تيانشان تورى
تيانشان تورى   ›   جاڭالىقتار   ›   ماڭىزدى حابارلار

بەيزاتتىق مادەنيەت مۇرالارىن جۇيەلى قورعاۋدى تىڭعىلىقتى، ويداعىداي ىستەپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىن ىلگەرىلەتۋ كەرەك

  شي جينپيڭ بەيزاتتىق مادەنيەت مۇرالارىن قورعاۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

  بەيزاتتىق مادەنيەت مۇرالارىن جۇيەلى قورعاۋدى تىڭعىلىقتى، ويداعىداي ىستەپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىن ىلگەرىلەتۋ كەرەك

  شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بەيزاتتىق مادەنيەت مۇرالارىن قورعاۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: ”جۇڭگونىڭ ءداستۇرلى شاي جاساۋ ونەرى مەن وعان قاتىستى عۇرىپ - ادەتتىڭ“ بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ ادامزاتتىڭ بەيزاتتىق مادەنيەت مۇرالارىنىڭ ۋاكىلدىك تۋىندىلارى تىزىمىنە ەنگىزىلۋى جۇڭگونىڭ شاي مادەنيەتىن اسقاقتاتۋ جونىنەن ەرەكشە ءمان الادى. بەيزاتتىق مادەنيەت مۇرالارىن جۇيەلى قورعاۋدى تىڭعىلىقتى، ويداعىداي ىستەپ، حالىقتىڭ كۇن سايىن ارتىپ وتىرعان رۋحاني مادەنيەت قاجەتىن اناعۇرلىم ويداعىداي قاناعاتتاندىرىپ، مادەنيەت جاعىنداعى وزىنە سەنىمدى، ءوزىن الۋەتتەندىرۋدى ىلگەرىلەتۋ كەرەك. جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتىپ، جۇڭحۋا ۇلتىنىڭ ۇيىسۋ قۋاتى مەن جۇڭحۋا مادەنيەتىنىڭ ىقپالىن ۇزدىكسىز كۇشەيتىپ، وركەنيەتتەردىڭ اۋىس - كۇيىسىن، ءوزارا ۇلگى الۋىن تەرەڭدەتىپ، جۇڭحۋانىڭ تاڭداۋلى ءداستۇرلى مادەنيەت حيكايالارىن ويداعىداي بايانداپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىن ىلگەرىلەتۋ كەرەك.

  11 - ايدىڭ 29 - كۇنى ەلىمىز جولداعان ”جۇڭگونىڭ ءداستۇرلى شاي جاساۋ ونەرى مەن وعان قاتىستى عۇرىپ - ادەت“ ماروككونىڭ رابات قالاسىندا اشىلعان بىرلەسكەن مەملەكەتتەر ۇيىمى وقۋ - اعارتۋ، عىلىم - تەحنيكا، مادەنيەت ۇيىمىنىڭ بەيزاتتىق مادەنيەت مۇرالارىن قورعاۋ بويىنشا ۇكىمەت ارالىق كوميتەتىنىڭ 17 - رەتكى ۇنەمىلىك ماجىلىسىندە باعالاۋدان ءوتىپ، بىرلەسكەن مەملەكەتتەر ۇيىمى وقۋ - اعارتۋ، عىلىم - تەحنيكا، مادەنيەت ۇيىمىنىڭ ادامزاتتىڭ بەيزاتتىق مادەنيەت مۇرالارىنىڭ ۋاكىلدىك تۋىندىلارى تىزىمىنە ەنگەن. قازىرگى تاڭدا ەلىمىزدەن جيىنى 43 ءتۇر بىرلەسكەن مەملەكەتتەر ۇيىمى وقۋ - اعارتۋ، عىلىم - تەحنيكا، مادەنيەت ۇيىمىنىڭ ادامزاتتىڭ بەيزاتتىق مادەنيەت مۇرالارى تىزىمىنە، كىتاپشاسىنا ەنگىزىلىپ، دۇنيە ءجۇزى بويىنشا 1 - ورىندى يەلەپ وتىر.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.