تيانشان تورى
تيانشان تورى   ›   جاڭالىقتار   ›   شينجياڭ حابارلارى

ەلەۋلى حاۋىپسىزدىك حاۋىپ - قاتەرلەرىنەن ساقتانۋ جانە ونى جويۋ ساياسي جاۋاپكەرشىلىگىن باتىل ارقالاۋ كەرەك

  اۆتونوميالى رايوندىق ءوندىرىس حاۋىپسىزدىگى كوميتەتى جالپى ءماجىلىس اشتى

  ەلەۋلى حاۋىپسىزدىك حاۋىپ - قاتەرلەرىنەن ساقتانۋ جانە ونى جويۋ ساياسي جاۋاپكەرشىلىگىن باتىل ارقالاۋ كەرەك

  انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 5 - كۇنى ۇرىمجىدەن حابارلايدى. 12 - ايدىڭ 5 - كۇنى تۇستەن بۇرىن اۆتونوميالى رايوندىق ءوندىرىس حاۋىپسىزدىگى كوميتەتى جالپى ءماجىلىس اشىپ، پارتيا 20 - قۇرىلتايىنىڭ رۋحىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ حىنان ان - ياڭ قالاسى كايشيندا ساۋدا شەكتى سەرىكتەستىگىندەگى ءورت اپاتى شىرعالاڭى جونىندەگى ماڭىزدى نۇسقاۋىنىڭ رۋحىن ۇيرەندى، دايەكتىلەندىردى، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، ەلەۋلى حاۋىپسىزدىك حاۋىپ - قاتەرلەرىنەن ساقتانۋ جانە ونى جويۋ ساياسي جاۋاپكەرشىلىگىن باتىل ارقالاپ، ەسكى جىلدىڭ سوڭىنداعى، جاڭا جىلدىڭ باسىنداعى ءوندىرىس حاۋىپسىزدىگى قىزمەتتەرىن بار كۇشپەن ويداعىداي يگەرىپ، ءتۇرلى شىرعالاڭداردان، اپاتتاردان ءونىمدى ساقتانىپ جانە ونى باتىل تەجەپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىنايى قامتاماسىز ەتۋ كەرەك.

     اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: جەر - جەر، تاراۋلار، مەكەمە - ورىندار ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ساياسي دەڭگەيدى اناعۇرلىم جوعارىلاتىپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، ءوندىرىس حاۋىپسىزدىگىنىڭ جاۋاپكەرشىلىگىن، تالابىن، شارالارىن ءتۇرلى قىزمەتتەردىڭ تۇتاس سالاسىمەن، جالپى بارىسىمەن ساباقتاستىرىپ، تۇتاس رايوننىڭ ءوندىرىس حاۋىپسىزدىگى جاعدايىن باتىل ورنىقتىرۋ، مەڭگەرۋ كەرەك.

