حى جۇڭيوۋ جاۋاپتى سالالاردا پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى
جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنۋ كەرەك
انار بۇلت \ شينجياڭ گازەتىنىڭ ءتىلشىسى لياڭ ليحۋا 12 - ايدىڭ 5 - كۇنى ۇرىمجىدەن حابارلايدى، 12 - ايدىڭ 5 - كۇنى تۇستەن بۇرىن اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ پارتيا قۇرىلىسى، ”اۋىل شارۋاشىلىعى، اۋىل - قىستاق، شارۋالار“، سۋ يگىلىگى، ورمان، جايلىم، بۇقارالىق ۇيىمدار سياقتى جاۋاپتى سالالاردا پارتيا 20 - قۇرىلتايىنىڭ رۋحى جونىندە ۇگىت لەكسيا جاساپ: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، سەنىمدى بەكەمدەپ، شوگەلدىلىكپەن ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ شينجياڭ تاراۋىن ويداعىداي جازۋ ءۇشىن قاجىماي - تالماي كۇرەس جۇرگىزۋ كەرەك، - دەپ باسا دارىپتەدى.
حى جۇڭيوۋ بىلاي دەپ اتاپ كورسەتتى: پارتيا 20 - قۇرىلتايى − بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان توتەنشە ماڭىزدى قۇرىلتاي، ول پارتيا مەن مەملەكەتتىڭ دامۋ ۇردىسىندە اسا كەلەلى تاريحي مانگە يە. پارتيا 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى شي جينپيڭ جولداستى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى مىندەتىن جالعاستى وتەۋگە سايلادى، بۇل بۇكىل پارتياداعى جولداستاردىڭ جانە بۇكىل ەلدەگى ءار ۇلت حالقىنىڭ باس شۋجي شي جينپيڭدى شىن جۇرەكتەن قولدايتىندىعىن، وعان سەنەتىندىگىن جانە ونى قۇرمەتتەيتىندىگىن تولىق بەينەلەدى. ”ەكىنى تۇراقتاندىرۋ“ پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى رەتىندە، پارتيانىڭ بارلىق تۇراقسىزدىقتارعا توتەپ بەرۋىندەگى ەڭ ۇلكەن تۇراقتىلىعى، ەڭ ۇلكەن سەنىمى، ەڭ ۇلكەن كەپىلى بولدى.
حى جۇڭيوۋ مىنالاردى باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ساياسي سانالىلىقتى، يدەيالىق سانالىلىقتى، ارەكەت سانالىلىعىن كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋ كەرەك. جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە كەلەلى پرينسيبىن جەتە تانىپ، سەنىمدى بەكەمدەپ، قايراتتانا العا ۇمتىلىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنۋ كەرەك.
حى جۇڭيوۋ مىنالاردى تالاپ ەتتى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاپپاي ۇيرەنۋگە، جاپپاي يگەرۋگە، جاپپاي تياناقتاندىرۋعا كۇش سالۋ كەرەك. فۋنكتسيالىق قىزمەت جاۋاپكەرشىلىگىمەن تىعىز ۇشتاستىرىپ، باسىمدىلىق رولىن ساۋلەلەندىرىپ، پارتيا 20 - قۇرىلتايى رۋحىن كاسىپورىندارعا جەتكىزۋدى، اۋىل - قىستاقتارعا جەتكىزۋدى، وتباسىلارعا جەتكىزۋدى، ورگاندارعا جەتكىزۋدى جەبەۋ كەرەك. پارتيا 20 - قۇرىلتايىنىڭ بايانداماسىندا العا قويىلعان ءتۇرلى نىسانا - مىندەتتەرگە ساي، ولشەمگە، ۇلگىگە تۋرالانۋعا تاباندى بولىپ، قىزمەتتە ورىن تەپكەن ماسەلەلەردى، ولقىلىقتاردى تاۋىپ شىعۋ كەرەك. بيىلعى نىسانالار مەن مىندەتتەرگە قاداعالاي نازار اۋدارىپ، بيىلعى قىس پەن كەلەر جىلعى كوكتەمدەگى اۋىل شارۋاشىلىعى ءوندىرىسىن مىقتى يگەرىپ، اۋىل - قىستاقتى گۇلدەندىرۋ قىزمەتتەرىن ويداعىداي ىستەپ، سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ۇزدىكسىز ويداعىداي ىستەۋ، ورمان، جايلىم قىزمەتى قاتارلىلاردى ويداعىداي ىستەۋ كەرەك. پارتيانىڭ نەگىزگى ساتى ۇيىمدارى مەن پارتيا مۇشەلەرى قوسىنى قۇرىلىسىن كۇشەيتىپ، پارتيا 20 - قۇرىلتايىنىڭ رۋحىن دايەكتىلەندىرۋگە، تياناقتاندىرۋعا پارمەندى ساياسي كەپىل ازىرلەۋ كەرەك.
