جياڭ زىمين جولداسقا ازا ءبىلدىرۋ جينالىسى بەيجيڭ حالىق سارايىندا دابىرالى وتكىزىلدى
شي جينپيڭ ازالى ءسوز سويلەدى
لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ديڭ شۋەشياڭ، لي شي، ۋاڭ چيشان ازا ءبىلدىرۋ جينالىسىنا قاتىناستى، ساي چي جينالىستى باسقاردى
12 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭ حالىق سارايىندا جياڭ زىمين جولداسقا ازا ءبىلدىرۋ جينالىسىن دابىرالى وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ازا ءبىلدىرۋ جينالىسىندا ازالى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى پاڭ شيڭلۇڭ تۇسىرگەن
12 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭ حالىق سارايىندا جياڭ زىمين جولداسقا ازا ءبىلدىرۋ جينالىسىن دابىرالى وتكىزدى.
□ سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
12 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭ حالىق سارايىندا جياڭ زىمين جولداسقا ازا ءبىلدىرۋ جينالىسىن دابىرالى وتكىزدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جينالىسقا قاتىناستى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
جياڭ زىمين جولداس بىزبەن ماڭگىلىككە قوشتاستى. ونىڭ ۇلاعاتتى ەسىمى، ەڭبەگى، يدەياسى، قاسيەتى تاريحقا ماڭگى جازىلىپ، ۇرپاقتار بويى حالىق جۇرەگىندە ساقتالادى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك.
شينحۋا اگەنتتىگىنىڭ 12 - ايدىڭ 6 - كۇنى بەيجيڭنەن بەرگەن حابارى. پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى جياڭ زىمين جولداستىڭ ومىردەن ءوتۋى بۇكىل ەلدەگى ءار ۇلت حالقىن شەكسىز قايعىعا باتىردى. 12 - ايدىڭ 6 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى حالىق سارايىندا جياڭ زىمين جولداسقا ازا ءبىلدىرۋ جينالىسىن دابىرالى وتكىزدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جينالىسقا قاتىناستى. جينالىس بۇكىل ەلدەگى راديو - تەلەۆيزيا، اقپارات سايتتارى ارقىلى ۇستىنەن تىكە تاراتىلدى. بۇكىل ەل بويىنشا جوعارىدان تومەنگە دەيىن ءار ۇلت حالقى جياڭ زىمين جولداسقا قايعىلى ازا ءبىلدىردى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ازا ءبىلدىرۋ جينالىسىندا ازالى ءسوز سويلەگەن كەزدە بىلاي دەپ باسا دارىپتەدى: ءبىز جياڭ زىمين جولداستى قادىرلەيمىز، جياڭ زىمين جولداستى ساعىنا ەسكە الامىز، ويتكەنى ول عۇمىرىندا بارلىق جۇرەك قانى مەن قاجىر - قايراتىن جۇڭگو حالقىنا ارناپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ باي - قۇدىرەتتى بولۋىن، حالىقتىڭ باقىتتى بولۋىن جۇزەگە اسىرۋ ءۇشىن اقتىق دەمىنە دەيىن قىزمەت ەتىپ، عۇمىر بويى كۇرەس جاساپ ءوتتى. اسىرەسە، پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىنگى 13 جىلدا پارتيامىز مەن مەملەكەتىمىزدىڭ قول جەتكىزگەن وراسان زور تابىستارىن جياڭ زىمين جولداستىڭ اسقاق كەمەڭگەرلىگىنەن، شەشۋشى رولىنان، ەرەن ساياسي باسشىلىق ونەرىنەن بولە قاراۋعا بولمايدى. جياڭ زىمين جولداس پارتيا مەن حالىق ءۇشىن وشپەس ەڭبەك ءسىڭىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىنايى قادىرلەۋىنە جانە حالىقارالىق قوعامنىڭ جاپپاي القاۋىنا يە بولدى.
