اۆتونوميالى رايون جۇمىستاندىرۋ قىزمەتى ارناۋلى تاقىرىپتىق ءماجىلىسىن اشتى
الۋان ءتۇرلى شارالار ارقىلى بار كۇشپەن جۇمىستاندىرۋدى ورنىقتىرۋ، جۇمىستاندىرۋدى كەڭەيتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 7 - كۇنى ۇرىمجىدەن حابارلايدى. 12 - ايدىڭ 6 - كۇنى تۇستەن بۇرىن، اۆتونوميالى رايون جۇمىستاندىرۋ قىزمەتى ارناۋلى تاقىرىپتىق ءماجىلىسىن اشىپ، پارتيا 20 - قۇرىلتايىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات ۇيرەندى، دايەكتىلەندىردى، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ رۋحىن دايەكتىلەندىردى، ماسەلەنى باعدار ەتۋگە تاباندى بولىپ، كەزەكتەگى جۇمىستانۋ جاعدايىنا تالداۋ جاساپ، جىل سوڭىنان بۇرىنعى جۇمىستاندىرۋ قىزمەتىنە ورنالاستىرۋ جاسادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ءار دارەجەلى پارتكوم، ۇكىمەت جانە قاتىستى تاراۋلار ساياسي دەڭگەيدى شىنايى جوعارىلاتىپ، كەزەكتەگى جۇمىستاندىرۋ قىزمەتىن ويداعىداي ىستەۋدى پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ ماڭىزدى تۇتقاسى ەتىپ، ”ەكىنى تۇراقتاندىرۋدى“ ادالدىقپەن قورعاۋدىڭ، ”ەكىنى قورعاۋدى“ باتىل ورىنداۋدىڭ ءىس جۇزىندىك ارەكەتى ەتىپ، ءتۇيىندى ورنىقتىرىپ، كومەسكى كۇشتى اشىپ، تومەنگى شەكتەن تۇسىرمەي، حاۋىپ - قاتەردەن ساقتانىپ، الۋان ءتۇرلى امالدارمەن، بار كۇشپەن جۇمىستاندىرۋ قىزمەتتەرىن ويداعىداي ىستەپ، تۇتاس جىلدىق جۇمىستاندىرۋ نىساناسىن ورىنداۋعا ۇمتىلۋ كەرەك.
ءماجىلىس مىنالاردى اتاپ كورسەتتى: جەر - جەر جۇمىستاندىرۋدى ورنىقتىرۋ، جۇمىستاندىرۋدى كەڭەيتۋ نەگىزگى جەلىسىن ارقاۋ ەتە وتىرىپ، جۇمىس ورنىن ورنىقتىرۋ، جۇمىستانۋدى جەبەۋ ساياسات - شارالارىن جەدەل تياناقتاندىرىپ، ءتۇرلى بازار تۇلعالارىنىڭ ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا جۇمىستى قالپىنا كەلتىرۋىن، ءوندىرىس قۋاتىنا جەتۋىن ءتۇيىندى ىلگەرىلەتۋ كەرەك. جۇمىستاندىرۋدى الدىمەن ويلاستىرۋ ستراتەگياسىن كۇشەيتىپ، قازىنا، فينانس، قارجى قوسۋ، تۇتىنۋ، كاسىپ سالاسى سياقتى جاقتارداعى ساياساتتا كۇشتى شوعىرلاندىرا وتىرىپ جۇمىستانۋعا قولداۋ كورسەتىپ، ەكونوميكانى ارتتىرۋداعى جۇمىستانۋدىڭ جەتەكشىلىك قۋاتىن جوعارىلاتۋ كەرەك. جۇمىستى، ءوندىرىستى، ساۋدانى، بازاردى قالپىنا كەلتىرۋدى جەدەل ىلگەرىلەتىپ، كاسىپورىنداردىڭ ءوندىرىس، تيجارات جۇرگىزۋ بارىسىنداعى ءىس جۇزىندىك قيىنشىلىعىن شەشۋىنە كومەكتەسىپ، كاسىپورىنداردىڭ ءوندىرىسىن ورنىقتىرۋ نەگىزىندە جۇمىستاندىرۋ ورنىن ورنىقتىرۋ كەرەك. كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ جاعىندا تاعى دا كۇش سالىپ، ءتۇرلى