شينحۋا اگەنتتىگى كولەمدى ادەبي حابار تاراتتى
«سەرىكتەستەر قول الىسقان ءسات − ءتوراعا شي جينپيڭنىڭ جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىنە قاتىناسقاندىعى ءارى ساۋد ارابياسىندا مەملەكەتتىك ساپاردا بولعاندىعى تۋرالى»
شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى. شينحۋا اگەنتتىگى 12 - ايدىڭ 12 - كۇنى «سەرىكتەستەر قول الىسقان ءسات − ءتوراعا شي جينپيڭنىڭ جۇڭگو - شىعاناقتاعى اراب ەلدەرى سەلبەستىك كوميتەتى باسشىلار ماجىلىسىنە قاتىناسقاندىعى ءارى ساۋد ارابياسىندا مەملەكەتتىك ساپاردا بولعاندىعى تۋرالى» اتتى كولەمدى ادەبي حابار تاراتتى.
ماقالادا بىلاي دەلىندى: قۇمدى ءشولدىڭ جيەگىنە ورنالاسقان ساۋد ارابياسىنىڭ استاناسى ريادقا كوپتەن كۇتكەن جاڭبىر قۇيىپ، جۇرت ”قۇتتى جاڭبىر قادىرلى قوناقتى قارسى الدى“ دەستى.
وسى ءبىر 12 - ايدىڭ 7 - كۇنى − ساۋد ارابياسى مەن كوپتەگەن اراب ەلدەرى نازار اۋدارعان كۇن، ”قادىرلى جۇڭگولىق قوناقتىڭ اراب تۇبەگىنە كەلگەن ءساتى“.
بايىرعى اراب تۇبەگى، دۇنيە ءجۇزىنىڭ تەڭىز تاسىمالىنداعى ماڭىزدى توراپ، ەنەرگيا قامداۋىنىڭ قاقپاسى، شۇعىلالى وركەنيەتتەردىڭ توعىسقان جەرى ... كوپتەگەن رولداردىڭ ىشىندە ولار ءبىر انىقتاماعا توتەنشە ءمان بەرەدى: جۇڭگونىڭ دوسى جانە سەرىكتەسى.
جاڭبىردان كەيىن كۇن شايداي اشىلدى.
كۇن شۇعىلاسى بۇلت قاباتىنان ءوتىپ، بايتاق دالا ساعىم ىسپەتتى التىن جەلەك جامىلدى. 6 ”ساۋد ارابياسى قىرانى“ قوناق قورعاۋشى ۇشاعى بيىككە سامعاپ، كوك اسپاندا ءتوراعا شي جينپيڭنىڭ ارناۋلى ۇشاعىن قارسى الدى. ارناۋلى ۇشاقتىڭ ەكى جاعىندا ساۋد ارابياسى اۋە ارمياسىنىڭ 4 سوعىس ۇشاعى شەكارادان كىرگەننەن بەرى ونى قورعاپ ۇشىپ كەلە جاتقان بولاتىن.
ۇشاق توقتاۋ الاڭىندا كۇلگىن كىلەم قۇمدى ءشولدىڭ ورنەگىندەي كوزگە تۇسەدى. ساۋد ارابياسى پاتشا اۋلەتىنىڭ ماڭىزدى مۇشەلەرى مەن ۇكىمەتتىڭ جوعارى دارەجەلى ءمانساپتىلارى ۇشاق ساتىسىنىڭ تۇبىندە كۇتىپ تۇردى.
ارناۋلى ۇشاق قونىپ، ۇشاق بولمەسىنىڭ ەسىگى اشىلدى، ءتوراعا شي جينپيڭ نىق قاداممەن ۇشاقتان شىقتى. ۇقساس ءبىر ساتتە، قوناق قورعاۋ ۇشاقتارى اۋەدەن كۇركىرەي ۇشىپ ءوتىپ، جۇڭگونىڭ مەملەكەت تۋىنا سيمۆول بولعان قىزىل، سارى ءتۇستى جولاق سالدى؛ رياد كەڭىستىگىندە 21 رەت اتىلعان قۇرمەت ساليۋتى اسپاندى جاڭعىرتتى.
