شينجياڭداعى ءار ۇلت كادرلارى مەن بۇقاراسى جياڭ زىمين جولداسقا ازا ءبىلدىرۋ جينالىسىن تىڭداپ، كورىپ، باس شۋجي شي جينپيڭنىڭ جياڭ زىمين جولداسقا ازا ءبىلدىرۋ جينالىسىندا سويلەگەن ازالى ءسوزىن مۇقيات ۇيرەنىپ، ءبىر اۋىزدان مىنالاردى ءبىلدىردى −
ازا ءبىلدىرۋدى پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىنە اينالدىرىپ، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرامىز
□ انار بۇلت \ شينجياڭ گازەتىنىڭ تىلشىلەرى
بۇكىل ەل قايعىعا باتتى، تيانشان وكسىك اتتى. 12 - ايدىڭ 6 - كۇنى تۇستەن بۇرىن جياڭ زىمين جولداسقا ازا ءبىلدىرۋ جينالىسى بەيجيڭ حالىق سارايىندا دابىرالى وتكىزىلدى. شينجياڭداعى ءار دارەجەلى پارتيا، ۇكىمەت ورگاندارىنداعى، كاسىپورىندارداعى، ءىسورىندارىنداعى، اۋىل - قىستاقتارداعى، مەكتەپتەردەگى، اسكەري بولىمدەردەگى، مالىلەردەگى، الەۋمەتتىك اۋماقتارداعى ءار ۇلت كادرلارى مەن بۇقاراسى توتەنشە قايعىلى سەزىممەن تەلەۆيزور، ينتەرنەت سياقتىلار ارقىلى ازا ءبىلدىرۋ جينالىسىنىڭ تىكە تاراتىلىمىن تىڭداپ، كورىپ، باس شۋجي شي جينپيڭنىڭ ازالى ءسوزىن مۇقيات تىڭداپ، ۇيرەنىپ، جياڭ زىمين جولداسقا قايعىلى ازا ءبىلدىردى.
وراسان زور ەڭبەكتەرىن ساعىنا ەسكە الدى
تاڭەرتەڭ ەرتە اۆتونوميالى رايوندىق پارتكومنىڭ تۇراقتى مۇشەلەرى مەن ولكە دارەجەلى باسشى جولداستار، دەمالىسقا، زەينەتكە شىققان ءبىر ءبولىم قارت باسشى جولداستار ءماجىلىس الاڭىنا كەلىپ، جياڭ زىمين جولداسقا ازا ءبىلدىرۋ جينالىسىنىڭ تىكە تاراتىلىمىن شوعىرلى كورىپ، جياڭ زىمين جولداسقا قايعىلى ازا ءبىلدىردى. باياۋ تولقىعان ازالى مۋزيكا ءۇنى ىشىندە باسشى جولداستار جىم - جىرت تۇرىپ ءۇنسىز ازا ءبىلدىردى. كوپشىلىك باس شۋجي شي جينپيڭنىڭ ازالى ءسوزىن مۇقيات تىڭداپ، جياڭ زىمين جولداستىڭ ۇلى، شۇعىلالى ءومىرىن ەسكە الىپ، وسى ۇزدىك باسشىعا دەگەن شەكسىز ساعىنىشتارىن تەرەڭ سۇيىسپەنشىلىكپەن بەينەلەدى. كوپشىلىك مىنالاردى ءبىلدىردى: باس شۋجي شي جينپيڭنىڭ جياڭ زىمين جولداسقا ازا ءبىلدىرۋ جينالىسىندا سويلەگەن ازالى ءسوزىن مۇقيات ۇيرەنىپ، جياڭ زىمين جولداستىڭ مۇراتىنا مۇراگەرلىك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم سانالىلىقپەن ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا كۇرەس جۇرگىزەمىز.
