ەلزات احمەتجان ءوزى جاۋاپتى بولىپ بايلانىس جاسايتىن سالالاردا پارتيا 20 - قۇرىلتايى رۋحى جونىندە ۇگىت لەكسيا جاسادى
قىزمەتتى تىڭعىلىقتى ىستەپ، كورىكتى شينجياڭدى كۇش سالا قۇرايىق
انار بۇلت \ شينجياڭ گازەتىنىڭ ءتىلشىسى جاڭ يانفاڭ 12 - ايدىڭ 10 - كۇنى ۇرىمجىدەن حابارلايدى. 12 - ايدىڭ 9 - كۇنى اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ تۇراقتى مۇشەسى ەلزات احمەتجان مەملەكەت مەنشىگىندەگى مال - مۇلىك، فينانس، جۇمىسشى ۇيىمى قاتارلى ءوزى جاۋاپتى بولىپ بايلانىس جاسايتىن سالالاردا پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى.
ەلزات احمەتجان بىلاي دەپ اتاپ كورسەتتى: پارتيا 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا ارشىندى قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى كەزدە اشىلعان توتەنشە ماڭىزدى قۇرىلتاي. تاراۋلارداعى، ورىندارداعى پارتيا مۇشەلەرى مەن كادرلار الدا ءجۇرىپ، ۇلگى بولىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن شىن مانىندە بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ءمانىن باستاماشىلدىقپەن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
ەلزات احمەتجان بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت، جان - جاقتى ۇيرەنۋگە، جان - جاقتى يگەرۋگە، جان - جاقتى تياناقتاندىرۋعا ۇزدىكسىز كۇش سالۋ كەرەك. قاز - قالپىندا ۇيرەنىپ، ءىس جۇزىندىكپەن بايلانىستىرىپ ۇيرەنىپ، باي مازمۇنىن تەرەڭ ءتۇسىنىپ، رۋحاني ءمانىن دالمە - ءدال يگەرىپ، ءارقايسى نىسانا - مىندەتتەرمەن سالىستىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا ءىس جۇزىندىكپەن ۇشتاستىرا وتىرىپ، دايەكتىلەندىرۋ، تياناقتاندىرۋ شارالارىن زەرتتەۋ كەرەك. رەفورمانى تەرەڭدەتۋدى ونان ارى جەدەلدەتىپ، مەملەكەت مەنشىگىندەگى كاسىپورىنداردى ساپالىلاندىرىپ، ۇلعايتىپ، كۇشەيتىپ، فينانس كاسىبىنىڭ جوعارى ساپالى دامۋىن ىلگەرىلەتىپ، قالىڭ جۇمىسشى - قىزمەتكەرلەر قاۋىمىن جاڭا داۋىردە ەسە قوسۋعا، جاڭا جورىقتا ەكپىندەي ىلگەرىلەۋگە جۇمىلدىرىپ، پارتيا 20 - قۇرىلتايى رۋحىن شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋدىڭ ءىس جۇزىندىك ارەكەتى مەن قىزمەت ونىمدىلىگىنە اينالدىرۋعا شىنايى كەپىلدىك ەتىپ، كورىكتى شينجياڭ قۇرۋعا قۇلشىنۋ كەرەك.
