ما شيڭرۇي نەگىزگى ساتىنى ىشكەرىلەي ارالاپ، جۇمىستى، ءوندىرىستى قالپىنا كەلتىرۋ، ەكونوميكانى قالپىنا كەلتىرۋ سياقتى قىزمەتتەرگە تەكسەرۋ - زەرتتەۋ جۇرگىزدى
كوپ ءتۇرلى شارانى قاتار قولدانىپ، ەكونوميكانىڭ قالپىنا كەلۋىن، سەرپىلۋىن جەدەلدەتۋ، بەلسەنە ىسكەرلىك كورسەتىپ، ورنىقتى، اقاۋسىز دامۋدى ىلگەرىلەتۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 12 - ايدىڭ 13 - كۇنى ۇرىمجىدەن حابارلايدى. پارتيا 20 - قۇرىلتايىنىڭ رۋحىن جاپپاي ۇيرەنۋ، يگەرۋ، تياناقتاندىرۋ، 12 - ايدىڭ 6 - كۇنگى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن دايەكتىلەندىرۋ، ەكونوميكانىڭ جەدەل قالپىنا كەلۋىن، سەرپىلۋىن، ۇزدىكسىز ورنىعۋىن، جاقسارۋىن، ورنىقتى، اقاۋسىز دامۋدى جۇزەگە اسىرۋدى جەبەۋ ءۇشىن، اۆتونوميالى رايوندىق پارتكومنىڭ شۋجيى ما شيڭرۇي 12 - ايدىڭ 13 - كۇنى نەگىزگى ساتىنى ىشكەرىلەي ارالاپ، جۇمىستى، ءوندىرىستى قالپىنا كەلتىرۋ، ەكونوميكانى قالپىنا كەلتىرۋ، كاسىپ سالاسىنىڭ دامۋى سياقتى قىزمەتتەرگە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، باسىمدىقتى، كومەسكى كۇشتى ساۋلەلەندىرىپ، قوزعاۋشى كۇشتى، ومىرشەڭ كۇشتى قاۋلاتىپ، ۇدەرە العا ۇمتىلىپ، شىنايى يگەرىپ، ناقتى ىستەپ، جۇمىستى، ءوندىرىستى قالپىنا كەلتىرۋدىڭ ساپاسى مەن ونىمدىلىگىن جاپپاي جوعارىلاتىپ، ەكونوميكالىق اينالىمنىڭ جالپى تۇلعالىق جاقتان جاقسارۋىن، جوعارى ساپالى دامۋدى جۇزەگە اسىرۋدى ىلگەرىلەتۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
ءۇرىمجى ديوپۋ حالىقارالىق اۋەجايى − ”ءبىر بەلدەۋ، ءبىر جول“ قۇرىلىسىنداعى ماڭىزدى توراپتىق قاقپا اۋەجاي. ما شيڭرۇي، ەركىن تۇنياز قاتارلىلار اۋەجاي تاسىمالىن مەڭگەرۋ ورتالىعىنا كىرىپ، ۇشاق كەزەگىن قالپىنا كەلتىرۋ، اۋەجايعا كىرىپ - شىعاتىن جولاۋشىلار سانى، اۆياتسيا لەنياسىن كەمەلدەندىرىپ باسقارۋ سياقتى احۋالداردى ەگجەي - تەگجەيلى ۇعىستى. ما شيڭرۇي بىلاي دەپ باسا دارىپتەدى: شينجياڭ ىشىندەگى جانە ەل ءىشى، حالىقارا اۆياتسيا لەنيالارىن قالپىنا كەلتىرۋ سەرپىنىن ارتتىرىپ، بازار قاجەتى مەن بايلىق كومەسكى كۇشىن بارىنشا اشىپ، اۆياتسيا لەنيالارىن ورنالاستىرۋدى كەمەلدەندىرىپ، اۆياتسيا تاسىمال قۋاتىن جوعارىلاتىپ، بازارلانعان، ماماندانعان تيجارات دەڭگەيىن جەدەل جوعارىلاتىپ، قامتاماسىزداندىرۋعا تىرەك بولۋ، قامتۋ جانە جەتەكتەۋ رولىن اناعۇرلىم ويداعىداي ساۋلەلەندىرۋ كەرەك.
