جاڭ جۋ جاۋاپتى سالادا پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى
شينجياڭنىڭ ۇيىمداستىرۋ قىزمەتىنىڭ جوعارى ساپالى دامۋىن قۇلشىنا ىلگەرىلەتەيىك
انار بۇلت \ شينجياڭ گازەتىنىڭ ءتىلشىسى جاڭ يانفاڭ 12 - ايدىڭ 4 - كۇنى ۇرىمجىدەن حابارلايدى. جۋىقتا اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ جۋ بەينە ەكران ءماجىلىسى تاسىلىندە جاۋاپتى سالادا پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى.
جاڭ جۋ مىنالاردى اتاپ كورسەتتى: پارتيا 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىنا ارشىندى قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان ءبىر رەتكى توتەنشە ماڭىزدى قۇرىلتاي. باس شۋجي شي جينپيڭ جاساعان بايانداما − پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ تىڭ جەڭىسىنە قول جەتكىزۋىنىڭ ساياسي جارناماسى جانە ارەكەت باعدارناماسى. قۇرىلتايدىڭ رۋحىن تولىق، دۇرىس، جان - جاقتى ءتۇسىنىپ، جاڭا داۋىردەگى جاڭا جورىقتا شينجياڭنىڭ ۇيىمداستىرۋ قىزمەتىنىڭ جوعارى ساپالى دامۋىن قۇلشىنا ىلگەرىلەتۋ كەرەك.
جاڭ جۋ بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتىپ، ”ەكىنى تۇراقتاندىرۋدى“ قورعاۋدى، ”ەكىنى قورعاۋدى“ ورىنداۋدى ۇيىمداستىرۋ قىزمەتىنىڭ تۇتاس بارىسىنىڭ بارلىق جاعىندا دايەكتىلەندىرۋ، ايگىلەۋ كەرەك. قۇرىلتاي ۇيىمداستىرۋ قىزمەتىنە جۇكتەگەن جاڭا بورىشقا، جاڭا مىندەتكە، جاڭا تالاپقا جاپپاي تۋرالانىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى زەيىن - زەردەنى ۇيىستىرۋعا، رۋحتى سومداۋعا مىزعىماي تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جوعارى ساپالى ماماندانعان كادرلار قوسىنىن بار كۇشپەن قۇرىپ، پارتيا ۇيىمىنىڭ ساياسي يقۋاتى مەن ۇيىمدىق يقۋاتىن نىعايتۋعا كۇش سالىپ، دارىندىلار جاعىنداعى قۋاتتى رايون قۇرۋ ستراتەگياسىن ىشكەرىلەي اتقارىپ، ۇيىمداستىرۋ جۇيەسىنىڭ ءتۇرلى قىزمەتتەرىن تۇتاس تۇلعالىق ىلگەرىلەتۋدى، جۇيەلى ساپالىلاندىرۋدى جۇزەگە اسىرۋ كەرەك. ۇيىمداستىرۋ تاراۋلارى وزىندىك ۇيرەنۋدى، دايەكتىلەندىرۋدى ويداعىداي يگەرۋى جانە ءار دارەجەلى پارتيا ۇيىمدارىنىڭ ۇيرەنۋىن، دايەكتىلەندىرۋىن ىلگەرىلەتۋ سىندى قوس جاۋاپكەرشىلىگىن مۇقيات ادا ەتىپ، پارتيا 20 - قۇرىلتايىندا بەلگىلەنگەن ءتۇرلى نىسانالار مەن مىندەتتەردى جاپپاي تياناقتاندىرۋعا پارمەندى ۇيىمدىق كەپىل ازىرلەۋى كەرەك.