اۆتونوميالى رايوندىق حالىق قۇرىلتايى تۇراقتى كوميتەتى ورگانىنداعى كادرلار مەن جۇمىسشى - قىزمەتكەرلەر اسا زور قۇرمەتپەن جانە تەرەڭ سۇيىسپەنشىلىكپەن شينجياڭ حالىق سارايىندا ازا ءبىلدىرۋ جينالىسىن كوردى. كوپشىلىك مىنالاردى ءبىلدىردى: جياڭ زىمين جولداس ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋ جانە مەملەكەتتىڭ بايۋىن، قۇدىرەتتەنۋىن، حالىقتىڭ باقىتىن جۇزەگە اسىرۋ ءۇشىن اقتىق دەمىنە دەيىن قىزمەت ەتىپ، عۇمىر بويى كۇرەس جاساپ ءوتتى، ونىڭ ارداقتى ەسىمى، ەڭبەگى، يدەياسى، ونەگەسى تاريحقا ماڭگى جازىلادى. جياڭ زىمين جولداسقا ازا ءبىلدىرۋدى پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىنە اينالدىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، ءبىر نيەت، ءبىر تىلەكتە بولا وتىرىپ ەرلىكپەن العا باسامىز.
اۆتونوميالى رايوندىق حالىق ۇكىمەتى كەڭسەسىندەگى پارتيا مۇشەلەرى مەن كادرلار ازا ءبىلدىرۋ جينالىسىن شوعىرلى كورگەننەن كەيىن مىنالاردى ءبىلدىردى: ەڭ جاقسى ازا ءبىلدىرۋ جانە ەسكە ءتۇسىرۋ − جياڭ زىمين جولداستىڭ مۇراتىنا مۇراگەرلىك ەتىپ، جاڭا جورىقتا جىگەرلەنە ۇمتىلىپ، ەرلىكپەن العا باسۋ. جياڭ زىمين جولداسقا ازا ءبىلدىرۋدى پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىنە اينالدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، سەنىمدى بەكەمدەپ، قاجىرلىلىقپەن بەرىلە ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا كورىكتى شينجياڭ قۇرۋعا قۇلشىنامىز.
اۆتونوميالى رايوندىق ساياسي كەڭەس ورگانىنداعى پارتيا مۇشەلەرى مەن كادرلار ازا ءبىلدىرۋ جينالىسىنىڭ تىكە تاراتىلىمىن تۇرلىشە فورمالارمەن تىڭداپ، كورىپ، جياڭ زىمين جولداستىڭ كوممۋنيزم مۇراتىنا بۇلجىماي تاباندى بولعان، پارتيا مەن حالىققا شەكسىز ادال بولعان، پارتيا مەن حالىق ىستەرى ءۇشىن قاجىماي - تالماي كۇرەس جۇرگىزگەن شۇعىلالى كەزەڭدەرىن بىرگە ساعىنىشپەن ەسكە الدى. كوپشىلىك مىنالاردى ءبىلدىردى: جياڭ زىمين جولداستىڭ مۇراتىنا مۇراگەرلىك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، ساياسي كەڭەستىڭ ابزالدىلىعىن تولىق ساۋلەلەندىرىپ، ىنتىماقتاسا ەكپىندەي ىلگەرىلەيتىن كۇش ۇيىستىرىپ، جاڭا داۋىردەگى جۇڭگوشا سوتسياليزم ۇلى ءىسىن العا ىلگەرىلەتەمىز.
شينجياڭ اسكەري رايونى ورگانىنان تيانشان الابىنداعى اسكەري كازارمالارعا دەيىن، ءشول دالادان قارلى ۇستىرتتەرگە دەيىن، جاتتىعۋ الدىڭعى شەبىنەن تاۋ قويناۋىنداعى قاراۋىل ورىندارىنا دەيىن، شينجياڭ اسكەري رايونىنىڭ اسكەري بولىمدەرىندەگى وفيتسەر - اسكەرلەر ءتۇرلى فورمالارمەن ازا ءبىلدىرۋ جينالىسىن تىڭداپ، كورىپ، جياڭ زىمين جولداستىڭ شۇعىلالى ەڭبەكتەرىن تەرەڭ ساعىنىشپەن ەسكە الىپ، جياڭ زىمين جولداستىڭ ۇلى مىنەز - قۇلقى مەن اسقاق قاسيەتىن القادى. كوپشىلىك مىنالاردى ءبىلدىردى: جياڭ زىمين جولداسقا ازا ءبىلدىرۋدى ءىس جۇزىندىك ارەكەتكە اينالدىرىپ، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، حالىق ارمياسىنىڭ پارتيا قۇرىلىسىن جاپپاي كۇشەيتىپ، ارميا قۇرۋدىڭ 100 جىلدىق كۇرەس نىساناسىن قۇلشىنا جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن اشۋعا ءتيىستى ۇلەس قوسامىز.
