ما شيڭرۇي شينجياڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ جانە ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋدە اڭىس ەتكەن ماسەلەلەرىن رەتتەۋ - تۇزەتۋگە اتتانىسقا كەلتىرۋ ماجىلىسىندە بىلاي دەپ باسا دارىپتەدى
شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، ادام مەن تابيعات جاراسىمدى قاتار ءومىر سۇرەتىن كورىكتى شينجياڭ قۇرۋ كەرەك
ەركىن تۇنياز باسقاردى، جاڭ چۇنلين، حى جۇڭيوۋ قاتىناستى
شينجياڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ جانە ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋى بويىنشا رەتتەۋ - تۇزەتۋگە اتتانىسقا كەلتىرۋ ءماجىلىسى 12 - ايدىڭ 13 - كۇنى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 12 - ايدىڭ 13 - كۇنى ۇرىمجىدەن حابارلايدى. شينجياڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ جانە ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋدە اڭىس ەتكەن ماسەلەلەرىن رەتتەۋ - تۇزەتۋگە اتتانىسقا كەلتىرۋ ءماجىلىسى 12 - ايدىڭ 13 - كۇنى تۇستەن بۇرىن ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەپ، بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، پارتيا 20 - قۇرىلتايىنىڭ شەشىمدەرىن، ورنالاستىرۋلارىن تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋدى ويداعىداي يگەرۋدى وراي ەتىپ، بۇكىل رايوننىڭ ەكولوگيالىق وركەنيەت قۇرىلىسى مەن ەكولوگيالىق ورتاسىن قورعاۋدىڭ تىڭ ساتىعا كوتەرىلۋىن ىلگەرىلەتىپ، جاڭا داۋىردەگى جاڭا جورىقتا ادام مەن تابيعات جاراسىمدى قاتار ءومىر سۇرەتىن كورىكتى شينجياڭ قۇرۋعا قۇلشىنۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، حى جۇڭيوۋ قاتىناستى.
ما شيڭرۇي بىلاي دەپ اتاپ كورسەتتى: شي جينپيڭنىڭ ەكولوگيالىق وركەنيەت يدەياسى نە ءۇشىن ەكولوگيالىق وركەنيەت قۇرۋ، قانداي ەكولوگيالىق وركەنيەت قۇرۋ، ەكولوگيالىق وركەنيەتتى قالاي قۇرۋ سياقتى كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، جاڭا داۋىردەگى ەكولوگيالىق وركەنيەت قۇرىلىسىنىڭ نەگىزگى ءمانىن، ءتۇبىرلى تالابىن، ستراتەگيالىق نىساناسىن جانە جۇزەگە اسىرۋ جولىن ىشكەرىلەي ايقىن بايىمداپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ قىزمەتىنە العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. ءبىز ساياسي دەڭگەيدى شىن مانىندە جوعارىلاتىپ، شي جينپيڭنىڭ ەكولوگيالىق وركەنيەت يدەياسىن دايەكتىلەندىرۋدى، تياناقتاندىرۋدى ”ەكىنى تۇراقتاندىرۋدى“ باتىل قولداۋدىڭ ناقتى ارەكەتى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن باتىل ارقالاپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋدى ىلگەرىلەتۋدىڭ جاۋاپكەرشىلىك سەزىمىن، كوكەي تەستىلىك سەزىمىن ۇزدىكسىز كۇشەيتىپ، ادام مەن تابيعات جاراسىمدى قاتار ءومىر سۇرەتىن كورىكتى شينجياڭ قۇرۋىمىز كەرەك.