بۇگىن بۇكىل ەل بويىنشا تۋ جارتىلاي ءتۇسىرىلىپ، ازا ءبىلدىرىلدى، بارلىق الەۋمەتتىك كوڭىل اشۋ قيمىلدارى توقتاتىلدى. ازا ءبىلدىرۋ جينالىسى حالىق سارايىنىڭ ۇلكەن زالىندا وتكىزىلدى. جينالىس الاڭى ايبىندى دا جىم - جىرت بەينەگە شومدى. ءتوراعالار مىنبەسىنىڭ نەگىزگى رەڭى سۇرعىلت ءتۇستى بولىپ، ونىڭ تورىنە: «جياڭ زىمين جولداسقا ازا ءبىلدىرۋ جينالىسى» دەگەن اق جازۋ جازىلعان قارا كەرمە تۋ ىلىنگەن. ءتوراعالار مىنبەسىنىڭ ءدال ورتاسىنا جياڭ زىمين جولداستىڭ ۇلكەن رەڭدى سۋرەتى قويىلعان. جياڭ زىمين جولداستىڭ سۇيەك كۇل ساۋىتى سۋرەتتىڭ الدىنداعى جايناعان گۇلدەر مەن جاسىل ارشالاردىڭ اراسىنا قويىلعان، سۇيەك كۇل ساۋىتىنىڭ ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان. جياڭ زىمين جولداستىڭ حانىمى ۋاڭ يەپيڭ بۇكىل وتباسىنداعىلار اتىنان ىززەت - قۇرمەتپەن ارناعان گۇل شارباق جياڭ زىمين جولداستىڭ سۇيەك كۇل ساۋىتىنىڭ الدىنا قويىلعان. 6 قۇرمەت قاراۋىلى مىلتىقتارىن سەرت ۇستاپ، ونىڭ ەكى جاعىندا كۇزەتىپ تۇردى.
ءتوراعالار مىنبەسىنىڭ ەكى جاعىنا شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلى جولداستار جانە جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى تارتۋ ەتكەن گۇل شەڭبەرلەر قويىلدى.
ۇلكەن زالدىڭ 2 - قاباتىنداعى تەكشەگە ىلىنگەن اق جازۋ جازىلعان سارى جيەكتى، قارا ءتۇستى كەرمە تۋعا ”بۇكىل پارتيا، بۇكىل ارميا، بۇكىل ەلدەگى ءار ۇلت حالقى شىن جۇرەكتەن قادىرلەيتىن جياڭ زىمين جولداس ماڭگى جاسايدى“! دەگەن ءسوز جازىلعان. 3 - قاباتتاعى تەكشەگە ىلىنگەن اق جازۋ جازىلعان سارى جيەكتى، قارا ءتۇستى كەرمە تۋعا ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، جياڭ زىمين جولداستىڭ مۇراتىنا مۇراگەرلىك ەتىپ، جاڭا داۋىردەگى جۇڭگوشا سوتسياليزم ۇلى ءىسىن العا ىلگەرىلەتەيىك“! دەگەن ءسوز جازىلعان.
ءتوراعالار مىنبەسىنىڭ استىڭعى ەكى جاعىنا ورتالىق پەن مەملەكەت ورگاندارىنىڭ ءارقايسى تاراۋلارى، ءارقايسى حالىقتىق ۇيىمدار، ازاتتىق ارميانىڭ ءارقايسى ورىندارى جانە قارۋلى ساقشى بولىمدەرى، ورتالىق باسقاراتىن فينانس قۇرىلىمدارى، ورتالىق باسقاراتىن كاسىپورىندار، دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى، ءارقايسى ولكە، اۆتونوميالى رايون، توتە قاراستى قالالاردىڭ پارتكومى، حالىق قۇرىلتايى، ۇكىمەتى، ساياسي كەڭەسى، شياڭگاڭ ەرەكشە اكىمشىلىك رايون ۇكىمەتى، اۋمىن ەرەكشە اكىمشىلىك رايون ۇكىمەتى، سونداي - اق جياڭ زىمين جولداستىڭ اتا مەكەنىندەگى، كوزى تىرىسىندەگى دوستارى قاتارلىلار ىززەتپەن تارتۋ ەتكەن گۇل شەڭبەرلەر قويىلدى.