بيڭتۋانداعى قالىڭ پارتيا مۇشەلەرى مەن كادرلار اسا قايعىلى سەزىممەن ازا ءبىلدىرۋ جينالىسىن توپتىق كورىپ، جياڭ زىمين جولداستى تەرەڭ ساعىنىشپەن ەسكە الدى. كوپشىلىك مىنالاردى ءبىلدىردى: جياڭ زىمين جولداس بارلىق جۇرەك قانى مەن قاجىر - قايراتىن جۇڭگو حالقىنا ارناپ، ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋ جانە مەملەكەتتىڭ بايۋىن، قۇدىرەتتەنۋىن، حالىقتىڭ باقىتىن جۇزەگە اسىرۋ ءۇشىن اقتىق دەمىنە دەيىن قىزمەت ەتىپ، عۇمىر بويى كۇرەس جاسادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم سانالىلىقپەن ىنتىماقتاسىپ، پارتيا 20 - قۇرىلتايىنىڭ رۋحىن جاپپاي ىشكەرىلەي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ساياسي ادالدىقتى باتىل بەكەمدەپ، جاڭا داۋىردەگى بيڭتۋان ىستەرىنىڭ باستان - اياق دۇرىس بەتالىسپەن ارشىندى قاداممەن العا باسۋىنا شىنايى كەپىلدىك ەتەمىز.
اسقاق قاسيەتى جۇرەكتەردەن وشپەيدى
جياڭ زىمين جولداستىڭ قايتىس بولۋى − پارتيامىز، ارميامىز، ەلىمىزدەگى ءار ۇلت حالقى ءۇشىن ولشەۋسىز جوعالتۋ. بىرنەشە كۇننەن بەرى، تيانشان الابىندا مەملەكەت تۋى جارتىلاي ءتۇسىرىلىپ، ءار ۇلت كادرلارى مەن بۇقاراسى قايعىرا ازا تۇتىپ، شىنايى ساعىنىشتارىن بەينەلەدى. ازا ءبىلدىرۋ جينالىسى كەزىندە، شينجياڭنىڭ جەر - جەرىندە اۋە قورعانىسى سيگنالى بەرىلىپ، گۋدوك بار جەرلەر ارت - ارتىنان گۋدوك شالىپ، ادامدار ءۇنسىز تۇرىپ ازا ءبىلدىرىپ، جياڭ زىمين جولداسقا قايعىلى ازا ءبىلدىردى، ونىڭ شينجياڭدا 2 رەت قىزمەت تەكسەرگەندەگى ىستەرىن ەسكە ءتۇسىرىپ، ونىڭ اسقاق قاسيەتىن تەرەڭ ساعىنىشپەن ەسكە الدى.
تۇرپان قالاسى گاۋچاڭ رايونى يار قالاشىعى يار قىستاق تۇرعىندار كوميتەتىندە قىستاق كادرلارى، ساقا پارتيا مۇشەلەرى جانە ءار ۇلت قىستاق تۇرعىندارى جياڭ زىمين جولداسقا ازا ءبىلدىرۋ جينالىسىنىڭ تىكە تاراتىلىمىن كوردى. 1998 - جىلى جياڭ زىمين جولداس قىستاققا كەلىپ قىزمەت تەكسەرگەندە ۇيلەرىنە كەلىپ قوناق بولعان جاعدايى 77 جاستاعى زۋارحان روزىنىڭ انىق ەسىندە ەكەن. ”قازىر قىستاقتاعى وتباسىلاردىڭ بارلىعى جاڭا ۇيلەرگە كوشىپ كىرىپ، اۆتوكولىك جۇرگىزەتىن بولدى، ول كىسى سول جىلدارى قامىن ويلاعان قىستاق حالقى تۇگەلدەي تاماشا تۇرمىس كەشىرۋدە...“، - دەدى ول.