ما شيڭرۇي شينجياڭنىڭ ەكولوگيالىق وركەنيەت قۇرىلىسىندا قول جەتكىزگەن ناتيجەلەرىن تۇراقتاندىرىپ، قورعاۋ مەن دامۋدى ءبىر تۇتاس جوسپارلاۋ دەڭگەيى جوعارى بولماۋ، باسقارۋ جۇيەسى مەن باسقارۋ قابىلەتىندەگى ولقىلىقتار كورنەكتى بولۋ، ءتۇيىندى سالالارداعى ماسەلەلەر كورنەكتى بولۋ سياقتى ولقىلىقتارعا تالداۋ جاساپ، بىلاي دەپ باسا دارىپتەدى: تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋدە اڭىس ەتكەن ماسەلەلەرىمەن مۇقيات سالىستىرىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، شينجياڭنىڭ ەكولوگيالىق ورتا ساپاسىنىڭ ۇزدىكسىز جاقسارۋىن ىلگەرىلەتۋ كەرەك. ەكولوگيالىق ورتانى قورعاۋ مەن ەكونوميكانىڭ جوعارى ساپالى دامۋىن سايكەستىرە ىلگەرىلەتىپ، دۇرىس ناتيجە كوزقاراسىن بەرىك ورناتىپ، ”ءۇش كەڭىستىك، ءۇش سىزىقتى“ قاتاڭ تياناقتاندىرىپ، ەكولوگيانى قورعاۋدىڭ قىزىل سىزىعىن، قورشاعان ورتا ساپاسىنىڭ تومەنگى شەگىن، بايلىقتان پايدالانۋدىڭ جوعارعى شەگىن قاتاڭ ساقتاپ، جوعارى دەڭگەيدەگى ەكولوگيالىق ورتانى قورعاۋ ارقىلى جوعارى ساپالى دامۋدى ىلگەرىلەتۋ كەرەك. جاسىل، تومەن كومىر قىشقىل گازدى دامۋ جولىنان جازباي، كاسىپ سالاسى، ەنەرگيا سياقتى قۇرىلىمداردى رەتتەۋدى جەدەلدەتىپ، مۇناي - حيميا، مەتاللۋرگيا، قۇرىلىس ماتەريالدارى سياقتى سالالاردىڭ جاسىل، تومەن كومىر قىشقىل گازدى باعىتقا قاراي جاڭالانۋىن ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ورنىقتى قاداممەن ىلگەرىلەتىپ، جاسىل ءتۇستى شينجياڭنىڭ جوعارى ساپالى دامۋىنىڭ قانىق بوياۋىنا اينالدىرۋ كەرەك. قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋدى تىڭعىلىقتى ىلگەرىلەتىپ، بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، ءار دارەجەلى پارتكومداردىڭ، ۇكىمەتتەردىڭ جانە قاتىستى تاراۋلاردىڭ رەتتەۋ - تۇزەتۋ جاۋاپكەرشىلىگىن قاتايتىپ، رەتتەۋ - تۇزەتۋ مىندەتتەرىن جوعارى ولشەممەن، قاتاڭ تالاپپەن، جوعارى ساپامەن تياناقتاندىرىپ، قۋزاۋ - تەكسەرۋدە اڭىس ەتىلگەن ماسەلەلەردىڭ تىڭعىلىقتى رەتتەلۋ - تۇزەتىلۋىنە، تۇبەگەيلى شەشىلۋىنە شىنايى كەپىلدىك ەتۋ كەرەك. قورشاعان ورتانىڭ لاستانۋىنان ساقتانۋ جانە ونى جونگە سالۋدى ىشكەرىلەي ىلگەرىلەتىپ، لاستانۋدى دالمە - ءدال جونگە سالۋعا، لاستانۋدى عىلمي جونگە سالۋعا، لاستانۋدى زاڭ بويىنشا جونگە سالۋعا تاباندى بولىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن جانە اۋىل شارۋاشىلىعىنىڭ، اۋىل - قىستاقتىڭ لاستانۋىن جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، ”ءۇرىمجى - سانجى - شىحىزى“ ”كۇيتۇن - مايتاۋ - شيحۋ“ سياقتى ءتۇيىندى