تيانشان تورى
تيانشان تورى   ›   جاڭالىقتار   ›   شينجياڭ حابارلارى

”ساۋدا ويلاعانىمىزدان جاقسى بولدى“

  ءۇرىمجى قالاسىنداعى ءىشىنارا اۋىل شارۋاشىلىق ساۋدا بازارلارى تيجاراتتى قالپىنا كەلتىردى

  ”ساۋدا ويلاعانىمىزدان جاقسى بولدى“

  انار بۇلت \ شينجياڭ گازەتىنىڭ ءتىلشىسى حۋ دامين 12 - ايدىڭ 4 - كۇنى ۇرىمجىدەن حابارلايدى. 12 - ايدىڭ 4 - كۇنى ءۇرىمجى قالاسىنداعى ءىشىنارا اۋىل شارۋاشىلىق ساۋدا بازارلارى تيجاراتتى قالپىنا كەلتىردى، ءتىلشى باسى - قاسىندا ۇعىسۋ بارىسىندا قالا تۇرعىندارىنىڭ بازار ىشىندە تۇرمىستىق قاجەتتى بۇيىمداردى تارتىپپەن ساتىپ الىپ جاتقاندىعىن كوردى.

  12 - ايدىڭ 4 - كۇنى تۇستە ءتىلشى ءۇرىمجى قالاسى شۇيموگوۋ رايونى نانحۋ شىعىس جولى 2 - كوشەسىنە ورنالاسقان چاڭچيڭ اۋىل شارۋاشىلىق ساۋدا بازارىنان قالا تۇرعىندارىنىڭ بازاردىڭ كىرەر اۋزىندا ورتا كودىن سكانەرلەپ، دەنە تەمپەراتۋراسىن ولشەتكەننەن كەيىن، تارتىپپەن بازارعا كىرىپ زات ساتىپ الىپ جۇرگەنىن كوردى.

  بازاردا كوكونىس الىپ جۇرگەن قالا تۇرعىنى ليۋ شۋەجۇن بىلاي دەدى: ”جۋىقتان بەرى شاعىن اۋماقتىڭ ماڭىنداعى دۇكەندەر ىركەس - تىركەس اشىلىپ، تيجارات باستادى، تاماقتانۋ، زات ساتىپ الۋ قولايلى بولدى. بۇگىن اۋىل شارۋاشىلىق ساۋدا بازارى دا اشىلىپ، تيجارات باستاپتى، مەن بازارعا كىرىپ ارالاپ كوردىم، ىشىندەگى دۇنيەلەر دە كوپ، كوكونىس، جەمىس - جيدەكتەر جاڭا ەكەن“.

  جاۋ ييۋان چاڭچيڭ اۋىل شارۋاشىلىق ساۋدا بازارىندا جەمىس - جيدەك دۇكەنىن اشادى، ونىڭ دۇكەنىندە 20 نەشە ءتۇرلى جاس جەمىس - جيدەك بار. جاۋ ييۋان بىلاي دەدى: ”12 - ايدىڭ 2 - كۇنى بازاردىڭ تيجاراتتى قالپىنا كەلتىرۋ حابارلاندىرۋىن تاپسىرىپ العان سوڭ، ەرتەسى دۇكەنگە كەلىپ تازالىق ىستەپ، زارارسىزداندىرىپ، ميكروبىن جويدىم. بۇگىن تاڭ اتپاستان كولىكپەن جيۋديڭ بازارىنا بارىپ، 6000 نەشە يۋاننىڭ جەمىس - جيدەگىن كىرگىزدىم“. سول كۇنى جاۋ ييۋاننىڭ دۇكەنىنىڭ ساتىلىم سوماسى 2000 يۋاننان اسىپتى، ”ساۋدا ويلاعانىمىزدان جاقسى بولدى“.

  چاڭچيڭ اۋىل شارۋاشىلىق ساۋدا بازارىنىڭ حاۋىپسىزدىك قورعاۋعا جاۋاپتى ديرەكتورى يۋان جيانجياڭ بىلاي دەيدى: بازار 960 شارشى مەتر، تيجارات جۇرگىزەتىن 64 دۇكەن بار، تيجاراتتى قالپىنا كەلتىرگەن ءبىرىنشى كۇنى دۇكەنشىلەردىڭ ۇشتەن ەكىسى دۇكەندەرىن اشىپ، قاريدار قابىلدادى، ”ءبىز ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، دۇكەنشىلەرگە قىزمەت وتەۋ، قامتاماسىزداندىرۋ جۇمىستارىن بارىنشا ويداعىداي ىستەپ، بازاردىڭ قالىپتى تيجارات جۇرگىزۋىنە شىنايى كەپىلدىك ەتەمىز“.

