تيانشان تورى - شينجياڭ گازەتىنىڭ حابارى (ءتىلشى جاۋ شييا حابارلايدى) ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا: بيىل رايونىمىز وتباسىندا قيىنشىلىعى بار وقۋ تاۋىساتىن وقۋشىلارعا جۇمىستانۋ جاعىنان كومەكتەسۋ - سۇيەمەلدەۋ ارەكەتىن جالعاستى اتقارادى ەكەن، قازىرگە دەيىن، 2022 - جىلى وقۋ تاۋىساتىن وتباسىندا قيىنشىلىعى بار جيىنى 35مىڭ 500 وقۋشىعا جۇمىس قاراستىرۋ، شارۋاشىلىق قۇرۋ قوسىمشا قاراجاتىنان ءبىر رەتتە 35 ميلليون 514 مىڭ يۋان تاراتتى.
قوسىمشا قاراجات بەرىلەتىن وبيەكتىلەرىنىڭ ىشىندە اۆتونوميالى رايون قاراستىلىعىنداعى، جۇمىستانۋ قالاۋى بار، بەلسەندى تۇردە جۇمىس قاراستىرعان ءارى 6 تۇردەگى وقۋ تاۋىساتىن وقۋشىلار شارتىنىڭ بىرىنە ۇيلەسەتىن وقۋ تاۋىسۋ جىلىنداعى ادەتتەگى جوعارى مەكتەپ، ورتا دارەجەلى كاسىپتىك مەكتەپ جانە تەحنيك - جۇمىسشىلار مەكتەبىنىڭ وقۋ تاۋىساتىن وقۋشىلارى قامتىلادى، ءارقايسى جەر ءار ادامعا 1000 يۋاندىق ولشەم بويىنشا ءبىر رەتتىك جۇمىس قاراستىرۋ، شارۋاشىلىق قۇرۋ قوسىمشا قاراجاتىن تاراتادى.
6 تۇردەگى وقۋ تاۋىساتىن وقۋشىلار مىنالاردى قامتيدى: قالا مەن اۋىلداعى ەڭ تومەن تۇرمىسى قامتاماسىزداندىرىلاتىن وتباسىنداعى وقۋ تاۋىساتىن وقۋشىلار، وقۋ تاۋىساتىن مۇگەدەك وقۋشىلار، مەملەكەتتىڭ وقۋعا كومەك قارىز اقشاسىن نەمەسە كەلگەن جەرىنەن وقۋ كومەك قارىز اقشاسىن العان وقۋ تاۋىساتىن وقۋشىلار، كەدەيلىكتەن ارىلعان وتباسىنداعى وقۋ تاۋىساتىن وقۋشىلار، كەدەيلىكتەن ارىلعان مۇگەدەك وتباسىنداعى وقۋ تاۋىساتىن وقۋشىلار جانە ەرەكشە قيىنشىلىعى بارلارعا قاراتىلعان قۇتقارۋ - كومەكتەسۋ بويىنشا قامدالاتىن وتباسىنداعى وقۋ تاۋىساتىن وقۋشىلار.
وقۋ تاۋىساتىن وقۋشىلارعا ءبىر رەتتىك جۇمىس قاراستىرۋ، شارۋاشىلىق قۇرۋ قوسىمشا قاراجاتىن دەر كەزىندە تاراتۋدان تىس، بيىل 7 - ايدا، رايونىمىز 2022 - جىلى مەكتەپتەن قول ۇزگەنىمەن جۇمىستانباعان جوعارى مەكتەپ تاۋىسقان وقۋشىلارعا قاراتا قىزمەت وتەۋدەن قامال الۋ ارەكەتىن ىسكە قوسىپ، جۇمىستانباعان وقۋ تاۋىسقان وقۋشىلاردىڭ ناقتى اتى - ءجونىن تىزىمدەۋ قىزمەتىن ءتۇيىندى تۇردە ورىستەتىپ، ءار دارەجەلى الەۋمەتتىك جۇمىستانۋعا قىزمەت وتەۋ قۇرىلىمدارىنىڭ ەسىمىن، ادرەسىن، قىزمەت وتەۋ تۇعىرىن جاريالاپ، جۇمىستانباعان، جوعارى مەكتەپتەن وقۋ تاۋىسقان وقۋشىلاردىڭ جۇمىس قاراستىرۋىن تىركەۋ شاعىن باعدارلاماسىن پايدالانۋدى ۇگىتتەپ، جەر - جەردەگى الەۋمەتتىك جۇمىستانۋعا قىزمەت وتەۋ قۇرىلىمدارىنا ينتەرنەت جەلىسىندە جانە ينتەرنەت جەلىسىنەن تىس ارناۋلى مايدان جۇمىسقا قابىلداۋ جينالىسىن ءجيى ۇيىمداستىرۋ جاعىندا جەتەكشىلىك ەتتى. جۇمىستانباعان وقۋ تاۋىسقان وقۋشىلارعا اسىرەسە، كەدەيلىكتەن ارىلعان وتباسىلارىنداعى، بىردە ءبىر ادامى جۇمىستانباعان وتباسىلارىنداعى، مۇگەدەك جانە جۇمىستانۋى قيىنعا سوققان وقۋ تاۋىسقان وقۋشىلارعا قاراتا ”بىرگە - ءبىر“ كومەكتەسۋ - سۇيەمەلدەۋ كورسەتىپ، ءار ءبىر وقۋ تاۋسقان وقۋشىعا جۇمىستانۋ قىزمەت ورنىنان كەمىندە ۇشەۋىن دالمە - ءدال جىبەرىپ، ولاردىڭ ەرتەرەك جۇمىستانۋدى جۇزەگە اسىرۋىنا كومەكتەستى.