ازا ءبىلدىرۋ جينالىسىن ساي چي باسقاردى. تۇستەن بۇرىن ساعات 10دا ازا ءبىلدىرۋ جينالىسى باستالدى. تۇتاس جينالىس الاڭىنداعىلار 3 مينۋت ءۇنسىز تۇرىپ ازا ءبىلدىردى. جۇڭگو حالىق ازاتتىق ارمياسىنىڭ اسكەري وركەسترى باياۋ تولقىعان ازا مۋزيكاسىن ورىندادى، ازا مۋزيكاسىنىڭ ءۇنى ۇستىنەن تىكە تاراتۋ ارقىلى چاڭجياڭ دارياسىنىڭ تۇستىگى مەن تەرىستىگىنە تارادى. وتانىمىزدىڭ بايتاق دالاسى، كۇللى ەل قايعى - مۇڭعا باتتى، ميلليارد حالىق ءۇنسىز تۇرىپ ازا ءبىلدىردى. اۆتوموبيل، پويەز، كەمە قاتارلىلار تەگىس گۋدوك شالىپ، اۋە شابۋىلىنان قورعانۋ دابىلى اسپان اياسىن جاڭعىرتتى.
ءۇنسىز ازا بىلدىرۋدەن سوڭ، حالىق سارايىندا ايبىندى مەملەكەت ءانى ورىندالدى. اسقاق اۋەن ميلليارد حالىقتىڭ: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ارميا، بۇكىل ەلدەگى ءار ۇلت حالقى ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەمىز، - دەگەن ورتاق ەركىن بەينەلەدى.
بۇكىل الاڭ اۋىر مۇڭعا باتتى، شي جينپيڭ ازالى ءسوز سويلەدى. شي جينپيڭ ازالى سوزدە جياڭ زىمين جولداستىڭ شۇعىلالى ءومىرى مەن ەرەن ەڭبەكتەرىن جوعارى باعالادى. ول بىلاي دەپ اتاپ كورسەتتى: پارتيا 13 - كەزەكتى ورتالىق كوميتەتى ءتورتىنشى جالپى ماجىلىسىنەن پارتيانىڭ 16 - قۇرىلتايىنا دەيىنگى 13 جىلدا حالىقارالىق جاعداي اۋمالى - توكپەلى بولىپ، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ءۇردىسى اسقاق ايبىنمەن قۇلاشىن كەڭ جايدى. حالىقارالىق جانە ەل ىشىندەگى توتەنشە كۇردەلى جاعدايدا، جياڭ زىمين جولداس پارتيانىڭ ورتالىق كوميتەت باسشىلىق كوللەكتيۆىن باستاپ، ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسى ۇلى تۋىن بيىك ۇستاپ، پارتيانىڭ نەگىزگى لۋشيانىنا بۇلجىماي تاباندى بولىپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا تىعىز سۇيەنىپ، جۇڭگوشا سوتسياليزمگە بۇلجىماي تاباندى بولدى جانە ونى دامىتتى. جياڭ زىمين جولداس دۇنيە جۇزىندەگى جاڭا اسكەري وزگەرىستەردىڭ دامۋ بەتالىسىن تەرەڭ باعامداپ، جاڭا داۋىردەگى اسكەري ىستەردىڭ ستراتەگيالىق باعىتىن بەلگىلەۋ جۇمىسىن باسقارىپ، جۇڭگوشا اسكەري ىستەر وزگەرىسىن ىلگەرىلەتۋدى، جۇڭگوشا ارميانى بىرەگەيلەندىرۋ جولىمەن بۇلجىماي ءجۇرۋدى، حالىق ارمياسىن توڭكەرىستەندىرۋ، وسىزامانداندىرۋ، جۇيەلىلەندىرۋ قۇرىلىسىن كۇشەيتۋدى باسا دارىپتەدى. جياڭ زىمين جولداستىڭ تىكەلەي باسشىلىعى مەن زور كۇشپەن ىلگەرىلەتۋىندە ەلىمىزدىڭ مەملەكەت قورعانىسى مەن ارميانى وسىزامانداندىرۋ قۇرىلىسى وراسان زور تابىستارعا قول جەتكىزدى. جياڭ زىمين جولداس بۇكىل پارتيانىڭ اقىل - پاراساتىن شوعىرلاندىرىپ، ”ۇشكە ۋاكىلدىك ەتۋ“ ماڭىزدى يدەياسىن جاراتىپ، سوتسياليزم دەگەن نە، سوتسياليزمدى قالاي قۇرۋ كەرەك دەگەن ماسەلەگە ىشكەرىلەي جاۋاپ بەردى، قانداي پارتيا قۇرۋ، پارتيانى قالاي قۇرۋ ماسەلەسىنە جاسامپازدىقپەن جاۋاپ بەرىپ، ءبىزدىڭ جاڭا ءداۋىر شارت - جاعدايىندا جۇڭگوشا سوتسياليزم ىستەرىن ىلگەرىلەتۋدىڭ، پارتيا قۇرىلىسىن كۇشەيتۋدىڭ زاڭدىلىعى جونىندەگى تانىمىمىزدى تەرەڭدەتىپ، جاڭا يدەيا، كوزقاراس، تۇجىرىم ارقىلى ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا مۇراگەرلىك ەتتى، ونى بايىتتى جانە دامىتتى.
