اۆتونوميالى رايوننىڭ ۇگىت، مادەنيەت، وقۋ - اعارتۋ جۇيەسىنىڭ پارتيا 20 - قۇرىلتايىنىڭ رۋحىن، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى مالىمەت بەرۋ ءماجىلىسى اشىلدى
باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، كورىكتى شينجياڭ قۇرۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يانفاڭ 12 - ايدىڭ 13 - كۇنى ۇرىمجىدەن حابارلايدى. اۆتونوميالى رايوننىڭ ۇگىت، مادەنيەت، وقۋ - اعارتۋ جۇيەسىنىڭ پارتيا 20 - قۇرىلتايىنىڭ رۋحىن، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى مالىمەت بەرۋ ءماجىلىسى 12 - ايدىڭ 13 - كۇنى اشىلدى، ءماجىلىس اۆتونوميالى رايوننىڭ ۇگىت، مادەنيەت، وقۋ - اعارتۋ جۇيەسىندەگى ورىنداردىڭ ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ جاعدايىنان مالىمەت تىڭداپ، كەلەسى ساتىداعى ءتۇيىندى قىزمەتتەردى ىلگەرىلەتۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: بۇكىل رايونىمىزدىڭ ۇگىت - يدەيا، مادەنيەت، وقۋ - اعارتۋ شەبى ساياسي دەڭگەيدى جوعارىلاتىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن شىنايى بىرلىككە كەلتىرىپ، رۋحاني ءمانى مەن باي مازمۇنىن جاپپاي دۇرىس يگەرىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ءتورت تانىمدى“ شىنايى تۇردە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. پارتيا 20 - قۇرىلتايىنىڭ بايانداماسىنا ساي جاپپاي ولشەمگە، ۇلگىگە تۋرالانىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسى ورنالاستىرعان 17 جاقتاعى ءتۇيىندى مىندەتتى كوزدەپ، دايەكتىلەندىرۋدىڭ، تياناقتاندىرۋدىڭ ناقتى شارالارىن اناعۇرلىم اشالاپ، ءار سالادا، ءار جاقتا تياناقتاندىرۋعا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: تۇتاس رايونىمىزدىڭ ۇگىت - يدەيا جۇيەسى جۇيەلى ويلاۋعا تاباندى بولىپ، دەن قويا ورنالاستىرىپ، پارتيا 20 - قۇرىلتايىنىڭ، اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ قىزمەتىن ءبىر تۇتاس جوسپارلاپ ويداعىداي ىستەۋى كەرەك. مەديالار ۇگىتىن دەن قويا ۇيىمداستىرىپ، ۇگىت لەكسيا قيمىلىن ىشكەرىلەي ورىستەتىپ، ينتەرنەت جەلىسىندە، ينتەرنەت جەلىسىنەن تىسقارىدا باۋلۋدى ۇيىمداستىرىپ، فورماسى الۋان ءتۇرلى ۇگىت، ۇگىت لەكسيا قيمىلدارىن ورىستەتىپ، بۇكىل رايوندا جوعارىدان تومەنگە دەيىن پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قويۋ رايىن قالىپتاستىرىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن ۇزدىكسىز كوتەرىپ، پارتيا 20 - قۇرىلتايىنىڭ رۋحىن سان مىڭداعان وتباسىلارعا جەتكىزۋدى ىلگەرىلەتۋ كەرەك.
ءماجىلىس مىنالاردى باسا دارىپتەدى: جاۋاپكەرشىلىك ارقالاۋدى كۇشەيتىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسىنىڭ ورنالاستىرۋلارى، تالاپتارى بويىنشا، ۇگىت، مادەنيەت، وقۋ - اعارتۋ جۇيەسىنىڭ ءار سالاداعى قىزمەتتەرىن تىڭعىلىقتى، ويداعىداي ىستەپ، پارتيا 20 - قۇرىلتايىنىڭ رۋحىن قاز - قالپىندا ناقتى تياناقتاندىرۋدى ىلگەرىلەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرۋعا، رۋحتى سومداۋعا تاباندى بولىپ، ۇگىت - يدەيا، مادەنيەت قىزمەتىن تىڭعىلىقتى، ويداعىداي ىستەپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتتەرىن ناقتى، جاندى، ءونىمدى تۇردە ويداعىداي ىستەۋ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ، جاستار مەن وسپىرىمدەردىڭ ”نەگىز قالاۋ“ ينجەنەرياسىن تەرەڭدەتۋ سياقتى جاقتارعا ۇزدىكسىز كۇش سالىپ، ءار ۇلت بۇقاراسىنىڭ ىنتىماقتاسا كۇرەس جۇرگىزۋىنىڭ، كورىكتى شينجياڭ قۇرۋىنىڭ يدەيالىق نەگىزىن بەكەمدەۋ كەرەك. سىرتقا باعىتتالعان ۇگىت قىزمەتىن تەرەڭدەتىپ، حالىقارالىق تاراتۋ قابىلەتىندە جاڭالىق اشىپ، دەڭگەيىن جوعارىلاتىپ، اشىق بولۋعا، وزىنە سەنۋگە تاباندى بولىپ، ”شاقىرىپ اكەلۋ“، ”سىرتقا شىعۋ“ سەرپىنىن ۇزدىكسىز ارتتىرىپ، شەتەلدەگى شينجياڭدىق چياۋباۋلار مەن شەتەلدە وقىپ جاتقان وقۋشىلار قىزمەتىن دەن قويا جاقسى ىستەۋ كەرەك. ونەگە كورسەتىپ، ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، حالىق رازى بولاتىن وقۋ - اعارتۋدى ويداعىداي جۇرگىزىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن جەتىلدىرىپ، كورىكتى شينجياڭ قۇرۋعا كۇش قوسۋ كەرەك.
ماجىلىستە 11 ورىن ءىس جۇزىندىك جاعدايلارىمەن ۇشتاستىرىپ، مالىمەت بەرىپ، ءسوز سويلەدى.
ليۋ سۋشى ماجىلىسكە قاتىناستى.
