انار بۇلت \ شينجياڭ گازەتىنىڭ ءتىلشىسى سۇي يۇنيان 12 - ايدىڭ 5 - كۇنى ۇرىمجىدەن حابارلايدى. 12 - ايدىڭ 5 - كۇنى اۆتونوميالى رايوننىڭ 2022 - جىلعى ”نەگىزگى زاڭ ۇگىت اپتالىعى“ ۇگىت قيمىلى باستالدى.
اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ۋاڭ ميڭشان باستالۋ سالتىنا قاتىناستى ءارى جۇمىلدىرۋ ءسوزىن سويلەدى.
ءماجىلىس مىنالاردى تالاپ ەتتى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭنىڭ زاڭمەن باسقارۋ يدەياسىن جەتەكشى ەتىپ، اتقارىلىپ وتىرعان نەگىزگى زاڭنىڭ جاريالانىپ اتقارىلعاندىعىنىڭ 40 جىلدىعىن وراي ەتىپ، ”4·12“ مەملەكەت نەگىزگى زاڭ كۇنى مەن ”نەگىزگى زاڭ ۇگىت اپتالىعى“ قيمىلىن ىشكەرىلەي تەرەڭدەتىپ، نەگىزگى زاڭ رۋحىن بار كۇشپەن اسقاقتاتىپ، نەگىزگى زاڭنىڭ بەدەلىن قورعاپ، نەگىزگى زاڭ تانىمىن ورناتىپ، نەگىزگى زاڭدى جاپپاي دايەكتىلەندىرۋدى، اتقارۋدى ىلگەرىلەتىپ، زاڭعا قۇرمەت ەتۋدى، زاڭدى ۇيرەنۋدى، زاڭعا بويسۇنۋدى، زاڭدى قولدانۋدى تۇتاس قوعامدا سالتقا اينالدىرۋعا قۇلشىنىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا تاماشا زاڭمەن باسقارۋ ورتاسىن قالىپتاستىرىپ، زاڭمەن باسقارىلاتىن شينجياڭ قۇرىلىسىندا ۇزدىكسىز جاڭا جاعداي اشۋ كەرەك.
ءماجىلىس مىنالاردى باسا دارىپتەدى: زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ ساياسي جاۋاپكەرشىلىك سەزىمى مەن تاريحي بورىشتىلىق سەزىمىن شىن مانىندە كۇشەيتىپ، نەگىزگى تاقىرىپپەن تىعىز بايلانىستىرا وتىرىپ، ”نەگىزگى زاڭ ۇگىت اپتالىعى“ ۇگىت قيمىلىن جۇرگىزۋدى دالمە - ءدال، ءونىمدى ىلگەرىلەتىپ، ءتۇيىندى كورنەكتىلەندىرىپ، ”نەنى جالپىلاستىرۋ“ ماسەلەسىن شەشىپ، تەتىكتى يگەرىپ، ”كىمگە جالپىلاستىرۋ“ ماسەلەسىن شەشىپ، ءادىستى جاڭالاپ، ”قالاي جالپىلاستىرۋ“ ماسەلەسىن شەشىپ، دارا، پارىقتى، دالمە - ءدال بولعان جالپى بارىستىق زاڭ جالپىلاستىرۋ ارقىلى حالىق بۇقاراسىنىڭ زاڭمەن باسقارۋ جونىندەگى تىڭ تىلەگىن قاناعاتتاندىرۋ كەرەك. قىزمەتتى تياناقتاندىرۋدى مىقتى يگەرىپ، ”نەگىزگى زاڭ ۇگىت اپتالىعى“ ۇگىت قيمىلىنىڭ تاماشا ناتيجەگە قول جەتكىزۋىنە شىنايى كەپىلدىك ەتىپ، تۇتاس قوعامدا پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، نەگىزگى زاڭدى ۇيرەنۋدىڭ، ۇگىتتەۋدىڭ قىزۋ ورلەۋىن قالىپتاستىرۋ كەرەك.
ماجىلىستە ”نەگىزگى زاڭدى جەتەكشى ەتىپ، زاڭمەن باسقارىلاتىن شينجياڭ قۇرىلىسىن ىشكەرىلەي ىلگەرىلەتەيىك“ دەگەن تاقىرىپتا پىسىقتاۋ لەكسياسى وتكىزىلدى.
بۇكىل شينجياڭ بويىنشا ءار دارەجەلى پارتيا مۇشەلەرىنەن، كادرلاردان، مەملەكەت قىزمەتكەرىنەن 25 مىڭنان استام ادام نەگىزگى ءماجىلىس ورنىندا جانە 2354 بولىمشە ءماجىلىس ورنىندا ماجىلىسكە قاتىناستى.
