حى جۇڭيوۋ ءۇرىمجى اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
اۋىل - قىستاقتى گۇلدەندىرۋدى جاپپاي ىلگەرىلەتىپ، قونىسقا جايلى، كاسىپكە ىڭعايلى جاراسىمدى دا كورىكتى اۋىل - قىستاق قۇرۋ كەرەك
انار بۇلت \ شينجياڭ گازەتىنىڭ ءتىلشىسى لياڭ ليحۋا 12 - ايدىڭ 7 - كۇنى ۇرىمجىدەن حابارلايدى. 12 - ايدىڭ 6 - كۇنى اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ءۇرىمجى اۋدانىندا كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ جانە اۋىل - قىستاقتى گۇلدەندىرۋدى ىلگەرىلەتۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، اۋىل - قىستاق ەرەكشە كاسىپ سالالارىن دامىتىپ، اۋىل - قىستاق نەگىزگى تيجارات ءتۇزىمىن بەكەمدەپ جانە كەمەلدەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، قونىسقا جايلى، كاسىپكە ىڭعايلى جاراسىمدى دا كورىكتى اۋىل - قىستاق قۇرۋ كەرەك.
شۇيشيگوۋ قالاشىعىنا ورنالاسقان شينجياڭ جىبەك جولى حالىقارالىق دەمالىس اۋماعىندا كوپتەگەن ساياحاتشىلار شاڭعى تەۋىپ ءجۇر ەكەن. حى جۇڭيوۋ ساياحات كاسىبىنىڭ جۇمىستى، ءوندىرىستى قالپىنا كەلتىرۋى، تيجاراتتى دامىتۋى سياقتى احۋالداردى ەگجەي - تەگجەيلى ۇعىستى. ول بىلاي دەپ باسا دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداپ، تۇتىنۋدىڭ قالپىنا كەلۋىن ۇزدىكسىز ىلگەرىلەتىپ، ىندەت اكەلگەن شىعىندى ەڭ تومەن دەڭگەيگە تۇسىرۋگە قۇلشىنىپ، ساياحات كاسىبىنىڭ جىلدام جاندانۋىن جەبەپ، اۋىل - قىستاقتى گۇلدەندىرۋدىڭ نەگىزىن نىعايتۋ كەرەك.
حى جۇڭيوۋ شۇيشيگوۋ قالاشىعىنىڭ پيڭشيلياڭ قىستاعى مەن فاڭجياجۋاڭ قىستاعىن ارالاپ، اۋىل - قىستاقتى باسقارۋ، ورگانيكالى اۋىل شارۋاشىلىق ونىمدەرىن ءوندىرۋ، حالىقتىق تۇسەلحانا كاسىپ سالاسى، شارۋالار شاتتىعى ساياجايىنىڭ اس - سۋى سياقتى احۋالداردى ناقتى ورىندا ۇعىستى. ول بىلاي دەپ اتاپ كورسەتتى: نەگىزگى ساتىنى مىقتاپ يگەرۋ سىندى ايقىن بەتالىسقا تاباندى بولىپ، پارتيا قۇرىلىسىن يگەرۋ ارقىلى اۋىل - قىستاقتىڭ گۇلدەنۋىن جەبەپ، نەگىزگى ساتىنى باسقارۋ قابىلەتىن ۇزدىكسىز جوعارىلاتۋ كەرەك. ورگانيكالى اۋىل شارۋاشىلىعىمەن شىنايى اينالىسىپ، باسىمدىققا يە ايگىلى ماركا تۇلعالاۋ كەرەك. وزەكتى بايلىقتى ويداعىداي دامىتىپ، ويداعىداي پايدالانىپ، حالىقتىق تۇسەلحانانى دامىتۋدى كورىكتى اۋىل - قىستاق قۇرىلىسىمەن، شارۋالاردى جۇمىستانۋعا، كىرىستەرىن ارتتىرۋعا جەتەكتەۋمەن ۇشتاستىرىپ، شارۋالاردىڭ قاتىسۋ مەحانيزمىن اقاۋسىزداندىرىپ، ورنىقتى تۇردە كىرىستى ارتتىرىپ، بايۋدى جۇزەگە اسىرۋ كەرەك.
حى جۇڭيوۋ بىلاي دەپ باسا دارىپتەدى: كاسىپ سالاسىن گۇلدەندىرۋ − اۋىل - قىستاقتى جاپپاي گۇلدەندىرۋدىڭ نەگىزى جانە تەتىگى. ءۇرىمجى اۋدانىندا وزگەشە جاراتىلىستىق بايلىق بار، بايلىق باسىمدىعىن تياناق ەتىپ، اۋىل - قىستاق ساياحات كاسىبىن جوعارى ساپالى دامىتىپ، ساياحاتتىڭ سايكەستى نەگىزدىك قۇرىلعىلارى قۇرىلىسىن كەمەلدەندىرىپ، ساياحاتشىلار ءۇشىن ”تاماقتانۋ، قونۋ، ساپارلاۋ، ساياحاتتاۋ، زات الۋ، كوڭىل اشۋ“ تۇتاس تىزبەكتى قىزمەت وتەۋىن تۇلعالاۋ كەرەك. اۋىل - قىستاق ساياحاتىن دامىتۋعا قاتىستى باۋلۋدى كۇشەيتىپ، مادەنيەتتى، تەحنيكادان حابارلى، شارۋاشىلىق جۇرگىزۋدى بىلەتىن جاڭاشا شارۋالاردى باۋلىپ، شارۋالاردىڭ كىرىستى ارتتىرىپ، بايۋ ارناسىن كەڭەيتۋ كەرەك. اۋىل - قىستاق نەگىزگى شارۋاشىلىق ءتۇزىمىن بەكەمدەپ جانە كەمەلدەندىرىپ، جاڭاشا اۋىل - قىستاق كوللەكتيۆ شارۋاشىلىعىن دامىتۋ، جاڭاشا اۋىل شارۋاشىلىعى شارۋاشىلىق تۇلعالارى مەن قوعامدانعان قىزمەت وتەۋدى دامىتۋ كەرەك. اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاق كاسىپ سالاسىن، دارىندىلاردى، مادەنيەتتى، ەكولوگيانى، ۇيىمدى گۇلدەندىرۋدى تىڭعىلىقتى ىلگەرىلەتۋ كەرەك. اۋىل - قىستاق قونىس ورتاسىن وڭاۋدى ۇزدىكسىز ىلگەرىلەتىپ، اۋىل - قىستاقتىڭ بەت - بەينەسىن جاقسارتۋ، اۋىل - قىستاق قوقسىعىن جيناپ اكەتىپ، ءبىر جاقتى ەتۋ جۇيەسى قۇرىلىسى، اۋىل - قىستاق تۇرمىستىق لاس سۋلارىن جونگە سالۋ سياقتى قىزمەتتەردى مىقتى، ناقتى يگەرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىن مانىندە جوعارىلاتۋ كەرەك. جوبانى جاقسىلاپ جاساپ، ساياساتتان، قارجىدان جەتكىلىكتى، ويداعىداي پايدالانىپ، دارىندىلاردى، قارجىنى، تەحنيكانى اۋىل - قىستاققا قاراي بەيىمدەۋگە باستاپ، اۋىل - قىستاقتىڭ اناعۇرلىم باي، تۇرمىستىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن جۇزەگە اسىرۋ كەرەك.
