شينحۋا اگەنتتىگى كولەمدى ادەبي حابار تاراتتى
«شالقىعان زاماندا كلاسسيكالىق تۋىندىلار قۇراستىرىپ، مادەنيەت ساباقتاستىعىن جالعاپ، تاعى دا كەرەمەتتەر سومدادى − باس شۋجي شي جينپيڭنىڭ مەملەكەتتىك كەلەلى مادەنيەت ينجەنەرياسى ”جۇڭگونىڭ ءار داۋىردەگى كەسكىندەمەلەر جالپى جۇيەسىن“ قۇراستىرۋ، باسپادان شىعارۋ قىزمەتىنە كوڭىل بولگەندىگى تۋرالى ەستەلىك»
شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى. شينحۋا اگەنتتىگى 12 - ايدىڭ 12 - كۇنى «شالقىعان زاماندا كلاسسيكالىق تۋىندىلار قۇراستىرىپ، مادەنيەت ساباقتاستىعىن جالعاپ، تاعى دا كەرەمەتتەر سومدادى − باس شۋجي شي جينپيڭنىڭ مەملەكەتتىك كەلەلى مادەنيەت ينجەنەرياسى ”جۇڭگونىڭ ءار داۋىردەگى كەسكىندەمەلەر جالپى جۇيەسىن“ قۇراستىرۋ، باسپادان شىعارۋ قىزمەتىنە كوڭىل بولگەندىگى تۋرالى ەستەلىك» اتتى كولەمدى ادەبي حابار تاراتتى.
ماقالادا بىلاي دەلىندى: مەملەكەت اسىلدارى قايتا شۇعىلا شاشىپ، اسقاق ايبىنمەن كوز ءسۇرىندىردى. جۇڭگو مەملەكەتتىك مۇراجايىندا كورمەگە شىعارىلعان ”شالقىعان زاماندا كلاسسيكالىق تۋىندىلار قۇراستىرۋ − ’جۇڭگونىڭ ءار داۋىردەگى كەسكىندەمەلەر جالپى جۇيەسى‘ جەتىستىكتەر كورمەسىندە“ مىڭداعان جىلدان بۇگىنگە جەتكەن كەسكىندەمەلەر، بۇكىل دۇنيە جۇزىنە تارالىپ كەتكەن مەملەكەت اسىلدارى تۇنىق سۋرەت ۇلگىسىندە ءبىر اراعا جينالىپ، «مىڭ شاقىرىمدىق تاۋ - سۋ سۋرەتى»، «فۋچۇن تاۋىنداعى قونىس سۋرەتى» سياقتى تاريحتاعى كلاسسيكالىق كەسكىندەمە تۋىندىلارى تاريح قويناۋىنان ”شىعىپ“، ساعىم - ساۋلە ىشىندە ”ءتىرىلدى“...
2022 - جىلدىڭ سوڭىندا 17 جىلعا جالعاسقان ”جۇڭگونىڭ ءار داۋىرىندەگى كەسكىندەمەلەر جالپى جۇيەسى“ مادەنيەت ينجەنەرياسى نىسانى اياقتاۋ الدىندا تۇر، 60 ءبولىم 226 كىتاپ بولىپ قۇراستىرىلىپ، باسپادان شىققان، وعان ەل ءىشى - سىرتىنداعى 263 مادەنيەت مۇرالارى جانە مۇراجاي قۇرىلىمىندا ساقتالعان جۇڭگونىڭ 12 مىڭ 405 كەسكىندەمە تۋىندىسى ەنگىزىلىپ، ۇرپاقتان - ۇرپاققا جالعاسقان مەملەكەت اسىلى دەڭگەيىندەگى قۇندى كەسكىندەمە تۋىندىلارى قامتىلىپ، الدىڭعى چيننىڭ ايدىك سالتاناتىن، ۇلى حان ءداۋىرىنىڭ ايبىندى ساۋلەتىن، گۇلدەنگەن تاڭ ءداۋىرىنىڭ كەلبەت - كەسكىنىن، كەلىستى سۇڭ ءداۋىرىنىڭ اسەم ايشىعىن جانە يۋان، ميڭ، چيڭ داۋىرلەرىنىڭ ستيل - مانەرىن جاندى كورسەتتى.