  ءماجىلىس مىنالاردى باسا دارىپتەدى: جەر - جەر، تاراۋلار ماسەلەنى باعدار ەتۋدى كورنەكتىلەندىرىپ، ءبىر - بىرلەپ تەكسەرۋدى قاتايتىپ، رەتتەۋ - وڭاۋدى كۇشەيتىپ، حاۋىپ - قاتەردى مەڭگەرىپ، كومەسكى كىناراتتاردى جويىپ، ءتۇرلى شىرعالاڭداردان، اسىرەسە، توپتىق ءولىم - ءجىتىم، جارالانۋ شىرعالاڭىنان بار كۇشپەن ساقتانۋ جانە ونى باتىل تەجەۋ كەرەك. ءبىر - بىرلەپ تەكسەرۋ، رەتتەۋ - وڭاۋ جاۋاپكەرشىلىگىن قاتاڭ تياناقتاندىرىپ، ءتۇيىندى بۋىندار مەن ماسەلە كوپ تۋىلاتىن كاسىپورىنداردى ءجىتى قاداعالاپ، جابىق اينالىمدا رەتتەۋ - تۇزەتۋ تالابىن تياناقتاندىرىپ، ءوندىرىس حاۋىپسىزدىگىن جاپپاي ءبىر - بىرلەپ تەكسەرۋ، جاپپاي رەتتەپ - وڭاۋدى ءتارتىپتى، ءونىمدى، تەبىندى ورىستەتۋدى ىلگەرىلەتۋ كەرەك. ”اۋىر ورتتەن ساقتانۋ، شاعىن ءورتتى مەڭگەرۋ، ءولىم - ءجىتىمدى تەجەۋ“ نىساناسىن مىقتاپ ارقاۋ ەتىپ، ءورت ءسوندىرۋ، ورتتەن ساقتانۋ ارناۋلى تەكسەرۋىن جەدەل ورىستەتىپ، ءورت اپاتىنان ساقتانۋ - تىزگىندەۋدىڭ نەگىزىن ۇزدىكسىز بەكەمدەۋ كەرەك. جول قاتىناس، قاتەرلى حيميالىق بۇيىمدار، ينجەنەريا قۇرىلىسى، تۇرعىندار وزدەرى سالعان ۇيلەر، جانار گاز، ونەركاسىپ جانە ساۋدا، ساياحات، تەمىر جول، رەليستى قاتىناس، حالىقتىق اۆياتسيا سياقتى كاسىپ سالالارىن ءجىتى قاداعالاپ، ءتۇرلى كومەسكى كىناراتتاردى جاپپاي ءبىر - بىرلەپ تەكسەرۋ، رەتتەۋ - وڭاۋ كەرەك. جۇمىستى، ءوندىرىستى قالپىنا كەلتىرۋ حاۋىپسىزدىك وتكەلىن قاتاڭ مەڭگەرىپ، جۇمىسقا شىعاردان بۇرىنعى حاۋىپسىزدىك تاربيەسىنە باۋلۋدى دەر كەزىندە ورىستەتۋ كەرەك. حاۋىپسىزدىككە شىنايى كەپىلدىك ەتۋ العى شارتىندا، باسىمدىققا يە ءوندىرىس قۋاتىن شىعارۋدى بەلسەندى ىلگەرىلەتىپ، حاۋىپسىز تۇردە قامداۋدى قامتاماسىز ەتۋ، قامداۋدى ارتتىرۋ قىزمەتىن اناعۇرلىم ءتارتىپتى، ورنىقتى تۇردە ويداعىداي ىستەۋ كەرەك.

  ءماجىلىس مىنالاردى اتاپ كورسەتتى: شۇعىل جاعدايعا توتەپ بەرۋدى باسقارۋ ءتۇزىلىس رەفورماسىن تەرەڭدەتىپ، شۇعىل جاعدايعا توتەپ بەرۋ دايىندىعىن كۇشەيتىپ، قامتاماسىز ەتۋ قابىلەتىن جۇيەلى جوعارىلاتۋ؛ ءتۇيىندى كورنەكتىلەندىرىپ، ورماندا، جايلىمدا ورتتەن ساقتانۋ، ءورت ءسوندىرۋ قىزمەتىن كۇشەيتۋ؛ الدىن الا ساقتاندىرۋدى كۇشەيتىپ، تومەن تەمپەراتۋرا، توڭ ءجۇرۋ، سۋىق اعىس، قالىڭ قار جانە جەر سىلكىنىسى سياقتى جاراتىلىستىق اپاتتارعا ءونىمدى توتەپ بەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ؛ حاۋىپسىزدىك ۇگىت - تاربيەسىن كۇشەيتىپ، ءوندىرىس حاۋىپسىزدىگىنىڭ يدەيالىق شەبىن بەكەمدەۋ كەرەك.

  ءماجىلىس مىنالاردى باسا دارىپتەدى: جەر - جەر، تاراۋلار، مەكەمە - ورىندار تۇتاس جىلدىق ءوندىرىس حاۋىپسىزدىگى نىسانا - مىندەتتەرىن تياناقتاندىرۋدى مۇقيات ويداعىداي يگەرىپ، باعالاۋدى، ونىمدىلىگىن قۋزاستىرۋدى كۇشەيتىپ، قىزمەتتى جۇيەلى جوسپارلاپ، اۆتونوميالى رايوننىڭ جوعارى ساپالى دامۋىنا بەرىك حاۋىپسىزدىك قامتاماسىزدىعىن ازىرلەۋى كەرەك.

  چىن ۋيجۇن، ءيۇسۇپجان مامەت، چىن ميڭگو، سۇن حۇڭمەي، ليۋ سۋشى، شۋە بين قاتارلىلار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.