جياڭ زىمين جولداستى جەرلەۋ كوميسسياسىنىڭ حابارلاندىرۋى
(3 - ءنومىرلى)
پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى جياڭ زىمين جولداس قايتىس بولعاننان كەيىن، كوپتەگەن ەلدەردىڭ مەملەكەت باسشىلارى، ۇكىمەت جەتەكشىلەرى، پارلامەنت، ۇكىمەت تاراۋلارى، ساياسي پارتيالار، دوس ۇيىمدار، ءار سالاداعى دوس قايراتكەرلەر، كەيبىر حالىقارالىق ۇيىمداردىڭ جاۋاپتىلارى، كوپتەگەن مەملەكەتتەردىڭ جۇڭگوداعى ەلشىلەرى، جۇڭگوداعى شەتەلدىك دوستار، شەتەلدەردەگى حۋاچياۋلار، حۋارىندار، شياڭگاڭدىق، اۋمىندىق، تايۋاندىق باۋىرلاستار قىرۋار كوڭىل ايتۋ تەلەگرامماسىن، كوڭىل ايتۋ حاتىن جولداپ، مالىمدەمە، اڭگىمە جاريالاپ، ازا ءبىلدىرۋ قيمىلىنا قاتىناسىپ، قايعىلى ازا ءبىلدىردى جانە حال سۇرادى. بۇعان ءبىز شىن جۇرەكتەن العىس ايتامىز.
بۇكىل پارتيا، بۇكىل ارميا، بۇكىل ەلىمىزدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا بۇلجىماي تاباندى بولىپ، قايعىنى قايراتقا جەڭدىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن، ”ءتورتتى جاپپاي ورىنداۋ“ ستراتەگيالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاساۋعا بەل بايلادى.
ەرەكشە حابارلاندىرىلدى.
جياڭ زىمين جولداستى جەرلەۋ كوميسسياسى
2022 - جىلى 12 - ايدىڭ 6 - كۇنى
(شينحۋا اگەنتتىگىنىڭ 12 - ايدىڭ 6 - كۇنى بەيجيڭنەن بەرگەن حابارى)