جۇڭگو مۇناي تاسىمالى شەكتى سەرىكتەستىگىندە، ما شيڭرۇي، ەركىن تۇنياز قاتارلىلار مۇناي - تابيعي گاز تاسىمالى، كاسىپورىننىڭ تاسىمال جۇمىسىن باسقارۋى، جەرگىلىكتى ورىن مەن كاسىپورىننىڭ توعىسۋى، ءوندىرىس حاۋىپسىزدىگى سياقتى قىزمەتتەر جونىندەگى تانىستىرۋدى تىڭدادى. ما شيڭرۇي بىلاي دەپ باسا دارىپتەدى: ەگجەي - تەگجەيلىلەندىرۋ، ينفورماتسيالاندىرۋ، زەردەلىلەندىرۋ قۇرىلىسىن جەدەلدەتىپ، كاسىپورىننىڭ دامۋىندا ساپانى جوعارىلاتىپ، ونىمدىلىكتى ارتتىرۋدى ىلگەرىلەتىپ، بىرەگەي وسى زامانعى زات اينالىمى كاسىپورنىن قۇلشىنا تۇلعالاپ، ەنەرگيا تاسىمالىن، ەنەرگيامەن قامداۋدى اناعۇرلىم ويداعىداي قامتاماسىزداندىرىپ، جەرگىلىكتى ورىن ەكونوميكاسىنىڭ دامۋىنا قىزمەت وتەپ، مەملەكەتتىڭ ەنەرگيا حاۋىپسىزدىگىن قامتاماسىزداندىرۋ ءۇشىن ۇلەس قوسۋ كەرەك.
شينجياڭ جىبەك جولى حالىقارالىق دەمالىس ورنى قار - مۇز ساياحاتىنىڭ قاۋىرت كەزىن قارسى الىپ، ساياحاتشى قابىلداۋ مولشەرى ورنىقتى قاداممەن ارتۋدا. ما شيڭرۇي، ەركىن تۇنياز قاتارلىلار ساياحاتشىلارعا قىزمەت وتەۋ ورتالىعى سياقتى جەرلەردى ارالاپ، شاڭعى جولىن كورىپ، قۇرىلىس، جۇمىس احۋالىن ۇعىسىپ، تيجارات، باسقارۋ قىزمەتكەرلەرىمەن پىكىرلەسىپ، ولاردى وزگەشە قار - مۇز بايلىعىنان ويداعىداي پايدالانىپ، نەگىزدىك قۇرىلعىلار مەن سايكەستى قۇرىلعىلاردى ۇزدىكسىز كەمەلدەندىرىپ، باسقارۋ قابىلەتى مەن قىزمەت وتەۋ ساپاسىن ۇزدىكسىز جوعارىلاتىپ، اناعۇرلىم كوپ ادامدى شينجياڭعا كەلىپ قار - مۇز سپورتىنىڭ عالاماتىن سەزىنۋگە باۋراپ، شينجياڭنىڭ قار - مۇز شارۋاشىلىعىن جانداندىرۋعا، گۇلدەندىرۋگە جىگەرلەندىردى.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: وڭىرلەر، تاراۋلار ساياسي دەڭگەيدى شىن مانىندە جوعارىلاتىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ارتۋدى ورنىقتىرۋ، دامۋدى جەبەۋ جاۋاپكەرشىلىك سەزىمىن، كوكەي تەستىلىك سەزىمىن كۇشەيتىپ، ءىس تىندىرىپ، ناتيجە جاراتۋداعى رۋحاني كۇيدى سەرپىلتىپ، شينجياڭنىڭ رايون ورنى، بايلىق جانە ساياسات سياقتى باسىمدىقتارىن ۇزدىكسىز ساۋلەلەندىرىپ، عىلمي جوسپارلاۋدى كۇشەيتىپ، بەلسەنە ىرىقتىلىقپەن ىسكەرلىك كورسەتىپ، بۇكىل رايون ەكونوميكاسىندا ساپانىڭ ءونىمدى ارتۋى مەن ساننىڭ ۇيلەسىمدى ارتۋىنىڭ جۇزەگە اسۋىن ىلگەرىلەتۋ كەرەك. ەكونوميكانىڭ، قوعامنىڭ جاپپاي قالپىنا كەلۋىن جەدەلدەتىپ، قاتىناس - تاسىمال، ساۋدا جانە زات اينالىمى، اس - سۋ قىزمەت وتەۋى، مادەنيەت - ساياحات سياقتىلاردىڭ جۇمىستى، ءوندىرىستى جاپپاي قالپىنا كەلتىرۋىن ىلگەرىلەتىپ، كاسىپ سالاسى اينالىمىن، بازار اينالىمىن، ەكونوميكا، قوعام اينالىمىن ىركىلىسسىزدەندىرىپ، ادامدار لەگىنىڭ، زات اينالىمىنىڭ، قارجى اينالىمىنىڭ، ينفورماتسيا اعىنىنىڭ ءتارتىپتى اينالىس جاساۋىن ىلگەرىلەتۋ كەرەك. ۇزدىكسىز تۇردە كومەسكى كۇشتى اشىپ، قوزعاۋشى كۇشتى جەتىلدىرىپ، تۇتىنۋ قاجەتىن بەلسەنە