تيانشان تورى
تيانشان تورى   ›   جاڭالىقتار   ›   شينجياڭ حابارلارى

نەگىزگى زاڭنىڭ كۇللى جۇرتقا جەتۋىن، جۇرت جۇرەگىنە تەرەڭ ۇيالاۋىن ىلگەرىلەتتى

  رايونىمىزدىڭ جەر - جەرى نەگىزگى زاڭدى ۇيرەنۋ، ۇگىتتەۋ تاربيە قيمىلىن كەڭ كولەمدى ورىستەتتى

  نەگىزگى زاڭنىڭ كۇللى جۇرتقا جەتۋىن، جۇرت جۇرەگىنە تەرەڭ ۇيالاۋىن ىلگەرىلەتتى

  انار بۇلت \ شينجياڭ گازەتىنىڭ ءتىلشىسى سۇي يۇنيان 12 - ايدىڭ 4 - كۇنى ۇرىمجىدەن حابارلايدى. بيىل ەلىمىزدىڭ قازىرگى نەگىزگى زاڭى جاريالانىپ اتقارىلعاندىعىنىڭ 40 جىلدىعى، 12 - ايدىڭ 4 - كۇنى − مەملەكەتتىڭ 9 - رەتكى نەگىزگى زاڭ كۇنى، سونداي - اق بەسىنشى رەتكى“ نەگىزگى زاڭ ۇگىت اپتالىعى“ دا جەتىپ كەلدى. رايونىمىزدىڭ جەر - جەرى نەگىزگى زاڭدى ۇيرەنۋ، ۇگىتتەۋ تاربيە قيمىلىن كەڭ كولەمدى ورىستەتىپ، نەگىزگى زاڭنىڭ كۇللى جۇرتقا جەتۋىن، جۇرت جۇرەگىنە تەرەڭ ۇيالاۋىن ىلگەرىلەتتى.

  12 - ايدىڭ 4 - كۇنى تۇستەن بۇرىن جەمەنەي اۋدانى ورتالىق كوشە اۋماقتارىندا شوعىرلى ۇگىت قيمىلدارىن ورىستەتتى. بۇكىل اۋدانداعى زاڭ جالپىلاستىرۋعا مۇشە 16 ورىن ۇگىت كەرمە تۋىن ءىلىپ، زاڭ جالپىلاستىرۋ كورمە تاقتاسىن ءتىزىپ، زاڭ جالپىلاستىرۋ ماتەريالدارىن تاراتىپ، نەگىزگى زاڭ بەينەجازبالارىن قويىپ، مەملەكەتتى نەگىزگى زاڭمەن باسقارۋ، نەگىزگى زاڭمەن بيلىك جۇرگىزۋ ۇستانىمىن ىشكەرىلەي ءتۇسىندىرىپ، زاڭ بىلىمدەرىن ۇگىتتەدى جانە جالپىلاستىردى. ”وسى تاسىلدەر ارقىلى بۇقارانىڭ تۇسىنە الۋىنا، ەستە ساقتاۋىنا مۇمكىندىك جاسالدى، بۇل وتە جاقسى بولدى“، - دەدى وسى اۋداننىڭ تۇرعىنى ەسحات.

  12 - ايدىڭ 4 - كۇنى تۇستەن بۇرىن قۇمىل قالالىق ءادىليا مەكەمەسى، حالىق پروكۋراتۋراسى سياقتى ورىنداردىڭ پارتيا، اكىمشىلىك نەگىزگى جاۋاپتىلارى جەكە - جەكە پارتيا 20 - قۇرىلتايىنىڭ رۋحىن، نەگىزگى زاڭعا قاتىستى بىلىمدەردى باستى مازمۇن ەتكەن ارناۋلى تاقىرىپتىق زاڭمەن باسقارۋ ساباعىن ءوتتى. قۇمىل قالالىق حالىق پروكۋراتۋراسى 5 - پروكۋرورلىق ءبولىمىنىڭ پروكۋرورى يۇي شا مىنالاردى ءبىلدىردى: سەرتتى ەستە بەرىك ساقتاپ، نەگىزگى زاڭعا ادال بولىپ، نەگىزگى زاڭ رۋحىنا دەگەن قۇرمەت پەن سەنىمدى قاشاندا ءاربىر دەلونى ءبىتىرۋ بارىسىندا بەينەلەپ، حالىق بۇقاراسىنا ادىلدىكتىڭ، تۋراشىلدىقتىڭ ءوز جانىندا ەكەندىگىن شىنايى سەزىندىرۋ كەرەك.