وڭىرلەردەگى اتموسفەرانىڭ لاستانۋ ماسەلەسىن كۇش سالا شەشۋ كەرەك. سۋ ەكولوگيالىق ورتاسىن جونگە سالۋدى مىقتى يگەرىپ، ”16 ارىپتىك“ سۋ تىزگىندەۋ وي جەلىسىن دايەكتىلەندىرىپ، سۋ بايلىعىن شوعىرلى، ءبىر تۇتاس باسقارۋدى كۇشەيتىپ، سۋ ۇنەمدەۋدى، سۋ ساقتاۋدى، سۋ رەتتەۋدى ءبىر تۇتاس جوسپارلاپ، سۋ بايلىعىن، سۋ ەكولوگياسىن، سۋ ورتاسىن قورعاۋدى، جونگە سالۋدى جانە سۋ اپاتىنان ساقتانۋدى كۇشەيتۋ كەرەك. ەكولوگيالىق جۇيەنى قورعاۋ مەن قالپىنا كەلتىرۋدى كۇشەيتىپ، جان - جاقتى جونگە سالۋدى، جۇيەلى جونگە سالۋدى، قاينار كوزىنەن جونگە سالۋدى كۇشەيتىپ، مەملەكەت جەرىن جاسىلداندىرۋ، شولەيتتەنۋ مەن توپىراقتىڭ شايىلۋىن جان - جاقتى جونگە سالۋ، جايلىمدى، سازدى جەردى قورعاۋ جانە قالپىنا كەلتىرۋ سياقتى قىزمەتتەردى كۇشەيتىپ، قارامايلى مەملەكەتتىك باقشاسىن، كۇنلۇن تاۋى مەملەكەتتىك باقشاسىن بەلسەنە قۇرىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ۇزدىكسىز جوعارىلاتۋ كەرەك.
ما شيڭرۇي مىنالاردى باسا دارىپتەدى: ءار دارەجەلى پارتكومدار مەن ۇكىمەتتەر تۇلعالىق جاۋاپكەرشىلىكتى اتقارىپ، ”پارتيا مەن ۇكىمەت بىردەي جاۋاپكەرشىلىك ارقالاۋعا، ءبىر قىزمەت ورنىندا قوس جاۋاپكەرشىلىك ارقالاۋعا“ تاباندى بولىپ، پارتيا، ۇكىمەت ورىندارىنداعى نەگىزگى جاۋاپتى جولداستاردىڭ ءبىرىنشى جاۋاپتى ادامدىق جاۋاپكەرشىلىگى، ەكولوگيالىق ورتا تاراۋلارىنىڭ باقىلاۋ - باسقارۋ جاۋاپكەرشىلىگى سياقتىلاردى تياناقتاندىرىپ، قىزمەت مەحانيزمىن اقاۋسىزداندىرىپ، جۇمىس ءبولىسى بويىنشا سەلبەسۋدى كۇشەيتىپ، تەكسەرۋ - باعالاۋدى كۇشەيتىپ، اكىمشىلىك، بازار، زاڭمەن باسقارۋ، عىلىم - تەحنيكا سياقتى تاسىلدەردى جان - جاقتى قولدانىپ، ەكولوگيالىق ورتانى جونگە سالۋ قابىلەتىن جاپپاي جوعارىلاتىپ، شينجياڭنىڭ ەكولوگيالىق وركەنيەت قۇرىلىسىنىڭ جاڭا جاعدايىن قۇلشىنا اشۋ كەرەك.
ماجىلىستە ءۇرىمجى قالاسىنداعى، سانجى حۇيزۋ اۆتونوميالى وبلىسىنداعى، شىحىزى قالاسىنداعى، ۋجياچۇي قالاسىنداعى قاتىستى جاۋاپتى جولداستار ءسوز سويلەدى.
تيان شياڭلي، چىن ۋيجۇن، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوننىڭ ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋدە اڭىس ەتكەن پىكىرلەرىنە قاتىستى ماسەلەلەردى رەتتەۋ - تۇزەتۋ قىزمەتى باسشىلىق گرۋپپاسىنداعى قاتىستى جاۋاپتى جولداستار، قاتىستى تاراۋلار مەن ورىندارداعى نەگىزگى جاۋاپتى جولداستار قاتارلىلار ماجىلىسكە قاتىناستى. ءارقايسى ايماق، وبلىس، قالالاردا، اۋدان، قالا، رايونداردا، بيڭتۋان ورگانىندا جانە ءارقايسى شى، قالالاردا، تۋان، الاڭداردا بولىمشە ءماجىلىس ورنى ورنالاستىرىلدى.