جۇڭگو كوممۋنيستىك پارتياسىنىڭ 20 - قۇرىلتايىنان كەيىن، جۇڭگو مەملەكەت باسشىسىنىڭ تۇڭعىش رەت ورتا شىعىسقا ساپارىنىڭ شىمىلدىعى وسلايشا اشىلدى.
ساۋد اربياسىنىڭ ءبىر اقپارات مەدياسى 3 كۇندىك مازمۇنى باي ساپاردى ”3 اينالىمدى باسشىلار ءماجىلىسى“ دەپ سۋرەتتەدى.
جۇڭگو - ساۋد ارابياسى ساتىسىندا، ءتوراعا شي جينپيڭ ۇسىنىس بويىنشا ساۋد ارابياسىندا مەملەكەتتىك ساپاردا بولدى، سونداي - اق بۇل 20 - قۇرىلتايدان كەيىنگى ءتوراعا شي جينپيڭنىڭ تۇڭعىش رەتكى مەملەكەتتىك ساپارى ەدى.
جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر ساتىسىندا تۇڭعىش كەزەكتى جۇڭگو − شىعاناقتاعى اراب ەلدەرى سەلبەستىك كوميتەتى باسشىلار ءماجىلىسى اشىلدى، جۇڭگونىڭ وسى ءبىر وڭىرلىك ۇيىممەن تەرەڭ ىقپالداستىق جاساۋى بەلەستىك مانىمەن تاريحقا جازىلدى.
جۇڭگو - اراب ەلدەرى ساتىسىندا تۇڭعىش كەزەكتى جۇڭگو - اراب ەلدەرى باسشىلار ءماجىلىسى ”جاڭا جۇڭگو قۇرىلعاننان بەرى، جۇڭگونىڭ ورتا شىعىس ديپلوماتياسىنا باعىتتاعان كەلەلى شاراسى“ دەپ اتالدى، بۇل − ”جۇڭگو − اراب ەلدەرى قارىم - قاتىناسىنىڭ ءداۋىر اتتاعان بەلەسى“ بولىپ تابىلادى.
سەرىكتەستەر قول الىسقان ءسات، جان - جاقتىلى، كوپ ساتىلى، كوپ سالالى جۇڭگو - اراب ەلدەرى سەلبەستىگىنىڭ جاڭا جۇلگەسى بىرتىندەپ اشىلدى.
ماقالا 3 بولىككە بولىنگەن: جۇڭگو − ساۋد ارابياسى قارىم - قاتىناسىنىڭ 4 بەلگىسى؛ جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر قارىم - قاتىناسىنىڭ 4 انىقتاماسى؛ ءىرى ەل ديپلوماتياسىنىڭ 4 ولشەمى.
ماقالادا بىلاي دەلىندى: 2022 - جىلعى مەملەكەت باسشىسى ديپلوماتياسىنىڭ قورىتىندى سيپاتتى قيمىلى 12 - ايدىڭ 10 - كۇنى تاڭەرتەڭ ريادتاعى حاليد پاتشا اۋەجايىندا شىمىلدىعىن جاپتى. قول بۇلعاعان قوشتاسۋمەن ۇشاق كەڭىستىككە كوتەرىلىپ، قيىرداعى شىعىسقا بەت الدى. جۇڭگو - ساۋد ارابياسى، جۇڭگو - شىعاناقتاعى اراب ەلدەرى سەلبەستىك كوميتەتىنە مۇشە ەلدەر، جۇڭگو - اراب ەلدەرى قارىم - قاتىناسىنىڭ تىڭ پاراعى اشىلدى. جۇرت تاياۋ بولاشاقتا تاعى ءبىر رەت جۇزدەسۋدى كۇتتى، ءدال سەرىكتەستەر قول الىسقان ساتتە ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەدتىڭ ءتوراعا شي جينپيڭگە: ”مەن وسى رەتكى باسشىلار ءماجىلىسىنىڭ اراب ەلدەرىنىڭ جۇڭگومەن، شىعاناقتاعى اراب ەلدەرى سەلبەستىك كوميتەتىنە مۇشە ەلدەردىڭ جۇڭگومەن اناعۇرلىم جوعارى دەڭگەيدە مەحانيزمدەنگەن اۋىس - كۇيىس ورىستەتۋىنىڭ تىڭ باستاماسى بولاتىندىعىنا سەنەمىن“، - دەپ ايتقانىنداي بولدى.