  اراسان اۋداندىق قوعام حاۋىپسىزدىگى مەكەمەسىندەگى ءتۇرلى ساقشىلار نەگىزگى زاڭدى ۇگىتتەۋ قيمىلىن بىرلەسىپ ورىستەتىپ، بۇقاراعا نەگىزگى زاڭنىڭ نەگىزگى پرينسيبىن، باستى مازمۇنىن، سونداي - اق ەڭ جاڭا وزگەرىس ەنگىزىلگەن مازمۇنىن ۇگىتتەپ، بۇقارانى نەگىزگى زاڭدى قۇرمەتتەۋ، نەگىزگى زاڭدى ۇيرەنۋ، نەگىزگى زاڭعا بويسۇنۋ، نەگىزگى زاڭدى قورعاۋ، نەگىزگى زاڭدى قولدانۋ تانىمىن جوعارىلاتۋعا جەتەكتەدى. حالىق ساقشىلارى بۇقارا نازار اۋدارعان كۋالىك ءبىتىرۋ، ۇقىق - مۇددەنى قورعاۋ سياقتى جاقتارداعى مازمۇندارعا مەڭزەس زاڭدىق اقىل - كەڭەس بەرۋ قىزمەت وتەۋىن ورىستەتتى.

  باي اۋداندىق قوعام حاۋىپسىزدىگى مەكەمەسى ۋىنباس ساقشى بولىمشەسىنىڭ حالىق ساقشىلارى ۋىنباس اۋىلدىق ءادىليا بولىمشەسىنىڭ كادرلارىمەن بىرلەسىپ، حۋاليڭ سيىر شارۋاشىلىعى باي شەكتى سەرىكتەسىتگىندە ”كاسىپورىندارعا زاڭ جەتكىزۋ“ زاڭ جالپىلاستىرۋ ۇگىت قيمىلىن ورىستەتتى. ءادىليا بولىمشەسىنىڭ كادرى ءرابيام سامەت بىلاي دەدى: كاسىپورىننان سىرت، ءبىز تاعى مەكتەپ، الەۋمەتتىك اۋماق، اۋىل - قىستاق سياقتى ورىندارعا دا بارىپ، نەگىزگى زاڭ، زاڭ بىلىمدەرىن جالپىلاستىرىپ، نەگىزگى زاڭ رۋحىن نەگىزگى ساتىدا تەرەڭدەتىپ، زاڭمەن باسقارۋ يدەياسىن جۇرت جۇرەگىنە ۇيالاتۋعا مۇمكىندىك جاسايمىز.

  ءپىشان اۋداندىق 2 - ورتا مەكتەپ وقۋشىلاردى ”نەگىزگى زاڭدى تاڭعى وقۋ“ قيمىلىن ورىستەتۋگە ۇيىمداستىرىپ، بارلىق وقىتۋشى - وقۋشىلاردىڭ زاڭ تانىمىن كۇشەيتىپ، وقىتۋشى - وقۋشىلاردى سوتسياليستىك زاڭمەن باسقارۋدىڭ ادال ارداقتاۋشىلارى، سانالى بويسۇنۋشىلارى، باتىل قورعاۋشىلارى بولۋعا جەتەكتەدى.

  بۋىرشىن اۋداندىق ءادىليا مەكەمەسى قوم قاناس موڭعۇل ۇلتتىق اۋىلىندا ”نەگىزگى زاڭدى كورىنىس وڭىرىنە جەتكىزۋ“ ۇگىت قيمىلىن ورىستەتىپ، بۇقارا مەن ساياحاتشىلارعا نەگىزگى زاڭ وقۋلىقتارىن، نەگىزگى زاڭ ۇگىت بۇيىمدارىن، زاڭ، زاڭ ەرەجە ۇگىت قاعازدارىن تاراتتى. ”ءاربىر ازامات نەگىزگى زاڭدى، زاڭداردى ۇيرەنىپ، زاڭدى قۇرمەتتەۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ تانىمىن جوعارىلاتىپ، زاڭمەن باسقارىلاتىن قوعام قۇرۋعا ۇلەس قوسۋى كەرەك“، - دەدى حاڭجوۋدان كەلگەن ساياحاتشى لي چۇنشىڭ.

  تەكەس اۋدانى شولاقتەرەك قالاشىعى جاڭا ءداۋىر وركەنيەت امالياتى ورنىنىڭ ەرىكتىلەرى كوشە بويلارىندا ۇگىت قاعازىن تاراتىپ، نەگىزگى زاڭ، ازاماتتىق زاڭناما، زاڭدىق كومەك زاڭى، حالىقتىق جاراستىرۋ زاڭى سياقتى حالىق بۇقاراسىنىڭ تۇرمىسىمەن تىعىز قاتىستى زاڭ، زاڭ ەرەجەلەردى ۇگىتتەپ، كوپشىلىكتى نەگىزگى زاڭ، زاڭداردى بارىنەن جوعارى قويۋ، زاڭ الدىندا بارلىق ادام تەڭ بولۋداي زاڭمەن باسقارۋ ۇستانىمىن ورناتۋعا جەتەكتەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.