شي جينپيڭ قاتارلى پارتيا مەن مەملەكەتتىڭ باسشى جولداستارى شيپاحاناعا بارىپ، جياڭ زىمين جولداسپەن قوشتاستى ءارى سۇيەكتى قورعاپ باباۋشانعا ورتەۋگە الىپ باردى
شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جۇڭگو حالىق ازاتتىق ارمياسى باس شيپاحاناسىنا بارىپ، جياڭ زىمين جولداسپەن قوشتاستى ءارى جياڭ زىمين جولداستىڭ سۇيەگىن قورعاپ باباۋشان توڭكەرىستىك قابىرستاندىعىنا ورتەۋگە الىپ باردى. حۋ جينتاۋ دا شيپاحاناعا بارىپ، جياڭ زىمين جولداسپەن قوشتاستى
جۇڭگو حالىق ازاتتىق ارمياسى باس شيپاحاناسىنان باباۋشانعا دەيىن، استاناداعى ءار سالا جۇرتشىلىعى ىركەس - تىركەس جول بويىنىڭ ەكى جاعالاۋىنا كەلىپ، قادىرلى جياڭ زىمين جولداسپەن قوشتاسىپ، جياڭ زىمين جولداسقا دەگەن تەرەڭ قايعىلى ساعىنىشىن ءبىلدىردى
12 - ايدىڭ 5 - كۇنى جياڭ زىمين جولداستىڭ سۇيەگى گۇلدەر مەن شىرشالار اراسىنا قويىلىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
12 - ايدىڭ 5 - كۇنى جياڭ زىمين جولداستىڭ سۇيەگى بەيجيڭدە ورتەلدى. سۋرەتتە: شي جينپيڭ جياڭ زىمين جولداستىڭ زايىبى ۋاڭ يەپيڭ مەن تۋعان - تۋىسقاندارىنان شىنايى حال سۇرادى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
12 - ايدىڭ 5 - كۇنى جياڭ زىمين جولداستىڭ سۇيەگى بەيجيڭدە ورتەلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلىلار جۇڭگو حالىق ازاتتىق ارمياسى باس شيپاحاناسىنا بارىپ، جياڭ زىمين جولداسپەن قوشتاستى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
12 - ايدىڭ 5 - كۇنى جياڭ زىمين جولداستىڭ سۇيەگى بەيجيڭدە ورتەلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلىلار جۇڭگو حالىق ازاتتىق ارمياسى باس شيپاحاناسىنا بارىپ، جياڭ زىمين جولداسپەن قوشتاستى، جياڭ زىمين جولداستىڭ سۇيەگىن تابىت ماشيناسىنا قورعاپ شىعاردى.
□ سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
شينحۋا اگەنتتىگىنىڭ 12 - ايدىڭ 5 - كۇنى بەيجيڭنەن بەرگەن حابارى. پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى جياڭ زىمين جولداستىڭ سۇيەگى 12 - ايدىڭ 5 - كۇنى بەيجيڭدە ورتەلدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جۇڭگو حالىق ازاتتىق ارمياسى باس شيپاحاناسىنا بارىپ، جياڭ زىمين جولداسپەن قوشتاستى ءارى جياڭ زىمين جولداستىڭ سۇيەگىن قورعاپ باباۋشان توڭكەرىستىك قابىرستاندىعىنا ورتەۋگە الىپ باردى. حۋ جينتاۋ دا شيپاحاناعا بارىپ، جياڭ زىمين جولداسپەن قوشتاستى.
جۇڭگو حالىق ازاتتىق ارمياسى باس شيپاحاناسىنىڭ قوشتاسۋ زالى ايبىندى دا جىم - جىرت بەينەگە شومدى. كىرشىكسىز اپپاق گۇلدەر، قارا ءتۇستى ازالىق تورعىندار ادامداردىڭ تەرەڭ قايعى - قاسىرەتىن بەينەلەدى. قوشتاسۋ زالىنىڭ جوعارعى جاعىنا اق جازۋ جازىلعان قارا ءتۇستى كەرمە تۋ ءىلىنىپ، وعان: ”جياڭ زىمين جولداس ماڭگى جاسايدى“ دەگەن ءسوز جازىلىپ، كەرمە تۋدىڭ استىڭعى جاعىنىڭ ءدال ورتاسىنا جياڭ زىمين جولداستىڭ ۇلكەن رەڭدى سۋرەتى قويىلدى. جياڭ زىمين جولداستىڭ سۇيەگى گۇلدەر مەن شىرشالار اراسىنا قويىلىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلدى. 4 قۇرمەت قاراۋىلى مىلتىقتى سەرت ۇستاپ، سۇيەكتىڭ ەكى جاعىندا كۇزەتىپ تۇردى. جياڭ زىمين جولداستىڭ سۇيەگىنىڭ الدىنا جياڭ زىمين جولداستىڭ حانىمى ۋاڭ يەپيڭ بۇكىل وتباسى اتىنان ىززەت - قۇرمەتپەن ارناعان گۇل شارباق قويىلدى، گۇل شارباقتاعى تورعىن لەنتاعا: ”ءسىز ءبىزدىڭ جۇرەگىمىزدە ماڭگى جاسايسىز“ دەگەن جازۋ جازىلعان. قوشتاسۋ زالىنىڭ ىشىنە شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ جانە جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، دەموكراتيالىق پارتيا - توپتار جانە مەملەكەتتىك ساۋدا - ونەركاسىپشىلەر بىرلەستىگى، حالىقتىق ۇيىمدار، استاناداعى ءار سالا جۇرتشىلىعى ىززەت - قۇرمەتپەن ارناعان گۇل شەڭبەرلەر قويىلدى.
