اۆتونوميالى رايوندىق قىزىل كرەست قوعامىنىڭ 5 - رەتكى مۇشەلەر قۇرىلتايى وتكىزىلدى
ەركىن تۇنياز ءسوز سويلەدى، شاۋكەت يمىن، نۇرلان ءابىلماجىن، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى لي ياڭ 12 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق قىزىل كرەست قوعامىنىڭ 5 - رەتكى مۇشەلەر قۇرىلتايى 12 - ايدىڭ 12 - كۇنى شينجياڭ حالىق سارايىندا وتكىزىلدى. جۇڭگو قىزىل كرەست قوعامى قۇتتىقتاۋ حاتىن جولدادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اشىلۋ جينالىسىنا قاتىناستى ءارى ءسوز سويلەدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار اشىلۋ جينالىسىنا قاتىناستى.
جۇڭگو قىزىل كرەست قوعامى قۇتتىقتاۋ حاتىندا قۇرىلتايدىڭ اشىلعاندىعىن قىزۋ قۇتتىقتادى، ۇزاق ۋاقىتتان بەرى قىزىل كرەست ىستەرىنىڭ دامۋىنا كوڭىل ءبولىپ، قولداۋ كورسەتىپ كەلە جاتقان اۆتونوميالى رايوندىق پارتكومعا، حالىق قۇرىلتايىنا، ۇكىمەتكە، ساياسي كەڭەسكە، بيڭتۋانعا جانە قوعامنىڭ ءار سالاسىنداعىلارعا شىن جۇرەكتەن العىس ايتتى. قۇتتىقتاۋ حاتىندا بىلاي دەلىندى: سوڭعى جىلدارى اۆتونوميالى رايوندىق قىزىل كرەست قوعامى اۆتونوميالى رايوندىق پارتكومنىڭ، ۇكىمەتتىڭ دۇرىس جەتەكشىلىگى مەن قامقورلىق جاساپ قولداۋىندا، وزەكتى مىقتاپ ارقاۋ ەتىپ، جالپى جاعدايعا قىزمەت ەتىپ، شۇعىل جاعدايعا توتەپ بەرۋ، قۇتقارۋ - كومەكتەسۋ قابىلەتى ۇزدىكسىز كۇشەيدى، دامۋ ورتاسى ۇزدىكسىز ساپالىلانىپ، ادامگەرشىلىك قۇتقارۋ - كومەك بەرۋ، قىزمەت وتەۋ دەڭگەيى ۇزدىكسىز جوعارىلادى، پارتيا مەن ۇكىمەتتىڭ ادامگەرشىلىك ىستەرى سالاسىنداعى پارمەندى قولعاناتى بولۋ جاۋاپكەرشىلىگىن اتقارۋعا ءمان بەرىپ، شينجياڭ قوعامىنىڭ جاراسىمدىلىعىنا، ورنىقتىلىعىنا بەلسەندى ۇلەس قوستى. تۇتاس رايونداعى ءار دارەجەلى قىزىل كرەست قوعامدارىنىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، قىزىل كرەست قوعامىنىڭ پارتيا مەن ۇكىمەتتىڭ ادامگەرشىلىك ىستەرى سالاسىنداعى بۇقارامەن بايلانىس جاساۋداعى كوپىرلىك، دانەكەرلىك رولىن تولىق ساۋلەلەندىرىپ، جاڭا باستامادا جوعارى ساپالى دامۋدىڭ تىڭ داستانىن جازۋىن ءۇمىت ەتەمىز.