شي جينپيڭ بىلاي دەپ اتاپ كورسەتتى: پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىنگى 13 جىلدا جياڭ زىمين جولداس ەلىمىزدىڭ يەلىك ۇقىعى مەن حاۋىپسىزدىگىنە قاتىستى ءبىر قىدىرۋ حالىقارالىق توسىن وقيعالارعا بايىپپەن توتەپ بەرىپ، ساياسي، ەكونوميكا سالاسىندا جانە تابيعات دۇنيەسىندە تۋىلعان قيىنشىلىقتار مەن حاۋىپ - قاتەرلەردى جەڭۋىمىزگە باسشىلىق ەتتى، اسىرەسە، ءبىزدىڭ ازيا فينانس داعدارىسىنىڭ سوققىسىنا ءساتتى توتەپ بەرۋىمىزگە، 1998 - جىلعى ەرەكشە زور تاسقىن اپاتىن جەڭىپ شىعۋىمىزعا، ت.ب باسشىلىق ەتىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى كەمەسىنىڭ باستان - اياق دۇرىس بەتالىسپەن تولقىن جارا العا ىلگەرىلەۋىنە كەپىلدىك ەتتى.
شي جينپيڭ بىلاي دەپ باسا دارىپتەدى: جياڭ زىمين جولداس ۇزاق ۋاقىتتىق توڭكەرىس امالياتى بارىسىندا ايقىن توڭكەرىستىك رۋح پەن توڭكەرىستىك قاسيەتتى شىڭدادى. جياڭ زىمين جولداستىڭ توڭكەرىستىك رۋحى مەن توڭكەرىستىك قاسيەتى ءبىزدىڭ جۇرەگىمىزدە ماڭگى ساقتالادى، ءبىزدى العا باسۋعا ماڭگى تاربيەلەيدى جانە شابىتتاندىرادى.
شي جينپيڭ بىلاي دەپ اتاپ كورسەتتى: جياڭ زىمين جولداستىڭ قايتىس بولۋى − پارتيامىز، ارميامىز، ەلىمىزدەگى ءار ۇلت حالقى ءۇشىن ولشەۋسىز جوعالتۋ. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن قايعىنى قايراتقا جەڭدىرىپ، جياڭ زىمين جولداستىڭ مۇراتىنا مۇراگەرلىك ەتىپ، ءىس جۇزىندىك ارەكەتپەن قايعىلى ساعىنىشىمىزدى ءبىلدىرىپ، جۇڭگوشا سوتسياليزم جولىندا پارتيا مەن مەملەكەت ىستەرى دامۋىنىڭ تىڭ تاراۋىن ۇزدىكسىز جازۋعا ۇندەيدى.