  سول كۇنى ءتىلشى ءۇرىمجى قالاسى شيحۇڭ شىعىس جولىنا ورنالاسقان شينمين شىعىس كوشەسى ليڭچيڭ اۋىل شارۋاشىلىق ساۋدا بازارىنان ول جەردىڭ دە تيجاراتتى قالپىنا كەلتىرگەندىگىن كوردى، قالا تۇرعىندارى بازار ىشىندە تارتىپپەن زات ساتىپ الىپ ءجۇر ەكەن. ”بۇگىن تاڭەرتەڭ ساعات 9 دا بازار رەسمي تيجارات باستادى، مولشەرمەن كەشكى ساعات 8 دە جابامىز“. شينمين شىعىس كوشەسى ليڭچيڭ اۋىل شارۋاشىلىق بازارىن باسقارۋ كەڭسەسىنىڭ ديرەكتورى مامەت يمىن بىلاي دەدى: قالا تۇرعىندارى بازارعا كىرۋدەن بۇرىن ورتا كودىن سكانەرلەۋى كەرەك، باسقارۋشى قىزمەتكەرلەر ءار كۇنى بازاردى 3 رەت زارارسىزداندىرىپ، ميكروبىن جويىپ، ىندەتتەن ساقتانۋ جۇمىستارىن ەگجەي - تەگجەيلى، ناقتى ىستەپ جاتىر.

  ءتىلشى ءۇرىمجى قالاسى تيانشان رايونىنىڭ، سايباق رايونىنىڭ، جوعارى، جاڭا تەحنيكالىق كاسىپ سالالارىن اشۋ رايونىنىڭ (جاڭا قالا رايونى) قاتىستى تاراۋلارىنان مىنانى ۇعىستى: قازىر وسى رايونداردىڭ اۋىل شارۋاشىلىق ساۋدا بازارلارى تيجاراتتى ىركەس - تىركەس قالپىنا كەلتىرۋدە ەكەن، مۇنىڭ ىشىندە جوعارى، جاڭا تەحنيكالىق كاسىپ سالالارىن اشۋ رايونىنىڭ (جاڭا قالا رايونىنىڭ) 7 - كوشە اۋىل شارۋاشىلىق ساۋدا بازارىن قامتىعان 10 اۋىل شارۋاشىلىق ساۋدا بازارى تيجاراتتى قالپىنا كەلتىرىپتى، تيانشان رايونىنان دا 2 اۋىل شارۋاشىلىق ساۋدا بازارى تيجاراتتى قالپىنا كەلتىرىپتى.

  ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) بازاردى باقىلاۋ - باسقارۋ مەكەمەسىنىڭ قاتىستى جاۋاپتىسى مىنالاردى ءبىلدىردى: بازار باقىلاۋ - باسقارۋ تاراۋلارى قاراستى اۋماقتاعى اۋىل شارۋاشىلىق ساۋدا بازارلارىنىڭ تاۋارلاردى تولايىم ساتۋ قاينارلارىنا، ارالىق بۋىندارىنا جانە بولشەك ساتۋ تەرمينالدارىنا ”تۇتاس تىزبەكتى، جاپپاي قامتىعان“ باقىلاۋ - باسقارۋ جۇرگىزىپ، ساۋداگەرلەردى جۇيەلى تيجارات جۇرگىزۋگە باستاپ، قۋزاپ، زات باعاسىن قىمباتتاتۋ سياقتى زاڭعا قايشى ارەكەتتەردى قاتاڭ تەكسەرىپ ءبىر جايلى ەتىپ، زات قاينارىنىڭ جەتكىلىكتى، كەلۋ قاينارىنىڭ انىق، ساپاسىنىڭ جاقسى، باعاسىنىڭ ورنىقتى بولۋىن شىنايى قامتاماسىز ەتەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.