ازا ءبىلدىرۋ جينالىسىن تىكە تاراتىلىمنان كورگەننەن كەيىن، قورعاس ەكونوميكالىق اشۋ رايونى شەكارا وتكەلىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى گۇلباحار جانعازى بىلاي دەدى: ”ءبىز ءىس جۇزىندىك ارەكەتىمىز ارقىلى جياڭ زىمين جولداسقا ازا بىلدىرەمىز، جاڭا جورىقتا سىرتقا ەسىك اشۋ ۇلكەن ارناسى قۇرىلىسىن جەدەلدەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىنا پارمەندى تىرەك بولىپ، جاڭا دامۋ ارناسىن ورناتۋعا اناعۇرلىم ويداعىداي قىزمەت وتەيمىز جانە ونىمەن توعىسامىز“.
جياڭ زىمين جولداستىڭ وڭتۇستىك شينجياڭنىڭ تەمىر جول قۇرىلىسىن تەكسەرگەندەگى بەينەسى كۇنى بۇگىنگە دەيىن جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى تەمىر جول قۇرىلىسى قولباسشىلىق شتابى پارتكومىنىڭ شۋجيى لي حۋادۇڭنىڭ ساناسىندا ساقتالىپ كەلەدى. ول بىلاي دەدى: ”ءبىز جياڭ زىمين جولداسقا قايعىلى ازا ءبىلدىرۋ سەزىمىمىزدى اسقاق جىگەرمەن قايراتتانا ۇمتىلۋدىڭ ناقتى ارەكەتىنە اينالدىرىپ، پارتيا 20 - قۇرىلتايىنىڭ رۋحىن جەتەكشى ەتىپ، جاڭا داۋىردەگى جاڭا جورىقتا ءتۇيىندى تەمىر جول قۇرىلىسى نىساندارىن ۇزدىكسىز ويداعىداي جۇرگىزىپ، شينجياڭدى ءتىپتى دە قولايلى، ىركىلىسسىز ەتەمىز“.
جياڭ زىمين جولداس بۇرىن ەرەكشە ترانسفورماتور شەكتى جارنا سەرىكتەستىگىندە قىزمەت تەكسەرگەن ەدى. سول كۇنى جاڭالىق اشۋدى جەتەكشى ەتۋگە باستان - اياق تاباندى بولىپ كەلە جاتقان وسى ءىرى حالىقتىق كاسىپورىن جۇمىسشى - قىزمەتكەرلەردى ازا ءبىلدىرۋ جينالىسىنىڭ تىكە تاراتىلىمىن شوعىرلى تۇردە كورۋگە ارنايى ۇيىمداستىردى. وسى سەرىكتەستىكتىڭ باس مەڭگەرۋشىسى حۋاڭ حانجيە بىلاي دەدى: ءبىز قالىڭ كادرلاردى، جۇمىسشى - قىزمەتكەرلەردى قايعىلى ازا ءبىلدىرۋ سەزىمىن جوعارى ساپالى دامۋدى ىلگەرىلەتۋدىڭ ءىس جۇزىندىك ارەكەتىنە اينالدىرۋعا باستاپ، كاسىپورىندى قۋاتتى، ساپالى، ءىرى كاسىپورىن ەتىپ قۇرۋعا قۇلشىنامىز.