شي جينپيڭ بىلاي دەپ باسا دارىپتەدى: ماركسيزم − ءبىزدىڭ پارتيا قۇرۋداعى، مەملەكەت قۇرۋداعى، پارتيانى گۇلدەندىرۋدەگى، مەملەكەتتى گۇلدەندىرۋدەگى ءتۇبىرلى جەتەكشى يدەيامىز. جاڭا جورىقتا، ءبىز، ءسوز جوق، ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، بارلىعىندا ءىس جۇزىندىكتى نەگىزگە الۋعا تاباندى بولىپ، جۇڭگونىڭ سۇراعىنا، دۇنيە ءجۇزىنىڭ سۇراعىنا، حالىقتىڭ سۇراعىنا، ءداۋىردىڭ سۇراعىنا ۇزبەي جاۋاپ بەرىپ، ماركسيزمنىڭ جالىندى تىرشىلىك تىنىسى مەن قاۋلاعان ومىرشەڭدىگىن باستان - اياق ساقتاۋىمىز كەرەك.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ باسشىلىعى − پارتيا مەن حالىق ىستەرىنىڭ بوران - شاشىنعا بوگەلمەي العا ىلگەرىلەۋىنىڭ ءتۇبىرلى كەپىلى. جاڭا جورىقتا، ءبىز، ءسوز جوق، ”ەمتيحان تاپسىراتىن“ سەرگەكتىك پەن باتىلدىقتى ساقتاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا قۇرۋ ۇلى رۋحىن اسقاقتاتىپ، اۋەلگى ماقساتتى، بورىشتى ۇمىتپاي، ءوز - وزىمىزگە توڭكەرىس جاساۋدى باتىلدىقپەن ىلگەرىلەتىپ، پارتيانىڭ جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتۋىمىز كەرەك.
شي جينپيڭ بىلاي دەپ باسا دارىپتەدى: جۇڭگوشا سوتسياليزم جولى − زامانىمىزداعى جۇڭگونىڭ ارشىندى قاداممەن ءداۋىر كوشىن قۋىپ جەتۋىنىڭ، ءداۋىردىڭ دامۋىنا جەتەكشىلىك ەتۋىنىڭ داڭعىل جولى. جاڭا جورىقتا، ءبىز، ءسوز جوق، جۇڭگوشا سوتسياليزم جولىنا تاباندى بولىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، وزىمىزگە سەنۋگە، ءوزىمىزدى الۋەتتەندىرۋگە، تۋراشىلدىقتان جازباي، جاڭالىق اشۋعا تاباندى بولىپ، ءوزىمىز تاڭداعان دۇرىس جولدا كوكىرەك كەرە ارشىندى قاداممەن العا باسىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىمىز كەرەك.
شي جينپيڭ بىلاي دەپ اتاپ كورسەتتى: حالىق − پارتيا مەن مەملەكەتتىڭ بولاشاعىن، تاعدىرىن بەلگىلەيتىن ءتۇبىرلى كۇش. جاڭا جورىقتا، ءبىز، ءسوز جوق، حالىقتى بارىنەن جوعارى قويۋعا تاباندى بولىپ، بۇكىل ىنتا - پەيىلىمىزبەن حالىق ءۇشىن قىزمەت ىستەپ، حالىقتى وزەك ەتكەن دامۋ يدەياسىن دايەكتىلەندىرىپ، جالپى بارىستىق حالىق دەموكراتياسىن دامىتىپ، قاشاندا حالىق بۇقاراسىمەن ەتەنە بايلانىستى ساقتاپ، قاشاندا حالىقپەن تىنىستاس، تاعدىرلاس، تىلەكتەس بولىپ، ادامنىڭ جان - جاقتى دامۋىن، جالپى حالىقتىڭ بىرگە بايۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە قول جەتكىزۋىمىز كەرەك.
شي جينپيڭ بىلاي دەپ باسا دارىپتەدى: رەفورما جاساۋ، ەسىك اشۋ − زامانىمىزداعى جۇڭگونىڭ بولاشاعىن، تاعدىرىن بەلگىلەيتىن شەشۋشى شارا. جاڭا جورىقتا، ءبىز، ءسوز جوق، وزگەرىستى دالمە - ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، رەفورما جاساۋدى، ەسىك اشۋدى جاپپاي ىلگەرىلەتىپ، جۇڭگوشا سوتسياليزم ءتۇزىمىن ۇزدىكسىز كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتىپ، باسىمدىققا، ىرىقتىلىققا، بولاشاققا ۇزدىكسىز قول جەتكىزۋىمىز كەرەك.
