ەكونوميكالىق قىزمەت جونىندە پىكىر جانە ۇسىنىس الدى
جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەر اڭگىمە ءماجىلىسىن اشتى
شي جينپيڭ باسقاردى ءارى ماڭىزدى ءسوز سويلەدى
لي كىچياڭ قاتىستى جاعدايلاردى حابارلادى، ۋاڭ ياڭ، لي چياڭ، ۋاڭ حۋنيڭ، حان جىڭ، ساي چي، ديڭ شۋەشياڭ قاتىناستى
شينحۋا اگەنتتىگىنىڭ 12 - ايدىڭ 7 - كۇنى بەيجيڭنەن بەرگەن حابارى. 12 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەر اڭگىمە ءماجىلىسىن اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقارىپ ءارى ماڭىزدى ءسوز سويلەپ، بىلاي دەپ باسا دارىپتەدى: كەلەر جىلى جۇڭگو كوممۋنيستىك پارتياسى 20 - قۇرىلتايىنىڭ رۋحىن جاپپاي دايەكتىلەندىرۋدە، تياناقتاندىرۋدا باستاما اشاتىن جىل، ەكونوميكالىق قىزمەتتە ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، ءتۇرلى ساياساتتاردىڭ سايكەسۋىن، سەلبەسۋىن كۇشەيتىپ، بازار سەنىمىن زور كۇشپەن سەرپىلتىپ، ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ەكونوميكالىق اينالىمنىڭ تۇلعالىق جاقتان جاقسارۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋ، جاقسى قادام تاستاۋ كەرەك.
لي كىچياڭ، ۋاڭ ياڭ، لي چياڭ، ۋاڭ حۋنيڭ، حان جىڭ، ساي چي، ديڭ شۋەشياڭ اڭگىمە ماجىلىسىنە قاتىناستى. لي كىچياڭ جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن بيىلعى ەكونوميكالىق قىزمەتكە قاتىستى جاعدايلاردى حابارلادى، كەلەر جىلعى ەكونوميكالىق قىزمەتكە قاتىستى ويلاردى تانىستىردى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، ”3 - قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى جۋ تۇڭ ىلگەرىندى - كەيىندى ءسوز سويلەدى. ولار جۇڭگو كوممۋنيستىك پارتياسى ورتالىق كوميتەتىنىڭ كەزەكتەگى ەلىمىزدىڭ ەكونوميكالىق جاعدايى جونىندەگى تالداۋىن، تۇجىرىمىن جانە كەلەر جىلعى ەكونوميكالىق قىزمەت جونىندەگى جوسپارىن، ويىن بۇكىلدەي قۇپتادى، سونداي - اق چاڭجياڭ، حۋاڭحى وزەنى الاپتارىنىڭ تىك باعىتتا سايكەسە دامۋىن ىلگەرىلەتۋ، تومەنگى ساتىداعى تەحنيكالىق زەرتتەۋ - اشۋ قابىلەتىن جوعارىلاتۋ، عىلىم - تەحنيكا دارىندىلارىن ەنگىزۋدى كۇشەيتۋ، جاسىل، تومەن كومىر قىشقىل گازدى دامۋدى ىلگەرىلەتۋ، حالىقتىق قارجى قوسۋدىڭ بەلسەندىلىگىن جۇمىلدىرۋ جانە قورعاۋ، تۇعىر ەكونوميكاسىنا قاتىستى سالىق ىستەرىن باسقارۋدى كەمەلدەندىرۋ، تۇرعىنداردىڭ تۇتىنۋ ىنتاسىن سەرپىلتۋ، جوعارى ساپالى جۇمىستاندىرۋدىڭ كەشەندى شارالارىن ويداعىداي اتقارۋ، ىندەتتەن دالمە - ءدال ساقتانۋ - تىزگىندەۋ شارالارىن ساپالىلاندىرۋ، ەكى جاعالاۋدىڭ توعىسا دامۋىن تەرەڭدەتۋ سياقتىلار جونىندە پىكىر جانە ۇسىنىستار ورتاعا قويدى.
كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى ءبىلدىردى: كوپشىلىك سوزدەرىندە بيىلعى ەكونوميكالىق قىزمەتتە قول جەتكەن ناتيجەلەردى تولىق تۇراقتاندىردى ءارى جۇڭگو كوممۋنيستىك پارتياسى 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ، كەزەكتەگى ەكونوميكالىق جاعدايعا دۇرىس تۇجىرىم جاساۋ، كەلەر جىلعى ەكونوميكالىق قىزمەتتى جاقسى ىستەۋ جونىندە كوپتەگەن سىندارلى پىكىرلەر مەن ۇسىنىستاردى ورتاعا قويدى. ءبىز مۇقيات زەرتتەپ، بەلسەنە قابىلدايمىز.
شي جينپيڭ بىلاي دەپ اتاپ كورسەتتى: بيىل جىل باسىنان بەرى اۋمالى - توكپەلى حالىقارالىق ورتا مەن ەل ءىشىنىڭ جاپالى دا اۋىر رەفورما، دامۋ، ورنىقتىلىق مىندەتى الدىندا، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ماكرولىق رەتتەۋ - مەڭگەرۋ سەرپىنىن ارتتىرىپ، ەكونوميكالىق، قوعامدىق جالپى جاعدايدىڭ ورنىقتىلىعىن ساقتادى.
شي جينپيڭ بىلاي دەپ اتاپ كورسەتتى: وتكەن 5 جىل اسا وزگەشە، تىم ەرەكشە بولدى، دۇنيە جۇزىندەگى وزگەرىس اۋقىمىنىڭ كۇشەيۋى، جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى جانە ەل ءىشى ەكونوميكاسىنىڭ قۇلدىراۋى سياقتى كوپتەگەن سىناقتاردان وتتىك، اسىرەسە، كەيبىر ەلدەردىڭ ەكونوميكا، عىلىم - تەحنيكا جاقتان ”بايلانىستى ءۇزۋدى“ جەدەلدەتۋى سياقتى سىن - سايىستارعا پارمەندى توتەپ بەرىپ، كاسىپ سالاسى تىزبەگىنىڭ، قامداۋ تىزبەگىنىڭ نەگىزىنەن ورنىقتىلىعىن ساقتاپ، ەكونوميكانىڭ ۇلكەن اۋقىمىن ورنىقتىردىق. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءونىمدى قورعادىق. ەلىمىز ەكونوميكاسى جىلىنا ورتا ەسەپپەن ％5تەن استام ارتىپ، دۇنيە ءجۇزىنىڭ ورتاشا دەڭگەيىنەن جاقسى بولدى.
شي جينپيڭ بىلاي دەپ اتاپ كورسەتتى: جاڭا داۋىردەگى 10 جىل ەلىمىزدىڭ ەكونوميكالىق، قوعامدىق دامۋىندا تاريحي تابىسقا قول جەتكەن، تاريحي وزگەرىس تۋىلعان، جوعارى ساپالى دامۋعا بۇرىلىس جاساعان 10 جىل بولدى. 10 جىلدان بەرى ەلىمىز ەكونوميكاسىنىڭ جالپى مولشەرى تىڭ ساتىعا كوتەرىلىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى الەم بويىنشا ماڭداي الدى ورىندى يەلەدى، ستراتەگيالىق جاڭادان گۇلدەنگەن كاسىپ سالالارى دامىپ، ۇلعايدى، دامۋدىڭ تەپە - تەڭدىگى، سايكەسىمدىلىگى، قامتىمدىلىعى ۇزدىكسىز جوعارىلادى، ەكولوگيالىق ورتادا كورنەكتى جاقسارۋ جانە بەتالىستىق جاقسارۋ جارىققا شىقتى، ”ءبىر بەلدەۋ، ءبىر جولدى“ بىرگە قۇرۋ تەرەڭدەپ، ناقتىلانىپ، جاڭاشىل مەملەكەت قۇرىلىسىندا كەلەلى ىلگەرىلەۋشىلىككە قول جەتتى. اسىرەسە، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي دوڭگەلەك داۋلەتتى قوعامدى مەجەلى مەرزىمدە قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادىق.