ماقالادا مىنالار اتاپ كورسەتىلدى: ”جۇڭگونىڭ ءار داۋىردەگى كەسكىندەمەلەر جالپى جۇيەسى“ − باس شۋجي شي جينپيڭ تىكەلەي بەكىتكەن، ايرىقشا ءمان بەرگەن، ۇنەمى نازار اۋدارعان، سونداي - اق كوپ رەت ماڭىزدى بەكىتۋ جازعان كولەمى اسا اۋقىمدى، تاريحقا بويلاعان، جۇڭگو مەن شەتەلدى تۇگەل قامتىعان مەملەكەت دارەجەلى كەلەلى مادەنيەت ينجەنەرياسى. 17 جىلدان بەرى ”جۇڭگونىڭ ءار داۋىردەگى كەسكىندەمەلەر جالپى جۇيەسى“ ۇزدىكسىز ىلگەرىلەپ، سۇبەلى تابىسقا جەتىپ، باس شۋجي شي جينپيڭنىڭ جۇڭحۋانىڭ تاڭداۋلى ءداستۇرلى مادەنيەتىن كەڭ كولەمدە جۇيەلى رەتتەۋ، باسپادان شىعارۋ قىزمەتىنە ايرىقشا ءمان بەرەتىندىگىن تولىق ايگىلەپ، باس شۋجيدىڭ جۇڭحۋا مادەنيەتىنە دەگەن تۇسىنىگىن، ىستىق ىقىلاسىن جانە قاستەرلەۋىن تولىق ايگىلەپ، زامانىمىزداعى كوممۋنيستەردىڭ مادەنيەتكە بولعان تەرەڭ ىقىلاس - ىنتاسىن كورسەتتى.
ماقالا جالپى 3 بولىككە ءبولىندى: قازىر ەڭبەك ەتىپ، پايداسىن بولاشاقتا كورەتىن ءىس − باس شۋجي شي جينپيڭ ”جۇڭگونىڭ ءار داۋىردەگى كەسكىندەمەلەر جالپى جۇيەسىن“ قۇراستىرۋ، باسپادان شىعارۋ ءىسىن ءوزى ىلگەرىلەتىپ، باستان - اياق قولداۋ كورسەتتى؛ مىڭداعان جىلداردان بۇگىنگە جەتكەن كەسكىندەمەلەر، جالپاق جاھانعا ورتاق اسىلدار − ۇرپاقتان - ۇرپاققا جالعاستىراتىن نيەتپەن ۇرپاقتان - ۇرپاققا قالاتىن ەڭبەكتى ومىرگە اكەلدى؛ سانسىز بۇلاق تەڭىزگە قوسىلىپ، مادەنيەت ساباقتاستىعىن جالعادى − وزىنە سەنۋگە، ءوزىن الۋەتتەندىرۋگە جىگەر بەرىپ، جۇڭحۋا ەستەتيكا رۋحىنىڭ جاڭا تاراۋىن جازدى.
مادەنيەت گۇلدەنسە، ەل تاعدىرى وڭىنا باسادى، مادەنيەت كۇشەيسە، ۇلت كۇشەيەدى.
ماقالادا مىنالار اتاپ كورسەتىلدى: كلاسسيكالىق تۋىندىلاردى قۇراستىرۋ − تاريحي ءداستۇردىڭ جالعاسۋى؛ مەملەكەت اسىلدارىنىڭ قايتا شۇعىلا شاشۋى − تەك جاڭا داۋىردە عانا ورىندالاتىن ۇلى ءىس. ءبىزدىڭ مادەنيەتىمىزدىڭ ۇزىلمەي جالعاسىپ، ءبىزدىڭ جاسامپازدىعىمىزدىڭ وشپەي جالىنداۋى، جۇڭحۋا وركەنيەتىنىڭ تىڭ كەرەمەتىن سومدايتىندىعى داۋسىز.