جياڭ زىمين جولداس بۇرىن ىلگەرىندى - كەيىندى 2 رەت تارىم مۇناي الابىندا قىزمەت تەكسەرگەن بولاتىن. تارىم مۇناي الابى لۇننان مۇناي - تابيعي گاز الۋدى باسقارۋ رايونى جالپىلىق قىزمەت وتەۋ ءبولىمىنىڭ مەڭگەرۋشىسى مياۋ شىڭ ازا ءبىلدىرۋ جينالىسىنىڭ تىكە تاراتىلىمىن كورگەننەن كەيىن: ءار تامشى مۇنايدى، ءار تەكشەمەتر تابيعي گازدى ءتىپتى دە تاسقىنداعان ىنتامەن ويداعىداي الىپ، بارلىق قىزمەتكەرلەردىڭ ازا ءبىلدىرۋ سەزىمىن ءىس جۇزىندىك ارەكەتىمىزبەن بەينەلەيمىز.
بيڭتۋان 8 - شى شىحىزى باس فەرماسى چۋانشۇيدي 5 - ليانى پارتيا ياچەيكاسىنىڭ شۋجيى كاڭ يالۇڭ مۇڭايا بىلاي دەدى: جياڭ زىمين جولداس بۇرىن شىحىزى تىڭ يگەرۋ رايونى باس فەرماسىنا كەلىپ ەكسكۋرسيادا بولعان ەدى، ءبىز، ءسوزسىز، مۇراتقا مۇراگەرلىك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بيڭتۋان رۋحىن ويداعىداي جالعاستىرىپ، جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسىپ، اۋىلىمىزدى ءتىپتى دە كورىكتى ەتىپ قۇرىپ شىعامىز.
مۇراتقا مۇراگەرلىك ەتىپ، ىنتىماقتاسا كۇرەس جۇرگىزەمىز
جۇڭحۋا ۇلتىنىڭ ۇلى گۇلدەنۋ ىسىنە جياڭ زىمين جولداستى قامتىعان سان ۇرپاق كوممۋنيستەردىڭ ماڭداي تەرى مەن كۇرەسى سىڭگەن. ءار ۇلت كادرلارى مەن بۇقاراسى مىنالاردى ءبىلدىردى: ءسوزسىز، شەكسىز قايعىلى ساعىنىشىمىزدى العا باسۋدىڭ قوزعاۋشى كۇشىنە اينالدىرىپ، جاڭا داۋىردەگى جاڭا جورىقتا ۇزدىكسىز اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسامىز.
اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كەڭسەسى حاتشىلار 1 - باسقارماسىنىڭ باستىعى ۋ چىن مىنالاردى ءبىلدىردى: مۇراتقا مۇراگەرلىك ەتىپ، پارتيا قۇرۋ ۇلى رۋحىن اسقاقتاتىپ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىن مىزعىماس تاباندىلىقپەن ىلگەرىلەتىپ، كوممۋنيستەردىڭ جالىندى جىگەرىن، اسقاق ارىنىن جانە دارقان تۋراشىلدىعىن باستان - اياق ساقتايمىز.
جۇڭگونىڭ سوتسياليزم جولى − زامانىمىزداعى جۇڭگونىڭ ارشىندى قاداممەن ءداۋىردى قۋىپ جەتكەن، ءداۋىر دامۋىنا جەتەكشىلىك ەتكەن سارا جولى. شينجياڭ داشۋەسى ماركسيزم شۋەيۋانى ماركسيزمدى جۇڭگوشالاندىرۋ فاكۋلتەتىنىڭ مەڭگەرۋشىسى ساۋ جيانپيڭ مىنالاردى ءبىلدىردى: بۇدان كەيىن پارتيانىڭ نازارياسىن ءتىپتى دە ويداعىداي، ىشكەرىلەي ءتۇسىندىرىپ، جاندى ءتۇسىندىرىپ، جەتە ءتۇسىندىرىپ، جاڭا داۋىردەگى جۇڭگوشا سوتسياليزم ىستەرى ءۇشىن تولىمدى قۇرىلىسشىلار مەن سەنىمدى ءىزباسارلاردى تاربيەلەيمىز.