شي جينپيڭ مىنالاردى ءبىلدىردى: بيىل جىل باسىنان بەرى ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر پارتيا مەن مەملەكەتتىڭ وزەكتى قىزمەتىن ارقاۋ ەتىپ، جاڭا دامۋ ارناسىن قالىپتاستىرۋ، بىرگە بايۋدى تىڭعىلىقتى ىلگەرىلەتۋ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ءبىر تۇتاس جوسپارلاپ ىلگەرىلەتۋ سياقتى كەلەلى ماسەلەلەر جونىندە تەكسەرۋ - زەرتتەۋ جۇرگىزىپ، چاڭجياڭ دارياسىنىڭ ەكولوگيالىق ورتاسىن قورعاۋعا ارناۋلى دەموكراتيالىق باقىلاۋ جۇرگىزۋ سياقتى قىزمەتتەردى ورىستەتىپ، توتە جەتكىزۋ تاسىلىمەن 53 ۇسىنىس - پىكىر بەرىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا ماڭىزدى دايەك ۇسىندى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ دەموكراتيالىق پارتيا - توپتارعا، مەملەكەتتىك ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە 3 ءتۇرلى ءۇمىت ارتتى. ءبىرىنشى، جۇڭگو كوممۋنيستىك پارتياسى 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، سەلبەستىك اۋەلگى ماقساتىن ۇمىتپاي، تاڭداۋلى ءداستۇردى جالعاستىرۋ. ەكىنشى، يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتىنىڭ كەلەر جىلعى ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، ىندەتتەن ساقتانۋ - تىزگىندەۋدى عىلمي، دالمە - ءدال ويداعىداي ىستەۋ، ىشكى سۇرانىستى ءونىمدى كەڭەيتۋ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ، ميكرو تيجارات تۇلعالارىنىڭ ومىرشەڭدىگىن قاۋلاتۋ سياقتى كەلەلى ماسەلەلەردى ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، تارتىمدى پىكىر - ۇسىنىستاردى ورتاعا قويۋ. ءۇشىنشى، كەزەك اۋىستىرۋدى وراي ەتىپ، ساياسي وتكىزىپ بەرۋ - وتكىزىپ الۋدى ىشكەرىلەي ويداعىداي ىستەپ، كەزەك اۋىستىرۋ قىزمەتىن مۇقيات ۇيىمداستىرىپ، كادرلاردىڭ الماسۋىن ءساتتى جۇزەگە اسىرىپ، كوپ پارتيا سەلبەستىگىنىڭ ورتاق يدەيالىق - ساياسي نەگىزى مەن ۇيىمدىق نەگىزىن ونان ارى بەكەمدەپ، كوپ پارتيا سەلبەستىگى ىستەرىنىڭ نەگىزىنىڭ ماڭگى بەكەم بولۋىنا، ۇرپاقتان - ۇرپاققا جالعاسۋىنا شىنايى كەپىلدىك ەتۋ كەرەك.
شى تايفىڭ، ليۋ حى، سۇن چۇنلان، حى ليفىڭ، ۋاڭ يۇڭ، شياۋ جيە، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسىنە قاتىناستى.
اڭگىمە ماجىلىسىنە پارتيا سىرتىنداعى قايراتكەرلەردەن تاعى چىن شياۋگۋاڭ، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ جانە جياڭ زوجۇن، لي يۋەفىڭ، حۋاڭ رۇڭ، دوۋ شياۋيۇي قاتارلىلار قاتىناستى.