سۇيەمەلدەۋ ساياساتتارىنىڭ جوعارى ونىممەن كاسىپورىندارعا تىكەلەي جەتۋىن ىلگەرىلەتىپ، مەجەنى اناعۇرلىم ورنىقتىرىپ، سەنىمدى سەرپىلتىپ، بازار تۇلعالارىنىڭ ومىرشەڭدىك كۇشىن تاسقىنداتىپ، جۇمىستانۋ كولەمىن كەڭەيتۋ كەرەك. اۆتونوميالى رايوننىڭ تەحنيك جۇمىسشى شۋەيۋان، مەكتەپتەرى قۇرىلىسىن جەدەل ىلگەرىلەتىپ، كاسىپتىك شەبەرلىككە باۋلۋ تەبىنىن كۇشەيتىپ، شەبەرلىكتى جوعارىلاتۋ ارقىلى ورنىقتى جۇمىستانۋدى جەبەپ، كىرىستى ارتتىرۋعا جەتەكتەۋ كەرەك. كەدەيلىكتەن ارىلعان ەڭبەككۇشتەردىڭ سىرتقا شىعىپ جۇمىس ىستەۋىن جانە اۋىل - قىستاق ەڭبەككۇشتەرى، جوعارى مەكتەپتەن وقۋ تاۋىسقان وقۋشىلار، تىزىمگە الىنعان جۇمىسسىز ادامدار، قوسىننان شەگىنگەن اسكەريلەر، جۇمىستانۋى قيىن ادامدار سياقتى ءتۇيىندى قاۋىمنىڭ جۇمىستانۋىن كورنەكتى يگەرىپ، شينجياڭعا كومەكتەسەتىن ولكە، قالالارمەن بولعان ەڭبەك ىستەستىگىن كۇشەيتۋ كەرەك. جۇمىسسىزدىق حاۋىپ - قاتەرىنەن ساقتانۋ مەحانيزمىن كەمەلدەندىرىپ، كورنەكتى قايشىلىقتاردى، ماسەلەلەردى بايىپتى، ءتارتىپتى تۇردە شەشىپ، جۇمىسشى - قىزمەتكەرلەردىڭ ەڭبەك قامتاماسىزدىعى ۇقىق - مۇددەسىن شىنايى قورعاۋ كەرەك.
ءماجىلىس مىنالاردى باسا دارىپتەدى: جەر - جەردەگى پارتكومدار مەن ۇكىمەتتەر قاراستى جەر جاۋاپكەرشىلىگىن مۇقيات اتقارىپ، اۆتونوميالى رايونداعى كاسىپ سالالارىنىڭ نەگىزگى باسقارۋ تاراۋلارى ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، قاتىستى تاراۋلار كەشەندى شارا قولدانىپ، سالىق اقىسىن، ءۇي جالداۋ اقىسىن ازايتۋ، كەشىرىم ەتۋ، فينانستىق قولداۋ كورسەتۋ، قوعامدىق قامسىزداندىرۋ اقىسىن ازايتۋ، كەشىرىم ەتۋ سياقتى شابىتتاندىرۋ ساياساتىن اتقارۋدى، تياناقتاندىرۋدى مىقتى يگەرۋ نەگىزىندە جۇمىستانۋدى ورنىقتىراتىن، جۇمىستانۋدى جەبەيتىن ءتىپتى دە تەبىندى، ءتىپتى دە ناقتى ىستەلەتىن ساياسات - شارالاردى زەرتتەپ جاساپ، بازار تۇلعالارىنىڭ جانە ەڭبەكشىلەردىڭ اۋىرتپالىعىن شىنايى جەڭىلدەتۋ كەرەك.
ءماجىلىس مىنالاردى اتاپ كورسەتتى: حالىقتى بارىنەن جوعارى قويۋعا تاباندى بولۋدى كوپ شارانى قاتار اتقارۋ ارقىلى بۇقارانىڭ جۇمىستانۋىن شەشۋدە ويداعىداي تياناقتاندىرىپ، بۇقارانى كوپ ءتۇرلى تاسىلمەن يكەمدى جۇمىستانۋعا شابىتتاندىرۋ كەرەك. ”كەشكى ەكونوميكانى“ دامىتۋدى جەبەپ، ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، بەلگىلەنگەن ۋاقىتتا ەسىك جابۋ، شەكتى ۋاقىتتا تيجارات جۇرگىزۋ سياقتى شەكتەۋ سيپاتتى شارالاردى كۇشىنەن قالدىرۋدى اقىلداسىپ، تۇتىنۋدى اناعۇرلىم كەڭەيتىپ، جۇمىستانۋدى جەبەپ، ومىرشەڭدىك كۇشتى تاسقىنداتۋ كەرەك.
ليۋ سۋشى، شۋە بين ماجىلىسكە قاتىناستى.
