جۇڭگو - اراب ەلدەرى باسشىلار ماجىلىسىنە، جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىنە قاتىناسىپ جانە ساۋد ارابياسىنداعى مەملەكەتتىك ساپارىن اياقتاتىپ
شي جينپيڭ ەلگە قايتىپ كەلدى
شينحۋا اگەنتتىگىنىڭ 12 - ايدىڭ 10 - كۇنى ريادتان بەرگەن حابارى. جەرگىلىكتى ۋاقىت 12 - ايدىڭ 10 - كۇنى تۇستەن بۇرىن مەملەكەت ءتوراعاسى شي جينپيڭ جۇڭگو - اراب ەلدەرى باسشىلار ماجىلىسىنە، جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىنە قاتىناسىپ جانە ساۋد ارابياسىنداعى مەملەكەتتىك ساپارىن اياقتاتىپ بولعاننان كەيىن اتتانىپ ەلگە قايتىپ كەلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ۋاڭ ي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەستىڭ ورىنباسار ءتوراعاسى حى ليفىڭ قاتارلى ساپارلاستارى دا سول ۇشاقپەن قايتىپ كەلدى.
ريادتان اتتاناردا ساۋد ارابياسى رياد ولكەسىنىڭ باستىعى فايسال حانزادا، سىرتقى ىستەر ءۋازىرى فايسال حانزادا، جۇڭگو ىستەرى جونىندەگى ءۋازىر رۋماييان قاتارلى پاتشا اۋلەتىنىڭ ماڭىزدى مۇشەلەرى جانە ۇكىمەتتىڭ جوعارى دارەجەلى ءمانساپتىلارى اۋەجايعا بارىپ شىعارىپ سالدى.