ەركىن تۇنياز اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان اتىنان قۇرىلتايدىڭ اشىلعاندىعىن قىزۋ قۇتتىقتادى. ەركىن تۇنياز بىلاي دەپ اتاپ كورسەتتى: بۇكىل رايونداعى ءار دارەجەلى قىزىل كرەست قوعامدارى جانە قالىڭ قىزىل كرەست قىزمەتكەرلەرى، مۇشەلەرى جانە ەرىكتىلەر پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ بۇقارالىق ۇيىمدار قىزمەتى جونىندەگى ماڭىزدى بايىمداۋلارىنىڭ جانە قىزىل كرەست ىستەرى جونىندەگى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاپپاي باسشىلىعىنا باستان - اياق تاباندى بولىپ، جۇڭگوشا قىزىل كرەست ىستەرىن دامىتۋ جولىمەن باتىل ويداعىداي ءجۇرۋ كەرەك. حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويۋعا تاباندى بولىپ، بۇقاراعا قىزمەت وتەۋ، حالىقتى باقىتقا كەنەلتۋ جاۋاپكەرشىلىگىن ىرىقتىلىقپەن ارقالاۋ كەرەك. پارتيا مەن ۇكىمەتتىڭ قاجەتىن، بۇقارانىڭ اسىققانىن، قىزىل كرەست قوعامىنىڭ قابىلەتىن ارقاۋ ەتىپ، ءومىردى، دەنساۋلىقتى ايالاۋ، ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋ بارىسىندا بورىشتى اناعۇرلىم ويداعىداي اتقارىپ، جاۋاپكەرشىلىك ارقالاپ، ىسكەرلىك كورسەتۋ كەرەك. وزىنە - ءوزى توڭكەرىس جاساۋ رۋحىن باستان - اياق ساقتاپ، قوعامدى زاڭمەن باسقارۋعا تاباندى بولىپ، وزىندىك قۇرىلىستى كۇشەيتىپ، قىزىل كرەست ىستەرىنىڭ باياندى، اقاۋسىز دامۋ نەگىزىن ۇزدىكسىز بەكەمدەۋ كەرەك. ءار دارەجەلى پارتكومدار مەن ۇكىمەتتەر قىزىل كرەست قىزمەتىنە كوڭىل ءبولۋىن جانە قولداۋىن كۇشەيتىپ، قىزمەت بارىسىنداعى قيىنشىلىقتاردى، ماسەلەلەردى شەشۋگە بەلسەندى، ىرىقتى تۇردە كومەكتەسىپ، قىزىل كرەست ىستەرىنىڭ دامۋىنا تاماشا شارت - جاعداي جاراتىپ، پارمەندى كەپىلدىك ازىرلەۋى كەرەك.
قۇرىلتايدا حالىقارالىق قىزىل كرەست جانە قىزىل جاڭا اي قوزعالىسىنىڭ نەگىزگى پرينسيپتەرى وقىلدى. اۆتونوميالى رايوندىق مۇگەدەكتەر بىرلەستىگىنىڭ قاتىستى جاۋاپتىسى حالىقتىق ۇيىمدار اتىنان قۇتتىقتاۋ ءسوزىن سويلەدى. قۇرىلتاي اۆتونوميالى رايوندىق قىزىل كرەست قوعامى 4 - كەزەكتى القالار كەڭەسىنىڭ قىزمەت بايانداماسىن قاراپ ماقۇلدادى، اۆتونوميالى رايوندىق قىزىل كرەست قوعامى 5 - كەزەكتى القالار كەڭەسىن، 1 - كەزەكتى باقىلاۋ القاسىن سايلادى. ەركىن تۇنياز اۆتونوميالى رايوندىق قىزىل كرەست قوعامىنىڭ قۇرمەتتى باستىقتىعىنا ۇسىنىس ەتىلدى؛ ليۋ سۋشى اۆتونوميالى رايوندىق قىزىل كرەست قوعامىنىڭ باستىقتىعىنا، سۇي شيا تۇراقتى ورىنباسار باستىقتىعىنا، شياۋ ۋىنيىڭ باقىلاۋشىلار باستىقتىعىنا سايلاندى.
ليۋ سۋشى اشىلۋ جينالىسىن باسقاردى، جاڭ جۋ، جياۋ شياۋپيڭ قاتارلىلار اشىلۋ جينالىسىنا قاتىناستى.