جارىققا شىعارىپ، تۇتىنۋ ارقىلى قايتا تولىقتاۋدى جەبەپ، ءارقايسى جاقتاردىڭ قارجى قوسۋ بەلسەندىلىگىن جۇمىلدىرىپ، ءونىمدى قارجى قوسۋدى كەڭەيتىپ، حالىقارالىق ەكونوميكا - ساۋدا سەلبەستىگىن كۇشەيتىپ، سىرتقى ساۋدانى، سىرتقى قارجىنى ورنىقتىرىپ، ەكونوميكانىڭ ورنىقتى، اقاۋسىز دامۋىنا ۇزدىكسىز قۋاتتى قوزعاۋشى كۇش قوسۋ كەرەك. باسىمدىققا يە كاسىپ سالالارىنىڭ دامۋىن، زورايۋىن ىلگەرىلەتىپ، ”8 ءىرى كاسىپ سالاسى شوعىرى“ قۇرىلىسىنىڭ دامۋىن ارقاۋ ەتىپ، ەرەكشە، باسىمدىققا يە كاسىپ سالالارىن زورايتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋ مەن تيبىن وزگەرتىپ، دارەجەسىن جوعارىلاتۋدى ىلگەرىلەتىپ، قار - مۇز، مادەنيەت - ساياحات، وسى زامانعى زات اينالىمى سياقتى كاسىپ سالالارىن جەدەل دامىتىپ، جاڭا كاسىپ كۇيىن، جاڭا ۇلگىنى جەتىلدىرىپ، دامۋدىڭ تىڭ قوزعاۋشى قۋاتىن جارىققا شىعارۋ كەرەك. ءتۇرلى بازار تۇلعالارىنىڭ ومىرشەڭدىگىن قاۋلاتىپ، كاسىپورىندارعا تيىمدىلىك جاساۋ ساياساتتارىن ناقتى، ەگجەي - تەگجەيلى تياناقتاندىرىپ، ىشكى سۇرانىستى كەڭەيتەتىن، اينالىمدى ىركىلسسىزدەندىرەتىن، ومىرشەڭدىكتى قاۋلاتاتىن اناعۇرلىم كوپ شىنايى، ناقتى شارالاردى جەدەل اتقارىپ، كاسىپورىننىڭ دامۋىنداعى قيىن ماسەلەلەردى امالىن تاۋىپ شەشىپ، بازار سەنىمىن بارىنشا سەرپىلتىپ، شارۋاشىلىق - ساۋدا ورتاسىن ساپالىلاندىرىپ، اكىمشىلىك ىستەر ورتاسىن، زاڭمەن باسقارۋ ورتاسىن، بازار ورتاسىن، جاسامپازدىق ورتاسىن جانە فاكتور قامتاماسىزدىعىن جوعارىلاتىپ، مەملەكەت مەنشىگىندەگى كاسىپورىنداردىڭ باتىلدىقپەن ىستەۋىنە، حالىقتىق كاسىپورىنداردىڭ باتىلدىقپەن اتويلاۋىنا، شەتەل كاسىپورىندارىنىڭ باتىلدىقپەن قارجى قوسۋىنا مۇمكىندىك جاساپ، ءتۇرلى كاسىپورىنداردىڭ شينجياڭدا باسەكەلەسە دامۋىن، زورايۋىن، الۋەتتەنۋىن ىلگەرىلەتۋ كەرەك. ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ويداعىداي ىستەۋگە شىنايى كەپىلدىك ەتىپ، ”جاڭا 10 تارماق“ سياقتى شارالاردى ۇشتاستىرا تياناقتاندىرىپ، قاتاڭ اتقارىپ، قوعام ورنىقتىلىعى، ءوندىرىس حاۋىپسىزدىگى جانە اپاتتان ساقتانۋ، اپات زيانىن ازايتۋ سياقتى قىزمەتتەردى مىقتى، ناقتى يگەرىپ، ەلەۋلى حاۋىپ - قاتەرلەردەن ءونىمدى ساقتانۋ جانە ونى جويۋ؛ ارتۋدى ورنىقتىرۋ، جۇمىستانۋدى ورنىقتىرۋ، زات باعاسىن ورنىقتىرۋ قىزمەتتەرىن كورنەكتىلەندىرە ويداعىداي ىستەپ، حالىق تۇرمىسىنا قاجەتتى تاۋارلارمەن قامداۋدى قامتاماسىزداندىرۋدى، باعاسىن ورنىقتىرۋدى جانە كومىرمەن، ەلەكترمەن، مۇناي - تابيعي گازبەن، تاسىمالمەن قامداۋدى قامتاماسىزداندىرۋدى كۇشەيتىپ، قيىنشىلىعى بار بۇقارانىڭ وندىرىسىنە، تۇرمىسىنا كوڭىل ءبولىپ، شارۋا جۇمىسكەرلەردىڭ ەڭبەكاقىسىن تاراتۋدى قامتاماسىزداندىرىپ، شىن مانىندە تاماشا دامۋ ورتاسىن قالىپتاستىرۋ كەرەك.
چىن ۋيجۇن، ياڭ فاسىن، ءيۇسۇپجان مامەت، قادەن كابەن قاتارلىلار تەكسەرۋ - زەرتتەۋگە قاتىناستى.