تۇستەن بۇرىن ساعات 10دا باياۋ تولقىعان ازا مۋزيكاسى ءۇنى ىشىندە شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلىلار كەۋدەلەرىنە اق گۇل تاعىپ، بىلەكتەرىنە قارا بەلگى شۇپەرەك بايلاپ، باياۋ باسىپ قوشتاسۋ زالىنا كەلىپ، جياڭ زىمين جولداستىڭ سۇيەگىنىڭ الدىندا ءۇنسىز تۇردى. شي جينپيڭ قاتارلىلار جياڭ زىمين جولداستىڭ سۇيەگىنە 3 مارتە تاعزىم ەتىپ، جياڭ زىمين جولداسقا دەگەن اسقاق قۇرمەتى مەن تەرەڭ ساعىنىشىن ءبىلدىردى. وسىدان سوڭ، شي جينپيڭ قاتارلىلار جياڭ زىمين جولداستىڭ حانىمى ۋاڭ يەپيڭنەن جانە تۋعان - تۋىسقاندارىنان شىنايى حال سۇرادى.
ساعات 10نان 20 مينۋت وتكەندە 8 قۇرمەت قاراۋىلى تابىتتى يىققا سالىپ، ازا مۋزيكاسىمەن باياۋ باسىپ قوشتاسۋ زالىنان شىقتى. شي جينپيڭ قاتارلىلار جياڭ زىمين جولداستىڭ سۇيەگىن تابىت ماشيناسىنا دەيىن شىعاردى.
ساعات 10نان 30 مينۋت وتكەندە شي جينپيڭ قاتارلى پارتيا مەن مەملەكەتتىڭ باسشى جولداستارىنىڭ، جەرلەۋ كوميسسياسى كەڭسەسىنىڭ مۇشەلەرىنىڭ جانە جياڭ زىمين جولداستىڭ تۋعان - تۋىسقاندارىنىڭ قورعاۋىمەن تابىت ماشيناسى باياۋ قوزعالىپ، باباۋشان توڭكەرىستىك قابىرستاندىعىنا قاراي ءجۇردى. تابىت ماشيناسى قوزعالعان كەزدە الاڭدا قوشتاسۋعا شىققان جولداستار قاسىرەتكە باتىپ ءۇنسىز تۇرىپ، جياڭ زىمين جولداستىڭ سۇيەگى سالىنعان تابىت ماشيناسىن كوز الماي اتتاندىرىپ سالدى.
كوشە بويى جىم - جىرت ازالى كۇيگە شومىپ، بارشا جۇرت بىرگە قاسىرەتكە باتتى. جۇڭگو حالىق ازاتتىق ارمياسى باس شيپاحاناسىنان باباۋشانعا دەيىن، استاناداعى ءار سالا جۇرتشىلىعى ىركەس - تىركەس جول بويىنداعى كوشەنىڭ ەكى جاعىنا كەلىپ، قادىرلى جياڭ زىمين جولداستى سوڭعى ساپارعا شىعارىپ سالىپ، جياڭ زىمين جولداسقا دەگەن تەرەڭ قايعىلى ساعىنىشىن ءبىلدىردى.
تۇستەن بۇرىن ساعات 10نان 50 مينۋت وتكەندە تابىت ماشيناسى باباۋشان توڭكەرىستىك قابىرستاندىعىنا كىردى. ۇلكەن زالدا شي جينپيڭ قاتارلىلار جياڭ زىمين جولداستىڭ تۋعان - تۋىسقاندارىمەن بىرگە جياڭ زىمين جولداسپەن سوڭعى رەت قوشتاستى.
جۇڭگو كوممۋنيستىك پارتياسى ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك باقىلاۋ - باسقارۋ كوميتەتىندەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار مەن قارت جولداستار، دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى نەگىزگى جاۋاپتى جولداستار جانە پارتيادا، توپتا جوق قايراتكەرلەردىڭ ۋاكىلدەرى، جياڭ زىمين جولداستىڭ كوزى تىرىسىندەگى دوس - جاراندارى قاتارلىلار دا بۇگىن شيپاحاناعا بارىپ، جياڭ زىمين جولداسپەن قوشتاستى.