شي جينپيڭ بىلاي دەپ اتاپ كورسەتتى: جۇڭگونىڭ دامۋى دۇنيە جۇزىنەن قول ۇزە المايدى، دۇنيە ءجۇزىنىىڭ گۇلدەنۋى دە جۇڭگونى قاجەت ەتەدى. جاڭا جورىقتا، ءبىز، ءسوز جوق، بۇكىل الەمگە قۇشاق اشۋعا تاباندى بولىپ، بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، بۇكىل ادامزاتقا ورتاق قۇندىلىقتاردى اسقاقتاتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، جاڭاشا حالىقارالىق قارىم - قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەۋىمىز كەرەك.
شي جينپيڭ بىلاي دەپ باسا دارىپتەدى: باتىلدىقپەن كۇرەس جۇرگىزۋ، باتىلدىقپەن جەڭىسكە جەتۋ − جۇڭگو كوممۋنيستىك پارتياسى مەن جۇڭگو حالقىنىڭ جەڭىلمەس قۋاتتى رۋحاني كۇشى. جاڭا جورىقتا، ءبىز، ءسوز جوق، ۋاقىتپەن جارىساتىن، قايراتتانا ىسكەرلىك كورسەتەتىن كۇرەسكەرلىك بەينەنى جانە نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن كۇرەسكەرلىك رۋحتى ساقتاپ، تاريحي ىرىقتىلىقتى يگەرىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جىگەرىن، جالىنىن، سەنىمىن كۇشەيتىپ، زۇلىم كۇشكە سەنبەي، سۇرقيا كۇشتەن قورىقپاي، قىسىمنان جاسقانباي، العا باسۋ جولىنداعى ءتۇرلى قيىنشىلىق پەن سىن - سايىستى كۇش سالا جەڭۋىمىز كەرەك.
شي جينپيڭ سوڭىندا بىلاي دەدى: جياڭ زىمين جولداس بىزبەن ماڭگىلىككە قوشتاستى. ونىڭ ۇلاعاتتى ەسىمى، ەڭبەگى، يدەياسى، قاسيەتى تاريحقا ماڭگى جازىلىپ، ۇرپاقتار بويى حالىق جۇرەگىندە ساقتالادى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك.
شي جينپيڭنىڭ ازالى سوزىنەن كەيىن، تۇتاس جينالىس الاڭىنداعىلار جياڭ زىمين جولداسقا ءۇش رەت تاعزىم ەتتى.
تۇستەن بۇرىن ساعات 10نان 55 مينۋت وتكەندە، ازا ءبىلدىرۋ جينالىسى ايبىندى «ينتەرناتسيونال ءانى» مۋزيكاسى ءۇنى ىشىندە اياقتادى. ونان سوڭ شي جينپيڭ قاتارلىلار جياڭ زىمين جولداستىڭ تۋعان - تۋىسقاندارىنا شىنايى ىقىلاسپەن كوڭىل ايتتى.
جۇڭگو كوممۋنسيتىك پارتياسى ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك باقىلاۋ - تەكسەرۋ كوميتەتىندەگى، ەڭ جوعارى حالىق سوتىنداعى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار مەن قارت جولداستار، دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى نەگىزگى جاۋاپتى جولداستار جانە پارتيادا، توپتا جوق قايراتكەرلەردىڭ ۋاكىلدەرى قاتارلىلار دا ازا ءبىلدىرۋ جينالىسىنا قاتىناستى ءارى گۇل شەڭبەر ۇسىندى. جياڭ زىمين جولداستى جەرلەۋ كوميسسياسىنىڭ مۇشەلەرى، ورتالىق پەن مەملەكەت ورگاندارىنداعى ءارقايسى تاراۋلاردىڭ ۋاكىلدەرى، ازاتتىق ارميا مەن قارۋلى ساقشى بولىمىندەگى وفيتسەر - اسكەرلەردىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى، جياڭ زىمين جولداستىڭ تۋعان - تۋىسقاندارى، كوزى تىرىسىندەگى دوستارى جانە اۋىلداستارىنىڭ ۋاكىلدەرى، ت. ب بولىپ، 5000داي ادام ازا ءبىلدىرۋ جينالىسىنا قاتىناستى.
