپ قالماستان، ناميبيا ءۇشىن دە جوعالتۋ بولىپ تابىلادى.
برازيليانىڭ زۇڭتۇڭى بولسونارو مىنانى ءبىلدىردى: برازيليا - جۇڭگو قارىم - قاتىناسى ءتوراعا جياڭ زىمين مىندەت اتقارعان كەزدە ستراتەگيالىق سەرىكتەستىك قارىم - قاتىناس دەڭگەيىنە كوتەرىلىپ، برازيليا جۇڭگومەن ستراتەگيالىق سەرىكتەستىك قارىم - قاتىناسىن ورناتقان العاشقى وركەندەپ كەلە جاتقان ەلگە اينالدى. جۇڭگو ۇكىمەتىنەن جانە حالقىنان ەڭ شىنايى حال سۇرايمىن.
اراب بىرىككەن امىرلىگىنىڭ زۇڭتۇڭى مۇحاممەد، كاتاردىڭ ءامىرى تاميم، وماننىڭ سۇلتانى قاسسام، باحرەيننىڭ پاتشاسى حاماد، يەمەن زۇڭتۇڭ باسشىلىق كوميتەتىنىڭ ءتوراعاسى اليمي، مالاۆيدىڭ زۇڭتۇڭى چاكۆيرا، گۋينەيانىڭ زۇڭتۇڭى دۋمبۋيا، كيريباتيدىڭ زۇڭتۇڭى ماماۋ، اراب بىرىككەن امىرلىگىنىڭ ورىنباسار زۇڭتۇڭى ءارى زۇڭليى مۇحاممەد، كاتاردىڭ ورىنباسار ءامىرى ابدۇللا، سونداي - اق باس ءۋازىرى ءارى ىشكى ىستەر ءۋازىرى حاليد، لاوس ۇكىمەتىنىڭ زۇڭليى فان كان، ماۋريتيۋستىڭ زۇڭليى جاگنارت قاتارلىلار دا جياڭ زىمين جولداستىڭ قايتىس بولعاندىعى بايلانىسىمەن جياڭ زىمين جولداستىڭ ءۇي ىشىندەگىلەردەن، جۇڭگو ۇكىمەتىنەن جانە جۇڭگو حالقىنان ەڭ شىنايى حال سۇرادى.
