«جۇڭگونىڭ اراب دۇنيەسىمەن قارىم - قاتىناسىنىڭ جاڭا ءداۋىرىن اشتى −ءتوراعا شي جينپيڭنىڭ تۇڭعىش كەزەكتى جۇڭگو - اراب ەلدەرى باسشىلار ماجىلىسىنە قاتىناسقاندىعى تۋرالى»

　　شينحۋا اگەنتتىگى كولەمدى ادەبي حابار تاراتتى

　　«جۇڭگونىڭ اراب دۇنيەسىمەن قارىم - قاتىناسىنىڭ جاڭا ءداۋىرىن اشتى −ءتوراعا شي جينپيڭنىڭ تۇڭعىش كەزەكتى جۇڭگو − اراب ەلدەرى باسشىلار ماجىلىسىنە قاتىناسقاندىعى تۋرالى»

　　شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى. شينحۋا اگەنتتىگى 12 - ايدىڭ 12 - كۇنى «جۇڭگونىڭ اراب دۇنيەسىمەن قارىم - قاتىناسىنىڭ جاڭا ءداۋىرىن اشتى − ءتوراعا شي جينپيڭنىڭ تۇڭعىش كەزەكتى جۇڭگو - اراب ەلدەرى باسشىلار ماجىلىسىنە قاتىناسقاندىعى تۋرالى» اتتى كولەمدى ادەبي حابار تاراتتى.

　　ماقالادا بىلاي دەلىندى: قوڭىرجاي قىس ماۋسىمىنا وتكەن، شولدەگى جاسىل القاپ رياد كوپتەن كۇتكەن قۇتتى جاڭبىردى قارسى الدى ءارى جۇڭگونىڭ اراب ەلدەرىمەن قارىم - قاتىناسى تاريحىنداعى ءداۋىر بولگىش ءساتتى دە قارسى الدى.

     12 - ايدىڭ 7 - كۇنىنەن 10 - كۇنىنە دەيىن ءتوراعا شي جينپيڭ ۇسىنىسپەن ساۋد ارابياسىنىڭ استاناسى ريادتا وتكىزىلگەن تۇڭعىش كەزەكتى جۇڭگو - اراب ەلدەرى باسشىلار ماجىلىسىنە، جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىنە قاتىناستى ءارى ساۋد ارابياسىندا مەملەكەتتىك ساپاردا بولدى.

　　اسقار تاۋ، كوگىلدىر تەڭىزدەردەن، قۇبا ءشول، اساۋ وزەندەردەن ەندەي ءوتىپ، ءتوراعا شي جينپيڭ وتىرعان ارناۋلى ۇشاق 10 نەشە ساعات ۇشىپ، جەرگىلىكتى ۋاقىت 12 - ايدىڭ 7 - كۇنى تۇستەن كەيىن اراب تۇبەگىنە جەتتى. ساۋد ارابيا اۋە ارمياسىنىڭ سوعىس ۇشاقتارى قورعاپ ۇشتى، ”ساۋد ارابيا قىرانى“ قوناق قورعاۋشى ۇشاقتارى بىرگە سەرىك بولىپ ۇشتى، اۋەجايدا 21 رەت قۇرمەت ساليۋتى اتىلىپ، قوناق قورعاۋ ۇشاقتارى كەڭىستىكتە جۇڭگونىڭ مەملەكەت تۋىنا سيمۆول بولعان قىزىل، سارى ءتۇستى جولاق سالىپ ۇشتى ... ەڭ سيلى قوناققا ەڭ جوعارى سي - قۇرمەت ءبىلدىردى.

　　جول بويىندا جەلمەن بىرگە جەلبىرەگەن جۇڭگونىڭ مەملەكەت تۋى، جولدىڭ ەكى جاعىنداعى ەلەكتروندى ەكرانداعى ”ءتوراعا شي جينپيڭنىڭ ساۋد ارابياسىنا ساپارلاي كەلگەندىگىن قىزۋ قارسى الامىز“! دەگەن ۇران سوزدەرى، ءۇرتىس بىرنەشە كۇننەن بەرى جەرگىلىكتى ورىنداعى اقپارات مەديالارىنىڭ ۇزدىكسىز كولەمدى حابارلار تاراتۋى اراب ەلدەرىنىڭ ءتوراعا شي جينپيڭنىڭ ماجىلىسكە قاتىناسۋىن اڭساعان شىنايى تىلەگىن، جۇڭگو - اراب ەلدەرى سەلبەستىگىن كۇشەيتۋ كۇشتى تىلەگىن بەينەلەدى.

　　ماقالادا مىنالار اتاپ كورسەتىلدى: ءتوراعا شي جينپيڭنىڭ تۇڭعىش كەزەكتى جۇڭگو - اراب ەلدەرى باسشىلار ماجىلىسىنە قاتىناسۋى جاڭا جۇڭگو قۇرىلعاننان بەرى ەلىمىزدىڭ اراب دۇنيەسىمەن كولەمى ەڭ زور، ولشەمى ەڭ جوعارى ءبىر رەتكى ديپلوماتيالىق ارەكەتى، پارتيا 20 - قۇرىلتايىنان كەيىنگى جۇڭگوشا ءىرى ەلدىك ديپلوماتيانىڭ تاعى ءبىر رەتكى تابىستى امالياتى سانالادى.

　　جۇڭگو - اراب ەلدەرى تاعدىرلاس ورتاق تۇلعاسى قۇرىلىسىنىڭ جولىن جوبالادى، جۇڭگو - اراب ەلدەرى قارىم - قاتىناسىنىڭ بولاشاق دامۋىنا جوبا جاسادى، ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە سەنىم جانە قوزعاۋشى كۇش ۇستەدى. ءتوراعا شي جينپيڭنىڭ ريادتاعى ساپارى جۇڭگونىڭ اراب ەلدەرىمەن قارىم - قاتىناسى تاريحىنداعى ءبىر تىڭ بەلەستى تۇلعالادى.

　　ماقالا جالپى 3 بولىككە بولىنگەن، مىڭ جىلدىق دوستىقتىڭ جالعاسۋى: جاڭا ءداۋىردى بەتكە العان جۇڭگو - اراب ەلدەرى تاعدىرلاس ورتاق تۇلعاسىن بار كۇشپەن قۇرۋ؛ گۇلدەنۋ ارمانىنىڭ توعىسۋى: ۇلتتىڭ گۇلدەنۋىن جۇزەگە اسىرۋ جولىندا تىزە قوسا العا باسۋ؛ ەكى ءىرى وركەنيەتتىڭ قول ۇستاسۋى: كوركەمدىكتەرمەن ورتاقتاساتىن جەر شارى مەكەنىن بىرگە قۇرۋ.

　　ماقالادا بىلاي دەلىندى: ”ۇلى ىستەر ارماننان باستالادى، ناقتى ىستەۋمەن ورىندالادى“. تۇڭعىش كەزەكتى جۇڭگو - اراب ەلدەرى باسشىلار ءماجىلىسىن تىڭ باستاما ەتىپ، جاڭا ءداۋىردى بەتكە العان جۇڭگو - اراب ەلدەرى تاعدىرلاس ورتاق تۇلعاسىن قول ۇستاسا قۇرۋ سىندى وسى ۇلى ءىستىڭ جاڭا جورىعى باستالدى، بولاشاعى شەكسىز.