اۆتونوميالى رايوندىق پارتكوم ساياسي - زاڭ كوميتەتىنىڭ كادرى تايىر ابدۇعاني بىلاي دەدى: ساياسي - زاڭ كادرى رەتىندە، ”ەمتيحان تاپسىراتىن“ سەرگەكتىكتى جانە باتىلدىقتى ماڭگى ساقتاپ، شينجياڭدى زاڭمەن باسقارۋدى ىشكەرىلەي ىلگەرىلەتىپ، اناعۇرلىم جوعارى دەڭگەيدەگى تىنىش شينجياڭ، زاڭمەن باسقارىلاتىن شينجياڭ قۇرۋعا كۇش قوسامىن.
اۆتونوميالى رايوندىق پارتكوم ۇگىت ءبولىمىنىڭ كادرى ءدىلبار ەرتاي مىنالاردى ءبىلدىردى: پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، وزىنە سەنۋگە، ءوزىن الۋەتتەندىرۋگە، تۋراشىلدىقتان اينىماي، جاڭالىق اشۋعا تاباندى بولىپ، ءوز قىزمەتىمدى تياناق ەتىپ، تىڭعىلىقتى قىزمەت ىستەپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە ۇلەس قوسامىن.
اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى كەڭسەسىنىڭ ورىنباسار مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ باستىعى قۇربانجان قۇتلۇق مىنالاردى ءبىلدىردى: قايعىنى قايراتقا جەڭدىرىپ، يدەيا مەن ارەكەتتى پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ءار قادامدى نىق باسىپ، اۋىل - قىستاقتى گۇلدەندىرۋ سىندى وسى ءىرى ءىستى ويداعىداي ىستەيمىز.
التاي ايماقتىق پارتكومنىڭ مۇشەسى، ۇگىت ءبولىمىنىڭ باستىعى لان شىڭشين بىلاي دەدى: جاڭا جورىقتا، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، نازاردى سوتسياليستىك مادەنيەتتە قۇدىرەتتى ەل قۇرۋ بورىشى مەن مىندەتىنە شوعىرلاندىرىپ، شينجياڭدى مادەنيەتپەن نارلەندىرۋدەن حالىق تۇرمىسىنا پايدا جەتكىزىپ، جۇرت تىلەگىن ۇيىستىرامىز.
اۆتونوميالى رايوندىق پارتكوم بىرلىكساپ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋ حۇڭجان بىلاي دەدى: ءبىز قايعىنى قايراتقا جەڭدىرىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن جاقسى ىستەۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، بىرگە كۇرەس جۇرگىزۋدىڭ كۇش - قۋاتىن مۇمكىندىكتىڭ بارىنشا ۇيىستىرامىز.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى زەينەتكەرلىك قامسىزداندىرۋى باسقارماسىنىڭ باستىعى گۋ حايلين بىلاي دەدى: جاڭا جورىقتا پارتيا 20 - قۇرىلتايىنداعى قوعامدىق قامتاماسىزداندىرۋ جۇيەسىن اقاۋسىزداندىرۋ جونىندەگى ورنالاستىرۋلار مەن تالاپتاردى دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىن دايەكتىلەندىرىپ، ەڭ زور قۇلشىنىس ارقىلى بۇقارانىڭ شۇعىل، قيىن، ۋايىمداعان، ءزارۋ قوعامدىق قامتاماسىزداندىرۋ ماسەلەلەرىن شەشەمىز.
(تىلشىلەر جاڭ يانفاڭ، ۋاڭ شيڭرۇي، قاتىناسقان تىلشىلەر لياڭ ليحۋا، لي ياڭ، جاڭ يۇنمەي، ميھىرگۇل عوپۇر، ياڭ شۋحان، جاڭ رۇيلين، لۋ فىڭباۋ، شى شين، ۋاڭ نا، ليۋ ي، گۋان مىڭيىڭ، لي لين، چىن چياڭۋي، ءپاريزات ابدۇل، جاۋ شييا، جاڭ تيڭ، ەرىكتى ءتىلشى حۋاڭ زۇڭشيڭ)
